Кыргызстан социал-демократиялык партиясынын (КСДП) саясий кеңеши Иса Өмүркуловду партиядан чыгарууну чечти. Бул теманын тегерегинде буга чейин КСДПнын катарынан чыгарылган дагы бир парламент депутаты Жанарбек Акаев "Азаттыкка" маек курду.
Кыргызстанда мурдагы президент Алмазбек Атамбаевдин тушунда соттолгон саясатчылардын ишин кайра кароо маселеси күн тартибине чыгууда. Айрымдар мыйзамсыз камалгандарды абакта кармап туруу азыркы бийликке абийир алып келбей турганын эскертсе, ошол эле учурда башка бир талдоочулар президент сот иштерин кайра каратууга кийлигише албай турганын билдирүүдө. Соттолгон саясатчылардын ишин жаңы ачылган жагдайлар менен кароого эмне себептен мүмкүнчүлүк берилбей жатат? Студиянын бүгүнкү коноктору – Жогорку... Читать дальше...
Кыргызстанда өткөн тогуз айда 5118 жол-транспорт кырсыгы катталып, анын кесепетинен 6299 адам жабыркап, 458 киши көз жумган.
Пакистандын cоту "Мухамед пайгамбарга акарат келтирди" деп айыпталган христиан аялдын өкүмүн жокко чыгарды. НАТО “Кансыз согуш” доорунан берки эң ири аскерий машыгуусун өткөрүп жатат. Архангельск шаарындагы ФСБ имаратынын кире беришинде жардыруу болду. Венгриянын соту мигранттарды буттан чалып, тепкени үчүн соттолгон телеоператор аялды актады. Индияда дүйнөдөгү эң бийик эстелик ачылды.
Жер казынасынын өлчөмү боюнча мамлекеттик комиссиянын маалыматында, 2018-жылга карата өлкө аймагында 46 ири алтын кени бар экени аныкталган. Алардагы жалпы алтындын өлчөмү 666 тоннага жакын деп эсептелген.
Кыргызстан социал-демократтар партиясынын саясий кеңеши Иса Өмүркуловду партиядан чыгаруу чечимин кабыл алды.
Кыргызстан социал-демократтар партиясынын саясий кеңеши Иса Өмүркуловду партиядан чыгаруу чечимин кабыл алды.
НАТО бул күндөрү “кансыз согуш” доорунан берки эң ири аскердик машыгуусун өткөрүп жатат. Буга тушташ Орусия да НАТОнун машыгуусуна жакын жерде өз ракеталарын сынай турганы маалым болду.
Кыргызстан социал-демократиялык партиясынын (КСДП) саясий кеңеши Иса Өмүркуловду партиядан чыгаруу жөнүндө чечим кабыл алды. Бул тууралуу партиянын катчылыгы билдирди. Маалыматта Өмүркулов партиянын максаттарына жана партиянын уставына каршы иштерди кылганы үчүн ушундай чечим кабыл алынганы айтылат. Бүгүн, 31-октябрда КСДПнын саясий кеңешинин жыйыны өткөн. Анда 2019-жылдын 6-апрелинде партиянын XVIII съездин чакыруу макулдашылган. Жыйында Жогорку Кеңештин депутаты Ирина Карамушкина КСДПнын төрагасынын орун басары болуп тандалган. Читать дальше...
"Азаттык" Икрамжан Илмияновго "демөөрчүлүк жардам иретинде ири суммадагы акча берген" деген "Дизел комплект" компаниясы жана козголгон кылмыш иштеринин чоо-жайын иликтеп чыкты.
Австрия БУУнун Миграция тууралуу глобалдык макулдашуусуна кол коюудан баш тартты. Документ декабрда Мароккодогу конференцияда кабыл алынмакчы. Вена бул пакт миграция кризисин чечүүгө жардам бербейт, ошол эле маалда Австриянын суверендүүлүгүнө коркунуч келтирет деп эсептейт. Буга чейин келишимге кошулуудан Венгрия жана АКШ баш тартышкан. Вице-канцлер Хайнц-Кристиан Штрахенин айтымында, миграция адам укуктарына кирбейт, жаңы макулдашууда болсо мыйзамдуу жана мыйзамсыз миграциянын ортосундагы ажырым так көрсөтүлгөн эмес. Читать дальше...
Алматыда Жогорку Кеңештин мурдагы депутаты Дамирбек Асылбек уулунун үстүнөн сот жараяны башталды. Эки шериги менен бирге аткезчиликке айыпталган мурдагы депутат кыргыз жараны экенин айтып, Кыргызстанда соттоону суранганы белгилүү болду.
Санариптик трансформацияга байланыштуу долбоорлор кечеңдеп жатканы байкалат. Бул тууралуу бүгүн президент Сооронбай Жээнбеков кеңешчиси Дастан Догоевди жана Маалыматтык технологиялар жана байланыш комитетинин төрагасы Бакыт Шаршембиевди кабыл алганда айтты. «Бардык тоскоолдуктар жоюлушу керек. Санарипке өткөрүү биздин жарандарыбыздын жашоосун жеңилдетип, справка бергенден баштап, мамлекеттик органдар ортосундагы документ алмашуу процессине чейин жашоонун бардык тармактарын камтышы зарыл», — деп белгиледи президент. Читать дальше...
Орусия Эл аралык космос станциясына 3-декабрда пилоттолгон кеме жөнөтөт. "Роскосмос” агенттигинин аткаруучу директору Сергей Крикалев РИА Новости агенттигине билдиргендей, Эл аралык станциядагы экипаж 20-декабрда кайтып келүүгө тийиш. 11-октябрда "Байкоңурдан" космос кемесин учуруу ийгиликсиз аяктагандан кийин бул биринчи аракет болмокчу. Ал күнү орусиялык космонавт менен америкалык астронавтты жеткирип бараткан ракета ташуучу кулап түшкөн. Экипаж аман-эсен жерге конгон. “Роскосмос” кырсыкка... Читать дальше...
Дин иштери боюнча мамлекеттик комиссия аймактарда эл менен жолугушууларды өткөрүп, эрте никенин жана эмдөөдөн баш тартуунун кесепеттери тууралуу түшүндүрүү иштерин жүргүзүп жатат. Ошону менен катар диний чөйрөдөгү мамлекеттик саясат, дин тутуу эркиндиги, адам укуктары, экстремизмди жана радикализмди алдын алуу, жарандык интеграция маселелери да көңүл борборунда болууда. Комиссиянын директору Зайырбек Эргешов 29-октябрдан 2-ноябрга чейин Ош облусунун Кара-Суу, Ноокат, Араван райондорун кыдырып жатат. Читать дальше...
"Мен билген Айтматов" сынагына Бүбүсара Шамурзаевадан келген эскерүүнү сунуштайбыз.
Балыкчы-Корумду жолун куруп жаткандардын айлык акысына байланыштуу маселе эмки жумада чечилет. Бул тууралуу “Азаттык” радиосуна Транспорт жана жол министрлигинин Жол чарба департаментинин жетекчисинин орун басары Жумаш Соодонбаев билдирди. Анын айтымында, келерки аптанын биринчи же экинчи күндөрүндө 200 миллион сом боюнча чечим кабыл алынат. Бүгүн 31-октябрда Балыкчы-Тамчы-Корумду автоунаа жолунун 50дөй куруучусу кайрадан иш таштап, нааразылык акциясына чыгышкан. Жумушчулардын бири Мурат Касыбаев... Читать дальше...
Пакистандын Жогорку соту "Мухаммед пайгамбарга акарат келтирген" деген айып менен өлүм жазасын күтүп жаткан христиан аялдын өкүмүн жокко чыгарды. Бирок ашынган исламчылардын партиясы жана тарапкерлери Асия Бибинин өкүмүн ишке ашырууну талап кылышууда. Исламабадда коопсуздук чаралары күчөтүлдү.
Эсеп палатасынын Чүй-Токмок билим берүү башкармалыгында аудит жүргүзгөн кызматкери иштен бошотулган. Бул тууралуу бүгүн “Азаттык” радиосуна Эсеп палатасынын басма сөз кызматы билдирди. Мекеменин маалыматына караганда, директорлордун арызынын негизинде прокуратура кылмыш ишин козгогон. Мектептердеги аудиттин жыйынтыгы быйыл 23-июлда Улуттук коопсуздук боюнча мамлекеттик комитетке (УКМК) жиберилген. 30-октябрда “Азаттыктын” сайтына “Мектеп директорлорунун "козголоңу" аттуу макала чыккан. Анда... Читать дальше...
Орусиянын президенти Владимир Путин “митинг өткөрүү укугунан ашкере пайдалануу” үчүн айыппул төлөнө турган мыйзамга кол койду. Бул тууралуу Кремлдин басма сөз кызматы билдирди. 18-октябрда мыйзамды Мамлекеттик Дума жактырган. Кыянаттык менен пайдалануу деп, мисалы, акция өткөрүү тууралуу арыз тапшырып, бирок анын максатын көргөзбөй коюу эсептелет. Жарандар үчүн айыппул 5 миңден 25 миң рублга чейин каралган, уюмдар 100 миң рублга чейин төлөшү мүмкүн. Митинг уюштуруу жөнүндө арызын тапшырып, кийин баш тартып... Читать дальше...
Сириядан келини менен небересин акчага кайтарууга убада берген ортомчуга алданган тажикстандык аялдын баяны.
1-ноябрда көпчүлүк аймактарда жаан жана кар жаайт. Чүй, Талас, Ош, Жалал-Абад, Баткен облустарынын тоо этектеринде жана тоолуу райондорунда, Ысык-Көл ойдуңунун чыгышында жаан-чачын катуу болот. Зымдарга жана бактарга суу кар жармашат. Тоолуу райондордо жолдор тайгак болот. Батыш тараптан соккон шамалдын ылдамдыгы секундасына 4-9 метрден, кээ бир райондордо 17-22 метрге чейин жетет. Абанын температурасы: Чүйдө жана Нарында түнкүсүн -3...+2, күндүз 0...6, Таласта түнкүсүн -4...+1, күндүз 0...5... Читать дальше...
Орусиянын Тергөө комитети Архангелсктеги жардырууга байланыштуу “Теракт” беренеси менен кылмыш ишин козгоду. Баштапкы маалыматтарга караганда, жардыруудан 17 жаштагы жергиликтүү тургун каза болду. Ал жардыруучу затты Федералдык коопсуздук кызматынын (ФСБ) имаратына алып кирүүгө аракеттенген. Анын тек-жайы аныкталды. Бул тууралуу Тергөө комитетинин сайтында айтылат. Буга чейин Улуттук антитеррордук комитет ФСБнын имаратына кирген киши сумкасынан алып чыккан белгисиз жабдык жарылганда каза болгонун кабарлаган. Читать дальше...
Өлкөнүн көз карандысыздыгы үчүн күрөштө атагы чыккан, Индиянын алгачкы вице-премьер-министри Сардар Патель Валлабхаинин эстелиги Гужарат штатында тургузулду. "Биримдиктин айкели" деп аталган бул монументтин бийиктиги 182 метр. Ал Нью-Йорктогу "Эркиндик" статуясынан дээрлик эки эсе бийик. Буга чейин дүйнөнүн эң бийик эстелиги деп мүнөздөлүп келген Кытайдагы Будданын айкелинен 54 метрге узунураак. Монумент 2 жыл 9 ай ичинде бүткөрүлдү. Ага 430 миллион доллар сарпталып, 250 инженер жана 3400 жумушчу ишке тартылган. Читать дальше...
«Центерра» компаниясы “Кумтөр” боюнча башка тараптар менен кандайдыр бир сүйлөшүү жүрө турган болсо ал тууралуу Кыргызстанды сөзсүз кабардар кылмак. “Центеррадан” келген жооп ушундай болгонун бүгүн “Азаттык” радиосуна “Кыргызалтын” ишканасы билдирди. «Центерра» коомчулук үчүн ачык компания болгондуктан үчүнчү жактардан, анын ичинде кытайлык компаниядан ар кандай мүнөздөгү келишимдерди түзүү жөнүндө түрдүү сунуштарды алышы мүмкүн экенин, бул дүйнөдөгү ачык ишканалардын арасындагы кадимки көрүнүш болуп эсептелерин айтууда. Читать дальше...
