Новости за 03.06.2020

(Казан, 3 июнь, «Татар-информ»). Айдар Метшин видеоконференция режимында Түбән Каманың йогышлы авырулар госпиталендә эшләүче белгечләр белән сөйләште. Бу турыда Түбән Кама муниципаль районы рәсми сайтында хәбәр ителә. Хәзерге вакытта дәвалау учреждениесендә 59 белгеч эшли: 15 табиб, 32 шәфкать туташы һәм 12 санитарка. Айдар Метшин табибларга һәм медперсоналга барлык түбәнкамалылардан сәлам һәм рәхмәт сүзләрен җиткерде, шулай ук аларның үз гаиләләре һәм туганнары янына исән-сау кайтуларын теләде. Читать дальше...

(Питрәч, 3 июнь, «Татар-информ», « Питрәч-информ», Люция Сираҗиева). «Җәмәгать киңлекләре» республика программасы кысаларында Питрәч районы Ленино-Кокушкино авылында яңа ял урыны төзелде. Бу турыда район басмасы хәбәр итә. Очрашуларда парк концепциясе турында авыл халкы белән фикер алыштылар, төзелеш барышында аларның теләкләрен исәпкә алдылар. Яңа парк 5000 квадрат метр мәйданда урнашкан. Биредә һәркем яраткан почмагын табачак. Балалар өчен — уен, олылар өчен — яшел зона, яшьләр өчен — спорт мәйданчыклары һәм тренажерлар урнаштырылган. Читать дальше...

(Казан, 3 июнь, «Татар-информ», Рузилә Мөхәммәтова). Шактый еллар Минзәлә татар дәүләт театрында эшләгән Татарстанның атказанган артисты Гөлшаһидә Сәләхова вафат. Бу мәгълүматны Минзәлә театрының матбугат үзәге раслады. «Гөлшаһидә Сәләхованың үлеме турында бүген ишеттек. Кызы аның бүген вафат булуын әйтте. Гөлшаһидә шактый еллар безнең театрда эшләгән талантлы актриса иде. 2015 еллардан бирле бездә эшләми иде инде», — диде театрның әдәби бүлек мөдире Нурсибә Адиева. Туганнары Гөлшаһидәне туган авылына алып кайтып җирләячәкләрен әйткәннәр. Читать дальше...

(Казан, 3 июнь, «Татар-информ»). Россия Президенты Владимир Путин шәхси саклану чаралары резервын булдыру идеясен хуплады. Бу турыда РИА Новости хәбәр итә. Бу инициативаны җиңел сәнәгать торышы турындагы киңәшмәдә илнең Сәнәгать һәм сәүдә министрлыгы башлыгы Денис Мантуров белдерде. Министр сүзләренчә, «номенклатурага» 15 млрд сум чамасы акча салырга кирәк, ул акча медицина битлеге, саклану костюмы, респираторга бүлеп биреләчәк. Моннан тыш, исемлеккә күп тапкыр кулланыла торган күзлек, перчатка һәм антисептик кертергә мөмкин... Читать дальше...

(Казан, 3 июнь, «Татар-информ»). Бельгия татарлары берлеге лидеры Регина Вәлиева «Татар-информ» агентлыгын 30 еллык юбилее белән котлады. «Брюссельдән ихлас сәламнәр белән мин, Регина Вәлиева, Бельгия татарлары берлеге исеменнән сезне 30 еллык юбилеегыз белән котлыйм. Бельгия Корольлеге ватандашлары көн саен «Татар-информ» сайтында яңалыкларны рәхәтләнеп укый. Без сезгә алга таба да уңышлар телибез», — диде оешма җитәкчесе. «Татар-информ» мәгълүмат агентлыгы көн саен рус телендә 200дән артык һәм татар телендә алтмыштан артык яңалык чыгара. Читать дальше...

(Казан, 3 июнь, «Татар-информ», Алексей Угаров). «Бердәм Россия» партиясенең Татарстан төбәк бүлеге күп балалы һәм аз керемле гаиләләрнең мәктәп укучылары өчен барлыгы 495 мең сумга планшетлар сатып алачак. Бу карар бүген партиянең төбәк бүлеге президиумы утырышында кабул ителде. «Бердәм Россия» Татарстан башкарма комитеты җитәкчесе Марат Сәмигуллин үз докладында хәбәр иткәнчә, партия әгъзалары Covid-19 йоктырган пациентлар дәвалана торган медицина учреждениеләренә һәм мәктәп укучыларын дистанцион укыту өчен гаджетлар сатып алуга акча җыйган. Читать дальше...

(Казан, 3 июнь, «Татар-информ», Зилә Мөбәрәкшина). Татарстанның атказанган мәдәният хезмәткәре, телевидениедә күрсәтелгән сериалларга музыка язган композитор Гөлнара Беляеваның «Җырчы буласым килә» дип аталган яңа җыентыгы дөнья күрде. Китап аның 65 яшьлек юбилеена багышланган. Бу хакта ул «Татар-информ» хәбәрчесенә сөйләде. «Әлеге музыкаль әсәрләрнең язылу тарихы гаҗәп кызыклы. Китапка кертелгән җырларның күбесе фильмнарга, спектакльләргә, телевизион программаларга, музыкаль фильмнарга махсус язылган. Читать дальше...

(Казан, 3 июнь, «Татар-информ», Надежда Гордеева). Татарстанда йорт алды территорияләрендә Россия Конституциясенә төзәтмәләр буенча тавыш бирү өчен мәйданчыклар оештырырга планлаштыралар. Бу хакта бүген ТР Дәүләт Советының Дәүләт корылышы һәм җирле үзидарә комитеты утырышында Татарстан Үзәк сайлау комиссиясе рәисе Андрей Кондратьев хәбәр итте. «Әгәр ишегалдында мондый мөмкинлек булса, өсте каплаулы урын яки беседка оештырырга мөмкин. Халык ишегалдына чыга һәм тавыш бирә алачак. Россия һәм Татарстан... Читать дальше...

(Казан, 3 июнь, «Татар-информ», Адилә Зиатдинова). Үз-үзеңне изоляцияләү вакытында тискәре хис-кичерешләр аркасында Россия халкы тәм-томны һәм зарарлы ризыкны ешрак ашый башлады. Ләкин стресска карамастан, тәмәке тартучылар саны артмады. Бу хакта «Волга» эксперт штабының онлайн-утырышы вакытында Бөтенроссия җәмәгатьчелек фикерен өйрәнү үзәгенең дәүләт хакимияте органнары белән эшләү буенча директоры Кирилл Родин сөйләде. «Стресс аркасында тәмәке тартучылар саны артыр дип борчылган идек. Әмма2019 елда тәмәке тартучылар 29 процент тәшкил итте... Читать дальше...

(Казан, 3 июнь, «Татар-информ», Рузилә Мөхәммәтова). Эстония татар тормышының үзәгендә торучы Фәүзия Һадиуллинага «Татарстанның атказанган мәдәният хезмәткәре» дигән мактаулы исем бирелде. Указга Татарстан Президенты Рөстәм Миңнеханов кул куйган. «Туган җиремнән мондый хәбәрләр килеп ирешүе бик күңелле. Хезмәтемне күрә белгәннәре өчен рәхмәт. Татарстан белән аралашу рухи байлык инде. Әзрәк мактап җибәрсәләр дә күңел була», — ди Фәүзия Һадиуллина. Фәүзия Һадиуллина тумышы белән Татарстанның Сарман районыннан. Читать дальше...

(Казан, 3 июнь, «Татар-информ»). Россия Президенты Владимир Путин кредит линияләренә хезмәт күрсәтүне гадиләштерү өчен җиңел сәнәгать компанияләренә субсидияләүне арттырырга кушты. Бу хакта Дәүләт башлыгы үз йөкләмәсен бүген җиңел сәнәгатьтәге вазгыятькә багышланган киңәшмәдә белдерде. «Хөкүмәткә җиңел сәнәгать кредитларын түләү өчен субсидияне арттырырга кушам. Ел саен 1 млрд сумга кадәр», — диде Владимир Путин. РФ Президенты җиңел сәнәгать компанияләренә лизингка сатыла торган җиһазлар буенча... Читать дальше...

(Казан, 3 июнь, «Татар-информ»). Коронавирус инфекциясеннән вакцина булмаганлыктан һәм түбән иммунитет булганлыктан, эпидемия үсешенә юл куймас өчен кешеләргә бер-берсе белән элемтәләрне чикләргә кирәк. Бу хакта «Волга» эксперт штабының онлайн-утырышында оешманың Югары мәктәбе һәм сәламәтлек саклау идарәсе җитәкчесе, медицина фәннәре докторы Гүзәл Улумбәкова хәбәр итте. «Нигә бу шулай куркыныч? Мәсәлән, грипп вакытында без авырганыбызны беләбез, өйдә калабыз һәм башка кешеләр белән аралашмыйбыз, битлек киябез. Читать дальше...

(Казан, 3 июнь, «Татар-информ», Диана Авакян). Россия халкы коронавирус пандемиясе аркасында сәламәт яшәү рәвеше алып бара башлады. Бу хакта Татарстан Премьер-министры урынбасары Ләйлә Фазлыева «Волга» эксперт клубы утырышында сөйләде. «Сәламәт яшәү рәвешенә мөнәсәбәт үзгәрде.  Кызганычка, бу мөнәсәбәтне кыйммәтләр түгел, ә Covid-19 белән авыртудан курку үзгәртте», — диде спикер. Шул сәбәпле, кешеләр биологик актив өстәмәләр белән ешрак кызыксына башлады, диде Ләйлә Фазлыева.

(Казан, 3 июнь, «Татар-информ», Алексей Угаров). Бүген «Бердәм Россия» партиясенең Татарстан төбәк бүлеге президиумына сайлау алды программасы проектын тәкъдим иттеләр. Аның белән хакимият партиясеннән кандидат 2020 елның сентябрендә Татарстан Республикасы Президентын сайлауга барачак. Документта төп басым кешеләр турында кайгыртуга һәм яшәү өчен уңайлы мохит формалаштыруга ясалган. Президиум утырышында программа проекты турында партиянең төбәк башкарма комитеты җитәкчесенең беренче урынбасары Марина Несмелова сөйләде. Читать дальше...

(Казан, 3 июнь, «Татар-информ», Надежда Гордеева). Татарстанда РФ Конституциясенә төзәтмәләр буенча тавыш бирү көнендә сайлау участогына керү алдыннан һәр сайлаучының температурасын үлчәячәкләр. Бу хакта бүген Татарстан Дәүләт Советының Дәүләт корылышы һәм җирле үзидарә комитеты утырышында ТР Үзәк сайлау комиссиясе рәисе Андрей Кондратьев хәбәр итте. ТР Үзәк сайлау комиссиясе җитәкчесе сүзләренчә, участок сайлау комиссиясенә керү урынында хәрәкәт итүнең төгәл маршруты стенды урнаштырылачак. «Һәр сайлаучы термометрия узачак. Читать дальше...

(Казан, 3 июнь, «Татар-информ»). Татарстан Диния нәзарәтенең «Хозур» нәшрият йорты «Ибн Таймиянең тәүбәгә килүе» исемле тарихи документны дөньяга чыгарды. Бу хакта нәзарәтнең матбугат хезмәте хәбәр итә. Китапчыкта ялган сәләфиләргә бәйле темаларның берсе — юлбашчылары саналган Әхмәд ибн Таймиянең (һиҗри белән 661-728 еллар) язма рәвештә тәүбәгә килү тарихы яктыртыла. Ул аның үз кулы белән 707нче елда язылган. Тәүбә кылу тексты «Нәҗм әл-Мухтади вә раҗм әл-мүгътади» китабыннан алынган, аның авторы ... Читать дальше...

(Казан, 3 июнь, «Татар-информ»). Татарстан Президенты Рөстәм Миңнеханов Россия Дәүләт Советының төзелеш буенча эш төркеменең чираттагы утырышын үткәрде. Чара видеоконференция форматында узды. Бу турыда республика җитәкчесенең матбугат хезмәте хәбәр итә. Утырышта катнашучыларга сәламләү сүзе белән Россия Президенты ярдәмчесе Игорь Левитин мөрәҗәгать итте. Ул искә төшергәнчә, Владимир Путин ил Хөкүмәтенә ай ярым дәвамында илкүләм проектлар күрсәткечләрен актуальләштерергә йөкләде. Игорь Левитин сүзләренчә... Читать дальше...

(Казан, 3 июнь, «Татар-информ»). Россельхознадзор белгечләрдә мәчеләрдә коронавирус авыруы булганда күзәтелә торган симтомнарны атады. Йорт хайваннарында температура, ютәл һәм томау була. Бу хакта ведомство хәбәренә сылтама белән ТАСС хәбәр итә. «Бөтендөнья сәламәтлек саклау оешмасы сайтында чыккан мәгълүмат буенча, мәчеләрдә (йорт һәм кыргый), шулай ук чәшкеләрне күбесенчә кискен респиратор инфекциясенең клиник билгеләре булуы язылган. Аерым алганда, хайванда югары температура, йөткерү, төчкерү... Читать дальше...

(Казан, 3 июнь, «Татар-информ», «Мәгариф», Дания Газизова, Мамадыш районы Үсәли урта мәктәбе директоры). Мәктәпләрдә гадәти булмаган соңгы кыңгырау бәйрәмнәре үтте. Укучыларны зур сынаулар көтә. IX сыйныф укучылары бу уку елын еллык билгеләргә карап тәмамлый. Ә унберенчеләребезгә бердәм дәүләт имтиханнары тапшырасы бар әле. Алда торган сынаулар белән бергә, барчасының да күңелендә «Нинди һөнәр иясе булырга?» дигән сорау да тынгы бирми. Һөнәр сайлау — бик тә катлаулы. Кемдер, әти-әнисе, туганнары юлын сайлый. Читать дальше...

(Казан, 3 июнь, Татар-информ», Алексей Угаров). «Бердәм Россия» Бөтенроссия сәяси партиясенең Татарстан төбәк бүлеге президиумы Татарстанның хәзерге Президенты Рөстәм Миңнехановны һәм Татарстан транспорт һәм юл хуҗалыгы министры Ленар Сафинны көзен республика җитәкчесе сайлауларында кандидат итеп тәкъдим итәчәк. Карар партиянең төбәк президиумы утырышында кабул ителде. «Бүген „Бердәм Россия“ сәяси партиясе президент мандаты өчен көрәштә катнашу өчен ике кандидатура кертте. Алар — хәзерге Татарстан... Читать дальше...

(Казан, 3 июнь, «Татар-информ», Надежда Гордеева). Татарстанда сентябрьдә узачак сайлауда электрон рәвештә һәм почта аша тавыш бирү ысулы кулланылмаячак. Бу хакта бүген Татарстан Дәүләт Советының Дәүләт корылышы һәм җирле үзидарә комитеты утырышында ТР Үзәк сайлау комиссиясе рәисе Андрей Кондратьев хәбәр итте. «Электрон тавыш бирүгә карата бәхәс бара. Бүген бу тәҗрибә Мәскәү һәм Мәскәү өлкәсе территориясендә генә кулланылуын расладылар», — дип сөйләде Татарстан Үзәк сайлау комиссиясе җитәкчесе. Андрей Кондратьев фикеренчә... Читать дальше...

(Казан, 3 июнь, «Татар-информ», Надежда Гордеева). Татарстанда бердәм тавыш бирү көне алдыннан сайлау комиссияләренең барлык әгъзалары Covid-19 коронавирусына тест узачак. Бу хакта бүген ТР Дәүләт Советының Дәүләт корылышы һәм җирле үзидарә комитеты утырышында Татарстан Үзәк сайлау комиссиясе рәисе Андрей Кондратьев хәбәр итте. «Сайлау комиссияләренең барлык әгъзалары этаплап тест ясатачак. Хәзер бу мәсьәләне республика Хөкүмәте хәл итә. Бу сайлаучылар белән аралашучыларның тулысынча сәламәт булуын белү өчен эшләнелә»... Читать дальше...

(Казан, 3 июнь, «Татар-информ», Энҗе Габдуллина). Әлмәт көрәшчесе Ильяс Галимов үлгән. Бу хакта көрәшчеләрнең мессенджер төркемендә хәбәр ителде. Ильяс Галимовта коронавирус табылган дигән хәбәр чыккан иде. Ул соңгы ике көндә бик авыр хәлдә булган, дип хәбәр итә журналист, «Шәһри Казан» баш мөхәррире Радик Сабиров. Соңрак «Знамя труда» газетасы коронавирус диагнозы расланмады дип язды. Ильяс Галимов — көрәшче һәм хөкемдар, 2015 елда көрәш буенча дөнья чемпионы, күп тапкырлар Татарстан һәм Россия чемпионы... Читать дальше...

(Казан, 3 июнь, «Татар-информ»). Татарстан галимнәре фән турында закон барлыкка килүгә өметләнә, чөнки фәнгә дәүләт ярдәме күрсәтү турында Конституциягә кертеләчәк яңа төзәтмәләр тармакның абруен арттырачак. Бу хакта Татарстан Фәннәр академиясе президенты Мәгъзүм Сәлаховка сылтама белән «Парламентская газета» яза. «Шулай ук без Төп законга үзгәрешләр керткәннән соң, фән турында яңа федераль закон да барлыкка килер дип өметләнәбез», — диде Сәлахов. Аның сүзләренчә, Конституциядә фәннең роле турында аерым телгә алу... Читать дальше...

(Казан, 3 июнь, «Татар-информ»). Яр Чаллыда татар драма театры өчен иң яхшы исем сайлауга бәйге игълан иттеләр. Җиңүче театр сезоны дәвамында спектакльләргә йөрү өчен ике кешелек абонемент алачак. Бу хакта Чаллы шәһәренеңе рәсми сайтында хәбәр ителә. Бәйге шартлары буенча, бер катнашучы биш вариант кына тәкъдим итә ала. Атама театрның тарихын һәм үзенчәлеген чагылдырырга тиеш. Театр атамасына шәһәрнең, Татарстан һәм татар халкының күренекле шәхесләренең исемнәрен кертү турында тәкъдимнәр дә кабул ителә. Читать дальше...