Украинин халкъан депутатана Мосийчук Игорна тIелатар динарш а, антитерроран операцехь шен лаамехь дакъалоцуш хилла нохчийн тIемало Окуева Амина йийнарш а цхьа нах бу. Иштта дIахьедар дина Мосийчук Игора ObozTV телеканалан эфирехь. Мосийчука дийцарехь, талламхошна хиъна зуламхойн тобан декъашхой муьлш бу. Цо бинчу хаамца, царех цхьаъ зулам динчул тIаьхьа ведда Соьлж-ГIала.
ЙоьалгIачу Москох жуьгтийн кинофестивалехь гойтур ю «Бейтар» клубан футболан фанаташа эккха вайтинчу Нохчийчуьрчу шина футболхочух лаьцна фильм. Оцу клубо эцнера уггаре тоьллу лоруш волу нохчийн ши футболхо Садаев Заур а, Кадиев Жабраил а. Амма и шиъ бусалба хилар хиинчу футболан фанаташа царна дуьхьал маситта гулам хΙоттийра. Нохчийн футболхой юкъатохий ма "бехйе "Бейтар"", бохуш, болам болийра фанаташа. Цара маьхьарш деттара «Бейтар» ловзучу стадионехь, шаьш нохчашна реза ца хилар гойтуш. Читать дальше...
«Ведучера» Къоьзан-IоматIе серийн некъ билла болор бу кеста. Цуьнах журналисташка хаам бина Къилбаседа Кавказехула Оьрсийчоьнан министран гIовс волчу Байсултанов Одеса. «Къилбаседа Кавказера курорташ» компанин керла куьйгалхочуьнца Тимижев Хьасана дийцарехь, цу некъахула д1асалелар ю 30 стаг чутарлуш йолу кабинаш. И проект кхочуш хилахь, иза Нохчийчохь уггаре инзаречерах хир ю. 2 эзар метр лекха йолу и ши объект вовшашна генахь ю лаххара а 60 километр. Говзанчаша дийцарехь, цу тайпа 1 километр некъ бан оьшу лаххара а 2 миллион евро.
Москох малхбалехь йогуш ю "Персей для детей" махбаран центр. Оьрсийчуьрчу хаамийн агенталлаш хаам барехь, масийтта стаг вагийна а, лазийна а ву. Чолхе хиларан лакхара тIегIа хIоттийна цIеяларна. «Интерфаксо» дийцарехь, йогучу гIишлона чохь хилла 300 гергга бераш а, баккхийнаш а. Уьш берш арабаьхна. ТIаьххьара болчу хаамца, цIеяьлла цхьацца сурсаташ латточу чохь.
Оьрсийчохь 2017-чу шарахь йина а, юкъахъяьхна а теракташ кечйеш пайда эцна мессенджерех. Цунах лаьцна дIахьедар дина Оьрсийчоьнан феделаран кхерамазаллин сервисан куьйгалхочо Бортников Александара, Москох хиллачу 7-чу дуьненаюкъарчу кхерамазаллехула йолчу конференцехь, хаам бо «Интерфаксо». Цо дийцарехь, стохка Оьрсийчохь йина 4, ткъа юкъахъяьккхина 25 теракт. Уьш кечйеш интернетерчу мессенджершкахула уьйраш латтийна зуламхоша, боху Бортниковс. Цу юкъахь Шеман а, Иракъан а территори тIехь хиллла нах а бу бохуш, чIагIдо ФСБ-н куьйгалхочо.
Зазадоккху-беттан 18-чохь Оьрсийчохь хиллачу харжамашкахь юха а президент хаьржинчу Путин Владимира шен хьалхара визит йина Туркойчу. Цу мехкан президентца Эрдоган Реджепаца хилла цхьаьнакхетар дахделира цхьана сохьтехь эха сохьтехь. Шина куьйгалхочо иза дIадаьхьира кIевлина неIарш йолчу рожехь. Цул тIаьхьа, Путина а, ЭрдохIана а куьйгалла а деш, хилира 7-гIа Оьрсийчоьнан а, Туркойчоьнан а цхьаьнакъахьегаран бертан кхеташо. Цул хьалха президенташа дакъалецира "Аккую" атоман станци ян йолочу церемонехь. Читать дальше...
Вевзаш волчу журналисто Шевченко Максима а, цуьнан вашас Михаила а кхоьллинчу «Кавказская медиагруппа» компаница контракт йина хилла 2017-чу шарахь "Къилбаседа Кавказ кхиоран корпорацин» акционер йолчу Къилбаседа Кавказ кхиорехула йолчу Оьрсийчоьнан министралло. Цуьнах мах бу 1,5 миллион сом, хаам бо life.ru зорбанан гIирсо. Цуьнца а догIуш, бюджетера и ахча хьажийна «Къилбаседа Кавказ кхиоран корпорацино» бина болх зорбанан гIирсашкахь бийцарна. Болчу хаамца, и контракт Шевченкон компанина елла хилла... Читать дальше...
Iамеркерчу Сан-Бруно гIалан полицино хаам бина, YouTube-ан офисехь герз диттина кхо стаг лазийна аьлла. Иза динарг ю 39 шо долу гIажаройн къомах йолу Iамеркахо Агдам Насим. Иза ша шена тоьхна елла. Iамеркерчу зорбанан гIирсаш дийцарехь, Агдаман хилла масийтта YouTube-канал. Амма шега хьожуш баш дукха нах ца хиларан бух тIехь коьртана галъяьлла хилла видеоблогер. Цу зудчунна моьттуш хилла цунна бехке YouTube видеохIостинг ю. Карарчу хенахь ерриг а Агдаман социалан машанашкахь йолу аккаунташ дIакъевлина ю.
Нохчийчоьнан куьйгалхочо Кадыров Рамзана Соьлж-ГIала а йитина Iедалан кхеташо дIаяьхьна Хьалха-МартантIехь. Цигахь цо дIахьедар дина коьрта Iалашо хьалкъана а, Iедалшна а юкъахь вовшех кхеташ хилийтар ду аьлла. Кадыровс билгалдаккхарехь, Нохчийчуьра бахархой кхеташ а, гIортор еш а бу республикерчу Iедална. Цуьнца цхьаьна, республикан куьйгалхочо дийцарехь, тIаьхьарчу хенахь интернетехь дуккха а нах гучубевлла эладитанаш а, харц дерг а даржош болу. Кадыровс чIагIдарехь, эладитанашна а, харц... Читать дальше...
Чехерчу Вогл Филипа а, Явурек Петара а 10 баттахь дуьненна го баьккхина 42 шо долчу "кепек" олучу Жигули (ВАЗ 2101) тIехь.
23 шо долчу Рахьмана кегийрхошка доьху дуьненан Iилма кардерзор. Шен интернет-агIонтIехь цо яздо харц некъаш хаьржича хуьлучу вончу тIаьхьалонех лецна. Цо ца лечкъадо ша массех шо хьалха, Iехавелла, Шема тIаме ваха ойла йолуш хилла хилар.
