Новости за 02.12.2018

Ирандын Революциялык соту журналист аялды 12 жыл, тогуз айга эркинен ажыратканын Ирандын маалымат каражаттары кабарлашты. Реформачыл журналист Хенгамех Шахиди соттун  өкүмүнө арыздана алат. Ага саясий топторго кошулууга, медиа каражаттарына жарыяланууга жана өлкөдөн чыгууга тыюу салынды.    Шахидинин адвокаты Мостафа Турк Хамедани IRNA маалымат агенттигине «сот ишинин купуялуулугуна жана коопсуздук маселесине байланыштуу өкүмдү айта албайм» деп билдирди. 43 жаштагы Шахиди быйыл июль айылында камалган. Читать дальше...

Ооганстандагы “Талибандын” башкы командири өлкөнүн түштүгүндөгү Гилменд провинциясында өлтүрүлдү. Провинциянын губернатору Мохаммад Ясин Хандын "Азаттыктын" ооган кызматына айтканы боюнча Молдо Абдулманан 1-декабрда Навзад районунда жүргөн аскердик операцияда дагы төрт согушкер менен  бирге өлтүрүлдү.    Молдо Абдулманан “Талибандын” Гилменд провинциясындагы жооптуу адамы болгон. Анын жок кылынганын кыймылдын басма сөз катчысы Забиулла Мужахид бышыктады. Маалыматты АКШ аскерлери да ырастады.  ... Читать дальше...

АКШнын коргоо минитри Жеймс Мэттис Орусияны быйыл өткөн Конгресске болгон "шайлоого кийлигишти" деп айыптады. АКШнын маалымат каражаттары билдиригендей, мындай айыптоо америкалык жогорку даражалуу жетекчинин оозунан биринчи жолу чыкты. Мэттис Калифорниядагы Рональд Рейган атындагы президенттик китепканада сүйлөгөндө “АКШ менен Орусиянын алакасы муздаганын” белгиледи. Ал бул үчүн Москваны жана президент Путинди түздөн-түз айыптап, “өз катасынан сабак албаган жакшы эмес” деп баалады. Пентагондун... Читать дальше...

АКШнын мамлекеттик катчысы Майк Помпео Ирандын “өзөктүк дүрмөт алып жүрүүгө жарамдуу” орто аралыкка учкан ракетаны сынаганын айыптады. Помпеонун 1-декабрдагы билдирүүсүндө айтылгандай, “мындай курал Европанын бир бөлүгүнө жана Жакынкы Чыгыштын кайсы жерине болбосун сокку урууга жөндөмдүү”.    “Бул сыноо БУУнун Коопсуздук кеңешинин өзөктүк дүрмөт алып жүрүүгө жарактуу куралга байланыштуу бардык иш-аракетке тыюу салган 2231-резолюциясын бузат” – деп белгиленет. Билдирүүдө 2015-жылкы эл аралык өзөктүк макулдашууга да шилтеме жасалат. Читать дальше...

Бишкектеги Ак-Кула атмайданында көкбөрү боюнча "Чүй-Талас ынтымагы" турнири жыйынтыкталды.

Израилдин тергөө органдары премьер-министр Беньямин Нетаньяху менен жубайы Сарага "паракорчулук", "көз боёмочулук" жана "коомдук ишенимди бузду" деген негизде айып тагууну сунуш кылды. Бул тууралуу "The Jerusalem Post" басылмасы жазып чыкты. Мындай сунушка Израилдин башкы прокурору уруксат берген. Эми Башкы прокуратура Нетаньяхуга расмий айып тагууну же токтотууну чечет.     Премьердин үй-бүлөсү менен кошо жогорку кызматтагы бир катар аткаминерлер коррупцияга айыпталып жатат. 2014-2017-жылдары... Читать дальше...

Грузияда бийликтеги партия колдогон талапкер Салома Зурабишвилинин жеңишине нааразы миңдеген киши "шайлоо бурмаланды" деп көчөгө чыгышты. 2-декабрда Грузиянын жана Евробиримдиктин желектерин көтөргөндөр Тбилисидеги парламент имаратынын алдына чогулуп, шайлоо мыйзамдарын өзгөртүп, мөөнөтүнөн мурун кайра шайлоо өткөрүүнү талап кылышты. 28-ноябрда өткөн президенттик шайлоонун экинчи айлампасында  бийликтеги “Грузин кыялы” партиясы колдогон талапкер Саломе Зурабишвили добуштардын 59,5%, мурдагы президент... Читать дальше...

Париж полициясы күйүүчү майга салыктын көбөйүшүнө каршы чыккан демонстранттардын 412си кармалганын билдирди. 1-декабрдагы нааразылыктар учурунда 133 киши жаракат алган, анын 23ү полиция кызматкери.  Ишембиде Париждин борборундагы башаламандык учурунда жүздөгөн киши камакта кармалып турду. Демонстранттар шаардын көчөлөрүнө тосмо орнотуп, от жандырып, айрым мүлктөргө зыян келтиришти. Тартип сакчылары аларга каршы союл, көздөн жаш чыгарган газ колдонуп, суу чачты.  Франция президенти 2-декабрда... Читать дальше...

Бишкектеги Ак-Кула ат майданында өткөн көкбөрү боюнча "Чүй Талас ынтымагы" турнирин Талас районунун улакчылары жеңип кетти. Алар 2-декабрда финалда Кара-Буура районунун көкбөрүчүлөрү менен кез келип, жалпы эсеп 6:2 менен жыйынтыкталды. Үчүнчү орунду Чүйдүн Жайыл району алды. Турнирдин жалпы байге фонду 1 миллион сомду түзүп, жеңүүчү 200 миң сом акчалай сыйлыкка ээ болсо, экинчи орунду алган командага 150 миң, ал эми үчүнчү орунга 100 миң сом ыйгарылды. Андан тышкары мыкты оюнчу, мыкты ат жана башка багыттарда акчалай сыйлыктар берилди. Читать дальше...

"Чоң жыйырманын" лидерлери эл аралык соода-сатык учурдун талабына жооп бербей калганын белгилеп, Дүйнөлүк соода уюмун (ДСУ) реформалоо керек деген бүтүмгө келишти. Баяндамада катышуучулардын баары ар тараптуу соода-сатыкты колдой турганы, бирок бул система реформага муктаж экени белгиленген.  1-декабрда Аргентинанын борбору Буэнос-Айресте аяктаган G20 саммитинде кабыл алынган баяндамада катышуучулар климаттын өзгөрүүсүнө каршы күрөш боюнча Париж келишимин колдой турганы айтылат. Келишимден чыккан АКШ гана бул пикирге кошулган эмес. Читать дальше...

Дүйнөлүк басма сөзгө баяндама (26-ноябрь - 3-декабрь)

Ушул аптада Чехиянын борбору Прага шаарында “Улуттук коопсуздук жана диний көп түрдүүлүккө мамлекеттердин мамилеси” аталышындагы эл аралык конференция уюштурулду. Ага катышкан дин маселелери боюнча эксперт Канатбек Мурзахалилов Прагадагы студиябызда маек курду.

АКШнын мурдагы президенти, Жорш Буштун сөөгү 5-декабрда Техаста өзүнүн ысымы ыйгарылган китепкананын аймагында жерге берилет. Китепкана Стейшн коллежине таандык. Бул тууралуу аталган окуу жайдын сайтында маалымдалды.  Буш жети ай мурда көз жумган жубайы менен 1953-жылы үч жашында учкан кызынын кабырларына жанаша көмүлөт. Сөөктү жерге берүү жабык өтөт. Ага маркумдун жакындары катышат, коллеждин студенттери, окутуучулары жана жумушчулары байкоо салса болору кабарланууда.   Ага чейин Буш менен коштошуу зыйнаты Вашингтондо - Капитолийде болот. Читать дальше...

АКШнын мурдагы президенти, Жорж Буштун сөөгү 5-декабрда Техаста өзүнүн ысымы ыйгарылган китепкананын аймагында жерге берилет. Китепкана Стейшн коллежине таандык. Бул тууралуу аталган окуу жайдын сайтында маалымдалды.  Буш жети ай мурда көз жумган жубайы менен 1953-жылы үч жашында учкан кызынын кабырларына жанаша көмүлөт. Сөөктү жерге берүү жабык өтөт. Ага маркумдун жакындары катышат, коллеждин студенттери, окутуучулары жана жумушчулары байкоо салса болору кабарланууда.   Ага чейин Буш менен коштошуу зыйнаты Вашингтондо - Капитолийде болот. Читать дальше...

Өзбекстандагы "PROlogue-2018" эл аралык кинофестивалында кыргызстандык Акылбек Абдыкалыков "Мыкты актер" наамына татыктуу деп табылды. Ага бул сыйлык Темир Бирназаровдун "Түнкү кырсык" тасмасындагы ролу үчүн берилди.  Күн мурда аталган фестивалдын "Мыкты актриса" номинациясы да кыргызстандык Мадина Талипбекке ыйгарылганы кабарланган.  Кыргыз-өзбек киночулары чогуу тарткан "Делбирим" тасмасында Мадина Аселдин ролун жараткан. Фильм Кыргызстанда 6-декабрда чоң экрандарга чыгат.  "PROlogue" — Эл аралык кинофестивалы Өзбекстанда негизделип... Читать дальше...

Бишкектеги Ак-Кула майданында өтүп жатка көкбөрү боюнча "Чүй-Талас ынтымагы" турниринин алкагында эки облустун ардагерлери бүгүн (2-декабрь) күч сынашты. Ардагерлердин оюну кызыктыруучу байге үчүн өтүп, 4:1 эсебинде Таластын 40 жаштан ашкан улакчылары жеңди. Чүй ардагерлеринин капитаны Көкбөрү федерациясынын мурдагы жетекчиси Канат Исаев болду. Ал эми Талас командасында Көкбөрү федерациясынын мурдагы өкүлү Талас Бегалиев капитан катары ойноду. Учурда "Чуй Талас ынтымагы" турниринин финалдык оюну башталды. Читать дальше...

Казакстанда өзбекстандык 52 адам менен күйүп кеткен автобустун ээси кармалды. Ал Ташкентте колго түшкөнүн, Казакстандын 46 жаштагы жараны экенин өзбек милициясынын басма сөз кызматы 1-декабрда кабарлады.  Шектүүгө "Автоунааны сапатсыз оңдогон жана техникалык мүчүлүштүк менен пайдаланууга берген" деген айып коюлуп жатат. Ташкент шаардык ички иштер башкармалыгы ал Казакстандын укук коргоо органдарына тапшырыларын маалымдады.  Казакстандын Актөбө шаарында бул окуя боюнча сот иши уланууда. Соттолуп... Читать дальше...

1-декабрдагы башаламандыктардан улам Францияда "чукул кырдаал" режими жарыяланышы ыктымал. Бул тууралуу "Europe1" радиосу аркылуу өкмөттүн расмий өкүлү Бенжамин Гриво билдирди.  "Биз кандай чара колдонушубуз мүмкүндүгүн ойлонушубуз керек",- деди Гриво.  Ыктымалдуу чукул кырдаал жаатында президент Эммануэль Макрон жекшемби күнү өкмөт башчы жана бир катар министрлер менен сүйлөшөрү кабарланды.  Парижде полиция 1-декабрда нааразылыкка чыккан жүздөн ашуун кишини кармаган. Франция баш калаасында... Читать дальше...

"Азаттык" радиосунун Казакстандагы алгачкы кабарчысы, журналист Кыял Сабдалин 70 жашында Алматыда көз жумду. Бул тууралуу анын досу, журналист Жумаш Кенебай "Фейсбукка" жазды.  "Менин досум Кыял Сабдалин оор дарттан улам көз жумду",- деди ал.  1990-1994-жылдары Кыял Сабдалин "Эркин Европа - Азаттык" радиосунун Казакстандагы биринчи кабарчысы болгон. Андан соң радионун Алматыдагы бюросун жетектеген. Радиобаяндарда өлкөдөгү саясий, социалдык, экономикалык кырдаалды кабарлап турган. Андан тышкары... Читать дальше...

1-декабрь күнү Ысык-Көл районунун Жаркынбаев айылында жанын кыюуга аракет кылган 18 жаштагы кыз ооруканада жатат. Бул тууралуу “Азаттыкка” Ысык-Көл облустук милициянын басма сөз катчысы Сталбек Усубакунов билдирди. Усубакуновдун айтымында, сүйлөшкөн жигити кайтыш болгондон кийин кыз өз жанын кыюуга аракет кылган. Мойнуна жип илип жаткан маалда чоң ата, чоң энеси көрүп, өлүмдөн алып калышкан. Андан соң кыз Чолпон-Ата шаарындагы Ысык-Көл райондук ооруканасына жаткырылган.(AsM)

Буэнос-Айрестеги "Чоң жыйырманын" саммитинин аягында АКШ президенти менен Кытайдын төрагасы Си Цзинпин эки өлкө ортосундагы "соода согушундагы" жарашуу тууралуу жарыялашты. Эки лидер тең жеке жолугушууну "эң жогорку даражада ийгиликтүү" болгонун билдиришти.  Дональд Трамп менен Си Цзинпин 1-декабрда саммит аяктаган соң түшкү тамак учурунда жолугушту. Бул кездешүү байкоочулардын көңүлүн бурган окуялардын бири болду.  Америка тарап ишемби күнү тараткан кабарга ылайык, учурда Кытайдын товарларына тарифти көтөрүүдөн карманып турат. Читать дальше...

Организмдин картаюсун токтотуучу дары. Душманынын баш сөөгүн чогулткан сары кумурскалар. Ионн кыймылдаткыч менен иштеген жаратылышка зыянсыз аэроплан. 200 миллион жыл мурда доор сүргөн дөө динозаврдын сөөгү табылды.

3-декабрда Кыргызстанда жаан-чачын болбойт. Жолдорго муз тоңот. Түнкүсүн Чүй, Талас, Ош, Жалал-Абад, Баткен облустарынын кээ бир райондорунда туман түшүшү мүмкүн. Батыштан соккон шамалдын ылдамдыгы секундасына 3-8 метрге жетет. Абанын температурасы: Чүй өрөөнүндө түнкүсүн -5...-10, күндүз 0...5, Талас жергесинде түнкүсүн -10...-15, күндүз 1...6, Баткен облусунда түнкүсүн -1...+4, күндүз 5...10, Ош, Жалал-Абад аймактарында түнкүсүн 0...-5, күндүз 5...10, Ысык-Көл дубанында түнкүсүн 0...-5... Читать дальше...

Бишкекте акыркы күндөрү сасык тумоо менен клиникалык жугуштуу оорулардын бейтапканасына кайрылгандар эки эсе көбөйдү. Бул тууралуу “Азаттыкка” аталган оорукананын директору Гүлжигит Алиев 2-декабрда билдирди. Анын айтымында, бейтаптарды текшерүү үчүн мурда нөөмөткө экиден дарыгер турса, азыр төрт адис элди кабыл алууда. Кезек күткөн жарандар тартылган видеолор социалдык тармактарга да тарады.  - Ооба, ушундай кезек күтүүлөр болуп жатат. Азыр сасык тумоо көп, мурда биздин ооруканага күнүнө 200-250 киши кайрылса... Читать дальше...

Быйыл 11-мартта Бишкекте даярдалган бешбармак Гиннестин рекорддор китебине киргизилгенин тастыктаган сертификат элге көрсөтүлдү. Иш-чара 2-декабрда "Аю Grand Comfort" соода борборунда болду.  Бешбармактын Гиннеске киргенин аталган уюмдун расмий сайты да май айында жазган. Анда Бишкектеги бешбармактын салмагы 1 464 килограмм болгону жазылган. Бешбармак менен кошо 117 метр чучук да даярдалган. Тамак үчүн сегиз жылкы союлуп, бир жарым тоннага жакын эт бышырылган. 150 литрге ылайыкталган 12 тай казан орнотулган. Читать дальше...