Новости за 08.07.2018

Маршо Радион гIоьнца режиссеро Манский Виталийс яьккхинчу "Путинан тешаш" филманна коьрта совгIат дина Чехин Карловы Вары гIалахь дIаяьхьначу документалан конкурсехь. Президент политикан карьере веанчу шерашкахь хилларг ду оцу кино чохь гойтург. Путин куьйгалле вогIуш "тешаш" хилла нах бу режиссеро шен филмехь бовзуьйтурш. Цхьанхьа а цкъа а гайтина йоцчу, Манскийс 1999-2000 шерашкахь яьхначу видеоматериалех лаьтташ ю кино. Оьрсийчохь хеназа харжамаш дIабахьаран, тахана а евзаш йоцчу факташна лерина ю и филм. Читать дальше...

"Къоман кхерамзаллана дуьхьал хилла" аьлла, пачхьалкхан хьукматашкара а, урхаллашкара а 18 эзар стаг даржашкара вохийна Туркойчохь. КIирандийнахь "Ресми газета" хьостано бина и хаам. Оцу низамца а догIуш, оршотдийнахь дуьйнна йоллу пачхьалкхехь дIакъовлуш ю 12 ассоциаци а, иштта кхо газет а, телеканал а. 2016-чу шарахь махкахь карчам бан гIоьртича хIоттийначу чолхечу хьолан раж юха а йоккхуш, йина гIулчаш ю уьш. Уггар дукха белхахой дIабаьхна Коьртачу кхерамзаллан урхаллера - 9 эзар гергга стаг. Читать дальше...

Туркойчоьнан президентан ЭрдогIан Реджепан инаугураци йоьдучу Оьрсийчоьнан делегацин коьртехь хир ву премьер-министр Медведев Дмитрий. Министрийн кабинетан сайтехь бина и хаам. Оршотдийнахь Москохарчу хенаца суьйранна 4 сахьт даьлча хир болуш бу барам. Иштта церемонехь дакъалоцур ду Жириновский Владимира а, яздо "Керланаш" агенталло. Байначу беттан 24-чохь хенал хьалха дIабехьира туркоша президентан харжамаш. Дукхахдолу кхаьжнаш кхечира президентан даржехь волчу ЭрдогIанна. Харжаман жамIаш демократин толам бу... Читать дальше...

Макаровн тапчан 300 сов патарма бухкуш Куьршалахь лаьцна ГIалгIайчуьра вахархо Гарданов Апти, "Кавказан узел" агенталло яздарца.  Полисхоша ша левечу хенахь мукIарло дина цо, кхи а цу кепара масех зулам дина ша аьлла, хаамбина чоьхьарчу гIуллакхийн министраллехь. Дуьхьалдаьккхина бехкзуламан гIуллакх Талламан комитето Шеларчу кхеле дIахьажийна къасто. Талламчийн версица, 2010-чу шарахь Гардановс герз а, граната а, патармаш а эцна, ша вехачу Малгобекан кIоштахь лардеш хилла. 2016-2018-чу шерашкахь... Читать дальше...

2018-чу шеран футболан чемпионат йолаелчхьана Оьрсийчоьнан тобанна сагатдинчу Нохчийчоьнан куьйгалхочо Кадыров Рамзана билглдаьккхина, оьрсийн футболхоша тешийна хиларх, шайн ловза хаарх. "Тахана аьтто баьлла Хорватин...Амма оха дозалла до тхешан командех! Ловзархоша дIагайти, шайна ловза хууш хилар. Миллионашкахь болчу фанатийн самукъадаьккхи цара, финалан доьалгIачу декъе а кхечи. ТIейогIучу хенахь керла матчаш, керла чемпионаташ хир ю. Баркалла шуна, бераш! Станислав Саламович! Холча ма хIитта! Читать дальше...