Новости за 26.02.2020

Тахана, Чиллан-беттан 26-чу дийнан сарахь, Европехь веха оппозиционер-блогер Абдурахманов Тумсо вен гIоьртина. ТIелеттачун, йиттина охьавиллина а волуш, видео а яьккхина, ша яржийна Абдурахмановс.   Карарчу хенахь блогер дарбан хIусамехь ву, хаамбо бакъоларъечу "Вайфонд" организацино. Абдурахманов Тумсо вехачу петара чуваьлла вевзашвоцург цхьана кепехь, вижина Iен хIусамда, жIов тоьхна, вен гIоьртина иза, амма ца ларавелла. Самаиккхинчу Абдурахмановн кадаьлла дуьхьало ян а, цул тIаьхьа полици кхайкха а. Читать дальше...

Кху беттан 5-чу дийнахь Хьалха-Мартан к1оштарчу Гихтара виъ вахархо вадийна аьлла, орца кхайкхийра церан юьртахоша. Уьш «Мемориал» центро бечу хаамца, д1ахецна Чиллан-беттан 22-чу дийнахь. Шайн гергарнаш - Вахаев Мовсар, Зайраев 1абдулла, Кулаев Зеламха, Сатаев Ахьмад - лецна буйла хиина нахана, царех цхьамма бакъоларъярхошка дийцарехь, уьш лечкъийна к1ира даьлча. Юкъара къепе талхийна аьлла, Соьлжа-Г1алахь изоляторехь кхаьбна кегийнах, дийцарехь. Муха, стенна уьш лецна хилла хоуьйтуш дац. Хьалхо "Кавказ.Реалиино" яздина ма-хиллара... Читать дальше...

Новр-ГIалахь - керла префект, Кутаевс бехкбоккху Оьрсийчоьнера, 8 политикан тутмакх, ЧIир йитийтина (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).

Firdaws Модан ЦIийнан директора, Нохчийчоьнан куьйгалхочун Кадыров Рамзанан йоккхахйолчу йоIа Кадырова Iайшата Парижехь духаран керла коллекци гайтина.

Горагорскна уллерчу Керлачу Юьртахь (Теркйист) АслахановгIара чIир йитина шайна гена боццуш бехачу СубкаевгIарний, МаликовгIарний. И хилам бовзийтина Нохчийчуьрчу хаамийн гIирсаша. Пхьа буьтучу барамехь дакъалаьцна Нохчийчоьнан муфтин гIовсо Хетиев Ансара а, махкахь цIелелачу къаноша а. Итт шо дара доьзалшна юкъа цIий доьлла. Аслаханов Iиса кхелхинераСубкаев Iалиханан а, Маликов Афханан а карах ягориг юттучу станцехь – цигахь болхбечу цуьнгара ахча доккхуш вийра иза. Набахтехь ву пхьа шайн гергарчарна а, шайна а тIехьарчийна хилла шиъ.

«Мемориал» центро политикан тутмакх кхайкхийна набахте хьажийначу гIалгIайн жигархочух Хаутиев Бахьавдинах. "Тхуна гарехь, цуьнга Iедал емалдар дитийта гIерта, маьршша дош ала, гуламе вала доьхкуш кхачийна иза набахте. Бакъоларъяран «Мемориал» центро иза сихха мукъаваккхар хьоьху», - дIахьедина юкъаралло шинарийдийнахь. Стохка бIаьста лецира Хаутиев, бехкевина Iедалан векалшна гIелоярна (Нохчийчоьнан а, ГIалгIайчоьнан а дозанаш хийцарна дуьхьал Магасехь хIоттийначу гуламехь).   Хьалхо политикан... Читать дальше...

Новр-гIалех а, кIоштах а жоп лур ду хIинца дуьйна дIа керлачу префекто - Бухадиев Мохьмада. Шинарийдийнахь иза вовзийтина бухарчу Iедалхошна мехкан парламентан спикеро Даудов Мохьмада. Муьлхачу даржашкахь хилла Бухадиев хIинццалц, кхеташ дац. Даудовс бахарехь, «Iедалан даржашкахь» Iийна ву иза. Хаа луучунна тIехкочехь яц Бухадиевн биографи. "Шена тешийна хиллачу массо а Iедалан даржашкахь дика гайтина цо ша. Со тешна ву, цо дика дIакхоьхьур бу кIошто хийцамашкахьа бен некъ», - аьлла новрхошна Бухадиев вовзийта вахначу спикеро. Читать дальше...

Материалан авторш Вагнер Александра а, Митюхина Юлия а, "Свобода" Радио Оьрсийчоьнан оппозицин политикан Немцов Борисан цIарах хир ю Прагера оьрсийн векалтна хьалхара майда, яздо "Свобода" Радионо. Чехин шахьаран кхеташоно тIеэцна ишта сацам. Хетарехь, Чиллан-беттан 27-чохь, Немцов вийна пхи шо кхочуш, майданара у хийца лерина бу. ГIалин кхеташонан депутаташа динчу дIахьедарехь, майданна Немцовн цIе тилларца Прагас ша оьрсийн оппозицигахьа а, бакъонашIалашъяран боламашкахьа а хилар дIахоуьйту. Читать дальше...

Кавказан къаьмнийн ассамблеян президента Кутаев Руслана Оьрсийчоьнан Iедал бехкедо нохчашца «коммунисташа лелийна шайтIан политика» лелорна. Ша шен YouTube-каналехула арахецначу видео чохь цо боху, 2003-чу шарахь дуьйна Къилбаседа Кавказан а, Къилба Кавказан а федералан гонийн кхелаша, боцу бехкаш тIе а хьерчош, набахте хьажийна 30 эзар гергга нохчо. Жигархочунна гарехь, «кегийрхойн тоьлла дакъа хьийзор, халкъах дIахадор – иза идеологин доктрина ю», ткъа кхоллаелла иза Оьрсийчоьнан президентан администрацехь. Читать дальше...

2015-чу шарахь Чиллан-беттан 27-чохь Кремлна герггахь вийра оьрсийн оппозицин политик Немцов Борис. 55 шо дара цуьнан. Президентна Путин Владимирна дуьхьалваьлла либералан политик Оьрсийчохь демократигахьа къийсам латторан символ хилла дIахIоьттина.