Новости за 22.04.2018

Полицино дIасалаьхкина Ереванехь дуьхьалонан акце арабевлла нах, ткъа церан лидер, депутат Пашинян Никола, дIалаьцна, хаам бо  gazeta.ru интернетан сайто, РИА Новости агенталлана тIе а тевжаш. Марш сацийнера полицино Ереванан Эребуни кIоштахь. Цул тIаьхьа полисхо пайда ийцира, серло а тухуш, вуно чIогIа гIовгIа йоккхуш лелхачу гранатех а, кхин болчу а полицин лерринчу гIирсах. Хьалхо Пашинянан а, премьер-министран Саргсян Сержан а дийцарш дIадирзира, цхьа а жамI доцуш. Премьеро дIахьедар дира, оппозиционеро лелош дерг "шантаж" ю, аьлла. Читать дальше...

1996-чу шарахь Охан-беттан 21-чу дийнахь вийра президент Дудаев ЖовхIар. Политикан диалог юха а теттина, тIамца Нохчийчоь шен долаерзо гIерташ яра цу деношкахь Оьрсийчоь. Нохчийчоьнан хьалхара президент Дудаев ЖовхIар Оьрсийчоьно шен мостагI лоруш валахь а, цуьнан сий до дуккха а пачхьалкхашкахь. Хьалхара дагалацаман у гучуделира Эстонерчу Тартухь 1997-чу шарахь Товбеца-беттан 20-чу дийнахь, «Барклай» олучу хьешан хIусаман пена тIехь. Полтавехь Никитченко урамехь йолчу цхьана хIусаман тIехь схьадиллира Дудаевна хьажийна шолгIа у. Читать дальше...

Нохчийчохь школашкарчу дешархойн дай-наной дуьхьал бу шайн берашна мехий деттарна, хаам бо "Кавказский узело". Царна хетарехь, пехийн цамгар ю-яц толлу а бохуш, церан берашна цхьацца вакцинийн кхераме мехий ду детташ. Республикехь алсамдаьлла вакцинаш тохарна дуьхьал болчу нехан терахь, стохка полиомиелитана дуьхьал маха тоьхначул тIаьхьа берийн могушалла вуно галйолуш хиларх лаьцна цхьана лорйишас кхайкхам бинчул тIаьхьа. Цу лорйишица цхьаьнакхийтира республикан куьйгалхо Кадыров Рамзан, цул тIаьхьа цу зудчо юха ийцира шен дешнаш. Читать дальше...

Нохчийчоьнан куьйгалхочо Кадыров Рамзана Соьлж-ГIала хьошалгIа кхайкхина Iамеркан пачхьалкхан секретаран декхарш кхочуш деш волу Салливан Джон, Цхьаьнатоьхначу Штаташа Нохчийчуьра Iедал адамийн бакъонаш йохорна бехке динчул тIаьхьа, хаам бо РИА Новости агенталло  "Кадыров Рамзанан Iедало Нохчийчохь адамийн бакъонаш талхош ю, хуьлуш бекхам а боцуш. Цхьа а низам талхор теллина дац цигахь, я кхачийна дац меттигерчу я федералан суьде", - аьлла ду Iамеркан Пачхьалкхан департаменто хIора шарахь арахоьцучу рогIерчу рапорта тIехь. Читать дальше...

Оьрсийчохь 2018-чу шарахь аьхка хир йолу футболан дуьненан чемпионате гIур бац шайн векалш аьлла, дIахьедар дина Исландин а, Британин а Iедалша. Цу тайпа сацам бар доьзна ду Британерчу Солсбери гIалахь шалха агент хиллачу Скрипаль Сергейна а, цуьнан йоIанна Юлияна а дIаьвшен тIелатар дарца. Шоьтан дийнахь, Оханан-беттан 20-чу дийнахь, 60 евродепутато, Оьрсийчу чемпионате ца дахар доьхуш, схаьдиллина кехат яздина Евробертана юкъайогIучу пачхьалкхийн Iедалшка. Солсберехь дина тIелатар Европана мехала... Читать дальше...