Новости за 10.10.2018

Түркия Сириянын түндүгүндөгү Идлиб провинциясында орус жана түрк лидерлери буга чейин макулдашкандай, деэскалация зонасы түзүлгөнүн ырастады. Түркия менен Орусия Идлибди курал колдонууга тыюу салынган аймакка айландырууну макулдашкан. Бул тууралуу “Рейтер” агенттиги кабарлады. Буга чейин Идлиб аймагынан куралдуу оппозициянын бир бөлүгү өз күчтөрүн чыгара баштаган. Сириядагы адам укуктарына байкоо салган уюм "Файлак аш-Шам" тобу аймактан Түркиянын чакырыгынын негизинде чыгып жатканын өткөн сентябрдын этегинде кабарлады. Читать дальше...

Британияда мурдагы орус тыңчысы Сергей Скрипаль менен анын кызы Юлияны ууландырууга шектелген орусиялык эки жаран 2014-жылы Чехияга жашыруун келип кетишкен. Ошол маалда чех жергесинде Скрипаль дагы жүргөн. Бул тууралуу чех радиосу чалгын кызматындагы өз булактарына таянып жазды.    Радионун кабарына караганда, Скрипаль Чехиянын контрчалгын кызматкерлери менен жолугуп, орусиялык тыңчыларды кантип аныктоонун жол-жобосу боюнча кеп-кеңешин берип жүргөн. Радиого маалымат берген булактардын ырастоосунда... Читать дальше...

Экс-президенттин кол тийбестигин алып салуу тууралуу укук коргоочу Нурбек Токтакуновдун өтүнүчүн Жогорку соттун алдындагы Конституциялык палата жарым-жартылай канааттандырды. Анда "Президенттин ишмердигинин кепилдиктери жөнүндө" мыйзамдын 12-беренеси “Баш мыйзамга каршы келет” деп табылып, бирок экс-президентти кол тийбестиктен ажыратуунун жол-жобосунун жоктугу көрсөтүлдү. Конституциялык палатанын чечими азыр коомчулуктун кызуу талкуусунда. "Ыңгайсыз суроолор" берүүсүнүн коноктору - Жогорку Кеңештеги... Читать дальше...

Орусияда жума намаз учурунда полициянын текшерүүсү кайрадан башталды. Сентябрдын аягынан тартып бир нече шаарда ушундай рейддер болгону кабарланууда. Бирок полиция эмне себептен намазга жыгылгандардын, алардын ичинде мигранттардын тынчын алып жатканын түшүндүргөн эмес.

11-октябрь – кыздардын эл аралык күнү. Кыздардын социалдык көйгөйлөрүнө, кыздарга теңсиз мамилеге дүйнө калкынын көңүлүн бурдуруу максатында бул күндү Бириккен улуттар уюму 2012-жылы жарыялаган. Бул видеотүрмөк аркылуу кыргызстандык белгилүү коомдук жана маданий ишмерлер, акындар кыздарга тилектештигин билдиришет.

Казакстандан тоок этин ташып кирүүгө Кыргызстан киргизген чектөөнү Казакстандын Айыл чарба министрлиги “мыйзамсыз” деп билдирди.

11-октябрь – кыздардын эл аралык күнү. Кыздардын социалдык көйгөйлөрүнө, кыздарга теңсиз мамилеге дүйнө калкынын көңүлүн бурдуруу максатында бул күндү Бириккен улуттар уюму 2012-жылы жарыялаган. Бул видеотүрмөк аркылуу кыргызстандык белгилүү коомдук жана маданий ишмерлер, акындар кыздарга тилектештигин билдиришет.

Ингушетияда Чеченстан менен талаштуу чек араны аныктоо боюнча добуш берүүгө депутаттар келбей койду. Жыйын башталарда 17 депутаттын 12си гана каттоодон өткөнүн «Интерфакс» агенттиги кабарлады.   26-сентябрда Ингушетия менен Чеченстандын башчылары Юнус-Бек Евкуров менен Рамзан Кадыров эки аймактын ортосундагы чек араны бекитүү боюнча келишимге кол коюп, 4-октябрда Ингушетиянын парламенти макулдашууну жактырган. ТАСС маалымат агенттиги ратификацияны 25 депутаттын 17си колдогонун, үчөө "каршы" чыгып, калгандары "калыс" болгонун кабарлаган. Читать дальше...

Алты жылдан бери ара жолдо башы ачылбай келген "Коопсуз шаар" долбоорун кезектеги чыр тооруду. Буга чейин долбоорду ишке ашыргысы келген жеке менчик компаниялар менен өкмөт соттошуп келсе, бул жолу эки мамлекеттик орган соттошкону турат.

Флорида штатынын түндүк-батышына жетип калган «Майкл» шамалы күчөп, кубаты үчүнчү даражага жетти. Синоптиктер шамал Панхендл аймагынын жээгине 10-октябрь түштөн кийин жетерин боолголоп жатышат. Шамалдын ылдамдыгы саатына 195 чакырымга жетүүдө. Бийлик Алабама жана Флорида штаттарынын түмөндөгөн тургундарына эскертүү берип, коопсуз жайларга чыгып кетүүгө үндөп жатат. Ал эми Флориданын губернатору Рик Скотт "Майклды" «абдан кооптуу шамал» катары мүнөздөп, табигый кырсык штаттын бир канча районун кыйратып кетиши мүмкүн экенин эскертти.

Германияда болгариялык журналист Виктория Маринованы өлтүрүүгө тиешеси бар делген киши кармалды. АКШнын БУУдагы элчиси Никки Хейлинин кызматтан кетиши көптөр үчүн күтүүсүз болду. Мас болуп чатак салган орусиялык футболчулар Александр Кокорин менен Павел Мамаевге кылмыш иши козголду.

10-октябрга караган түнү Кыргызстандын Украинадагы элчилигинин дипломаттык номерлүү, “Тойота Хайландер” үлгүсүндөгү автоунаасы уурдалды. Бул тууралуу Тышкы иштер министрлиги кабарлады. Мекеме окуя болгон жерге Украинанын Ички иштер министрлигинин Печер аймактык башкармалыгынын тергөө тобу келип, ишти иликтей баштаганын билдирди. Факт боюнча Украинанын Кылмыш-жаза кодексинин 289-беренесинин негизинде кылмыш иши козголгон. Кыргызстандын Украинадагы элчилиги уурдалган автоунааны издеп табууга мүмкүн болушунча көмөк көрсөтүүсүн өтүнүп... Читать дальше...

Таласта Үрмарал кенинин ачылышына каршы болгон айыл өкмөт башчысы кызматтан кетти. Бул тууралуу «Азаттыкка» Таластын Бакай-Ата районундагы Ак-Дөбө айылынын тургундары билдиришти. - Жамалбек Орозбаев Үрмарал кенинин ачылышына караманча каршы болуп келген. Эми аны «камайбыз», «иш козготобуз» деп кызматтан кетүүгө арыз жазууга мажбурлашты. Мунун башында жергиликтүү бийлик өкүлдөрү турат, - деди атын атагысы келбеген айылдык аксакал. Ал эми Ак-Дөбө айыл аймагын эки жылга чукул башкарып келген Жамалбек... Читать дальше...

Бишкекте кафедеги ок атуу боюнча кызматтык иликтөө аяктап, Биринчи май райондук ички иштер бөлүмүнүнүн 10 кызматкери тартиптик жазага тартылды. Бул тууралуу Ички иштер министрлиги кабарлады. Билдирүүдө айтылгандай, окуя болгон күнү ок аткан киши милиция кызматкери экени аныкталып, жумуштан айдалды. Дагы бири кызматынан алынды, калгандарына башка жазалар чегерилди. Факт боюнча чогултулган материалдар прокуратурага өткөрүлүп берилди. 12-сентябрга караган түнү Ахунбаев көчөсүндөгү "Империя пиццы" кафесинде жаңжал чыгып... Читать дальше...

Кошмо Штаттарда өлкөнүн Бириккен Улуттар Уюмундагы (БУУ) элчиси Никки Хейли кызматынан кетери күтүүсүздөн жарыяланды. Ал президент Дональд Трамптын карама-каршылыктуу тышкы саясатын ишке ашыруучу негизги аткаминерлердин бири эле.

Түркия боюнча жалпысынан 300 миңге жакын коомдук уюм иштейт. Алардын 52син Түркияда жашаган чет өлкөлүк жарандар ачкан. Учурда өлкөдө расмий катталып иштеп жаткан үч кыргыз коому бар.

Германиянын полициясы болгариялык журналист Виктория Маринованы өлтүрүүгө байланышы бар деген кишини кармады. Бул тууралуу Болгариянын бийлик өкүлдөрү билдиришти.

Түрк маалымат каражаттары “саудиялык журналист Жамал Хашоггинин дайынсыз жоголгонуна тиешеси бар” деп 15 кишинин сүрөтүн жарыялашты. Президент Режеп Тайып Эрдоган аларды “киши өлтүргүчтөр тобу” деп атады.    Оппозициялык журналист 2-октябрда Сауд Арабиясынын Стамбулдагы консулдугунун аймагына кирген бойдон дайынсыз. Маалымат каражаттарынын жазгандарына караганда, Хашоггини элчиликтин имаратынан кара чүмкөлгөн машине менен саудиялык консулдун үйүнө алып чыгып кетишкен. Бул тууралуу “Associated Press ” агенттиги да кабарлады. Читать дальше...

Ушинтип, Султанбек, Cени биз, 59 жашыңда, эми эч качан кайтып келбей турган жакка узатып калабыз деп ойлогон эмес элек.

Нобелдин Тынчтык сыйлыгы быйыл эки кишиге тапшырылды. Алардын бири - Надия Мурад. Ага “башынан өткөргөнүн, башкалар көргөн кордукту дүйнөгө айтып берген чечкиндүүлүгү жана эр жүрөктүгү” үчүн ыйгарылды.

Кыргызстан менен Жапониянын ортосунда кызматташтык кеңейип, бул өлкөдө билим алып жана кесиптик деңгээлин жогорулатып жаткан кыргыз жарандарынын саны өсүүдө. Бул тууралуу Бишкекте өткөн «Жапониянын Кыргызстандагы кечеси» жолугушуусунда айтылды. Кечеге экс-президент Роза Отунбаева, президенттик аппараттын, өкмөттүн жана коомчулуктун өкүлдөрү катышты. Иш-чараны элчиликтин колдоосу менен уюштурган Кыргыз-жапон ишкерлик кеңешинин төрагасы Рысбек Молдогазиевдин белгилешинче, алдыда кызматташтыкты мындан ары да кеңейтүү долбоорлору бар. Читать дальше...

Пакистандын бийлиги Эл аралык Валюта Фондуна (ЭВФ) жардам сурап кайрылгандан кийин өлкөнүн улуттук валютасы рупий америкалык долларга карата наркын дагы жети пайызга жоготту. 9-октябрда бир доллардын наркы 138 рупийге бааланды. Ушул эле күнү өлкөнүн Борбордук банкы билдирүү таратып, рупийдин куну кетишине мунайдын кымбатташы түрткү болгонун билдирди. Пакистандын делегациясы ЭВФтин өкүлдөрү менен ушул аптада Индонезияда жолугары кабарланды. Исламбад ошондой эле Кытайдан ири өлчөмдө насыя алууну караштырып жатат. Читать дальше...

2018-жылдын алгачкы тогуз айында Кыргызстандын тышкы соода жүгүртүүсү жалпысынан 4 млрд. 276,8 млн. АКШ долларын түзүп, өткөн жылдын ушул мезгилине салыштырмалуу 5% көбөйдү. Бул тууралуу Улуттук статистика комитетинин төрагасынын орун басары Азамат Оросбаев Бишкектеги атайын басма сөз жыйынында билдирди. Ал муну менен катар экспорт 4,9% азайганын, ал эми импорт 15% арбыганын белгиледи. Оросбаев экспорттун көлөмүнүн кемиши алтынды чет жакка жөнөтүүнүн азайышы менен шартталганын кошумчалады. Ал импорттун көбөйүшү Кыргызстанга кийим... Читать дальше...

Орусиялык футболчулар Александр Кокорин менен Павел Мамаев  ойногон клубдарынан чыгарылып, ал тургай беш жылга чейин эркинен ажыратылышы мүмкүн. Спортчулар 8-октябрда мас абалында эки жолу жаңжал чыгарып, жанындагыларды уруп-сабап жиберишкен. Бул окуялар боюнча полиция кылмыш ишин козгоду. Шейшембиде эки футболчу ойногон клубдар билдирүү таратышты. «Зенит» чабуулчу Кокорин менен келишимди үзүү тууралуу чечим кабыл алууну тергөө иши аяктамайынча күтө турарын билдирсе, "Краснодар" клубу Павел Мамаев менен дароо эле контрактты үзөрүн маалымдады.

Ушул тапта Түркияда жашап жаткан журтташтар Медера Халматова жана Бабур Халматов залкар жазуучу Чыңгыз Айтматов менен жолугушуу тууралуу айтып берүү үчүн "Азаттыктын" студиясына келишти.