Новости за 15.12.2018

Көчмөндөр оюндарында аты чырга илешкен ишкер Эркин Мергенбаев дагы камакка алынды. Бул тууралуу “Азаттык” радиосуна анын жубайы Айгүл Мергенбаева билдирди. Анын айтымында, ишкер бул жолу Чолпон-Атадагы ат майданды куруу учурунда курулуш материалдарын кымбат баада алган деп айыпталууда. Айгүл Мергенбаева муну тергөөчүнүн жеке өчү катары баалады. Ал жолдошу түзөтүү абагында жаткан кезде операция болгонун, ден соолугуна байланыштуу жакында эле жатак абакка которулганын кошумчалады. Маалыматка ылайык... Читать дальше...

Кыргызстанда күнүгө орто эсеп менен 15 кишиге рак деген диагноз коюлат. Аялдар арасында эмчек жана жатын моюнчасынын залалдуу шишиги кеңири жайылган. "Сергек жашоо" түрмөгүндө бул ооруга чалдыккан аялдардын окуяларынан турган баяндарды сунуштадык.

Брюсселдеги саммитте Евробиримдик Британия менен мурда макулдашылган Брекзит келишимине толуктоолорду киргизүү тууралуу жаңы сүйлөшүүлөрдү өткөрүүдөн баш тартты. Келишимде Британиянын Евробиримдиктен чыгуу жоболору жана шарттары жазылган. Ушул аптада Британиянын премьер-министри Тереза Мэйдин кабинети Брекзит долбооруна добуш берүүнүн мөөнөтүн жылдырган. Мэй долбоорду Коомдук палата жактырбай коет деп чочулаган. Кийин ал Консерваторлор партиясынан колдоо таап, Брюсселге барып, Евробиримдиктин... Читать дальше...

Москвада өкмөттүк мекемени жууп-тазалаган мигранттар эмгек акысын өндүрө албай жатышат.

“Кыргызгидромет” борбору кабарлагандай, 16-декабрда өлкөнүн бардык аймактарында кар жаайт. Мындай абал 19-декабрга чейин сакталат. Талас өрөөнүндө жаан карга айланат. Тоо этектеринде жана тоолуу райондордо кар жаап, жолдор тоңголок, тайгак болот. Батыштан соккон шамалдын ылдамдыгы секундасына 4-9 метрге жетет. Айрым учурда 14 метрге жетиши ыктымал. Абанын температурасы: Чүй өрөөнүндө түнкүсүн -2…+3, күндүз 0…5, Талас жергесинде түнкүсүн -4…+1, күндүз 0…5, Баткен облусунда түнкүсүн -2…+3, күндүз 2…7... Читать дальше...

Ошто азан айткандардын жарышы өтүп жатат. Азанчылар сынагын “Мухаммед-Умар Ош” коомдук бирикмеси уюштурган. Бул тууралуу “Азаттыкка” аталган бирикменин өкүлү Арыпбек Айтбаев билдирди. Айтбаевдин айтымында, сынак азанчылардын деңгээлин көтөрүү, азанды мыкты айткандарды даңазалоо максатында уюштурулган. Сыйлыкка ноутбук, планшет жана телефондор коюлган. Уюштуруучулар мындай сынактар өлкөнүн бардык облусунда уюштурулуп, финалдык жарыш Бишкек шаарында өтө турганын кошумчалашты. “Мухаммед-Умар”... Читать дальше...

Жогорку Кеӊештеги "Республика Ата-Журт" фракциясынын депутаты Умбеталы Кыдыралиев өкмөттү электрондук кат алмашууга mail.ru платформасын колдонуп келгени үчүн сындады. Бул тууралуу ал 14-ноябрда "Digital CASA - Кыргызстан” долбоорун каржылоону макулдашуу боюнча мыйзам долбоору каралып жатканда айтты. - Бүт "жашыруун сыр" деген материалдардын баары mail.ru аркылуу келет. Каяктагы сырды айтып жатабыз? Биз Digital CASA жөнүндө айтып атабыз. Биз Интернетке кирүүнүн альтернативдүү жолдорун океанга чыгып издеп жатабыз. Читать дальше...

Өзүн табып деп атаган Хашим Зайналиев дарылагандан кийин Бишкектеги Улуттук онкология жана гематология борборуна жеткирилген беш жаштагы кыздын акыбалы жакшырды.  Бул тууралуу аталган бөлүмдүн онколог-дарыгери Фаёзбек Тураббаев “Азаттыкка” билдирди: - Азыркы тапта кыз химия терапия алып жатат. Акыбалы жаңы келгендегиге салыштырмалуу жакшы. Ичиндеги шишиктери кетти, - деди дарыгер. Эч кандай медициналык уруксат кагазы жок болсо да бейтаптарды дарылаган Хашим Зайналиевге Кылмыш-жаза кодексинин... Читать дальше...

Мамлекеттик жаштар иштери, дене тарбия жана спорт агенттиги 2018- жылдын жыйынтыгын чыгарып, спорттогу жетишкендиги үчүн жети спортчуга "Жылдын мыктысы" наамын ыйгарды. Азия оюндарында алтын менен күмүш медалдарды уткан жеңил атлетчи Дарья Маслова, грек-рим күрөшү боюнча Дүйнө жана Азия чемпионаттарында эки күмүш байге уткан 19 жаштагы балбан Жоламан Шаршенбеков, спорттун олимпиадалык түрүнөн "Жылдын мыкты спортчусу" деп табылды. Азия оюндарынын чемпиону Төрөкан Багымбай уулу (жиу-житсу) спорттун олимпиадалык эмес түрүнөн... Читать дальше...

Чыңгыз Айтматовдун “Ак кеме” чыгармасы чыныгы турмуштук окуядан келип чыккан.

Баткендин Кадамжай районундагы Үч-Коргон айылында гемодиализ борбору ачылып, ангиограф жабдуусу коюлду. Сырткы жана ички инвесторлордун жардамы менен сегиз орундуу жасалма бөйрөк аппараты коюлуп, 15 орундуу ангиограф жабдуусу менен кардиологиялык бөлүм ачылды. Аталган жаңы оорукананын үч реанимациялык оруну да бар экенин Саламаттык сактоо министрлиги белгиледи. Буга чейин Баткенде бөйрөк жетишсиздигинен жабыркагандар Бишкекке гана келип, дарылана алышчу. (BCh)

Транспорт жана жолдор министри кызматтан кетүүгө арыз жазганын өкмөттүн аппаратынын маалыматтык камсыздоо бөлүмү кабарлады.

Транспорт жана жолдор министри Жамшитбек Калилов видео кайрылуу таратып, анда ал кызматтан кетүү арызын өз каалоосу менен жазганын айтты.

Транспорт жана жолдор министри Жамшитбек Калилов видео кайрылуу таратып, анда ал кызматтан кетүү арызын өз каалоосу менен жазганын айтты: - Мен азыр тергөө амалдары жүрүп жатканда, менин жана өкмөт башчынын дарегине негизсиз айыптоолор тагылганына байланыштуу өз каалоом менен арызымды жазып бердим. Ошол жумушта менин орун басарым Жусубалиев кармалып калат деп эч качан ойлогон эмесмин. Азыркы учурда министр болуп иштөөгө менин моралдык укугум жок деп эсептейм. Мен Транспорт жана жолдор министрлигинде 1984-жылдан бери эмгектенип келдим. Читать дальше...

Экс-президент Алмазбек Атамбаев көптөгөн саясатчыларды сындоо жана башка аракеттери менен аларды чыйралтты. Бул тууралуу Жогорку Кеңештеги “Өнүгүү-Прогресс” фракциясынын лидери Бакыт Төрөбаев “Азаттыктын” “Эки бир” маегинде билдирди. Маектин жүрүшүндө Төрөбаев өлкө саясатындагы өзгөрүүлөр, урунтуу маселелер жана өз дарегине айтылган сын-пикирлерге жооп берди. Бакыт Төрөбаев менен Бурулкан Турдубек кызы жана Бакыт Асанов маектешти.

Түркиянын эл артисти Түркан Шорай 200дөн ашуун тасмада башкы ролдорду аткарган. Ал үчүн Чыңгыз Айтматовдун "Кызыл жоолук жалжалым" повестинин негизинде тартылган тасмадагы Аселдин ролу өзгөчө барктуу. 1977-жылы түрк кинорежиссерлору тарткан тасмада башкы ролду ойногондон кийин Түркан Шорай кино дүйнөсүнө аттын кашкасындай таанылган. Андан кийин Кыргызстанга келип, Чыңгыз Айтматовго да жолуккан. Түрк киносунун жылдызына «Азаттыктын» Стамбулдагы кабарчысы Элвира Будайчиева кезигип, кепке тартты.

Кошмо Штаттар Африка боюнча жаңы стратегиясын аныктап жатат. Ага ылайык, Вашингтон кара континенттин өлкөлөрүн иргебей, жапырт жардам берүү тажрыйбасынан баш тартмакчы.

Транспорт жана жолдор министри кызматтан кетүүгө арыз жазганын  өкмөттүн аппаратынын маалыматтык камсыздоо бөлүмү кабарлады. Буга байланыштуу премьер-министр Мухаммедкалый Абылгазиев президент Сооронбай Жээнбековго министр Жамшитбек Калиловдун отставкасын кабыл алуу тууралуу сунуштаманы киргизди. 14-декабрда өткөн Коопсуздук кеңешинин жыйынында президент Сооронбай Жээнбеков транспорт министринин “ири өлчөмдө пара алган” деген шек менен кармалган орун басары Азимкан Жусубалиевге байланыштуу ачууланган. Читать дальше...

“Күлкү кербен” кыргыз айдыңдары айтып жүрчү тамашалуу кептер тууралуу түрмөгүн улантат. Бул жолу Кыргызстандагы белгилүү агартуу ишмери, философ, саясат таануучу Алмазбек Акматалиев айткан азил кептерден бир шиңгил сунуштайбыз.

Дүйнөдө 700 миллион киши жакырчылыкта жашап жатат. Бул тууралуу Эл аралык эмгек уюмунун (ЭЭУ) башкы директору Гай Райдер билдиргенин РИА-Новости агенттиги жазды. “Ушул күндө дүйнөдө 200 миллион адам жумушсуз. 700 миллион адам жетишпеген турмушта жашап жатат”, - деди Райдер Ташкентте өтүп жаткан жыйындын ачылышында сүйлөп жатып. Анын айтымында, Евробиримдиктин өлкөлөрүндө 20% калкты жакырчылык жана “коомдогу өгөйлөнүү” тобокелдиги күтүп турат. Гай Райдер эмгек рыногу жаңы моделдерди иштеп чыгууну талап кыларын билдирди. Читать дальше...

Кытайлык ZHENGZHOU YUTONGBUS CO., LTD компаниясы газ менен жүрө турган 60 автобусту сатып алуу боюнча тендерди утуп алды. Бишкек шаарынын мэриясы кабарлагандай, компания 301,2 миллион сомдук сумманы сунуштаган. Тендердин шартына ылайык автобустардын бааларынын жалпы суммасы 382 миллион сомдон ашпашы керек болгон. Yutong ZK 6108 HGH үлгүсүндөгү автобустар метан газы менен иштейт. Мэрия мындай автобустарды киргизүү шаардын экологиясына оң таасирин тийгизет деген ойдо. Автобустар бардык келишимдерге... Читать дальше...

Кызыл жарым ай коомунун ыктыярчылары Бишкек шаарындагы имараттар майыптарга канчалык деңгээлде ыңгайлашканын текшерип, атайын иштелип жаткан картага киргизүүдө. Бул тууралуу Кызыл жарым ай коомунун өкүлү Жакинай Жайчибекова "Азаттыкка" билдирди. Жаштарды өнүктүрүү институтунун колдоосу менен ишке ашырылып жаткан өнөктүктүн максаты атайын араба менен жүргөн майыптар үчүн "Жеткиликтүүлүк картасын" иштеп чыгуу. Картада Бишкек шаарынын кайсы имараттары майыптарга канчалык деңгээлде ыңгайлуу же ыңгайсыз экени көрсөтүлөт. Читать дальше...

"Адилет" укук клиникасынын жетекчиси Чолпон Жакупова маалымат каражаттарынын бирине интервью берип мурдагы президент Алмазбек Атамбаев азыркы бийликке саясий айдыңды тазалап бергенин айтты. - Мен Атамбаевдин таарынычын түшүнөм, себеби ал журналисттерди басмырлап, жарандык коомду катуу кысымга алып, Жээнбековго саясий айдыңды тазалап берип кеткен. Азыркылар Атамбаев президенттигинин алгачкы жылдарында көргөн каршылыкты көргөн жок. Бирок мен азыр системадагы жаңыланууну көрбөй жатам. Цикл өзгөргөн жок. Читать дальше...

Жогорку Кеңештин мурдагы төрагасы Ахматбек Келдибеков аны каралап, аброюна шек келтиргени үчүн экс-президент Алмазбек Атамбаевди сотко берерин жарыялады.

Экс-президент Алмазбек Атамбаевдин мурдагы кеңешчиси Фарид Ниязов "ResPublica" маалымат агенттигине маек курду. Ал Кыргызстандагы сөз эркиндигинин абалы тууралуу сүйлөп жатып, өткөн жылдагы маалымат каражаттарына берилген миллион сомдук доо арыздарды өнүгүүнүн бир этабы катары сыпаттады.  - Сөз эркиндиги бир жыл ичинде өзгөргөн эмес жана өзгөрө деле албайт. Биздин журналисттер жетиштүү деңгээлде эркин жана дасыккан. Өткөн жылдардагы миллион сомдук доолор канчалык катуу угулбасын, муну өнүгүүнүн этабы деп айтсак болот. Читать дальше...