Новости за 23.02.2020

Нохчийн а, гIалгIайн а къаьмнаш махкахдаьхна бохаман де дагалолуш цхьамогIа цхьаьнакхетарш а, сагIанаш дахар а, дагалецамийн суьйренаш а дIохьош бу Европехь беха вайн махкахой а, церан накъостий а, хаам бо Кавказ.Реалиино. Иштта, Европан Кхеташонан гIишлонна хьалха митинг хилла Страсбургехь. Цу тайпа къам махкахдоккхуш хIаллакьхилларш дагалоцуш акцеш хилла Берлинехь а, Ниццехь а, Копенгагенехь а кхечу гIаланашкахь а. Нохчий а, гIалгIай а махкахбахар геноцидан акт хилар даре дира Европарламенто 2004-чу шарахь.

Къам махкахдаьккхина 76 шо кхачарна лерина митинг дIаяьхьна гIалгIаша Несарахь. Цу акцех лаьцна хаам бо ТАСС агенталло. "ГIебартойн-Балкхаройчоьнан а, Кхарачой-Чергазийчоьнан а векалша меттигерчу бахархошца цхьаьна дакъалецира гIалгIай а, нохчий а Казахстане депортаци хьажийна 76 шо кхачарна леринчу Несарарчу дагецамийн а, сийлаллин а Мемориалехь хиллачу митингехь", - аьлла ду ТАСС агенталлан корреспонденто бинчу хаамехь. "21 эзар гIалгIа Сийлахь боккхачу Даймехкан тIеман аренашкахь тIом беш а волуш... Читать дальше...

Украинин Винницкин кIоштахь лоьраша елла аьлла сацам бина хилла 83 шо долу зуда, хаам бо "Росбалт" агенталло. Гергара нах иза дIайолла кечлуш а болуш, цIеххьана садеIа йолаелла йоккха стаг.  Иза "денъелла" лоьраша сингаттаме хаам бинчул тIаьхьа 10 сахьт даьлча. Дийцарехь, уьш баькхкина хилла йоккхачу стагана вон хилла аьлла. ТIаьхьо цуьнан пульс дIаяьлла. Кардиограммо гойтуш хилла нисса сиз. Карарчу хенахь пенсионерка латкъамаш беш яц шен могашаллина, иза шеца хилларг дуьйцуш ю журналисташка. Читать дальше...

Нохчийчоьнан куьйгалхочо Кадыров Рамзана дIахьедина, депортацин лазам цкъа а дIабера бац Кавказан халкъийн дегнашкара аьлла, хаам бо МК зорбан гIирсо. «Тахана бала боьссина де ду тхан исторехь», - дагадаийтина цо 76 шо хьалха нохчашна а, гIалгIашна а дуьхьал репрессеш йолор. Къизаллица, адамалла ца хилар гойтуш дIадаьхьна адам махкахдаккхар хилира «неIалт дахначу Сталин Иосифан омрица», - яздина Нохчийчоьнан куьйгалхочо социалан машанашкахь. «Зударий, бераш, къанбелла нах лаьхкира шайн хIусамашкара. Читать дальше...

Тахана, Чиллан-беттан 23-чохь, 76 шо кхаьчна нохчийн а, гIалгIайн а къаьмнаш махкахдаьхна. И бохаман де дагалолуш цхьамогIа цхьаьнакхетарш а, сагIанаш дахар а, дагалецамийн суьйренаш а дIохьош бу Европехь а, Iамеркехь а, Азерчу пачхьалкхашкахь а беха вайн махкахой а, церан накъостий а. Нохчийчохь къам дохийна де дагалацар дихкина ду 2011-чу шарахь дуьйна. Иза дIатеттина Стигалкъекъа-беттан 10-че. Чиллан-беттан 23-чу дийнахь республикехь даздеш ду Оьрсийчоьнан дезаденош, ша аьлча Даймехкан бIаьхочуьнан де. Читать дальше...