Новости за 27.06.2020

(Әлмәт, 27 июнь, «Татар-информ», « Әлмәт таңнары»). Әлмәттә шәһәрне ябу турында сүзләр йөри. Бүген Әлмәт районы башлыгы Тимур Нагуманов Инстаграмда уздырган чираттагы туры эфиры барышында бу уңайдан аңлатма бирде. Бу турыда район басмасы хәбәр итә. Катлаулы санитар-эпидемиологик вазгыятькә бәйле рәвештә, Әлмәтне карантинга ябарга планлаштырулары турындагы имеш-мимешләрне башлык кире какты. Аның сүзләренчә, бу уңайдан федераль һәм республика хакимиятеннән бернинди күрсәтмә дә юк. Шулай да коронавирус... Читать дальше...

(Әгерҗе, 27 июнь, «Татар-информ», «Әгерҗе хәбәрләре»). Әгерҗелеләр «ТАССРның 100 еллыгы» медален алды. Бүләкләрне Татарстан Дәүләт Советы депутаты Айрат Зарипов тапшырды. Бу турыда район басмасы хәбәр итә. Район Советының XLVIII утырышында бер төркем Әгерҗе кешеләренә «ТАССРның 100 еллыгы» медальләре тапшырылды. Бүләкләнүчеләрнең барысы да Әгерҗе районы үсешенә лаеклы өлеш кертүчеләр, хезмәт алдынгылары. Утырышта шулай ук Татарстан Дәүләт Советы депутаты Эдуард Шәрәфиев, Татарстан Президенты Аппаратының... Читать дальше...

(Казан, 27 июнь, «Татар-информ»). Түбән Каманың «Веста» гаиләгә һәм балаларга социаль ярдәм үзәге педагогы Әлфия Хөснетдинова «Әни + бәби» клубында катнашучылар өчен «Яраткан туган ягым» дигән чара үткәрде. Ул ТАССР төзелүнең 100 еллыгына багышланган иде. Бу турыда Түбән Кама муниципаль районы рәсми сайтында хәбәр ителә. Онлайн-дәрес туган як тарихы һәм мәдәнияте белән кызыксынуны үстерү максатыннан үткәрелде. Чара педагог тарафыннан туган ил турында шигырь уку белән башланып китте. Аннары белгеч... Читать дальше...

(Казан, 27 июнь, "Татар-информ", Полина Шевчук). Чаллыда көчле җилдә төзелеш краны ауганын видеога төшереп алганнар. Видеоязманы "Татар-информ"га бу хәлнең шаһитләре җибәрде. Видеодан күренгәнчә, көчле җилдә кран җиргә һәм якын-тирәдәге гаражлар өстенә барып төшә. Гадәттән тыш хәл "Ралли" гаражлар ширкәте тирәсендә булган дип фаразлана. Хәзерге вакытта урында авария хезмәтләре эшли.

(Казан, 27 июнь, «Татар-информ», Полина Шевчук). Татарстанда балалар бакчасының түбәсен давыл куптарган, 40 торак пункт утсыз калган. Бу хакта «Татар-информ»га Гадәттән тыш хәлләр министрлыгының Татарстандагы идарәсендә хәбәр иттеләр. Бүген 112 ашыгыч ярдәм номерына Кукмарада «Березка» балалар бакчасының түбәсен җил куптаруы турында хәбәр килеп ирешә. 80 кв метр түбәгә зыян килгән. Моннан тыш, Алабуга районында 40 торак пунктта электр элемтәсе өзелгән, аларда 4455 кеше яши. «Хәзерге вакытта урыннарда авария бригадалары эшли»... Читать дальше...

(Казан, 27 июнь, «Татар-информ», Надежда Гордеева). Татарстан халкына, бигрәк тә яшьләргә үз-үзләрен үстерүгә шартлар тудырырга кирәк. Бу хакта республика Президенты Рөстәм Миңнеханов “Бердәм Россия” төбәк бүлегенең 32нче конференциясендә белдерде. «Кеше капиталын үстерү - заманча икътисадның драйверы һәм территориянең уңыш күрсәткече. Шуңа бәйле рәвештә «Мөмкинлекләр территориясе» проектын гамәлгә ашыру максатка туры килә, ул барлык профильле активлыкларны берләштерә», - диде Татарстан Республикасы Президенты. Читать дальше...

(Казан, 27 июнь, «Татар-информ», Полина Шевчук). Көчле җил һәм боз яву сәбәпле, Татарстанда шторм кисәтүе игълан ителде. Бу турыда Татарстан Гидрометеорология һәм әйләнә-тирә мохитне күзәтү үзәге хәбәр итә. Якындагы 1-3 сәгатьтә республикада һава шартлары начарлануы һәм шимбә кичкә кадәр, якшәмбе төнлә дә шулай булуы фаразлана. Татарстанда секундына 27 метр тизлектә җил көтелә. Көчле яңгыр һәм эре боз яварга мөмкин.

(Казан, 27 июнь, «Татар-информ», Гөлия Хәсбиуллина). Саба районында урнашкан Нургали Миңнеханов исемендәге дендрология бакчасында күпләп сатуга чәй җитештерергә планлаштыралар. Бу хакта «Татар-информ» журналистына бакча директоры Гөлгенә Зөбәерова хәбәр итте. Дендрология бакчасында чәй цехы 2018 елның 4 гыйнварында ачылган. «Монда без унике төрле чималдан чәй ясыйбыз. Алмагач, карлыган, груша, чикләвек куагы, каен җиләге, кура җиләге, кара бөрлегән — менә шуларның яфракларын әчетеп чай ясыйбыз. Читать дальше...

(Казан, 27 июнь, «Татар-информ», Надежда Гордеева). Безнең бурыч — уңайлы һәм сыйфатлы белем алу өчен кирәкле шартлар тудыру. Бу хакта Татарстан Республикасы Президенты Рөстәм Миңнеханов «Бердәм Россия» төбәк бүлегенең 32нче конференциясендә әйтте. «Җәмәгать иминлеге торышын билгели торган озак вакытлы бурыч буларак, гаиләгә һәм балаларга ярдәм итүне карарга кирәк. Һәр ата-ана өчен балага белем бирү, аның киләчәге төп кыйммәтләр булып тора», — диде Татарстан Президенты. Рөстәм Миңнеханов хәбәр иткәнчә... Читать дальше...

(Казан, 27 июнь, «Татар-информ», Надежда Гордеева). «Бердәм Россия»нең төбәк бүлеге Рөстәм Миңнехановны Татарстан Президентына кандидат итеп күрсәтте. Бу карар «Бердәм Россия» партиясенең 32нче конференциясендә күпчелек тавыш белән хупланды. Татарстан Дәүләт Советы Рәисе, партиянең Татарстан бүлеге секретаре Фәрит Мөхәммәтшин сүзләренчә, Рөстәм Миңнеханов «танылган, эшлекле, актив». Парламент җитәкчесе аны Татарстанның 10 ел дәвамында уңышлы җитәкчелек итүче республиканың абруйлы лидеры, дип атады. Читать дальше...

(Казан, 27 июнь, «Татар-информ», Гөлия Хәсбиуллина). Тиздән Саба районының Лесхоз авылында урнашкан дендрология бакчасында яңа әкияти өлеш булдырылачак. Бу хакта «Татар-информ» хәбәрчесенә дендрология бакчасы директоры сөйләде. Әлеге Нургали Миңнеханов исемендәге дендрология бакчасы хәзерге вакытта өч өлешкә бүленә: экспозиция төркеме, арчан бакчасы, альпинарий. Шулай ук бакча территориясендә оранжерея һәм әлегә күләме зур булмаган чәй цехы урнашкан. «Без әкияти өлеш ачып җибәрергә булдык. Монда төрле әкият геройлары урын алачак... Читать дальше...

(Казан, 27 июнь, «Татар-информ», Наталья Рыбакова). Россия Конституциясенә төзәтмәләр буенча гомумроссия тавыш бирүе барышында интернетта федераль һәм төбәк киңлегендә яңа өч фейк барлыкка килде. Алар турында бүген Россия Иҗтимагый палатасы белән туры эфир вакытында РФ Конституциясенә үзгәрешләр кертү мәсьәләләре буенча гомумроссия тавыш бирүенә әзерлек буенча РФ Иҗтимагый палатасы эшче төркеме әгъзасы, Милли кыйммәтләрне яклау фонды президенты Александр Малькевич Казанда 42нче сайлау участогында сөйләде. Читать дальше...

(Казан, 27 июнь, «Татар-информ», Гөлүзә Ибраһимова). Арча педагогия көллиятендә татар теле һәм әдәбияты укытучысы булып эшләгән Рәшидә Моратова вафат. Бу хакта «Татар-информ» хәбәрчесенә кызы Динә Хәсәнова әйтте. «Әни җомга көнне үлде, бүген хезмәттәшләре һәм укучылары белән аны соңгы юлга озаттык. Ул гомерен татар телен һәм әдәбиятын укыту эшенә багышлады. Ял көннәрендә өйләренә кайтып китә алмаган балаларны, бәлешләр пешереп, өенә җыя иде. Әни мине дөньяны яратырга, ярдәмчел булырга өйрәтте. Безнең... Читать дальше...

(Казан, 27 июнь, «Татар-информ», Надежда Гордеева). Татарстанда биш ел эчендә «безнең ишегалды» программасы буенча 6,7 меңнән артык ишегалды территориясе ремонтланачак. Бүген бу хакта Татарстан Республикасы Президенты Рөстәм Миңнеханов «Бердәм Россия» төбәк бүлегенең 32нче конференциясендә хәбәр итте. Татарстан Президенты быел республикада «Безнең ишегалды» программасын гамәлгә ашыру башланганын искәртте. Әлеге проект ярдәмендә биш ел эчендә төзекләндерүне таләп итүче барлык күпфатирлы йортларның 6775 ишегалды ремонтланачак. Читать дальше...

(Казан, 27 июнь, «Татар-информ», Надежда Гордеева). Татарстан лаеклы рәвештә яшәү өчен иң яхшы урыннарның берсе санала ала. Бу хакта республика Президенты Рөстәм Миңнеханов «Бердәм Россия» төбәк бүлегенең 32нче конференциясендә белдерде. «Без яшәү өчен иң яхшы урыннарның берсе булып саналырга мөмкин булган көчле һәм чәчәк атучы республикада яшибез. Без Россия Президенты Владимир Путинга безнең барлык проектларга ярдәм иткәне өчен рәхмәтле. Без кирәкле ресурсларга, тәҗрибәгә, көчле кадрларга ия һәм программаларның үтәләчәгенә ышанабыз»... Читать дальше...

(Казан, 27 июнь, «Татар-информ»). Конституциягә төзәтмәләр буенча тавыш бирү дәүләт өчен генә түгел, беренче чиратта Россия Федерациясе гражданнары өчен дә мөһим. Бүген гомумроссия тавыш бирүдә катнашкан Бөтенроссия инвалидлар җәмгыятенең — Татарстан Инвалидлар җәмгыяте татар республика оешмасы рәисе Рифат Ганибаев шундый фикер белән уртаклашты. Сайлау пунктына кергәндә Ганибаевның температурасын үлчәделәр һәм шәхси саклану чараларын бирделәр. Аннары ул дистанция саклап, сайлау комиссиясе әгъзасына паспортын ачып күрсәтте... Читать дальше...

(Казан, 27 июнь, «Татар-информ»). Федераль Роспотребнадзор республикада Covid-19 белән вазгыятьне анализлады һәм Covid-19 аркасында кертелгән чикләүләрне бетерү буенча икенче этапка күчүне раслаган. Бу хакта Татарстан Хөкүмәте Йортында узган киңәшмә вакытында республика Президенты Рөстәм Миңнеханов сөйләде. «Коронавирус режимында без эшли беләбез, әмма моның өчен дисциплиналы булырга, барлык нормаларны һәм кагыйдәләрне үтәргә кирәк», - диде Татарстан Президенты. Киңәшмәдә Роспотребнадзорның Татарстан... Читать дальше...

(Казан, 27 июнь, «Татар-информ», Наталья Рыбакова). Россия Конституциясенә үзгәрешләр кертүне хуплау мәсьәләсе буенча гомумроссия тавыш бирүенә әзерлек буенча РФ Иҗтимагый палатасының эш төркеме әгъзасы, Милли кыйммәтләрне яклау фонды президенты Александр Малькевич бүген Казанда булды. Ул КАИ бинасында 42нче сайлау участогында РФ Конституциясенә төзәтмәләр кертү буенча тавыш бирүдә катнашты. «Без илебезнең киләчәген билгеләп, Россиянең Төп законына төзәтмәләр өчен тавыш биреп зур эш башкарабыз. Аның буенча безгә... Читать дальше...

(Казан, 27 июнь, «Татар-информ»). Яшьләр көнендә Татарстан Республикасы Президенты Рөстәм Миңнеханов Казанда «Урам» яңа экстрим-паркында сынау ярышларында булды. Бу турыда республика җитәкчесенең матбугат хезмәте хәбәр итә. «Миллениум» күпере янындагы парк күп функцияле иҗтимагый киңлеккә әвереләчәк, төзелеш мәйданы 2 гектарга якын тәшкил итә. Рөстәм Миңнеханов BMX-фристайл буенча Россия чемпионы Ирек Ризаев белән парк турындагы тәэсирләре белән уртаклашты. «Бу дөньяда иң яхшы мәйданчыкларның берсе! Читать дальше...

(Казан, 27 июнь, «Татар-информ»). Теркәлгән хокуклары булмаган күчемсез милек объектларын инвентаризацияләү турында бүген Татарстан Республикасы Хөкүмәте Йортында узган киңәшмәдә Татарстан Республикасы җир һәм мөлкәт мөнәсәбәтләре министры Фәнил Әһлиуллин хәбәр итте. Бу турыда Татарстан Президенты матбугат хезмәте хәбәр итә. Барлык муниципаль районнар белән видеоконференцэлемтә режимындагы киңәшмәне Татарстан Президенты Рөстәм Миңнеханов үткәрде. Киңәшмәдә Татарстан Премьер-министры Алексей Песошин катнашты. Читать дальше...

(Казан, 27 июнь, «Татар-информ», Надежда Гордеева). Татарстанда Covid-19 коронавирус инфекциясенә бер тәүлектә 4904 тест ясалган. Бу хакта «Татар-информ» мәгълүмат агентлыгында узган матбугат конференциясендә Роспотребнадзорның Татарстан буенча идарәсе җитәкчесе урынбасары Любовь Авдонина хәбәр итте. Спикер сүзләренчә, республикада коронавирус ачыкланганнан алып, 280 меңгә якын тест ясалган. «Яңа коронавирус инфекциясенә тест саны артты. Бүгенгә 28 меңгә якын кеше иммунофермент анализы белән антитәнчекне билгеләү хезмәтеннән файдаланды. Читать дальше...

(Казан, 27 июнь, «Татар-информ»). Татарстанда чәчүлекләрне файдалануның нәтиҗәлелеге турында республика Премьер-министры урынбасары — авыл хуҗалыгы һәм азык-төлек министры Марат Җәббаров сөйләде. Бу турыда Татарстан Президенты матбугат хезмәте хәбәр итә. Ул искәрткәнчә, республика агросәнәгать комплексының нәтиҗәлелеге турыдан-туры үсемлекчелек һәм терлекчелек тармакларының эш нәтиҗәләренә бәйле. Барлык муниципаль районнар белән видеоконференцэлемтә режимындагы киңәшмәне Татарстан Республикасы Президенты Рөстәм Миңнеханов үткәрде. Читать дальше...

(Казан, 27 июнь, «Татар-информ», Надежда Гордеева). Татарстан обсерваторларында 71 кеше табиблар күзәтүендә кала. Бу хакта «Татар-информ» мәгълүмат агентлыгында узган матбугат конференциясендә Роспотребнадзорның Татарстан буенча идарәсе җитәкчесе урынбасары Любовь Авдонина хәбәр итте. «Чит илдән килгән затларны күзәтү чоры тәмамлана. Исегезгә төшерәм, соңгы срок — 1 июль. Бүгенге көндә обсерваторларда 71 кеше бар. Авырулар белән элемтәдә булган 1325 кеше табиблар күзәтүендә кала», — дип сөйләде спикер. Читать дальше...

(Казан, 27 июнь, «Татар-информ»). Бүген Татарстан Хөкүмәте Йортында узган киңәшмәдә республика төзелеш, архитектура һәм торак-коммуналь хуҗалык министры Фәрит Хәнифов социаль өлкә объектларына капиталь ремонт барышы турында хәбәр итте. Бу турыда Татарстан Президенты матбугат хезмәте хәбәр итә. Барлык муниципаль районнар белән видеоконференцэлемтә режимындагы киңәшмәне Татарстан Республикасы Президенты Рөстәм Миңнеханов үткәрде. Киңәшмәдә Татарстан Премьер-министры Алексей Песошин катнашты. Фәрит Хәнифов искәрткәнчә... Читать дальше...

(Казан, 27 июнь, «Татар-информ», Надежда Гордеева). Татарстан сәламәтлек саклау министры урынбасары Владимир Жаворонков пневмония белән авыру очраклары күп булган шәһәрләрне атады. Бу хакта ул «Татар-информ» мәгълүмат агентлыгында матбугат конференциясендә сөйләде. Спикер сүзләренчә, апрель һәм май айларында ачыкланган очраклар саны буенча антирейтинг лидерлары Казан, Чаллы һәм Әлмәт булган. «Татарстанның өч муниципалитетында хастаханәдән тыш үпкә ялкынсынуы очраклары күп теркәлгән. Ләкин саннар... Читать дальше...