Саидов Тимур 10 шо хьалха шен букъ тIехьа Алханов Iалуца барт каро гIиртинчара къинтIера ца ваьлла Нохчийчоьнан куьйгалхо. Зама хьалха Iедал къовса арабевлла лелларш зуьйш бу Кадыров Рамзанан го. Дерриг а доладелла республикан полицин лерринчу декъан (ОМОН) буьйранча лаьттина Ахмадов Артур лацарца. Бахначу беттан 16-чохь, шоьтадийнахь, шен машенахь Соьлж-ГIалина гергарчу Пролетарское юьрта чувулуш лаьцна иза. Уггаре хьалха вевзара нахана Ахмадов эстрадерчу "Перезидент" тобан солист хиларца. ... Читать дальше...
Соьлжа-ГIаларчу "Мемориал" офисан куьйгалхочун Титиев Аюбан гIуллакхан хьокъехь дIахьочу юьхьанцарчу ладегIаршкахь кхело сацам бина, ГIуран-беттан 22-чу дийне кхаччалц иза лаьцна вуьтуш, хаамбо "Кавказ.Реалии" порталан корреспонденто. Ехачу ханна дIататтар дузу кхелахоша, шайн леван везаш 70 теш хиларна аьлла, дийцина Титиевн адвокато Заикин Петра. Иштта сацамбина кху беттан 18-чохь гIуллакх листар хила деззачу кепехь дIадахьа а.
2011-чу шарахь президентна Асад Башарна дуьхьал гIевттинчу Дераа гIаларчу гIаттамхойн купна го лаьцна оршотдийнахь Шеман пачхьалкхан эскаро. Рейтерс агенталле бина и хаам оппозицин векало Шаима Абус. Цо бахарехь, Дераан Малхбузерчу гIаттамхойн коьрта база йолчу агIор Димашкъан эскарш дIагIоьртича эзарнаш меттигера бахархой гона юкъахь бисина. Оьрсийчоьнан ницкъашца гIаттамхошца бинчу бертаца а догIуш, эскархойн официалехь эвакуаци ян йолаялале тIелетта Шеман арми. ПIераскандийнахь хиллачу бертаца... Читать дальше...
Нохчийчохь лаьцна латто Титиев Аюб арахецар доьхуш, пикете арабевлла "Мемориал" бакъонашлраъяран центран кхеташонан куьйгалхо Орлов Олег а, "Гражданское содействие" цIе йолчу комитетан хьалханча Ганнушкина Светлана а дIалаьцна полицино Москохарчу Манежан майданахь "Маьршаваккха Титиев Аюб" тIеяздина плакаташ хилла Орловн а, Ганнушкинан а карахь. "Китай-гIала" олучу полисхойн декъе далийнера лаьцна шиъ. Къепе йохорна аьлла, бехкебинчу бакъонашларъярхошна протокол хIоттор ду, полисхоша бахарехь.... Читать дальше...
Маршо Радио (оьрсийн сервис) Пенсе воьду хан лакхаяккхийта цалуучийн протесташ лаьтта Оьрсийчохь. Дуьненан футболан чемпионатна стадионаш латточу гIаланийн цкъачунна бакъо яц оцу боламашкахь дакъалаца – цара тIаьхьо ала тарло шайн дош. Кху беттан хьалхарчу дийнахь Навальный Алексейн гоно гуламашка яьккхира 39 гIала. Ткъа Товбеца-беттан 8-чохь профессионалийн юкъараллаша а, коммунисташа а арабехира нах акцешка. Маршо Радион корреспонденташа тергалбира гуламаш Череповец, Орел, Петрозаводск, Барнаул гIаланашкахь. Читать дальше...
Къилба ХIирийчуьрчу Лакхарчу кхелан куьйгалллехь Магометов Бека кхи а ялх шарна тIечIагIвеш омрана куьйгяздина Оьрсийчоьнан президенто Путин Владимра. Кремлан сайтехь бина и хаам. Къилбаседа Кавказан регионашкарчу хьаькамашлахь а бина хийцамаш. Кхарачойн-Чергазийчуьрчу Лакхарчу кхелан куьйгалхочун гIовс хIоттийна 6 шарна Федотов Юрий. Прикубанскан кIоштан кхелахо къобалвина Дураев ИбрехIим. Ставрополерчу кхаа кIоштахь а дIахIиттийна суьдхой. Буденновскан кхелан коьрте ваьккхина Яроцкий Александр... Читать дальше...
Коррупцина а, кхечу экономикехь низамаш талхорна а дуьхьал къийсам латторехь шайна гIо хилийтархьама Нохчийчоьнан экономикан, юкъараллан кхерамзаллан Кхеташоно бахархошна лерина тешаман телефонан лини схьайиллина. Нагахь коррупци лелош, я низамаш талхош меттигаш шайна хаалахь доьху цара, шайга телефон а тоьхна, информаци дIакхачор.
Соьлжа-ГIаларчу "Малхбузен" ("Западный") олучу автобусийн вокзалера дIа Пятигорск - Минск- Варшава - Берлин - Амстердам - Брюссель - Париж йоьдучу автобусна билеташ дохка долийна аьлла, хааме даьккхина махкарчу транспортан а, зIенан а министралло. ХIора кIиранчохь еарин а, шоьтан а деношкахь делкъанна сахьт даьлча новкъаер йолуш ю автобус.
Ахча лачкъийнарг лохуш Узбекистанехь милцочо, тIера духар охьа а даккхийтина, теллина яхархо. Цуьнан дегIаца ахча ца карийча, дIаяхийтина иза, амма ца хIоттийна лацарх долу документ. Хилларг видеоца даржийна – оцу бахьанийца балхара вохийна милцо, дуьхьал бехктакхам а боккхуш.
Къаьмнийн меттанаш Iамор берийн лааме дуьллучу низамна юкъахь хийцамашбар хьехна пачхьалкхан Думан депутато Саралиев Шамсаила. Хьоьху мотт шен ненаниг бацахь, иза Iамор беран шен лаамехь дита догIу аьлла къаьмнийн гIуллакхашкахула йолчу Думан Комитетан куьйгалхочун гIовса Саралиев Шамсаила. Хьалхо и хийцамбарх Кремлехь йоьдучу кхеташонехь къадийнера депутато. Меттанийн низамашкахь хийцамбарна Саралиевна тIетайна депутаташ Делимханов Адама , Селимханов Мохьмад а, Догаев Ахьмад а, Милонов Виталий а... Читать дальше...
Карара шо чекхдалале Нохчийчуьрчу мухIажиршна лерина 540 бер дIатардан аьтто а беш, школа схьайоьллур ю ГIалгIайчоьнан Яндарехь, хаамбина ТАСС агенталле гIишлошъяран министраллан пресс-секретаро Барахоева Индирас. Меттигерчу юьртдас бахарехь, кхалхархошна Карабулакан йистехь еш ю и доьшийла, хIунда аьлча, оцу кIоштарчу вукху школе лела гена ду берашна, къаьсттина Iаьнан заманчохь бала хьоьгу цара. Нохчийчуьра тIебаьхкинчу мухIажиршна аьлла, республикехь 2013-чу шарера 2016-чу шаре кхаччалц дукха петарех лаьтта 17 цIа хьаладина... Читать дальше...
Дагестанерчу ЦIунтинскан кIоштахь шолгIа де а ду орцанхоша 3 шо долу вайна кIант лоьху, хаамбо "Кавказан узел" агенталло. Шаитли олучу эвлахь кIирандийнахь дайна и бер. Меттигерчу бахархошна хетарехь, хино ваьхьна и кIант, хIетте а орцан министрллан белхахоша, гонахарчу кIоштийн бахархоша а арабевлла, лоьхуш ву иза.
Карловы Вары гIалахь дIайоьдучу 53-чу дуьненаюкъарчу кинофестивалехь совгIат кхаьчначу оьрсийн режиссеро Стишова Елизаветас шена делла 15 эзар евро ахчан совгIат Сенцов Олеган а, Серебренников Кириллан а дайшка а, наношка а дIакхачор ду ша аьлла. Кхо совгIат делла оцу кинофестивалехь Оьрсийчуьрчу режиссерашна. Фестивалан тIаьххьарчу дийнахь йистхуьлучу Стишовас ша гIо лацар дIахаийтина кхеле хьоьжучу Серебренниковна а, ГIирмехь теракташ кечдеш хилла аьлла, набахте хьажийначу Сенцовна а. "Сулайма-лам"... Читать дальше...
Шела гIалин кхелехь бакъонашларъярхочун Титиев Аюбан гIуллакхан хьокъехь суьдхойн ладегIарш ду оршотдийнахь дIахьош аьлла, дIахьедина "Мемориалан" векало Орлов Олега. Довхаттар кхечу регионе даккха аьллачу, адвокатийн дехар дIатеттира хьалхо кхело. "Мемориалан" бакъонашларъярхой тешна бу, дуьхьалоян бахьана данне а дацара аьлла. Кхелан кхеташо къевлинчу неIаршкахь дIахьош хиларна, Маршо Радион корреспондентан аьтто ца хилла чукхача.
Даккхий догIанаш ихна хиллачу токхамашкахь 100 стаг велла Японехь, 50 лоьхуш ву, хаамбо BBC News хьостано. Японин Малхбузехь еарийдийнахь дуьйнна саццаза тIеоьхуш ду догIанаш. Ши миллион бахархошка хIусамашкара арабовла аьлла. Дийна бисинарш лоьхуш, белхаш бу дIахьош орцанхоша. Уггар даккхаий зенаш хилла Хиросиман префектурана. Синоптикийн прогнозашца, Японехь догIанаш лаьттар ду тIейогIучу хенахь а.
Муха ду дин лелочийн хиндерг? Килсе я маьждиге дай-наношца бен лела бакъо хир яц берийн, Iедало зуьйш латтор ю ламазан чоьнаш, ткъа дин Iамо лаахь, дика деша дезар ду школехь. "Динлелоран маршонах а, динан юкъараллех а" цIе йолу низам тIеоьцуш ю ГIиргIазойчоь.