Новости за 18.11.2021

Инстаграмерчу шен агIонехь хIоттийначу эфирехь вистхилла нохчийн парламентан спикер Даудов Мохьмад, Нохчийчоьнна а, ГIалгIайчоьнна а юкъарчу дозанех йолчу гIалгIайн тайпанийн Кхеташонан декъашхойн позицина критика еш. Нохчийн парламентан спикеро дIахьедина, Кхеташонан декъашхой – Нохчийчохь "куьйг лун нах бац" аьлла. "Шух цхьахволчо дIахьеде, хоккху дийнахь, оццу меттигехь Фортанган доза хадон дагахь ву ша алий, ас дош ло-кх, шун хечех байракх а йина, хийистехула дIасавохуьйтур ву аьлла. Олуш ма-хиллара... Читать дальше...

Чуьра доьзало а, гергарчара а цхьаьна шайна "эхь хета, чохь саца" бохуш, ша юхаийзошехь, Вахас ца юьту спорт. Коронавирус яьржина, маьждиге лелар дихкича, къаьсттина жигара велира иза. Шайн уьйтIахь а, Соьлжа-ГIалин хIордайистехь а могушалла чIагIйо цо тайп-тайпанчу спортан кепашца

Динан бакъонаш а, маршонаш а талхорца доьзна къаьсттина сингаттам латточу мехкийн тептаре яккха Оьрсийчоь аьлла, хьехна Американ Цхьаьнатоьхначу Штатийн дуьненан динан маршонехула йолчу Федералан Комиссино (USCIRF). Кечдину документа тIехь хьахийначу къепе йохорехь билгалдаьккхина: "Кадыров Рамзанан къизачу режимо яржош ю, лесбиянкашна а, гейшна а, бисексуалашна а, трансгендеран нахана а, иштта зударшна а тIехь ницкъбен исламан шога верси, пайдаоьцу терроризмна а, экстремизмна а дохкучу шеконечу бехкашца политикан оппозицина а... Читать дальше...

Kishev Art Home доларчу музейн арт-директора, Оьрсийчоьнан хьакъволчу художникан, ГIебарта-Балкхаройчоьнан халкъан художникан Кишев Мухьадинан хIусамнанас-ингалсхочо Мосс Жаклин Дианас видеокхайкхам бина Нохчийчоьнан куьйгалхочуьнга Кадыров Рамзане, музейн хIусамца нисделлачу хьолехь шена гIо доьхуш. "ХIара петар эцнера оха кхоллараллина, ГIебарта-Балкхаройчоьнан а, йоллу Къилбаседа Кавказан а бахархошна культурин меттиг хилийтархьама. Исбаьхьаллин хIара цIа оха хIинцале а схьадиллина, доллу тхайн дахарехь оха вовшахтоьхна сурташ... Читать дальше...

Ессентукехь дирзина ГIалгIайчохь хиллачу протестан лидерийн кхелан гIуллакхехула дийцарш. Исс шаре гергга хенаш тоха царна аьлла, дехар дина прокуратуро, адвокаташа – уьш бехказабахар. Дийцарийн тIаьххьарчу дийнахь бистхилира, кхелехь адвокатан а, юкъараллин лардархочун а метта хилла Ужахов Малсаган а, Барахоев Ахьмадан а кIентий а. Дош ийцира иштта бехкевечу Ужахов Малсага а, Хаутиев Багаудина а, Нальгиев Исмаила а. РогIерчу кхелан кхеташонехь, Лахьан-беттан 23-чохь, тIаьххьарчу дашца бистхир бу бехкебийраш. Читать дальше...

Шеман малхбалерчу Аль-Хол куьпахь дIатарбина хилла "Исламан пачхьалкх" шех олучу (Оьрсийчоьно террорхойн организаци лаьрра, йихкина ю) тобанан гIаттамхойн арахьарчу пачхьалкхашкара хIусамнаной а, церан бераш а "Хайят Тахрир Аш-Шам" (Оьрсийчоьно террорхойн организаци лаьрра, йихкина) тобано доладечу Идлибе, кхечу метте дехьабохуш бу. Карарчу хенахь туркойн дозанна уллорчу Идлибан малхбалехь Аль-Джумайлия куьпахь латтош ю 40 зуда, царех дукхахберш Нохчийчуьра а, Дагестанера а бу. Царах цхьаберш шаьш бевдда баьхкина бу Аль-Холера Аль-Джумайли... Читать дальше...