КIошташкара а, луларчу мехкашкарчу кегийчу наха хьуьнарш гайтира тIулг гена кхоссарехь а, куьйгаш латийтарехь а, муш йозорехь а, йозалла айарехь а, цхьа чакхарма вадарехь а. ГIалгIайзкхий боцучара а дакъалаьцна цигахь. Кху спортан къийсадаларца билгалдаьккхина махкахь КТО дIаяьккхар. ТIеман зама дIаяьлла де санна билгалдоккхуш ду и де махкахь.
Шен хIусамненах леттачу ГIалгIайчоьнан Мужичи юьртарчу 34 шо долчу вахархочунна кхо шой ах шой хан кхайкхийна набахтехь яккха. Мехкан прокуратуран пресс-гIуллакххоша бина и хаам. "Кхело бинчу талламашца, ялх беран дас, къаьркъа а мелла, шен зудчунна йиттина, лечу хьоле ялийна хилла иза", -аьлла бу хаам. Зудчун кхелан-медицинан экспертиза йинчул тIаьхьа, цуьнан могушаллина даккхий зенаш дина хилар а чоьте а эцна, 3,5 шо хан тухуш, сацамбина кхелахоша.
Масийтта шарахь кеп-кепарчу гIаттамхойн карахь лаьттина Малхбален Гута юхаерзийна хиларх хаамбина Шеман Iедало. Шеман тIеман министраллан хаам бакъбина оьрсийн буьйранчаша а. "Джейш-аль-Ислам" тобанхоша а, церан доьзалша а дIатесна Дума гIала. Оьрсийчоьнан тIеман министраллан информацица, туркойн эскарийн Iуналлехь йолчу къилбехьарчу территори тIе Дума гIалара 20 эзар гергга стаг кхачийна. ТIечIагIдарехь, оцу хенахь дина хилла химин герзаца тIелатар а. Малхбузен пачхьалкхаша бехкейо Асад Башаран режим хими хецарна... Читать дальше...
НАТО-н Инарла секретара Столтенберг Йенса дIахьедина, массо а Къилбаатлантикан юкъараллан пачхьалкхаша-декъашхоша къобалдина хиларх шоьтан буса Iамерко а, Великобританис а, Франционо а Шемахь дина тохарш. НАТО-н коьрта политикан декъан -Къилбаатлантикан кхеташонан цхьанакхетар дирзинчул тIаьхьа дина и дIахьедар Столтенберга. Цо бахарехь, НАТО-н пачхьалкхаш конфликт чIагIъян ца гIерта, мелхо а цара Оьрсийчоь кхойкху Дамаск машаран дийцаршка хаорехь гIо даре. Шемарчу Дума гIалахь химин герз лелорна... Читать дальше...
Кхиазхошна тIехь Iуналла латточу инспекторша чоьхьарчу гIуллакхийн министраллан полисхошца цхьаьна профилактикан рейдаш дIаяьхьна Соьлжа-ГIалахь. Оцу барамехь Октябрьск кIоштарчу "Минутка" олучу майданахь кхиазхойн тоба лаьцна, нускал далочу хенахь, шайна кхаьънаш дахархьама машенийн некъ лоьцу. "Оцу хьолехь машенаш вовшахетталуш, некъан бохамаш бийла тарло, шайна кхиазхошна а кхераме ду и", - аьлла ницкъахоша. Кхиазхой полисхойн декъе а бигина, церан дай-наной а тIе а балийна, кхетош-кхиоран къамелаш дина полисхоша.
