Новости за 15.11.2021

"Цхьааллин къоман болам" оппозицин партин цIарах волчу 9 депутата мацалла хьегар кхайкхийна кIиранан дийнахь, Лахьан-беттан 14-хь Гуьржийчохь, хиллачу президентана Саакашвили Михаилна гIортор еш. Цунах лаьцна хам бо "Новости-Грузия" агенталло. Депутаташ дагахь бу мацала хьегар парламентан гIишлонехь. "Цхьааллин къоман болам" партин офисехь оцу акцех дIакхетта оцу партин лидерех цхьаъ волу Барамидзе Георгий. Кхин цхьа депутат, "Дроа" партин лидер Хоштария Елене, мацалла хьоьгуш ю Лахьан-беттан 3-хь дуьйна. Читать дальше...

Нурмагомедов Хьабибан шичина пхи шо хан тоха мегаш ю, Каспийскехь полисхочун тIе машен тохарна. Болчу хаамца, Iусман шен доттагIца Москва йоьду рейсан тIекхиа сихвелла воьдуш хилла иза, ткъа иза сацо гIоьртинчу полисхочун тIекхетта машен

Оьрсийчоьнан Iилманан академин академикаш а, кхиболу бевзаш болу Iилманчаш а - "1 июля" клубан декъашхоша - кхайкхам бина "шаьш тIехIиттина хилар хоуьйтуш Оьрсийчоьнан Iедалш дIакъовла дагахь долчу "Дуьненаюкъара Мемориална" а,"Мемориал" бакъонашларйон центрна а. И шиа вовшахтохаралла юкъатоьхна ю НКО-"иноагентоаш" реестрна, и шиъ бехке еш ю "арахьарчу агентех" низам дохорна. Иттаннаш Iилманчаша, шайна юкъахь 20 гергга академик а волуш, бинчу кхайкхамехь шаьш дуьхьал хилар хаийтина "кхоьллинчух бахьана а дина... Читать дальше...

Бакъоларъярхойн "Дуьненаюкъара мемориал" а, Оьрсийчоьно арахьарчу агентийн реестре язйина йолу "Мемориал" центр а дIакъовла тарло Инарла прокуратурин лаамца – Оьрсийчоьнан Лакхарчу кхеле и дехар хьажийна деношкахь. Кхел йийр ю Лахьан-беттан 25-чохь. Оццу хьокъехь Москварчу прокуратуро арз чуделла Москва гIалин кхеле а. Шайна бакъоларъярхойн юкъараллаш дIакъовла лаар низамна тIехьожучара дузу цара экстремизм, терроризм "бакъеш хиларца". Хьехораш бу Иегован Тешаш (Свидетелях Иеговы) а, "Артподготовка" тобан декъашхой а... Читать дальше...

Польшин Катовице гIаларчу Къоман прокуратуран коррупцица а, цхьаьнакхеттачу зуламхойн тобанашца а къийсам латточу Силезин декъо бехке вина бакъо йоцуш шайн махкахь вехаш хилла Нохчийчуьра схьаваьлла ши стаг, къайлаха миграци вовшахтохарна. Официалан хамца догIуш ма хиллара, цаьршимма Украинин махкахочуьнца цхьаьна доза хадор кечдина хилла Гергарчу Малхбалера схьабевллачу нахана, царна Польшехула Германе транзит а еш, хаам бо Катовице гIаларчу порокуратуран зорбан сервсисо. Оцу нехан цIераш йохуш яц. Читать дальше...

Британехь вовшахтоьхна хуьлучунна каде реакци яран Оьрсийчоь тIелата магара аьлла кхерам хилахь Украине хьажо мегаш йолу 600 эскархочух лаьтта тоба. Иза чагIдо, шен хьастанашна тIе а тевжаш, британхойн The Mirror таблоида. Официалан кепара и информаци тIечIагIйина яц.    Британерчу газето яздарехь, хила мегачу Украине бахийтарна кечамбан буьйлабелла эскархой , тIеман министраллан а, Ми-6 талламан сервисан а куьйгалхоша премьер-министре дIахаийтинчул тIаьхьа, Оьрсийчоьнан президентера Путин Владимирера карарчу хенахь Украинин а... Читать дальше...

ГIура-беттан 1-чу дийнахь дуьйна Оьрсийохь зIенах дIадо мегаш ю ах сов корпоративан мобилан телефонийн номерш, "сирачу" сим-картанех лаьцна низам дохорна. Цунах лаьцна хаам бо "Коммерсантъ" газето, эксперташна а, зIенан оператошна а тIе а тевжаш.    Mobile Research Group талламан тобано бинчу хаамца, Оьрсийчохь лелош ду 32 миллион гергга корпоративан сим-карта. "ЗIенах лаьцна" нимзамна тIехь динчу нисдаршца а догIуш, корпоративан клиентийн декхар ду сим-картанаш лелочу белхахойх лаьцна хаамаш чуязбан... Читать дальше...