Новости за 19.04.2018

Оьрсийчоьнан Пачхьалкхан Думан депутато Милонов Виталийс НСН луьра критика йина цу пачхьалкхарчу хьалхарчу борделана, хаам бо "Национальная служба новостей" агенталло. "Москва-Ситехь" Оханан-бутт чекхболуш схьайоьллур йолуш ю Оьрсийчохь хьалхара бакххийчарна хьажийна Dolls Hotel (Тайнагийн Хьешан ЦIа) олу самукъадаккхаран центр, болх беш LumiDolls бордель а йолуш. Милоновс ша вуно реза ца хилар хаийтира цу гIуллакхана. НСН-н эфирехь цо дIахьедар дина, ша цигара хьал талла гIур ву, шеца ММА латархой а... Читать дальше...

2008-чу шарахь ГIалгIайчохь бан болх боцуш хилла 49 процент бахархой. Кху шеран Оханн-беттан 1-чу дийнахь лаьрча и терахь охьадаьлла карийна 26,5 процентана тIекхаччалц. Цунах лаьцна хаам бина "Ингушетия" интернет-газтео, яздо Кавказ.Реалиино. Белхан меттигашца кхачо йон сервис кхуллуш ГIалгIайчохь бан болх ца хиларан тIегIа хилла 80 процент.

Оьрсийчоьнан президенто Путин Владимира низам тIеэцна бахархошна цхьацца хIуманаш, масала машен лело а, телефонах пайда аэца а, интернет лелор а дехка бакъо луш долу. Цу тайпачу гIуллакхах пайда эца мегар ду суьдо бинчу сацамца, низам дохорно шеко ю аьлла билгабаьханачу а, бехке бечу а нахана дуьхьал. Юристашна хетарехь, цу низамо бакъонаш йохо мега талламана кIеллахь болчу нехан.

Химин герз дихкинчу дуьненаюкъарчу Организацин (ОЗХО) инспекторш кхаарийдийнахь дIа ца кхаьчна Шемарчу, карарчу беттан 7-чохь химин герз лелийначу Дума гIала. Шеман "КIайн касканаш" цIе йолчу организацино чIагIдарехь, хIетахь 46 тIера 70 кхаччалц нах байина цигахь, бIеннашкахь бу лазийнарш. ОЗХО-н миссина кхерамзалла латточу ООН-ан белхахошна Думехь тIе герзаш диттина аьлла, хаамбира кхаарийдийнахь. ООН-ан официалан векало а тIечIагIйина и информаци. Вийна-лазийна стаг вац, къастаделла дац, хьан диттина ООН-ан белхахошна тIе герз. Читать дальше...

Кху тIаьхьарчу 7 шарахь Оьрсийчохь доьазза алсамдаьлла экстремизмаца доьзначу гIуллакхашкахула чубоьхинчу нехан терахь. Бохкучу бехкашна юкъахь ду ницкъ баре кхайкхар а, цабезам кхоллар а, экстремистийн юкъараллаш кхоллар а, яздо "Коммерсанто". Бакъонашларъярхоша билгалдаккхарехь, коьртачу декъана жоьпе ийзораш бу регионашкара "там боцу, амма кхераме доцу" къамелаш дина юкъараллан жигархой. Оьрсийчоьнан Лаккхарчу суьдан терахьашца, цу тайпа бехкаш а дехкина, 2017-чу шарахь чувоьллина 604 стаг. Читать дальше...

Iамеркан Цхьанатоьхначу Штаташа оьрсийн олигархашна а, компанешна а тоьхна санкцеш балеевлла могIарерчу бахархошна

Нохчийчуьрчу Кенхи эвларчу бахархоша дехар дина Дагестанан куьйгалхочуьнан декхарш кхочуш деш волчу Васильев Владимире, шайн эвлара Дагестанерчу Цумадан кIошта боьду некъ тобахьара аьлла. Шаьш и дехар дар доьзна ду, боху кенхоша дахаран хьашташца а, Нохчийчохь ассимиляци хиларна кхерарца а, яздо "Кавказский Узело". Васильевга яздинчу кехатан авторша кхайкхам бина цуьнга, тидам тIебахийтахьара аьлла, 3 зар вахархо, коьртачу декъана суьйлий бехачу эвлан халонашна. Кенхи эвларчу бахархоша буьйцург суьйлийн литературан мотт бац. Читать дальше...

Муьлха духар лело мега шайн къоман зударшна хоуьйту Таджикистанан оьздангаллин министралло. Бакъо яц зудчуьн йоца коч я декольте йоьхна араяла.

Дукха хан йоццуш Instagram-хь шен синтолан эксперименташца вевзаш волчу Пятигорскерчу Терёшин Кирилла ницкъ къовсаре кхайкхинера I6 долу нохчийн латархо Тамаев Асхьаб. Асхьаб вевзаш ву Нохчийчохь, уггаре а стомма лаг долу жима къонах санна. Интернетехь цунах олу «Халк». Халк (Hulk), хууш ма хиллара, ву видеоловзаран турпалхо. Шен видеошкахь Тамаевс гойту шен лаг 54 сантиметр хилар а, 48 сантиметр бицепсаш хилар а. Иза ша ву 180 сантиметр лекха а, 102 кила веза а. Instagram-хь, хIора денна аьлча санна... Читать дальше...

Иракъехь чуйоьллина Дагестанера ши суда латкъам бан дагахь ю шайна яллалц аьлла хан тохарна. Цунах лаьцна хаам бина цу шинан наноша, яздо РИА Новости агенталло. Иракъерчу суьдо шинарин дийнахь, "Исламан пачхьалкх" тобанна юкъахь хилла аьлла, кхел кхайкхийна Оьрсийчоьнан шина махкахочунна Дагестанера схьаяьллачу Исмаилова Алисина а, Магомедханова Эльвирина а. Цунах лаьцна хаам бина Нохчийчоьнан куьйгалхочуьнан Гергарчу Малхбалехь а, Къилба Африкехь а волчу векало Сабсаби Зияда. Хьалхо Иракъерчу Al-Sumaria телеканало хаам бинера... Читать дальше...

Иракъехь чуйоьллина Дагестанера ши суда латкъам бан дагахь ю шайна яллалц аьлла хан тохарна. Цунах лаьцна хаам бина цу шинан наноша, яздо РИА Новости агенталло. Иракъерчу суьдо шинарин дийнахь, "Исламан пачхьалкх" тобанна юкъахь хилла аьлла, кхел кхайкхийна Оьрсийчоьнан шина махкахочунна Дагестанера схьаяьллачу Исмаилова Алисина а, Магомедханова Эльвирина а. Цунах лаьцна хаам бина Нохчийчоьнан куьйгалхочуьнан Гергарчу Малхбалехь а, Къилба Африкехь а волчу векало Сабсаби Зияда. Хьалхо Иракъерчу Al-Sumaria телеканало хаам бинера... Читать дальше...

Соьлж-ГIалахь а, Итум-Кхаьллахь а рейдаш дIахьош Азербайджанера 22 вахархо лаьцна Нохчийчоьнан ницкъаллин структурийн белхахоша. Царах хIоранна а гIуда тоьхна 2000 сом барамехь, республикехь Iан бакъо йоцуш цигахь хиларна. Лецначерах кхоъ махкахваьккхина, пхеа шарахь Оьрсийчу вар а дихкина, хаам бо "Кавказский узело". Нохчийчоьнан чоьхьарчу гIуллакхийн министралло далочу терахьашца, хIара шо даладелчхьана республикера араваьккхина 27 цигахь ваха бакъо ца хилла мигрант, ткъа стохка махкахваьккхинера 100 стаг.