Новости за 20.12.2018

19-декабрда Бразилиянын башкы прокурору өлкө президенти Мишел Темерге коррупция жана арам акчаны адалдоо боюнча айып такты. Бул ишти көзөмөл органы бир нече айдан бери иликтеп жүргөн. Прокуратуранын маалыматында президент 2017-жылкы портторду колдонуу келишимдерин дагы жетимиш жылга чейин узарткан жарлыгы үчүн "пара алган" деп айтылат. Президенттик администрация мындан бир да "компания мыйзамсыз пайда көрбөгөнүн Темер далилдейт" деген билдирүү таратты. Өлкө башчысына байланыштуу сот иши парламенттин уруксатысыз башталбайт. Читать дальше...

АКШнын Ооганстан боюнча атайын чабарманы Залмай Халилзад "Талибан" кыймылынын ооган жергесиндеги 17 жылдык согушту басууга аракети жоктугун белгилеп, кыймылдын мүчөлөрү Кабул өкмөтү менен тынчтык сүйлөшүүлөрүнө келүүдөн баш тартканын билдирди. 20-декабрда Халилзад оогандардын “Ариана” маалымат агенттиги менен болгон маегинде “алар дагы кандай кадам жасарын күтүшүбүз зарыл” деди. Чабармандын айтканына караганда, ооган өкмөтү согушту аяктоого кызыкдар болгону менен “Талибан” кыймылынын “чындап тынчтыкка умтулганы күмөндүү”. Читать дальше...

Жогорку Кеңештин 20-декабрдагы жалпы жыйынында Асел Кодуранованы вице-спикерлик кызматтан алуу депутаттардын талаш-тартышы менен коштолду. Жыйынтыгында электрондук жабык добуш берүү болуп, Кодуранованы төраганын орун басарлыгынан алууну 92 депутат колдоп, 19у каршы болду.

Улуттук коопсуздук боюнча мамлекеттик комитет (УКМК) абактагы мурдагы өкмөт башчы Сапар Исаковдун президент Сооронбай Жээнбеков менен аппараты тууралуу дооматтарын четке какты.

Америкалык аскерлер Сириядан чыгарылат. Президент Трамптын бул чечимине бир топ сенатор каршы. Тажик президентинин даңазасы. Эмомали Рахмон тууралуу даректүү тасма элге, бери дегенде жаштарга жапырт көрсөтүлүүдө. Бразилия башпрокуратурасы кызматтан кетип жаткан президентке айып такты

КСДП фракциясынын сунушунун негизинде депутат Асел Кодуранова Жогорку Кеңештин төрагасынын орун басарлыгынан алынды. Жыйында добуш берүүгө катышкан 111 депутаттын 92си сунушту колдоп, 19 депутат каршы добуш берди.

Орусияда 190дон ашык улуттун өкүлдөрү жашайт. Аянты боюнча эң чоң бул өлкөдө 270тей ар түркүн тил жана диалект бар. Жыл сайын эне тилинде сүйлөгөндөр азайып бараткан элдердин арасында шорлор жана ханттар да бар.

Күйөөсү менен Нижне-Серафимовкадагы майыптар жана карылар үйүндө жашап, уулун аргасы жок балдар үйүнө берген Жибек Сагынбекова тууралуу "Азаттык" радиосу тасма тарткандан кийин анын турмушу өзгөрүп, үйлүү болду. Бир жыл мурун даярдалган тасмада Жибек наристесин өз колуна алып багуу үчүн мамлекеттен батир сураган эле. Тагдыр сыноосуна моюн сунбаган Жибектин ишеними менен келечекке умтулуусун колдогон кайрымдуу адамдар эки жума мурун үй сатып беришип, жаш үй-бүлөнү зор кубанычка бөлөштү.

Камактагы мурдагы премьер-министр Сапар Исаков өзүнө карата козголгон кылмыш иштеринин, соттук териштирүүлөрдүн артында президент Соронбай Жээнбеков турат деп эсептейт. Исаков бул тууралуу 18-декабрда Бишкек шаардык сотунда өзүнүн бөгөт чарасы каралган учурда айткан. Анын сөзүн текст түрүндө Кыргызстан социал-демократиялык партиясы (КСДП) таратты. Ошондой эле "Апрель" телеканалы соттон жазылып алынган аудиону жарыялады.     "Мен бул процесстердин артында президенттин аппараты турганын жана ал сиздин дем алганыңызды... Читать дальше...

Орусиянын президенти Владимир Путин өткөн айда болгон Керч кысыгындагы жаңжал үчүн Украинаны дагы бир жолу айыптап, АКШны куралданууну токтотуу боюнча эл аралык системаны бузуп жатат деп сындады. Бул тууралуу ал 20-декабрда жыл жыйынтыгын чыгарган басма сөз жыйынында билдирди.

Жогорку Кеңеш бүгүн, 20-декабрдагы сессияда "Майыптардын укуктары жөнүндөгү" БУУнун конвенциясын биринчи окууда талкуулап, кабыл алды.   Документ каржы маселесине байланыштуу жети жылдан бери кабыл алынбай келе жаткан. 5-ноябрда аны парламенттин Социалдык маселелер, билим берүү, илим, маданият жана саламаттык сактоо боюнча комитети жактырган.  БУУ 2006-жылдын 13-декабрында кабыл алган бул конвенция 2008-жылдын 3-майында күчүнө кирген. Кыргызстан документке 2011-жылы кол койгону менен парламент бекитип бере элек. Читать дальше...

"Кыргыз чоролору" коомдук бирикмеси Кыргызстанда мыйзамсыз жүргөн чет элдиктерди отуз күн ичинде мамлекеттен чыгарууну бийликтен талап кылды.

Жалал-Абад шаарынын 72 жаштагы тургуну Урниса Турдиева мэрден өз иш бөлмөсүндө ыдык көргөнүн билдирип, прокуратурага кайрылды.

АКШнын президенти Дональд Трамп Сириядан америкалык аскерлер чыгарыларын билдирди. 19-декабрда жарыяланган чечим көптөр үчүн күтүүсүз болду. Бир катар сенаторлор президенттин бул кадамын айыпташып, чечимин өзгөртүүгө чакырышты.

Бишкек шаардык соту Мамлекеттик бажы кызматынын төрагасынын мурдагы орун басары Райымбек Матраимовго байланышкан ишти кароону 28-декабрда улантмай болду. 20-декабрдагы отурумда сот өкмөт өкүлүнө тийиштүү документтердин түп нускасын алып келүүнү талап кылды.  Кыргыз өкмөтү райондук сот чыгарган чечимге байланыштуу шаардык сотко апелляциялык арыз менен 17-августта кайрылган. Ага чейин, 25-июлда Биринчи май райондук соту Матраимовго Мамлекеттик бажы кызматынын төрагасынын орун басарынын кызматына кайра кайтууга уруксат берген чечим чыгарган. Читать дальше...

Бишкекте окуучуну сүзгөн айдоочу ким экени аныкталды. Бул тууралуу бүгүн 20-декабрда Жол коопсуздугун камсыздоо башкармалыгы кабарлады. Мекеменин маалыматына караганда, окуя 18-декабрда Бөкөнбаев жана Манас көчөлөрүнүн кесилишинде болгон. Жолдон өтүп бараткан сегиз жаштагы баланы машине сүзгөн. Бала жыгылып, бирок дароо туруп, басып кеткен. Ал денесинен жеңил жараат алганы аныкталды. Ыкчам издөө иштеринин натыйжасында "Ниссан Мурано" машинесинин 31 жаштагы айдоочусу Бишкек шаарынын тургуну экени такталды. Читать дальше...

Ташкенттин Юнусобод районундагы "Омина" мечитинин мурдагы имамы Фазлиддин Парпиев өлкөдөн чыгып кетти. Бул тууралуу ал 19-декабрда “Фейсбуктагы” баракчасы аркылуу билдирип, буга өзбек прокуратурасынын эскертүүлөрү себеп болгонун айтты. Ал быйыл 7-сентябрда өлкө президенти Шавкат Мирзиёевге видео аркылуу кайрылып, укук коргоо органдары жарандардын дин тутуу укугун бузуп жатканын айткан. Анда имам милиция кызматкерлерин “сакалчан мусулмандар менен хижаб кийген аялдарга басым жасап жатат” деп айыптаган. Читать дальше...

Түштүк Кореяда түмөндөгөн таксисттер иш таштап, борбор шаар Сеулда митингге чыгышты. Алар "Kakao Mobility" компаниясынын жаңы карпулинг кызматына каршы болуп жатышат. Кызмат жеңил машинеси бар каалаган айдоочуга көчөдөн жүргүнчү алууга жол ачат. Ал чөнтөк тиркеменин жардамы менен ишке ашырылганы жаткан. Буга каршылык билдирүү максатында мурдагы аптанын дүйшөмбүсүндө жергиликтүү таксист өзүн өзү өрттөп жиберип, ооруканада каза болгон. "Kakao Mobility" ошондон көп өтпөй эле жаңы кызматты ишке киргизүүнү убактылуу токтоткон. Читать дальше...

Латвиянын улуттук архиви Латвия ССРинин Мамлекеттик коопсуздук комитети – КГБнын картотекасындагы материалдарды Интернетке жарыялады. Бул өлкөдө советтик атайын кызматтын архивиндеги материалдарды жарыялоо жөнүндө мыйзамга толуктоо быйыл октябрда киргизилген.  «Азаттык» радиосунун орус кызматы билдиргендей, декабрда 10 миңден ашуун кишинин аты-жөнү алфавит боюнча жарыяланат. Алар - атайын кызмат күчүндө турганда иштешкен жана андан айдалган агенттер. Ошондой эле КГБнын Биринчи бөлүмүндөгү маалымат да жарык көрөт. Читать дальше...

"Күч колдонуудан мурда түшүндүрүү иштерине, туура маалымат берүүгө басым жасаш керек" деди бүгүн 20-декабрда мамлекет башчы Сооронбай Жээнбеков Бишкекте улуттук коопсуздук кызматкерлерине кайрылып жатып. Ошону менен катар президент "кыраакылыкты жана террорго каршы иш-чараларды күчөтүп, тийиштүү күчтөр менен каражаттар ар дайым күжүрмөн даярдыкта болушу зарыл" экенин белгиледи. Президент мекен сакчылыгында туруп, каармандык менен курман болгон коопсуздук органдарынын кызматкерлерин эскерип, элесине таазим этип... Читать дальше...

Улуттук коопсуздук боюнча мамлекеттик комитеттин (УКМК) басма сөз катчысы Рахат Сулайманов мурдагы өкмөт башчы Сапар Исаковдун Бишкек Жылуулук электр борборун (ЖЭБ) оңдоодогу коррупциялык иштерден тышкары башка да мыйзам бузган учурлары иликтенип жатканын билдирди. Бирок ал кайсы фактылар экенин анык айткан жок. - Башка долбоорлордо да мыйзамсыз иш-аракеттерди жасаганы боюнча далилдер бар. Бул фактылар териштирилип жатат. Тергөөнүн жүрүшүндө материалдар Башкы прокуратурага, андан ары сотко жөнөтүлөт, - деди ал. Читать дальше...

АКШнын Сириядан аскерлерин чыгаруу боюнча чечимине карабастан Франция Жакынкы Чыгыштын бул өлкөсүндөгү "Ислам мамлекети" экстремисттик тобуна каршы коалициянын операцияларына катыша берет. Бул тууралуу Франциянын Европа иштери боюнча министри Натали Луазо 20-декабрда журналисттерге билдирди.  "Албетте, азырынча биз Сирияда кала беребиз. Террорчулукка каршы күрөш аяктай элек", - деди француз министри.  Анын алдында Улуу Британиянын өкмөтү да билдирүү таратып, анда Сириядагы ИМ тобуна каршы күрөштө дагы көп иш жасалышы керек экенин белгиледи.

2018-жылы Кыргызстанда адам укуктары маселесинде кандай жылыштар жана өксүктөр болду? Эл аралык коомчулук эмнелерди байкады?

"Кыргыз чоролору" коомдук бирикмеси Кыргызстанда мыйзамсыз жүргөн чет элдиктерди отуз күн ичинде мамлекеттен чыгарууну бийликтен талап кылды. Кытайдын "тарбиялоочу лагерлериндеги" кыргыз улутундагы ар бир жарандын камакка алынуу себебин ачык айтууну өтүнгөн кат элчиликке тапшырылды. Акция 20-декабрда Кытайдын Кыргызстандагы элчилигинин алдында өттү.

Орус президенти Владимир Путин АКШны аскердик келишимдерден чыгып жатканы үчүн айыптап, дүйнөдө өзөктүк согуш чыгып кетүү коркунучун көз жаздымда калтырбашы керек экенин эскертти. Ал 20-декабрда Москвадагы жылдык басма сөз жыйынында мамлекеттик телеканалдын журналистинин суроосуна жооп берип жатып, өзөктүк согуш бүтүндөй планетага бүлгүн салаарын белгиледи жана Батыш менен Москванын ортосундагы чыңалуу жөнгө салынаарына үмүт кылып турганын кошумчалады. Орус президенти АКШнын 2002-жылы Баллистикалык... Читать дальше...