Новости за 12.11.2021

2020-чу шарахь бакъо йоцуш герз латтийна, ницкъхочунна тIелатар дина аьлла, таIзар динчу Нохчийчуьрчу вахархочун Нуханов Исламан арз къобалдан дуьхьало йина тахана Пятигорскерчу кассацин кхело. Цу тIе яцйина беа баттана цунна тоьхна хан - кхаа шаре а, бархI батте. Бакъонашларъяран "Мемориал" (Оьрсийчоьнан Iедалхоша организаци арахьара агент лаьрра, "Мемориал" цуьнца реза яц. - Редакцин билгалдаккхар.) центрна хетарехь, Нухановна дуьхьал даьккхина гIуллакх фабрикаци ю.  Кху шеран аьхка Нохчийчуьра... Читать дальше...

Нохчийчоьнан парламенто низаман проект чуелла Оьрсийчоьнан Пачхьалкхан Думе, зуламан декъехь болу нах хьехочу хенахь церан къам а, дин а дийцар доьхкуш. Зорбан гIирсашна керла дехкарш хIиттор хьехоран бахьана ду, дукха хан йоццуш Москвахь берца хиллачу стагана еттар

Дахначу еарин дийнахь Ярославлерчу Заволжскан кIоштан кхело сацамбина, Ярославлерчу ИК-1 колонехь хан текхначу Муртазалиев Хасдинан чукховдийначу искан хьокъехь. Колонехь шена тIехь ницкъбарна Муртазалиевс компенсаци дехнера 500 эзар сом, амма кхело хьесап дина цунна 65 эзар сом бен ца луш. "Общественный вердикт" (Оьрсийчоьнан Iедалхоша арахьарчу агентийн тептаре яьккхина, "Общественный вердикт" цуьнца реза яц. -Редакцин билгалдаккхар.) фондан информацица, Муртазалиев ИК-1 колоне кхаьчнера 2016-чу шеран Дечкен-баттахь. Читать дальше...

Соьлжа-ГIалина чуйогIу, яздархойн а, Совета заманарчу политикийн а цIераш лело поселок олучу меттигийн цIераш хийцар хьехна Нохчийчоьнан парламенто. Ю царлахь Маяковскийн цIарах поселок, нохчийн гоьваьллачу яздархочун Айдамиров Абузаран цIе тиллар хьоьху цунна. Парламентан спикеро Даудов Мохьмад шен инстаграмерчу агоIнехь дийцина цунах лаьцна. Поэт Маяковский Владимир воцург а, Соьлжа-ГIаин мэрихь хьоьху кхин а 4 поселкан цIераш а хийцар: Калининан поселок (Калинин Михаил СССР-н Лакхарчу Советан президиуман куьйгалхо вара), Маас цIе. Читать дальше...

Нохчийчоьнан къоман политикан, арахьарчу зIенийн, зорбан, информацин министр Дудаев Ахьмад вистхилла, республикехь Мирай Мединин "Синтонимы" книга йохкар дехкар тIедожош. Книги тIехь дуьйцу шина кIентан доттагIаллех, магин школехь цушиннан дешарх. Дудаевна хетарехь, книго пропаганда йо "нохчийн гIиллакхашца а, ламасташца а догIуш доцу оьзда воцуш лелар". Инстаграмерчу шена агIонехь видеокхайкхамбеш вистхилла министр. Мирай Медина къона втор ю, фэнтезин а, янг адалт (кхиазхойн литература) жанрехь язъеш. Читать дальше...