Новости за 09.06.2020

(Актаныш, 9 июнь, «Татар-информ», «Актаныш таңнары», Филиза Сәлахова). Татарстан Дәүләт Советы депутаты — Дәүләт Советы рәисе урынбасары Марат Әхмәтов бүген Актанышка килде. Элеккеге традициягә тугры калып, басуларның торышы белән дә танышты, ә төп максаты — татар телен үстерүдә Актаныш үрнәген өйрәнү. Казан кунагын Актаныш район башлыгы Энгель Фәттахов җитәкчелегендәге делегация Әнәк җирлегендә каршы алды. Иң беренче очрашу урыны Шәрип Шәймиев музеенда булды. Биредә төзү-төзекләндерү эше бара. Читать дальше...

(Казан, 9 июнь, «Татар-информ»). Яшел Үзән районының Осиново гимназиясендә Бөтендөнья татар конгрессы, «Ак калфак» оешмасы, Яшел Үзән мәгариф бүлеге «ТАССРның 100-еллыгына — 100 чигү үрнәге» дип аталган муниципаль онлайн күргәзмә-бәйге үткәрде. Бу турыда Бөтендөнья татар конгрессы сайтында хәбәр ителә. Бәйге-күргәзмә «Аркыландырып чигү», «Шома чигү», «Ленталы белән чигү», «Коверлы чигү», «Сәйлән белән чигү», «Тамбурлы чигү» номинацияләрендә оештырылды. Дүрт төркемгә бүлеп үткәрелде: 4 яшьтән 7 яшькә;... Читать дальше...

(Казан, 9 июнь, «Татар-информ»). Нур-Солтан шәһәренең Абай проспектында, күп катлы йорт диварына бөек казах шагыйре, композитор, казах язма әдәбиятына нигез салган Абайның портретын ясаганнар. Бу хакта «Казинформ» агентлыгы хәбәр итә. Бу рәсем Байконыр районы акиматы ярдәме белән шагыйрьнең 175 еллыгына багышлап эшләнгән.

(Казан, 9 июнь, «Татар-информ»). Бөгелмә шәһәре һәм Бөгелмә районы мөхтәсибәте «Яраткан хәдисем» дип исемләнгән иҗади гаилә рәсем конкурсы игълан итә. Әлеге бәйгедә теләгән һәр кеше катнаша ала. Бу хакта ТР Диния нәзарәте матбугат хезмәте хәбәр итә. Бер гаиләдән А3 форматында бер сәнгать эше кабул ителә. Кешеләрне һәм хайваннарны табигый рәвештә сурәтләү киңәш ителми. Табигать күренешләрен, мәчетләрне ясау хуплана. Бәйге эшләре 2020 елның 30 июненә кадәр Бөгелмә шәһәре, Кызыл Бистә урамы, 68 йорт... Читать дальше...

Казанда бакча йортындагы янгында зыян күргән хуҗабикәне хастаханәгә алып киткәннәр (Казан, 9 июнь, «Татар-информ»). Казанда бакча йорты янды. Йорт хуҗасын хастаханәгә алып киттеләр. Бу хакта «Татар-информ»га ТР буенча Россия Гадәттән тыш хәлләр министрлыгы Баш идарәсенең матбугат хезмәтендә хәбәр иттеләр. Бүген көннең икенче яртысында Казанның Совет районында «Вишенка» бакчачылык ширкәтендә янгын чыкты. Бакча йорты һәм янәшәдә аерым торучы мунча янды. Төрле җәрәхәтләр алган 64 яшьлек дача хуҗасын 7нче шәһәр хастаханәсенә илтәләр. Читать дальше...

(Казан, 9 июнь, «Татар-информ»). «Бердәм Россия» партиясенең Татарстан бүлекчәсе РФ Конституциясенә тавыш бирү көнендә республикадагы барлык сайлау участокларында да тавыш бирүне күзәтәчәк. Бу хакта «Татар-информ»га «Бердәм Россия» Бөтенроссия сәяси партиясенең Татарстан төбәк бүлеге мәгълүмат үзәгендә хәбәр иттеләр. «Без үз күзәтүчеләребезне барлык сайлау участокларына җибәрәчәкбез. Аларның бурычы — РФ Конституциясенә төзәтмәләр кертү буенча бөтенхалык тавыш бирүләрен уздырганда процессның легитимлыгын тәэмин итү»... Читать дальше...

(Казан, 9 июнь, «Татар-информ»). Төнлә һәм иртән Татарстанда көчле җил булачак, урыны белән томан көтелә. Бу хакта ТР Гидрометеорология үзәге матбугат хезмәте хәбәр итә. Көндез һәм кич урыны белән яшен, җил, бозлавык көтелә. Тизлеге секундына 15-20 метрга кадәр җитәчәк.

(Казан, 9 июнь, «Татар-информ»). Уфада Башкорт дәүләт филармониясенең элекке солисты Чулпан Хөсәенова 43 яшендә вафат булды. Бу хакта «Башинформ» агентлыгы яза. Чулпан Хөсәенова соңгы елларда М. Гафури исемендәге Башкорт драма театрында гример-постижер булып эшләгән. Коллегалары әйтүенчә, ул өендә үлгән, соңгы вакытларда йөрәге авыртуга зарланган булган. Чулпан Хөсәенованың кызы ятим калды. Чулпан Хөсәенова Уфа сәнгать училищесын һәм Башкорт дәүләт университетын тәмамлаган. Тамашачылар аны сөйләм жанры артисткасы... Читать дальше...

(Казан, 9 июнь, «Татар-информ»). Татарстан Премьер-министры Алексей Песошин Илья Шульгинны һәм Марат Миңнебаевны сәнәгать һәм сәүдә министры урынбасарлары итеп билгеләде. Бу хактагы карар хокукый мәгълүмат порталында урнаштырылган. Илья Шульгин — Казанда туып үскән, В.И.Ульянов-Ленин исемендәге Казан дәүләт университетын һәм Россия Үзәк Банкының Казандагы банк мәктәбен тәмамлаган. 2017 елда Киров өлкәсе Төзелеш һәм торак-коммуналь хуҗалык министры булып эшләде. 2017-2020 елларда Киров администрациясе башлыгы булды. Читать дальше...

(Казан, 9 июнь, «Татар-информ»). Быел «Мөхлисә Бубый укулары» Россия күләм IV фәнни-мәгариф конференциясе онлайн булды. Конференция «Үзгәреп торучан тормышта шәхеснең әхлакый терәге һәм иерархия кыйммәтләре трансформациясе» темасына багышланды. Бу хакта Россия Мөфтиләр шурасы сайтында хәбәр ителә. Әлеге фәнни конференция хатын-кызларның хәйрия һәм мәгариф оешмалары эшчәнлегенең актуаль гуманитар тәртибенә нигезләнә. Конференцияне Россия мөселманнары Диния нәзарәте һәм Мәскәү ислам институты оештыра. Читать дальше...

(Казан, 9 июнь, «Татар-информ», «Шәһри Казан», Дилбәр Гарифуллина). Туган телебезне саклау һәм аның абруен күтәрү, милли үзаңны үстерү өчен без нәрсә эшләргә тиеш? Әлеге сорау белән Казанның Идел буе һәм Вахитов районнары имам-мөхтәсибе, Кабан арты мәчете имам хатибы Йосыф хәзрәт Дәүләтшинга мөрәҗәгать иттек. – Аллаһы Тәгалә безне төрле милләтләр, халыклар итеп яраткан. Әгәр Ул теләсә, без барыбыз да бер төсле, бер кыяфәтле булыр идек. Барыбыз бер телдә сөйләшер идек. Шуңа күрә милләтләр бар, һәркемнең үз җирен... Читать дальше...

(Казан, 9 июнь, «Татар-информ», Рузилә Мөхәммәтова). Мәрҗани исемендәге Тарих институтына яңа җитәкче вазифаларын башкаручы тәкъдим ителде. Бу вазифага тарих фәннәре докторы Радик Салихов билгеләнде. Бу хакта институтның рәсми сайтында хәбәр ителә. Бүген Тарих институты коллективы ТР Мәгариф һәм фән министрының беренче урынбасары Илсур Һадиуллин белән очрашты, диелә хәбәрдә.  ТР Мәгариф һәм фән министрлыгы Гыйльми советның Рафаил Хәкимовны Институтның фәнни җитәкчесе итеп сайлау тәкъдимен хуплаган. Читать дальше...

(Казан, 9 июнь, «Татар-информ»). Татарстанның Авыл хуҗалыгы һәм азык-төлек министрлыгы фермерларның азык-төлек продукциясен сатуны цифрлы технологияләр ярдәмендә үстерүне планлаштыра. Бу хакта министрлыкның матбугат хезмәтендә хәбәр иттеләр. Фермерлар сатылмаган товарны кире кайтару, зур сәүдә челтәрләренә чыгу авырлыгы, югары өстәмә хак һәм тотрыклы ихтыяҗ булмау кебек проблемалар белән очраша. Татарстан фермерларына продукцияне сатуда ярдәм итү өчен «Туган як» проекты эшләнгән. Социаль проект... Читать дальше...

(Казан, 9 июнь, «Татар-информ»). Әлмәт кешесе ЮХИДИ штрафлары буенча 70 мең бурычы аркасында рульгә утыра алмый. Бу хакта «Татар-информ»га Россия Суд приставлары федераль хезмәтенең Татарстан идарәсенең матбугат чаралары белән эшләү буенча баш белгече Лилия Хәлимова хәбәр итте.  Әлмәттә яшәүче ир-ат ЮХИДИ хезмәтеннән 70 мең сумлык штраф җыйган. Суд карары нигезендә, приставлар аны бурычларын түләп бетергәнче транспорт белән идарә итүдә чикләде.

(Казан, 9 июнь, «Татар-информ»). Кыргызстанда мәчетләрне ачтылар. Алар яңа төрдәге коронавирус инфекциясе таралуны кисәтү максатыннан, 21 мартта ябылган иде. Бу хакта Анадолу агентлыгы яза. Бишкәктәге Имам Сарахси исемендәге үзәк мәчеткә килүчеләрнең температурасын үлчиләр һәм битлекләр бирәләр. Җәмәгать намазы укыганда 1,5 метр ераклыта социаль дистанция саклана. Кыргызстанның баш мөфтие Максатбек Токтомушев мәчетләрне ачкан өчен хакимияткә рәхмәтен белдерде, диелә хәбәрдә. Токтомушев авыру кешеләргә... Читать дальше...

(Казан, 9 июнь, «Татар-информ»). Россиядә туризмга багышланган яңа илкүләм проект барлыкка киләчәк. Бу хакта «Опоры России» президенты, эшче төркем утырышларында катнашкан Александр Калининга сылтама белән «Известия» газетасы яза. Хәзерге вакытта эшлекле берләшмәләр һәм профильле оешмалар белән берлектә Хөкүмәт шөгыльләнә торган илкүләм проект илдә туристлар санын арттыруга юнәлдереләчәк һәм тармакта керемне арттырачак. «Хәзер эчке туризм буенча илкүләм проект булдыру өчен яхшы вакыт. Тышкы базарлардагы хәзерге вазгыятьне... Читать дальше...

(Казан, 9 июнь, «Татар-информ», Марат Ишкильдин). Роспотребнадзор мәктәпләрдә балаларның туклану контролен оештыру буенча киңәшләр әзерләде. Бу хакта ТАСС хәбәр итә.  «Россия Федерациясе Президентының Федераль Җыенга Юлламасын тормышка ашыру кысаларында, без белем бирү оешмаларында укучыларны кайнар ризык белән тәэмин итүне оештыру буенча методик киңәшләр һәм балаларны тукландыруны оештыруга ата-аналар һәм җәмәгать контролен оештыру тәртибен эшләдек», — диде Роспотребнадзор башлыгы Анна Попова гаилә... Читать дальше...

(Казан, 9 июнь, «Татар-информ»). 12 июньдә Санкт-Петербургта Россия көненә, ТАССРның 100 еллыгына һәм «Ак калфак» татар хатын-кызлары иҗтимагый оешмасына 30 ел тулуга багышланган онлайн-концерт булачак. Бу хакта Татарстан Республикасының Санкт-Петербургтагы даими вәкиле Ренат Вәлиуллин үзенең Инстаграм аккаунтында хәбәр итте.  Санкт-Петербургтагы татар җәмәгатьчелеге тарихында беренче тапкыр артистлар мондый форматта чыгыш ясаячак. Шәһәрдәге мәдәни тормышның иң көтеп алынган чараларының берсен Piter Tatar YouTube каналында карап булачак. Читать дальше...

(Казан, 9 июнь, «Татар-информ», Надежда Гордеева). Татарстан Дәүләт Советының Закон һәм хокук тәртибе комитеты рәисе Шакир Яһүдин дәүләт һәм муниципаль хакимият органнары вәкилләрен, вазифаи затларны гражданнар мөрәҗәгатьләрендә куелган мәсьәләләрне мөмкин кадәр максималь дәрәҗәдә хәл итәргә чакырды. Бу хакта депутат парламент комитеты утырышында белдерде. «Мөрәҗәгать бирү мөмкинлеге — гражданнарның Конституциядә билгеләнгән хокукы. Татарстан законнары бу мәсьәләдә барлык нечкәлекләрне исәпкә ала... Читать дальше...

(Казан, 9 июнь, «Татар-информ»). Коронавирус пандемиясе аркасында өйдә эшләргә мәҗбүр булган татарстанлыларның 40 проценттан артыгы мондый эш режимын ошатмаган. Татарстан халкының кертелгән чикләүләргә ничек җайлашуын анализлаган «ПромРейтинг» агентлыгы шундый мәгълүматлар китерә. «Коронавирус пандемиясе шартларында өйдән эшләгән, сораштыруда катнашкан татарстанлыларның яртысына якынының (өйдән эшләү тәҗрибәсе булган кешеләрнең 42,2 проценты) дистанцион эштән күңеле кайткан», - диелә анализда. Мисал өчен... Читать дальше...

(Казан, 9 июнь, «Татар-информ», Зилә Мөбәрәкшина). Бүген Татарстан Язучылар берлегенең Идарә утырышы узган. Утырышта Идарә берлек рәисе - Данил Салиховның вәкаләтләрен бер елга озайту турында карар кабул иткән. Бу хакта «Татар-информ» хәбәрчесенә Язучылар берлеге рәисе урынбасары Рәмис Аймәт хәбәр итте. «Утырышта язучыларның XIX Корылтаена кадәр Язучылар берлеге рәисенең һәм Идарәнең вәкаләтләрен озайту мәсьәләсе каралды. Устав буенча, Корылтай 2020 елның июнь аенда узарга тиеш иде. Пандемиягә бәйле вазгыятьне истә тотып... Читать дальше...

(Казан, 9 июнь, «Татар-информ»). 10 июньдә Татарстанда «Татарстар» масштаблы онлайн-шоу һәм җырчылар бәйгесенең финалы булачак. Финалга чакырылган кунак Татарстанның халык, Россиянең атказанган артисты Салават Фәтхетдинов Россия һәм Татарстанның халык артисткасы Винера Ганиева белән шоуның җиңүчесен ачыклаячак. Бу хакта бәйгенең оештыру комитеты хәбәр итә. Йолдызлы экспертларга җиңүчене ачыклау өчен башка жюри әгъзалары һәм социаль челтәр кулланучылары ярдәм итәчәк. Шоу трансляциясе бәйгенең «Вконтакте»... Читать дальше...

(Казан, 9 июнь, «Татар-информ», Рифат Каюмов). Яңа уку елында Татарстан колледжлары һәм техникумнары 21 мең абитуриент кабул итәргә әзерләнә, шул исәптән бюджет урыннары 17 меңгә якын. Бу хакта «Татар-информ» агентлыгына Татарстанның Мәгариф һәм фән министрлыгы матбугат хезмәте җитәкчесе Алсу Мөхәммәтова хәбәр итте. Мәктәпне тәмамлап эшче һөнәр үзләштерергә теләүче яшьләр өчен ТР Мәгариф һәм фән министрлыгы тарафыннан иң күп тәкъдим ителгән белгечлекләр - машина төзелеше, авыл хуҗалыгы, җир өсте транспорты техникасы һәм технологияләре... Читать дальше...

(Казан, 9 июнь, «Татар-информ»). Казан шәһәре Башкарма комитеты татарстанлыларны Татарстан башкаласына «Хезмәт батырлыгы шәһәре» исемен бирү өчен тавыш бирүдә катнашырга чакыра. «Хезмәт батырлыгы шәһәре» дигән мактаулы исем халкы 1941-1945 еллардагы Бөек Ватан сугышында фашист илбасарларын җиңүдә сизелерлек өлеш керткән Россия шәһәрләренә тапшырылачак. Казан әлеге мактаулы исемгә дәгъва кылган 20 шәһәрнең берсе. Казан өчен za.kzn.ru сайтында тавыш бирергә мөмкин. «Татар-информ» агентлыгы элегрәк хәбәр иткәнчә... Читать дальше...

(Казан, 9 июнь, «Татар-информ»). Татарстанда Россия Конституциясенә кертеләчәк төзәтмәләргә тавыш бирүдә сайлау участокларыннан читтә катнашырга теләгән гражданнардан гаризалар кабул итү дәвам итә. ТР Үзәк сайлау комиссиясенә гариза язып бу мөмкинлектән файдаланырга була. 5-21 июньдә гариза Дәүләт һәм муниципаль хезмәтләрнең бердәм порталы аша языла, ә 16 июньнән теркәлү урыны буенча участок сайлау комиссиясендә язарга була. Өйдә тавыш бирергә теләгән кешеләргә, комиссия әгъзалары һәм күзәтүчеләр махсус сайлау комплекты белән киләчәк... Читать дальше...