Новости за 07.12.2018

Гамбургда 7-декабрда өткөн "Христиан-демократиялык биримдигинин" курултайында партиянын башчылыгына Аннегрет Крамп-Карренбауэр шайланды. Ал үчүн съезддин 999 делегатынын 517си, ал эми атаандашы Фридрих Мерц үчүн 482си добуш беришти. Партияны 18 жыл башкарган Ангела Меркел бул жолу өз талапкерлигин койгон жок. Буга чейин партиянын баш катчысы кызматын аркалап келген Аннегрет Крамп-Карренбауэрден тышкары төрагалыкка саламаттыкты сактоо министри Йенс Шпан жана партиянын парламенттеги фракциясынын... Читать дальше...

Алар мүмкүнчүлүктөрүн чектебейт. Алар сиз менен бизге караганда көбүрөөк иштейт. Алар жашоодон ыракат алып жашайт. Алар көп нерселерди кыялданат. "Азаттык+" бул чыгарылышын тагдырдын сыноосуна сынбай, ар бир мүнөттү баалап жашаган жаштарга арнады.

АКШнын президенти Дональд Трамп Мамлекеттик департаменттин басма сөз өкүлү Хизер Нойертти Кошмо Штаттардын Бириккен Улуттар Уюмундагы (БУУ) туруктуу элчисинин кызматына көрсөттү. Трамп бул тууралуу журналисттерге 7-декабрда Ак үйдүн жанында, Канзаска барарда билдирди.  6-декабрда маалым болгондой, ABC жана “Fox News” телеканалдарынын мурдагы алып баруучусу жана кабарчысы Нойерт Никки Хейлинин ордуна барат. Хейли быйыл октябрда БУУдагы кызматынан жыл соңунда кетерин жарыялаган.  Трамп буга чейин... Читать дальше...

Бишкектеги “Аккула” ат майданынын айланасында жашаган 30га жакын үй-бүлө турак-жайын тарттырып жиберүүдөн кооптонуп жатат. Башкы прокуратуранын маалыматына караганда, алар жашап жаткан жатакана жана үй салып алган жерлер убагында мыйзамсыз менчиктештирилип кеткен.

Дүйнөлүк банктын “Doing Business - 2018” иликтөөсү боюнча Кыргызстан былтыркы жылга салыштырганда дагы эки позиция артка кеткен.

Француз бийлиги ишемби күнгө белгиленген нааразылык акцияларынын алдында бир нече шаарга кошумча коопсуздук кызматкерлерин жөнөтөрүн билдирди. Париждеги бир катар белгилүү туристтик жайлар, дүкөндөр, музейлер, алардын ичинде Эйфел мунарасы да 8-декабрда жабык болот.  Өкмөт башчы Эдуар Филипп бул күнү Франциянын аймактарында 89 миң полиция кызматкери коопсуздукту камсыз кылаарын жергиликтүү телеканалга айтты. Парижде аскердик техникалар менен камсыздалган сегиз миң тартип коргоо кызматкерлери иш алып барат. Читать дальше...

Ооганстандын батышындагы Герат провинциясында "Талибандын" жоочулары эки аскердик күзөткө бир учурда койгон чабуулдардан 14 ооган аскери мүрт кетти. 21 жоокер туткунга түшкөнүн жергиликтүү бийлик кабарлады.  Гераттын жергиликтүү кеңешинин мүчөсү Нажибулла Мохеби кол салуулар 6-декабрдын кечинде Шиндоң районунда башталганын айтты. Бул райондо, Иран менен чек арадан 110 чакырым алыс аймакта Ооганстандын аба күчтөрүнүн эң ири базасы жайгашкан.  Мохебинин айтымында, алты саатка созулган айыгышкан... Читать дальше...

Канадада кытайлык Huawei компаниясынын топ-менежеринин баш коргоо чарасы каралганы турат. БУУнун Башкы Ассамблеясында ХАМАС кыймылы боюнча резолюция кабыл алынган жок. Кытайдан чыга албай калган үч секелек Казакстанга келип, акыры ата-энеси менен табышты.

Кытайдын Huawei компаниясынын Канадада кармалган топ-менеджеринин баш коргоо чарасы 7-декабрда бул өлкөнүн сотунда каралганы турат.

Кыргыз телекөрсөтүүсүнүн 60 жылдыгы Улуттук филармонияда белгиленди. Салтанатта КТРКнын тарыхын чагылдырган театрлаштырылган оюн-зоок көрсөтүлүп, өнөрпоздордун ыр, күү, бийлери менен коштолду. Мындан 60 жыл мурда, 8-декабрда обого кыргыз тилиндеги алгачкы телеберүү чыккан. Бул күн Кыргыз телерадиоберүү тармагынын кызматкерлеринин кесиптик майрамы катары белгиленет. КТРКнын курамында учурда алты телеканал: "КТРК", "КТРК Музыка", "Маданият-Тарых-Тил", "Баластан",“КТРК Спорт” жана "Ала-Тоо 24" обого чыгууда. Читать дальше...

Германиянын бийликтеги "Христиан-демократиялык биримдиги" партиясы бүгүн, 7-декабрда Гамбургдагы курултайында жаңы лидерин тандаганы турат. Партияны 18 жылдан бери башкарып келген немис канцлери Ангела Меркелдин ордуна үч талапкер ат салышууда. Алар партиянын баш катчысы Аннегрет Крамп-Карренбауэр, христиан-демократтардын парламенттеги фракциясынын мурдагы лидери Фридрих Мерц жана саламаттык сактоо министри Йенс Шпан.  29-октябрда Меркел 2021-жылы канцлердик мөөнөтү бүткөндөн кийин кайрадан бул кызмат үчүн ат салышпай турганын... Читать дальше...

Нукура чыгармачылыктын артында дымактуу жазмакерлик турат.

Буга чейин Ысык-Көл районундагы Ананьево, Григорьевка жана Темир айылдарынан төрт үй-бүлө балдарын диний көз караштан улам мектепке бербей келген.

Бишкек шаардык соту 7-декабрда “Вечерний Бишкек” басма үйү жана “Рубикон” рекламалык фирмасы боюнча Александр Кимдин арызын карап, Биринчи май райондук соту чыгарган чечимди күчүндө калтырды. Соттук коллегияга судьялар Ирина Скрипкина, Аида Манжиева жана Дамир Молоев кирди. Адвокат Сергей Воронцовдун “Азаттык” радиосуна билдиришинче, “Рубикон” соттун чечими менен Александр Кимге кайтарылыды. Сентябрь башында "Вечерний Бишкек" басма үйү жана "Рубикон" рекламалык фирмасына байланыштуу жаңы кылмыш иши козголгонун Башкы прокуратура ырастаган. Читать дальше...

Нарын районундагы Эмгек-Талаа айылынын тургундары Чыңгыз Айтматовдун 90 жылдыгын белгилешти. Алар айылдын борбордук көчөсүнө Айтматовдун аллеясын уюштурган. Айылдагы эл залкар жазуучунун ар бир каарманынын образын бергенге аракет кылды.

Ленин райондук соту кыз ала качуу жана зордуктоо фактысы боюнча ишти карап, өкүм чыгарды. “Кылым шамы” укук коргоо кыймылынын жетекчиси Азиза Абдирасулованын “Азаттыкка” айтканы боюнча, жабырлануучу тараптан кечирим берилип, сот тараптардын макулдугу менен зордуктоо боюнча ишти кыскартты. Ал эми ала качуу фактысы боюнча 24 жаштагы жаран жана анын кылмышка катышкан эжеси беш жылга кесилди. Анын үч жылы шарттуу негизде чегерилди. Айыпталуучу тарап моралдык зыян үчүн жабырлануучуга 400 миң сом төлөп бермей болду. Читать дальше...

Орусиянын Якутск шаарындагы №1 түрмөсүндө камактагы жети киши абактагы шарттарга нааразылык билдирип, ооздорун тигип алды. Бул тууралуу 7-декабрда аймактагы Коомдук байкоочу комиссиянын төрайымы Марина Семенова билдирди. Анын айтымында, абактагылардын ачкачылык кармай башташына жабык жайдагы начар шарттар жана жылуу кийимдеринин жоктугу себеп болгон. Ушул тапта Якутск шаарында 34 градус суук. Камактагылар ошондой эле түрмө кызматкерлеринин ур-токмогу тууралуу арызданышкан.  Семенова камактагылардын... Читать дальше...

“Кара-Сууда "Хизб ут-Тахрирдин" эки мүчөсү кармалды” деген маалымат чыкса, “ырас болуптур”, “камаш керек”, “атыш керек” деген пикирлерди угуп калабыз. Кээде өзүбүз да “чала болот” дегендей сөздөрдү оозанабыз.

8-декабрда Кыргызстандын аймагында түнкүсүн жаан-чачын болбойт. Күндүз Жалал-Абад облусунун тоо этектеринде жана тоолуу райондорунда, Чүй, Талас, Ош, Баткен, Ысык-Көл, Нарын облустарынын тоолуу райондорунда кар жаайт. Чүй, Талас, Ош, Жалал-Абад, Баткен облустарынын айрым жерлеринде туман түшүшү мүмкүн. Жолдор тоңголок, тайгак болот. Батыш тараптан келген шамалдын ылдамдыгы секундасына 2-7 метр. Абанын температурасы: Чүйдө түнкүсүн -1...-6, күндүз 5...10,  Таласта түнкүсүн 0...-5, күндүз 7...12... Читать дальше...

"Чек арасыз дарыгерлер" (MSF) жана "Жер Ортолук деңизиндеги SOS" (SOS-Mediterranee) аттуу эл аралык уюмдар мигранттарды куткарууга багытталган "Аквариус" кемеси өз ишмердүүлүгүн токтотууга аргасыз экенин билдиришти. Алардын жүйөсүнө караганда буга Евробиримдик мамлекеттеринин "токтобогон чабуулу" түрткү болду.  MSF уюму Италияны жана башка Европа мамлекеттерин Италиянын, Мальтанын жана Ливиянын ортосундагы эл аралык сууларда 2016-жылдан бери 30 миңдей мигрантты сактап калган "Аквариус" кемесинин ишине "жолтоо кылып жатышат" деп айыптады. Читать дальше...

Көкбөрү оюнунун эрежеси эл аралык деңгээлде талкууланат. Бул тууралуу 7-декабрда Бишкекте өткөн Эл аралык көкбөрү федерациясынын 20 жылдыгын утурлай уюштурулган конгрессте маалым болду. Ага уюмга мүчө болгон Кыргызстандан, Казакстандан, Өзбекстандан жана Тажикстандан сырткары Монголиянын, Ооганстандын, Түркиянын, АКШнын жана Орусиянын өкүлдөрү катышып жатат. Эл аралык көкбөрү федерациясынын вице-президенти Набиджан Жороев талкууда бирдиктүү эрежеге келүү маселеси көтөрүлгөнүн билдирди:  - Акыркы жылдары абдан көп суроолор жаралды. Читать дальше...

Кыргыз телекөрсөтүүсүнүн 60 жылдыгы ушу тапта Улуттук филармонияда белгиленип жатат. Мааракени Коомдук телерадиоберүү корпорациясынын эмгек жамааты уюштурууда. Салтанатта кыргыз телевидениесинин тарыхын чагылдырган театрлаштырылган оюн-зоок көрсөтүлүп, өнөрпоздордүн ыр, күү, бийлери менен коштолду. Мындан 60 жыл мурда, 8-декабрда обого кыргыз тилиндеги алгачкы телеберүү чыккан. Бул күн Кыргыз телерадиоберүү тармагынын кызматкерлеринин кесиптик майрамы катары белгиленет. Кыргыз телеберүүсүнүн күнү... Читать дальше...

Тараз-Талас-Суусамыр жолун оңдоо боюнча тендерди утуп алган түркиялык "Чакыр Япы Санайи ве Тижарет" компаниясынын табышмактуу жагдайлары боюнча маселе көтөрүлдү.

Бириккен Улуттар Уюмунун (БУУ) Башкы Ассамблеясында ХАМАС радикалдык тобун Израилге каршы жүргүзгөн террорчулук аракеттерин айыптаган АКШнын резолюциясы өтпөй калды. 6-декабрда өткөн жыйында уюмдун курамындагы 87 мамлекет АКШ сунуш кылган резолюцияны колдосо, 58 мамлекет каршы добуш берди, алардын арасында Орусия, араб өлкөлөрү, Латын Америка мамлекеттери да бар. 32 мамлекеттин өкүлдөрү арсар добуш берди.  Американын БУУдагы элчиси Никки Хейлинин айтымында, "ХАМАСтын аракеттеринин террордук мүдөөсү талашсыз". Читать дальше...

Бүгүн, 7-декабрда Орусиянын борбору Москва шаарында залкар жазуучу Чыңгыз Айтматовдун эстелиги салтанаттуу түрдө ачылды. Ага Кыргызстандын президенти Сооронбай Жээнбеков катышып, сөз сүйлөдү.  Мындан сырткары, салтанатка Орусиянын маданият министри Владимир Мединский, Москванын мэри Сергей Собянин, Кыргызстандын маданият, маалымат жана туризм министри Азамат Жаманкулов, мурдагы премьер-министр Темир Сариев, Жогорку Кеңештин депутаты Каныбек Иманалиев катышты.  Залкар жазуучунун 90 жылдыгына арналып... Читать дальше...