Новости за 04.11.2021

Нохчийчоьнан куьйгалхочунна Кадыров Рамзанна кест-кеста ло керла мидалш а, еза цIерш а, ю царалахь дагахь йоццурш а. ТIаьххьара еллачех ю  "Авиценна" орден – могашалла Iалашъечу урхаллина а, медицинан Iилманна а пайда барна. Ткъа оцу хьокъехь болу сацам араболлушехь елла цунна Путин Владимира шен омрица "Даймахканна хьалха хьуьнарш гайтарна" 3-чу даржан орден. Тоххара евлла бIеннал сов Кадыровна кхаьчна мидалш, орденаш, еза цIерш. Оцу совгIатех, даржех уггар бIаьрланаш довзуьйту Кавказ.Реалиино.... Читать дальше...

Зударшна машенашна хьалха хевшина лелар нохчийн Iадатехь догIуш дац, олуш хеза вайн нахана юкъахь. Делахь а, шо-шаре мел долу а алсам бовлуш бу Нохчийчохь машенаш лелон зударий. Оьший-те вайн нехан зударшна машенаш лело, аьлла хаттар делира Маршо Радион корреспонденто Соьлжа-ГIаларчу бахархошка

Къилбаседа ХIирийчохь Пригородни кIоштарчу Дачный эвлахь летта масех хIирий а, гIалгIай а. Цхьа кхиазхо лазийна дIавигна лазартне. Меттигерчу МВД-но бинчу хаамца, конфликт хилла дахаран хьелашца доьзначунна тIехула. "Полицин белхахоша, къаста а бина, лецна леттарш. Уьш жоьпе озор бу карарчу хенахь махкахь лелаш долчу низамца", - хаам бина министралло. Оццу хенахь гIалгIайн "Фортанга" зорбан гIирсо яздо, меттигерчу вахархочунна тIе а тевжаш, "шина кIантана тIелетта хIирий" бохуш. Иза хуьлуш цигахь... Читать дальше...

Сбербанк Европа, Сбербанк Тобан дакъа долу компани, дIаюхкуш ю  Юккъерчу а, Малхбалерчу Европехь а болх беш йолу шен долахь йолу банкаш. Юьйцурш ю Сбербанкан 7 сов миллиард евро барамехь активаш а, 600 эзар клиентиан база а йолу Боснехь а, Герцеговинехь а, Хорватехь а, Венгрехь а, Сербехь а, Словенехь а йолу банкаш. Чехерчу Сбербанко карарчу хенахь йолчу кепехь кхин дIа а болх бийр бу, аьлла ду банкан хаамехь. Сбербанка Европехь беш болу шен болх лахбийр бу аьлла, хаам бира банкан урхаллан гIанден хьалхарчу когаметто Хасис Лева. Читать дальше...

Социологийн хеттаршна жоьпаш деллачу Оьрсийчоьнан бахархойх доьалгIачу декъанна бен ца хаьа «Новая газетан» коьртачу редакторна дуьнено уггар лараме лору совгIат динийла. 26% бахархой бу Муратов Дмитрийна кхушеран Нобелан машаран преми кхачийна хилар хууш. 73% респонденташа шайна иза дуьххьара хезаш ду, аьлла. Иштта ду социологин хьукмато «Левада-центро» кхаарин дийнахь, Лахьан-беттан 3-чохь, шен сайта тIехь довзийтина хаттаман жамI. Хилам бевзачарех дукхахберш 55 а, кхин а алсам шераш а дерш бу (37%). Читать дальше...

Владимирскан кIоштарчу Покровехь шайна дина таIазр токхуш Навальный Алексейца цхьаьна тобанехь хиллачу шина тутмакха Османов Наримана а, Бурак Евгенийс а дийцина "Дождь" телеканалана (арахьара агент лерина ю "Дождь) шаьшшинга дакъалацийтира чувоьллинчу оппозиционерана ницкъ беш аьлла. Османеовс дийцарехь, иза хан токхуш хилла тоба леррина кхоьллина хилла Навальный юкъатоха. Цо чIагIдарехь, берриг тутмакхаш варе бинера Навальныйца дистхила мегар дац, хIора цо боккху ког дIазбе а аьлла. "Дождь" телканална Бурак Евгенийс дийцарехь... Читать дальше...

Гуьржийчоьнан президента Зурабишвили Саломес юха а билгалдаьккхина, хиллачу пачхьалкхан куьйгалхочунна Саакашвили Михаилна геч дийр дац ша аьлла, хаам бо Радiо Свобода сайто. "Хиилачу президентана геч дарх лаьцна сан позици чIогIа а, хуьйцур йоцуш а ю – хIа-хIа а, цкъа а", - дIахьедина Зурабишвилис. Цо билгалдаьккхина, Саакашвили политикан тутмакхан а, бехке цахиларан а критерешца вогIуш вац аьлла. "Иза шен лаамехь къайлаха чувеана пачхьалкхе къепедацарш лело. Цуьнга хьаьжна доцуш а, юкъараллин йоккха хьашто хилар бахьана долуш а... Читать дальше...

Аштаркхнера ницкъхой бу 39 шо долу Алханов Мохьмад лохуш – 2000 шерн Зазадоккху-баттахь Басаевн а, Хаттабан а тобанца Псковрчу десантхошна тIелетта иза, боху талламо. Ву иза набахтехь итт шо текхна а – терроран тохар дан кечлуш хьийзарна а, герза лелорна а, низамехь йоцчу тIемалойн гIеранехь леларна а. Цунна дуьхьал рогIехь айдина бехктакхаман гIуллакх толлуш, психиатрийн экспертизах чекхвоккхуш хилла иза Аштаркхнарчу лерринчу дарбан цIийнехь, ведда цигара. ГIадужу-беттан 26-чу дийнахь, психиатрин... Читать дальше...

Гуьржичоьнан президента Зурабишвили Саломес кхайкхам бина Iедале, махкахь вакцинацин процесс жигара яьккха "нахана Iаткъам бар чIагIдан" дан деза аьлла, хаам бо "Эхо Кавказа" сайта. Пачхьалкхан куьйгалхочунна хетарехь, эпидемица доьзна хаьл телахаш хиларна оьшуш ду: юкъараллин меттигашка буьтуш "COVID-паспорташ" юкъадаха а, ун дала мегаш болчу нахана вакцинаци яр тIедожор а, ткъа иштта вакцина тоьхна бочцу нахана дарба мехах дар а. Президента аьлла пандемия "цкъа а хилла йоцучу масштабан бохам бу Гуьржийчоьнна... Читать дальше...