ДуьнентIехь дукха дац Кавказерчу пахьалкхаша гайтина машаречу революцийн масалш. Дукха хьолехь беттанашкахь я шерашкахь цIий Iенадо къаьмнаша шайна коьртеваьлла президент я премьер хийца гIерташ. Аьрмлойн чохь йирзина цIий доцу революци.
Эрмалойчоьнан къам декъалдина Гуьржийчоьнан хиллачу президенто Саакашвили Михаила, "шун хиндерг сийлахь го" шена аьлла, тIе а тухуш. Цу кепарчу хийцамашна кечло аьлла, къадийна Саакашвилис гуьржийн Iедалшна. Украинера араваьккхичхьана Нидерландашкахь вехачу Саакашвили Михаила эрмалойшка дIахьедина, "шаьш эрмалой хиларх дозалла дан йиш ю шун" аьлла. Цо бахарехь, доллу дуьненна тоьшалла ди цара, шаьш доьналла долуш нах хиларан, шаьш тоьллачу хьелашкахь даха хьакъ хиларан – коррупцех доьзна доцчу. Читать дальше...
13 пачхьалкхашкарчу бакъонашларъярхоша Telegram дIакъовлар а, Оьрсийчуьрчу интернетна тIелатар дар а емалдеш, диллина кехат яздина Google-н, Amazon-ан, Microsoft-ан и Apple-н цIарах. Telegram-ан интересаш Iалашъечу, дуьненаюкъарчу "Агора" организацин хьалханчас Чичиков Павела шен Telegram-каналехь зорбане даьккхина и кехат. Мессенджерна блок хIоттор, Интернетехь шена хетарг ала а, яздан а йолу маршонаш хьоьшуш, Оьрсийчоьнан Iедалан тIелатар ду аьлла кехатан авторша. Iамеркан яккхийчу компанийн миллионашкахь IP-адресаш дIа а къовлуш... Читать дальше...
Шайн-шайн Меттан Де даздо кху муьрехь Оьрсийчуьрчу массех республико, кхана ду Нохчийн Меттан Де
Трамп Доналдна а, Меркел Ангелна а, кхечу Малхбузерчу хьаькамашна а дуьхьал ша санкцеш яьхна дукха хан ю аьлла Кадыров Рамзана. Нагахь уьш республике богIий, шаьш оцу сохьта лаца а лаьцна, чубухкур бу аьлла цо "Россия 24" телеканалан эфирехь. 2017-чу шеран Iай "Магнитскийн тептаре" ваьккхира Iамеркан Цхьанатоьхначу Штаташа Оьрсийчоьнан пхи вахархо, шайлахь Кадыров а волуш. "Адамийн бакъонаш талхорна" аьллачу бахьанаца нисвеллера иза санкцешка. Байначу баттахь Эстонино а дихкира Кадыровна а, кхин... Читать дальше...
Нохчийчохь масех зуда ялон бакъо луш низамаш ду кечдеш бохуш, яьржина информаци бакъ ца йина Кадыров Рамзана. "Россия 24" телеканалан еллачу интервьюхь аьлла цо ишта. "Ас цкъа а ца аьлла иштаниг, - аьлла, дуьхьало йина Кадыровс, корреспондентан хаттарна жоп луш. – Со ма вац бусулбачунна бакъо яла хьакъверг. Дала елла бакъо ма ю - 4 зуда магош". "Низаман тIегIанехь дуьйцуш дац и хаттар. Нагахь езаш вуй хьо – ялае, кхаба а кхаба, - аьлла Кадыровс. – Оха ма ца боху, и 4 а зуда ЗАГС-е а йигий, уьш хьайн долахь хиларх чIагIо яйта. Читать дальше...
90-чу шерашкахь Нохчийчохь хиллачу хьолах тера ю аьлла Нохчийчоьнан куьйгалхочо Кадыров Рамзана, тахана Шемахь йолу ситуаци. "Россия 24" телеканалана еллачу интервьюхь дина цо и къамел аьлла, яздо "Керланаш" агенталло. "Шема а, шемахой а цхьана хIуманна бехке бац. Тхан республикехь муха дара хIетахь? Нохчийн цкъа а ца хилла экстремисташ, террористаш. Оьрсийчоьнна дуьхьал тIом бан беза аьлла, дола а дина, иштта дIадахара, тхан къам хIаллак а деш. Изза ду тахана Шемахь а", - аьлла, билгалдаьккхина Кадыровс. Читать дальше...
Ши шо хьалха шемахоша яьккхинчу киночуьра дакъойх пайдаэцна федералан телеканалаша, Шемахь химин тIелатар дарх Малхбузено иштта хIоттийна сурт дара аьлла, тоьшаллаш далош. "Дождь" телеканало бина цунах тидам. КIирандийнахь Оьрсийчоьнан "Россия - 1" а, Хьалхара а каналаш гIоьртира шайн телехьовсархой тешо, Дума гIалахь цхьа а химин герз лелийна а дац, "КIайн касканаш" цIе йолчу, пачхьалкхаца йоьзна йоцчу организацино, хIоттийна сурт дара и бохучух. Шайн дIахьедарх тоьшаллаш далош тележурналисташа... Читать дальше...
Нохчийчоьнан куьйгалхочо Кадыров Рамзана дIахьедина, Шема кхи а нохчийн эскархой бахийта кийча ву ша аьлла. "Россия 24" телеканалан эфирехь, Iарбойн пачхьалкхе кхи а нохчийн эскархой бахийта кийча вуй хьо аьлла шега хаьттича, "ву дера" аьлла, жоп делла Кадыровс. Цо дийцарехь, нохчийн тIеман дакъош хIинца а ду цига чуоьзна. "Уггар тоьлла эскархой, махкахь шина тIамах чекхбевлларш бу цигахь. Верриг 90 процент ву уьш", - аьлла, билгалдаьккхина политико.
Канадерчу Торонто гIалахь некъахошна автофургон тIехаьхкина байинчу нехан терахь 10-нне хьаладаьлла. Кхи а 15 чевнаш йина. Хьалхо Iорабаьхначу хаамашкахь 9 стаг велла аьлла дара. Машен лелориг лаьцна, иза хилла 25 шо долу Минассиан Алек. Социалан машанашкарчу цуьнан аккаунтехь йолчу информацица, меттигерчу Сенекан колледжехь доьшуш хилла иза. Машен тIетохаран бахьанаш къаьстина дацахь а, схьагарехь, хууш дина ду цо и зулам. Гиначара дийцарехь, шоферо маса хьахкина ялош хилла машен, тротуар тIехь богIу нах а ца ларбеш. Читать дальше...
Дахначу кIирандийнахь Маршо Радион кхаа журналистна тIелатар дина, премьер-министрана Саргсян Сержна дуьхьал гIаьттинчу демонстрацех хаамаш Iорабохучу заманчохь. Оршотдийнахь совцийна акцеш, Саргсяна ша дарж мукъадоккху аьлла, дIакхайкхийначул тIаьхьа. Маршо Радион президенто Кент Томаса оцу хьокъехь вистхуьлуш аьлла: "Шайн болх бечу журналисташна тIелатар дар хила йиш йоцург ду. ТIелатар диначарлахь полисхой хиларо я цара тIелатар тергамза дитаро а сингаттам бохьу. Оха тIедожадо, катоьхна бехкенаш кара а бина, уьш жоьпалле озор". Читать дальше...
Теракташ дина ву аьлла, набахтехь даккха пхи шо хан кхайкхийна Италехь вехачу Нохчийчуьрчу вахархочунна Бомбаталиев Iелина. Бари гIаларчу кхело тIеэцна и сацам, яздо италхойн Ansa агенталло. Хьалхо хаамийн гIирсашкахь дуьйцуш ма хиллара, Италин Къилбехьа лаьцнера Бомбаталиев, Соьлжа-гIалина тIелатар дарна а, Нохчийчуьрчу террорхойн тобанан декъехь латтарна а бехкевина. Италин прокуратуран хаамашца, иштта кечдеш хилла цо кхи а керла теракташ а. Лелхийтарш дан декхарийлахь хилла хила тарло цуьнан хIусамнана... Читать дальше...
