Нохчийчоьнан президент лаьттинчу Кадыров Ахьмадан, мехкан урхалхочун Кадыров Рамзанан ден цIе тиллина Нохчийчуьрчу полицин лерринчу дакъошна. "Ахмат" СОБР, "Ахмат-Грозный" ОМОН, "Ахмат-Крепость" ОМОН – иштта цIераш лелор ю хIинца дуьйна оцу дакъоша
Адамийн бакъонашкахула йолчу Европан конвенцин ши артикл: 14-гIа а, 8-гIа а йохийна пачхьалкхо Нохчийчуьрчу яхархочун Тапаев Луизин аьлла, сацамбина Европерчу адамийн бакъонашкахула йолчу кхело. Суьдхойн сацамца а догIуш, Оьрсийчоьнан Iедалхой декхаре бу Тапаеван сина динчу зенна дуьхьал 16 250 эзар евро компенсаци кхачон а, исс эзар сов евро кхелан харжашна охьадилла а. 2015-чу шарахь Тапаева Луизин хIусамда веллачул тIаьхьа мардас кхуьнан диъ бер дIадаьккхинера цуьнгара. Оцу заманчохь шина шарера... Читать дальше...
Зулам динчу нехан къам а, раса а, дин а хьахор зорбан гIирсашна доьхкуш нохчийн Iедалхойн низаман проектана резавоцуш вистхилла Оьрсийчоьнан журналист Шевченко Максим. Цунна хетарехь, дехкаро дешан маршо йохайо. Иштта дIахьедар дина Шевченкос "Радиоточка НСН" телеграм-каналца хиллачу къамелехь. "Дешан маршонна а, журналистан говзаллина а магийта йиш йоцу юкъагIортар ду иза аьлла, хета суна. Вай ма ца хьоьху Рамзан Ахматовична (Нохчийчоьнан куьйгалхо Кадыров Рамзан - редакцин билгалдаккхар.) махкахь муха урхалла дан деза, - аьлла Шевченкос. Читать дальше...
Нохчийчуьрчу 37 шо долчу Солтаханов Бай-Iелин адвокато дIахьедина Новоссибирскерчу кхелехь, ша Iалашвийриг цкъа а хилла вац низамехь криминалан даржехь аьлла. Оьрсийчоьнан зуламан кодексан "Криминалан иерархехь лаккхара дарж тIеэцар" артиклца Солтахановна кхачайо 8 шарера 15 шаре кхаччалц набахтехь яккха хан а, 5 миллион сом гIуда а. Адвокатана Кальван Василийна хетарехь, зуламан гIуллакхехь тоьшаллаш дац, Солтахановс зуламхойн иерархехь лаккхара дарж дIалаьцна хиларх. Официалехь зуда а, доьзал а болуш ву Салтаханов... Читать дальше...
Болгарин малхбузехь мел кIезиг а 46 стаг велла пассажираш дIасалело автобус а яьгна. Беллачарлахь бераш а ду. Вагийна ворхI стаг дарбан цIийне охьавиллина. Некъан бохам хилла меттигерчу хенаца яхначу буса ши сахьт долучу заманчохь Боснек эвлана уллорчу некъа тIехь. Болчу хаамашца, некъан кертах а кхетта, цул тIаьхьа цIеяьлла автобусах. Къилбаседан Македонин номерш хилла автобусан. Оцу пачхьалкхан арахьарчу гIуллакхийн министро Османи Буяра хаамбина, мукъаденошна Туркойчу бахана хилла нах Скопье гIала юхабогIуш хиллера автобусахь. Читать дальше...
Нохчийчуьрчу Калиновскехь куп тоьхначу минометан батарейн командиран декхарш кхочушдеш хиллачу Саракаев Сосланан хьокъехь Соьлжа-ГIаларчу гарнизонан тIеман суьдхоша дина таIзар хийцаза дитина къилбан гонашкарчу тIеман кхело. Иза бехкевина шегарчу бакъонел тIехваларна а, коррупци лелорна а, яздо Кавказ.Реалии портало. Кхело тIечIагIдарца, 2019-2020-чу шерашкахь а къаьркъа а мелла, машен хехкарна бехкзуламан гIуллакхна тIеозийна волчу эпсаро шен куьйгакIелболчу эскархошкара кхаьънаш оьцуш хиллера гIуллакхдарх уьш мукъабохуш а... Читать дальше...
Дозанах лаьцна хаттар дийцаре дилла ца баьхкина ГIалгIайчуьра жигархой бехкебина Нохчийчоьнан парламентан спикеро Даудов Мохьмада. ГIалгIайчоьнца дозанах бина барт "хийца йиш йолуш бац" аьлла, хаамбина хьаькамо. "ГIалгIайчоьнан тайпийн Кхеташонехь" лаьттах бина чIагIам нийса ца хета.
