Новости за 30.10.2018

Январь айында 52 өзбекстандык мигранттын өмүрүн алган автобус кырсыгы боюнча Казакстандын Актөбө шаарында өтүп жаткан соттук териштирүүдө прокуратура беш айыпталуучуну абакка кесүүнү соттон өтүндү. 30-октябрдагы соттук отурумда прокурор Осман Орунбасарулы айыпталып жаткан казак жарандары жүргүнчүлөрдүн өлүмүнө күнөөлүү экенин айтты. Ал күйүп кеткен автобуска ээлик кылган “Asia Transit Service” компаниясынын эки кызматкерин жети жылга, үч айдоочунун ар бир бирин беш жылга эркинен ажыратууну сурады. Читать дальше...

Германиянын канцлери Ангела Меркел саясаттан кетерин жарыялады. Казак бийлиги Сирияда жердештерин жок кылды деген казак келиндер тууралуу маалыматты териштирүүдө. Тажикстанда пара алып жаткан жеринен кармалган милициянын мурдагы жооптуу кызматкери бошотулду. Астананын VIP түрмөсү – Казакстанда жемкор камалгандан кийин түрмөдө өзүнө курорттогудай шарт түзүп алган. Сингапурдук жаш дизайнер азиздер үчүн атайын идиштерди ойлоп табууда. Эркиндикке үндөгөн сүрөтчү – Асхат Ахмедьяровдун адамды ойлондурган көркөм дүйнөсү. Читать дальше...

Бишкек шаарынын тургуну "Азаттыкка" кайрылып, диний ишенимине байланыштуу үй-бүлөсү менен кысымга кабылып, таяк жегенин билдирди. Өзүнүн айтымында, окуя болгон учурда милиция алардын арызына көңүл бурган эмес.

Парламенттин отун-энергетика комитети Бишкек жылуулук электр берүү борборундагы былтыр кыштагы авариянын кесепеттерин жоюу жана анын себептерин аныктоо иштеринин жыйынтыгы менен таанышты. Биринчи вице-премьер-министр Кубатбек Боронов жылуулук борборун оңдоп-түздөөгө жана аны кышка даярдоого карата каржылоонун өлчөмү эки эсе көбөйтүлгөнүн билдирди. Депутаттар былтыр курулбай калган химиялык блоктун курулушу жана имараттын чатырын жаап, жылуулоо иштерин көрүп чыгышты. Алар модернизациялоого кеткен ашыкча чыгымдарды эске салып... Читать дальше...

Орусиянын курамындагы Ингушетиянын Конституциялык соту Чеченстан менен чек араны өзгөртүү боюнча келишимди "республиканын Баш мыйзамына каршы келет" деп тапты. Соттун 30-октябрдагы чечиминде белгиленгендей, чечен лидери Рамзан Кадыров менен Ингушетиянын башчысы Юнус-Бек Евкуров 26-сентябрда кол койгон келишим референдум аркылуу бекитилмейинче укуктук күчкө ээ боло албайт. Ингушетиянын Конституциялык соту бул маселени жергиликтүү парламенттин депутаттарынан түзүлгөн топтун арызынан кийин карай баштаган. Читать дальше...

Кошмо Штаттар Мексика менен чек арасына 5 миңден ашык аскерин жөнөткөнү жатат. Москвада «Новая газета» басылмасынын эшигинин алдына белгисиз бирөөлөр тогуз кой таштап кетишти. Казак парламентинде кесиптештерин комсомолдун мааракеси менен куттуктаган депутат сынга кабылды.

Москвада «Новая газета» басылмасынын эшигинин алдына белгисиз бирөөлөр тогуз кой таштап кетишти. Бир жума мурун редакцияга союлган койдун башы гүлчамбар менен жөнөтүлгөн эле.

Чыңгыз Айтматовдун көзү тирүү кезинде тартылган сүрөттөр. Апилмажун Темиралиевдин жеке архивинен алынды.

Йемендеги Ходейда порт шаарында жана анын айланасындагы аймактарда күчөгөн уруштардан улам 500 миңден ашуун жайкын тургундар үй-жайларын таштап кетүүгө аргасыз болушту. Алар Адендеги лагерде баш калкалап жатышат.

Ош облусунун Ноокат районунда жашаган жубайлар Дилярам Таштемирова менен Абдималик Алимкулов жана гитарист Абиш Тагаев өмүрүн дээрлик музыкага арнаган адамдар. Алар каатчылык өкүм сүрүп турган 90-жылдары да бул ышкысын таштаган эмес. Соңку жылдары элдин табити өзгөргөнбү айтор кайра жандуу аспаптар, табигый үн менен ырдаган элеттик музыканттарды той-топурларга чакыргандар көбөйө баштаптыр. Элеттик музыка ышкыбоздору тууралуу бул тасмада кеп болот.

Борбордук Америкадан мигранттардын жаңы агымы келишин утурлай Пентагон ушул аптанын соңунда Мексика менен чек арага 5200 жоокерди жайгаштырып жатат.

Чүй районундагы мектептерде иштеген мугалимдер менен техникалык кызматкерлерден акча жыйноо фактысына байланыштуу кылмыш иши козголду.  Бул тууралуу Улуттук коопсуздук боюнча мамлекеттик комитет (УКМК) кабарлады. Андан алынган маалыматка ылайык, быйыл Чүй облусундагы мугалимдер жана мектеп окуучулары Чүй-Токмок билим берүү бөлүмүнүн кызматкери мыйзамсыз акча каражаттарын топтоп жатканы боюнча УКМКга кайрылышкан. Бул арыз текшерилип, натыйжада Кылмыш-жаза кодексинин "Мамлекеттик тескөө органынын... Читать дальше...

Кадимки Манас «үзүлгөндү улап, чачылганды жыйнап» кыргызды бир эл, бир журт кылгандай, аалам алпы Айтматов да эне тил маселесинде эч кимден жалтанбай, чындыкты айтып, эчен жылдар алдыңкы чекте туруп берди.

Чукул билдирүү: 31-октябрда жана 1-2-ноябрда туруксуз аба ырайы күтүлөт. Жалал-Абад, Ош, Баткен облустарынын көпчүлүк аймактарында 31-октябрда жаан жаап, 1-2 ноябрда жаан карга айланат. Батыштан соккон шамалдын ылдамдыгы 4-9 метрден, Ысык-Көл жана Нарын облустарында 17-22 метрге жетет. Аба ырайы: Түнкүсүн Ош, Жалал-Абад, Баткен, Нарын облустарынын көпчүлүк аймактарында, Чүй, Талас, Ысык-Көл облустарынын айрым райондорунда жаан, тоолуу райондордо кар жаашы мүмкүн. Күндүз көпчүлүк аймактарда жаан жаап, карга айланат. Читать дальше...

Мурдагы президенттин кеңешчиси Икрамжан Илмиянов УКМКнын Тергөө абагындагы бир кишилик камерага которулду. Бул тууралуу Кыйноого каршы улуттук борбордун директору Нурдин Сулайманов “Азаттыкка” билдирди. Анын айтымында, Илмиянов бир кишилик камерага которуу жөнүндө өтүнүч келтирген. Сулайманов мындай кадам Илмияновдун өмүрүнө коркунуч туулгандан эмес, стресстик абалдан улам болушу мүмкүн деген пикирин билдирди. Бул маалыматты УКМКнын өкүлдөрү да тастыкташты. Атайын кызматтан алынган маалыматка ылайык... Читать дальше...

2020-жылы өтчү парламенттик шайлоону утурлай, айрым партиялар саясий күрөшкө азыртадан эле даярдана баштады.

Ырчы Самара Каримова Оштогу Ниязалы атындагы музыкалык мектептин директору болуп дайындалды. Бул тууралуу Маданият министрлиги кабарлады. Маалыматка ылайык, министр Азамат Жаманкулов алты айлык сыноо мөөнөтү менен ырчыны музыкалык мектепке жетекчи кылып дайындоо тууралуу чечим кабыл алган. Бул кабарды ырчы Каримова да ырастап, бүгүн мектептин жамааты менен таанышканын айтты. 27 жаштагы Самара Каримова былтыр "Сулайман-Тоо" музей комплексине жетекчи болуп дайындалып, коомчулуктун катуу сын пикирине кабылган. Читать дальше...

Ырчы Самара Каримова Оштогу Ниязалы атындагы музыкалык орто окуу жайдын директору болуп дайындалды. Бул тууралуу Маданият министрлиги кабарлады. Маалыматка ылайык, министр Азамат Жаманкулов алты айлык сыноо мөөнөтү менен ырчыны музыкалык мектепке жетекчи кылып дайындоо тууралуу чечим кабыл алган. Бул кабарды ырчы Каримова да ырастап, бүгүн мектептин жамааты менен таанышканын айтты. 27 жаштагы Самара Каримова былтыр "Сулайман-Тоо" музей комплексине жетекчи болуп дайындалып, коомчулуктун катуу сын пикирине кабылган. Читать дальше...

Кыргызстандын Эсеп палатасы Бишкек Жылуулук электр борборун (ЖЭБ) модернизациялоо боюнча аудитти бүткөрө элек. Бул тууралуу Эсеп палатасынын төрагасы Улукбек Марипов Жогорку Кеңештин тармактык комитетинин Жогорку Кеңештеги көчмө жыйында билдирди. Анын айтымында, бул долбоор өтө көлөмдүү болгондуктан текшерүү узакка созулууда. Марипов Жылуулук электр борбору боюнча аудит аяктаган соң парламентке маалымат берилерин кошумчалады. Быйыл 26-январдагы кыш чилдеде андан алты ай мурда модернизацияланган Бишкек ЖЭБинде авария болуп... Читать дальше...

Бортундагы 189 адамы менен Ява деңизине кулап түшкөн учактын калдыктарын табыш үчүн Индонезиянын бийлиги издөө операциясынын аймагын кеңейтти. Адистердин айтымында, азыр учак кабинасындагы үн жаздыруучу аппаратты жана "кара кутуну" табууга басым жасалууда.  "Lion Air" аба компаниясына таандык "Boeing 737 MAX" учагы дүйшөмбү күнү Жакартадан Панкалпинанг шаарчасына учуп баратып, асманга көтөрүлгөндөн 13 мүнөттөн кийин кырсыкка учураган. 29-октябрда деңизден өлүктөр жана учактын айрым калдыктары табылды. Читать дальше...

"Мен билген Айтматов" сынагына Осмонбек Кочоралиевден келген макаланы сунуштайбыз.

Айтматовго алгачкы жолу 1963 - жылдын жай айында жолуккам. Биздин «Манас» колхозунун төрагасы Шамшы Оморов Чыңгыз ага менен институтта бирге окуган экен, расмий чакыруу менен Керез жеңени, Санжар, Аскар деген уулдарын ээрчитип, Кара-Суу айылындагы колхоздун багына келишкен.

Орусиянын учак ташуучу жалгыз кемеси - "Адмирал Кузнецовду” оңдоп жаткан, сууда калкып жүрүүчү док чөгүп кетип, андан төрт киши жабыркады. Дагы бир кишинин дайын-дареги белгисиз болуп жатат. Маалыматка караганда, кемелерди оңдоп-түзөөгө ылайыкташкан, сууда сүзүп жүрүүчү ПД-50 аттуу док шейшембиде таңкы саат 3:30дарда Мурманск портунун жанында толугу менен сууга чөгүп кеткен. Бийлик өкүлдөрүнүн айтымында, док чөгүп баратканда кеминде андагы бир кран 15 метр бийиктиктен кулап, "Адмирал Кузнецов"... Читать дальше...

Учу-кыйыры чексиз түгөнбөгөн бул ааламдын айтып бүткүс ары кызыктуу, ары касиеттүү, ары керемет сырлары бар. Аларды ачуу үчүн, бир топ татаал табышмактардын жандырмагын табуу талап кылынат.

Бүгүн Арменияда премьер-министрликке талапкер көрсөтүүнүн акыркы мөөнөтү. Өкмөт башчынын милдетин аткаруучу Никол Пашинянды премьерликке бул ирет "Царукян" жана "Елк" фракциялары, ошондой эле азыркы парламентте көпчүлүктү түзгөн  Республикалык партиядан чыгып кеткен айрым депутаттар көргөзүштү. Пашянан үчүн мыйзам жобосунда каралган бул жараянды басып өтүүдөгү максат - парламенттик шайлоонун мөөнөтсүз жарыяланышына жетишүү. Буга чейин Армениянын Улуттук жыйыны 24-октябрда Пашинянды премьер-министрликке шайлай албай койгон. Читать дальше...