Новости за 08.11.2021

Дуьненаюкъарчу информацин "Россия сегодня" агенталлин куьйгалло, "Россия 1" телеканалн белхахо Киселев Дмитрий ву цуьнан директор, дихкина шайн белхахошна "Талибан" организаци Оьрсийчохь цамагийна ю баха. Цуьнан метта "Талибан" хьахийначул тIаьхьа журналисташ яздан декхаре бу "террорхойн гIуллакх лелорна организаци ООН-н санкцешна бухахь ю". Хаамийн гIирсаша билгалдоккху, "Россия сегодня" холдингана чуйогIучу Новости агенталлан а, ишта Russia Today телеканалан а сайташ тIехь хаамаш бу, керлачу формулировкех пайдаоьцуш аьлла. Читать дальше...

Тахана Москварчу "Внуково" аэропортехь Соьлжа-ГIала воьдуш хилла шутбоксинган дуьненан чемпион, "Ахмат" клубан латархо Жамалдаев Салман лаьцна. Наркотикаш яьхна спортхочуьнгара. Жамалдаевга хеттарш дан дагахь бу, адвокат а кхача везаш, яздо Спорт-Экспресс ресурсо. Readovka телеграм-каналан информацица, юьйцург ю 10 грамм мефедрон. ММА-хь 22-зза летта ву Жамалдаев Салман, 20-зза толам боккхуш. Ву иза ишта Оьрсийчоьнан панкратионан чемпион, Оьрсийчоьнан Къилбехь грэпплинган чемпион, маьршачу кепехь а... Читать дальше...

ГIалгIайчохь хиллачу протестийн лидерийн гIуллакхна тIехула дIадаьхьначу дийцаршкахь прокуроро ворхI шарера исс шаре кхаччалц колонехь яккха хан ехна царна, хаамбина Кавказ.Реалиига адвокато Куриев Мохьмада. Цо дийцарехь, прокуроро Ужахов Малсагна а, Барахоев Ахьмадна а, Мальсагов Мусана исс-исс шераш тоха аьлла, Чемурзиев Барахна а, Хаутиев Багаудина а, Нальгиев Ахьмадна а бархI-бархI шераш, Саутиева Зарифина - ворхI шой ялх буттий. Кхеле хIиттийнарш бехкебо ницкъахошна дуьхьалбовларна а, экстремисстийн юкъаралла вовшахтохарна а. Читать дальше...

Радыё Свабода, Беларусийн сервис Лахьан-беттан 8-чохь социалан машанашкахула видеогайтамаш баьржина Польшин агIор дIагIерта мигрантийн тоба гойтуш. Беларусеру Гродно гIалех а, Брузги меттигах а чекхбевлла, дозанхойн гIарол лаьттачу кхаьчна Европехь баха лаам болу Азера нах.   Уьш тергалбеш, царна тIаьхьахIиттина лела Беларусан эскархой, полици. Мигрантийн цхьа дакъа дозананна тIекхаьчна а даьлла, лаьтта кхидIа шега бойуш боцчу некъаца.   Беларусан дIахьедарш Беларусерчу Дозанан комитетехь хаам бира иштта... Читать дальше...

Дагестанерчу Кизилюьртан кIоштан кхело бехк кховдийна меттигерчу яхархочуьнга Джамалудинова Усхияте, террорхойн организацин символика гайтарна социалан машанашкахь, ши эзар сом гIуда тIе а дожош. Кхело билгалдаккхарца, шен телеграм-каналерчу ustina_est_istinna аккаунтехь сурт хIоттийна хилла цо, Оьрсийчохь йихкинчу "Исламан пачхьалкх" шех олучу экстремистийн организацин эмблема тIехь йолуш. Дагестанерчу экстремизмана дуьхьало латточу Центран белхахочунна карийнера и сурт. Административан жоьпалла тIедожийначо хаам бина... Читать дальше...

ГIалмакхойчуьрчу Яшалтинскан кIоштарчу вахархочунна административан жоьпалла тIедожийна, интернетехь нохчийн бардан Муцураев Тимуран иллеш даржорна. Муцураевн репертуарера ткъе итт сов илли ду экстремистийн материалш лерина федералан тептара юкъадахийтина. Прокуроро бинчу сацамца бардан иллеш даржийнарг бехкевина экстремистийн материалаш кечъеш, уьш яржорна. "Московский комсомолец" гIирсо яздарехь, административан гIуда хьарчийна бехкевинчух. Бард Муцураев Тимур гоьвелира Нохчийчохь къаьсттина тIемаш болчу шерашкахь. Читать дальше...

Оьрсийчоьнан тIеман министра Шойгу Сергейс провокаци ю аьлла, Американ Цхьаьнатоьхначу Штатийн ТIеман ХIордан Ницкъаш Iаьржачу хIорда чохь хилар, америкахойн кхин а цхьа хIордкема стратегин хишка кхаьчначул тIаьхьа. "Иза тхо зен гIортар санна хIума ду, мел кийча ду тхо, мел кхачо йолуш кечйина оха Iаьржачу хIордан бердаца лардаран система", - элира Шойгус пачхьалкхан телевизионе Лахьан-беттан (ноябрь) 7-хь. Шойгус элира изза до кхечу пачхьалкхаша а, амма цIе ца яьккхира билггала цхьана а пачхьалкхан. Читать дальше...

Официалехь бахархой ларар чекхдала кIира дисинчу заманчохь Нохчийчохь Ерригоьрсийчоьнан ларарш дирзина лоруш ду, яздо Кавказ.Реалии портало. Журналисташка дина цунах лаьцна дIахьедар Чеченстатан куьйгалхочо Дигаев Рамзана. Бакъоларъярхойн шеконаш ю Iедалхоша динчу зерех. "Грозный" пачхьалкхан телехьожийло а дIахьедина, Росстатан урхаллина тIетевжина, Оьрсийчохь хьалхара а, цхьаъ бен йоцу а регион ю Нохчийчоь 100 процентна бахархой ларар дерзорехь аьлла. Бакъонашларъяран "Iазапашна дуьхьалояран... Читать дальше...