Новости за 15.02.2020

Нохчийчоьнан парламентан депутатан Ахмадов Сайд-Iабдуллин йишас Ахмадова Iайшата чIагIдо, шех а, шан шина вешех а лаьцна харц, шайна тIехь доцург кхуллуш, шаьш аьшнашдеш хаамаш баржийна веллачу вешех йисина Сосуркаева Лиана жоьпе озае аьлла. Хьалхо Сосуркаевас "Кавказ.Реалиига" дийцинера, шен цIийнда веллачул тIаьхьа, марвашас бераш дIадаьхна шегара аьлла. "Сан вашас шегара йоI а, кIант а хуьлучу пайдана дуьхьа дIадигина бохуш, чIагIдора Сосуркаевас. Иза бакъ дац, сан вежарий аьшнаш бархьама дина къамел ду"... Читать дальше...

Санкт-Петеребургехь петаре хьовсучу хенахь риэлторна тIелатар дина, Расул ю шен цIе аьллачу стага. "Фонтанке" дийцина цунах лаьцна, чу-ара ца баккхалучу бахаман риэлторо а, цуьнан хIусамдас а. Зудчо бахарехь, Комендантскан проспектехь цхьана чоьнах лаьттачу хIусаме хьажа суьйранна 6 сахьат даьлча ван барт бинера цуьнца Расул ву ша аьллачу стага телефонехула. ХIусам чу ма елли шена тIелатар а дина, куьйгаш а, когаш а скотчаца дихкина, диван тIе охьайиллира ша боху зудчо. Цуьнгара телефон схьа а яьккхина... Читать дальше...

ПIераскандийнахь Iамеркан Цхьанатоьхначу Штатийн лаккхарчу векало дIахьедина, Iамеркан тIалибашца бартхилла герзаш совцош аьлла. Associated Press агенталло хаамбарца, гергарчу хенахь дуьйна маслаIат лардийр долуш ду шина а агоIно, тIаьххьара а Iамеркан эскарш ОвхIанистанера ара а дохуш. Iамеркан пачхьалкхан секретаран Помпео Майкан а, тIеман министран Эспер Маркан а ОвхIанистанан президентца ГIани Ашрафца цхьанакхетар хилира пIераскандийнахь кхерамзаллан дуьненаюкъара конференци йоьдучу хенахь Мюнхенехь.

Ставрополан кIоштарчу Железноводск гIалин кхело цхьа шо а, бархI бутт а хан тоьхна колонехь яккха, Магасехь хIоттийначу митингехь дакъалаьцначу Хамхоев Зубейрна, яздо "Мемориало". Iедалан векална дуьхьал ницкъ баьккхина цо аьлла, бехкх тIечIагIбина суьдхоша. Росгвардин ши эскархо лазийна цо аьлла, бакъдина бехкъкъасторхоша. Ша бехке вац бохуш, дуьхьало латтийра Хамхоевс. Колонехь лаьцначохь даьккхина цхьа де шина дийнан метта лоруш хиларе терра, карарчу баттахь маьршаваккха там бу Хамхоев. Стохка... Читать дальше...

Кху беттан 9-чохь вайна Нохчийчуьра вахархо Тураев Руслан шайн карахь хилар тIе ца лоцу полисхоша аьлла, цуьнан гергарчара. Оьшучу молхана тIекхача аьтто ца хилахь, коме ваха там бу иза боху цара. Кавказан къаьмнийн Ассамблейн куьйгалхочо Кутаев Руслана дехар дина чоьхьарчу гIуллакхийн министре, иза маьршавоккхуш гIо дахьара аьлла. Соьлжа-гIалин вахархо варах дуьххьара хааме даьккхира Кутаев Руслана. Тураевн хIусаманас орца дехна хиллера цуьнга, полици кхайкхина вахчхьана цуьнгара кост дац аьлла, яздо "Кавказский узел" агенталло. Читать дальше...

Оппозицина дуьхьал президентан Асад Башаран эскаро тIемаш бечу Шеман къилбаседа малхбузерчу Алеппо провинцехь шолгIа кема дохийна пачхьалкхан ницкъийн. Социалан машанашкахь вертолет чудаийтарх Iорабаьккхина хаам тIечIагIбина туркойн Anadolu агенталло а. Пилоташ белла. Интертенетхь яржийначу видео тIехь гуш ду, кеманах ракета кхеттийла. Алеппо провинцин малхбузехь а, Идлибехь а тIелеташ ду Асадан эскарш. Шеман эскарша официалехь дIахьедина, Димаьшкъа-Алеппо шоссена тIехь шаьш контрол эцна аьлла. Читать дальше...

"Новая газетан" редакцин почте кехат кхаьчна журналистана Милашина Еленина кхерамаш туьйсуш. "Баркалла ала, хьуо ца юьйш йитарна. Рамзан Ахматович а вицве, Нохчийчоь а йицъе. Хьайга бохург ца дахь - оха юьйр ю хьо" аьлла. Иконникова Аннин цIарах кхоьллина адрес ду иза. Электронан почтехула журналисте кхерамашца кехат схьатасале хьалха, "ВКонтактерчу" "Подвал Кадырова" группехь зорбане яьккхина хилла, кхерамаш туьйсуш пост. Цу группан администратор ю Иконникова Анна. ШолгIа администратор ю, гурахь... Читать дальше...