БухIан-Юьртахь бахархой хIаллакбина 20 шо, Даудовн гIуллакх кхеле делла, Кадыровн шича министр хIоттийна (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).
Гадаев Мохьмад-Салахь Муъма вежаршка Ойлано оллийна корта базбелла, Балано хьовзийна вахар тазделла, Iазапо Iовжийна вацар хазделла, Генарчу махкара шуьга со хьоьжу. Вахаран-кхалхаран ойланна аьлла, ГIийла со лахвелча, суьйренца ваьлла, ХIоллам гац халкъалахь сайн карахдаьлла, Баьссачу сайн некъах воьлхуш, со хьоьжу. Iаламан эшарехь Iехалуш, ловзий, БIаьрг боьллуш дайнариг бIаьрг хьаббош девзий, Iожаллин метта тIехь байттамал хьовзий, Зиэн довчу вайн догIмех дог лозуш, хьоьжу. ЖехIалчу жайнаша жимчохь Iехорна... Читать дальше...
Олимпиадан квота бахьанехь боксер Кушиташвили Георгий лацийтина боху верси бух боцуш хета цуьнан тренерна Батуев Батона. Росгвардин эскархочунна тохарна а, наркотикаш лелорна а Кушиташвили дIалацарца "дукхха а наха хIинца хьехош волу нохчийн спортхо Хатаев хьалхара номер ву Олимпан тобанна юкъахь хила хьакъдолчерах. Билггал иза ву Олимпиаде ваха мегаш. Гоша шолгIа вара. Суна хетарехь, иза "кIелхьоттийна" ницкъаллин структурийн белхахоша. Кегий нахера ахча даккха дагахь хилла хила а мега уьш.", - даладо тренеро аьлларг gazeta.ru сайто... Читать дальше...
20 шо кхаьчна Нохчийчуьрчу БухIан-Юьртахь Оьрсийчоьнан тIеман ницкъаш "зачистка" йо шаьш аьлла маьрша нах байина а, цу эвларчу нахана тIехь къизаллаш лелийна а. Соьлж-ГIалана йистехь Iуьллучу цу эвлахь Чиллан-беттан 5-чу а, 6-чу а шина дийнахь лаьттинчу къематдийнахь, "Мемориалан" хаамца, вийра 56 стаг. Кхечу хаамашца байинчеран терахь ду 92 стаг. Байинчарна юкъахь вацара цхьа а тIемало, берш а бара маьрша бахархой: баккхийн нах, заьIапхой, зударий, бераш. БухIан-Юьртахь дIаяьхьна "зачистка"... Читать дальше...
Нохчийчуьрчу тIемаша бохийначу нохчех ах эзар гергга нах бу хан йоккхуш Азербайджанехь. 20 а, кхин сов а шераш цара цигахь даьхнехь а, ца бо, я цкъа а ца бина церан ларам бухарчу пачхьалкхо. Юьхьанца Нохчийчуьра цига биссинчу мухIажирех цхьа дакъа Цхьаьнакхеттачу Къаьмнийн организацино даха дIасахьажийра Канаде а, Ирланде а. Амма сихха ерзийра и компани – хIинца бац дуьненаюкъарчу хьукмато оцу нахана Азербайджанера бевлла баха луш некъ. Цу тIе кху деношкахь Цхьаьнакхеттачу Къаьмнийн организацино кехаташ хьийсо долийна нохчийн доьзалшка... Читать дальше...
Нохчийчохь туризм шоръян Iалашонца юкъараллин транспортана тIехь картанашца мах баларан гӀирс хӀотто дагахь ду республикера Iедал. Цунах лаьцна хаам бина нохчийн транспортан а, зIенан а министро Черхигов Рамзана, яздо ТАСС агенталло. Министро дийцарехь, Нохчийчохь хIинцале а юкъаяьккхина ю и кеп "Миг" компанин таксех пайда оьцуш, ткъа хIинца изза дийр ду кхечу таксопаркашкахь а, автобусашна тIехь а. Черхиговс дийцарехь, и керла кеп юкъаяккхаран Iалашо ю юкъараллин транспортана тIехь республикехула дIасалелачу нахана... Читать дальше...
ГIалгIайчохь а, Къилбаседа ХIирийчохь а Чиллан-беттан 3-чу а, 4-чу а деношкахь дIалаьцна хилла Нохчийчоьнца доза хьокъехь хиллачу дуьхьалонан акцийн маситта декъашхо. "Мемориало" бинчу хаамца, лаьцнарг хилла лаххара 12 стаг, яздо "Карара хан" зорбан гIирсо. "Медиазона" зорбан гIирсо бинчу хаамца, левинчул тIаьхьа цу I2-х 7-хI дIахецна, амма лаххара а цхьана стаге хаам бина иза экстремизман юкъаралла кхолларна толлучу бехктакхаман гIуллакхана юкъахь хиларх лаьцна. Иза ву блогер Нальгиев Исропил. Читать дальше...
Оьрсийчоьнан Талламан комитетан коьрта урхалла теллина яьлла 1995-чу шарахь, нохчийн тIеман командир Басаев Шемил коьртахь а волуш, тIемалойн тобано Буденновскан рейд еш дакъалаьцначу Нохчийчуьрчу вахархочун дуьхьал долийна бехктакхаман гIуллакх. Иза ву Даудов Аслан, хаам бо stv24.tv телеканалан сайто. Нохчочун бехке дуьллуш ду терроризм а, бандитизм а лелор а, маьрша бахархой байар а. Цуьнан гIуллакх дIаделла Къилбан гонан тIеман суьде, хаам бина Къилбаседа Кавказан федералан гонан прокуратуро. Читать дальше...
Нохчийчоьнан куьйгалхочо Кадыров Рамзана дешаран а, Iилманан а керла министр хIоттийна шен ненан вешин кIант Байсултанов Идрис. Цунах лаьцна Кадыровс хаам бина шен Telegram-каналехь. Нохчийчоьнан куьйгалхочо дийцарехь, керла министр доккха зеделларг долуш ву урхалла дарехь а, Iилманан гIуллакхехь а. 2013-чу шарахь дуьйна цу даржехь вара Байханов ИсмаьIил.
Гадаев Мохьмад-Салахь * * * Кеглуш, стигал елхахьара, Iаьржа латта лелхахьара, Вай вовшийн ган ца доьгIнелахь, Маьлхан дуьне дагахьара. Малхбалера мехаш хьаькхна, Малхбузера дарцаш хьаькхна, Дуьне даьгна, Iаьржа кIоржам Цара эцна дIахьахьара.
Гадаев Мохьмад-Салахь * * * Боданах етта ю буьйса. Дитташа дайн шабар до. Стиглара седарчий хьуьйсу. Ойлано оьций дIахьо. Стенга хьо – соьга ма хетта. Беха некъ билгала бу: Исбаьхьа сирла схьакхетта Езачун довха нур ду. Стиглара седарчий хьуьйсу. Дитташа дайн шабар до. Даим ас хьоьга сатуьйсу. Даим хьох хьаьгна ву со.
