Оьрсийчоьнан президенто Путин Владимира дIахьедар дина, дукхах болчу махкахошна санна, пенсе воьду хан тIетохар ца тов шена аьлла. Цунах лаьцна хаам бо ТАСС агенталло. Мехкан куьйгалхочо бинчу хаамца, кхоччуш сацам цу хаттарехь бина бац. Цо дош делла пенсе воьду хан хьокъехь нахана хетачуьнан мах хадо хьожур ву ша аьлла. Путина дийцарехь, Оьрсийчохь хIора болх бечу 6 стагана 5 пенсионер кхочу. Нагахь и баланс кхин а галъялахь "пенсин система эккхар ю", боху цо.
Оьрсийчоьно нуьцкъала дIалаьцначу ГIирмехь Керч гIаларчу номер 2 йолчу колонехь хан токхучу 70 сов тутмакхо латкъам бина, администрацин белхахоша шайна етта аьлла. Цара дийцарехь, тутмакхашна ницкъ бо видеокамераш йоцучу чоьнашна чу а буьгуш. Царна юкъахь ю хадечу декъан чоь а, гIуданан изоляторе вуьгуш таллам бо чоь а, цхьацца колонин хьашташна оьшург латтон чоьнаш а. Чубоьхкинчарна етташ а, уьш хьийзош а даима а дакъалоцуш хуьлу номер 3 йолчу тобан коьрта гIуллакхдархо Фомин Михаил а, карантинан... Читать дальше...
Шеман президентан Асад Башаран тIеман ницкъаша дIалоцуш ю, цу мехкан къилба-малхбузера, Израило Iуналла деш йолчу Голанан лакхенашца Iуьллу территори. Кунейтра провинцера и меттигаш гIаттамхойн карахь яра масийтта шарахь. Амма тIебогIучу Асадан ницкъах цаьрга лар ца елира уьш. Малхбузерчу хаамийн гIирсаша дийцарехь, Оьрсийчоьнан эскаран векалша юкъарло а лелош, барт бина цу кIоштахь герзаш деттар сацо. Голанан лакхенашца Iуьллучу территорина урхалла дар шайн караоьцур ду Шеман Iедалша. Герз охьадилла... Читать дальше...
Нисса цхьа шо хьалха Путин Владимира дIахьедира, къаьмнийн меттанаш нуьцкъала Iамор тIедожо мегар дац аьлла. Ткъа хIун хилира цул таьхьа?
Шеларчу гIалан кхелехь Титиев Оюбан дов толлуш хиллачу кхеташонехь лебина тешаш. Теш ву аьлла цига валийнера бакъонашларъярхо дIалоцуш болх беш хилла 7 полисхо. Титиевн адвокато чIагIдарехь, церах цхьанге а жоьпаш ца даладелира шайга суьдо динчу хаттаршна. Масала "Новая газете" адвокато Заикин Петр дийцарехь, тешашна ца хаьара полисхойн машен хьанна тIе язйина ю а, цуьнан тиллина цIе муха ю. Тешаша хIораза а олуш хилла "дага ца догIу". Кхин а гучудаьлларг ду цу тешашна Титиев дуьххьара гуш хилар. Читать дальше...
Оьрсийчоьнан президенто Путин Владимира ХIелсинкехь кху беттан 16-чохь Iамеркан президенте Трамп Дональде аьлла хилла Донецкан а, Луганскан а халкъан олучу республикашкахь референдум ян езара аьлла. Цунах лаьцна Путина дийцина оьрсийн дипломаташка, арахьарчу гIуллакхийн министраллехь кхеташо дIахьош еарин дийнахь (19-гIа де). Цунах лаьцна хаам бо Bloоmberg агенталло, цигахь дакъалаьцначу шина хьастана тIе а тевжаш. Цара дийцарехь, Трампа дехар дина Путине цхьаьнакхетаран жамIаш деш хин йолчу зорбанан конференехь цунах лаьцна ма хьахадахьара... Читать дальше...
Хьалха-МартантIера вахархо бехке вина, бакъо а йоцуш, баккъалла а йолу граната шен хIусамехь латторна. Талламхоша дийцарехь, цу стагехь иза хилар гучудаьлла хилла масийтта бутт хьалха, талламан операци дIахьош. И зулам даран цхьацца хьелаш тидаме а эцна, еарин дийнахь кхело хан тоьхна цунна 1,5 шо колонехь даккха. Цул сов, бехкевинчунна гIуда тоьхна 20 000 сом барамехь, хаам бо "Кавказский узело", Нохчийчуьрчу прокуратурана тIе а тевжаш.
Истанбулехь террорана дуьхьал операци дIахьош лаьцна 5 стаг. Цу хаамца, цу нахана бехке дуьллуш ду "Исламан пачхьалкх" олучу тобанан декъашхошка уьйраш латтор. Царна юкъахь ю Феделаралан миграцин сервисан Нохчийчуьрчу урхаллан хиллачу куьйгалхочуьнан йоI Дудуркаева Седа а, "Исламан пачхьалкх" тобанан тIеман хьаалханчех хиллачу Батирашвили Тарханан ши кIант а,хаам бо ТАСС агенталло, туркойн Daily Sabah газетана тIе а тевжаш.. Daily Sabah-о дийцарехь, уьш лецна хилла кху беттан 4-чу дийнахь, амма... Читать дальше...