Новости за 31.10.2020

ГIалгIайчура 8 шо долу Ажигова Iайшина тIехь къизаллаш лелорна бехкебечарна колонехь даккха бархI-бархI шераш дехна прокуроро. ЙоIана тIехь Iазап латторна бехкейо цуьнан дейиша Ганиева Макка а, цуьнан хIусамда, полисхо лаьттина Марзиев Iийса а. Юкъарчу хьелашкахь даккха бархI шо тохар дехна прокуроо Ганиевана, ткъа Марзиевна шога раж латточу набахтехь даккха бархI шо тоха аьлла, яздо "Интерфаксо". Бехкаш шиммо а а тIе ца лоцу. ТIедогIучу кIиранах кхелахоша бовзуьйтур бу цу шиннан хьокъехь шаьш бина сацам. Читать дальше...

Туркойчоьнан малхбузерчу Измирехь мохкбегийна велла мел лахара а 25 стаг, лазийна 800 меттигера вахархо. ПIераскандийнахь бегина мохк шен ницкъаллийн гайтам (магнитуда) 6,6 болуш. Мохкбегоран эпицентр хилла Эгейскан хIорд болчахь. Иттаннашкахь гIишлош охьахаьрцина. Херцаршна бухара 100 стаг ваьккхина. Нах кIелхьарабохуш белхаш хIинца а дIахьош бу. Мохкбегор хааделла гергарчу желтойн гIайреш тIехь бехачарна а. Желтойн махкахь  мохкбегийча велла ши стаг, лазийнарг 20-х ву. Уггара а ницкъе мохкбегийра Измирехь 1999-чу шарахь. Читать дальше...

Оьрсийчоьнан Либералан-демократин партин куьйгалхочунна Жириновский Владимирна гечдар дехар тIедожийна Нохчийчоьнан куйгалхочо Кадыров Рамзана. "Жириновский, айхьа аьллачунна къинтIера довлар деха... Оьрсийчоьнан пачхьалкхан политикаца а, билгалъяьхначу приоритеташца а бIостане ду ахь дуьйцург", - яздина Кадыровс телеграмехь. Нохчийчоьнан куьйгалхочо Францин президенте аьллачун хьокъехь вистхиллера Жириновский, Оьрсийчоьнан субъектийн куьйгалхойн гIуллакх дац арахьарчу политикана юкъагIерта а, терроризмна тIехIитта а аьлла. Читать дальше...

Нохчийчуьрчу полисхоша мел лахара а 14 Куьршалара а, Цоци-Юьртарчу а вахархочуьнгара телефонаш схьаяьхна, церан лоьмаршаца телеграмехь аккаунташ схьайоьллуш ю. Бакъонашларъяран "Мемориал" центро бина и хаам пIераскан дийнахь. Бакъоларъярхойн хаамашца, карарчу беттан 23-24-чу деношкхаь шайн цIера дIабигина бу уьш. Хеттарш динчул тIаьхьа буса сахьт долчучу хенахь 25-чу бусу дIахецна лецнарш. 2017-чу шарахь ницкъахоша бигина,  Кадыров Ахьмадан полкан территори тIерачу къайлахчу набахти чохь Iазапаш лелийна... Читать дальше...