Новости за 25.02.2020

2014-чу шарахь Донбассна тIехула доьдучу пассажирийн кеманна ракета тухуш гина тешаш бу шайн, аьлла бохам зуьйчу таламчийн тобан куьйгалхочо Вестербеке Фреда. Цо елла интервью гайтина Америкерчу CBS телеканало. Вестербекес бахарехь, талламан шеко яц лайнерна «Бук» системин ракета тоьхна хиларх. 2018-чу шеран бIаьста Дуьненаюкъарчу талламчийн тобано билгалдаьккхина «Малайзин авиалинийн» кема чудаийтинарг Курск гIалахь куп тоьхна йолчу Оьрсийчоьнан эскарерчу 53-чу ракетийн бригадин долара «Бук» комплекс хилар. Читать дальше...

ММА-латархочуьнца Емельяненко Александрца «Ахмат» клубехь спарринг дIаяьхьина Нохчийчоьнан администратора Кадыров Рамзана. Амма шиннах цхьаммо а ца хаийтина иза муха йирзина. Оцу юкъанна, шиммо дIахьондолчу латаран жамIаш лардеш, букмейкерийн барамашка ахчанаш дохкуш хьийза хьовсархой саготта бу шайна спарринган жамIаш цадовзийтарна. Ша Кадыровца дIаяьхьначу спарингах лаьцна хаамбинарг ву Емельяненко – цо цигахь даьккхина ши сурт хIоттийна шен Instagram канале оршоьтадийнахь. Амма ца яздина, мила тоьлла. Читать дальше...

Висмурадовс криптовалютин ферма Iораяьккхина, Киеве Саакашвили ган вахана паьнказхо, Уггаре ду нах ле Нохчийчоьнан некъашца, Германехь лазийна 50 стаг (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).

Шелковск кIоштарчу полисхоша пал тосу зуда а, цунна гIоден «ассистент» а лаьцна, гайтина уьш «Грозный» телеканахула. Хьалхарчо – Шапианова ТIауса (иштта йовзуьйту иза сюжетехь) – «дуьйцуш хилла хиндерг, тIеозош хилла диканиг», ткъа шолгIачо – Абубакарова Зулайс – лохуш хилла ТIаусна клиенташ, шена «догIу дакъа» дIа а оьцуш.   Лецначаьрца цхьаьнакхетта исламан медицинан центран коьрта лор Эльжуркаев Адам. Зударша юьхьаръэцначу некъо уш «жоьжахатIе буьгуш бу», аьлла Iеламчас.       ТIехьовсийна камераш а йолуш... Читать дальше...

Германерчу Гессен-кIоштан Фолькмарсене гIалахь машен тIетоьхна лазийначу нехан терахь кхаьчна 50-не. Бераш ду царех 18. Полицина тIе а тевжаш, и хаам биаржийна  DPA агенталло. Машен наханна тIетоьхначун цIе йовзийтаза ю цкъачунна. Хуушдерг ду иза Германин паспорт долуш стаг вуйла а, цуьнан 29 шо дуйла а. Иза лаьцна цо гIашлойн могIаршна тIе машен туххушехь. Ткъа кхеташ дац, стенна дина цо и зулам.Полици тешна ю тIелатар ларамца дина хиларх. Католикаш шаьш шайна беза лоручу оршоьтадийнан бараме арабевллачохь иккхина инцидент. Читать дальше...

Вайнах махкахбаьхначу дийнахь керла ламазан хIусам схьайиллина Ниццехь (Франци). Оццу меттехь берашна нохчийн а, гIалгIайн а меттанаш хьеха дагахь а бу цигара жигархой. Чиллан-беттан 23-чохь шина а къоман хьалханчаша къоначу чкъурана довзийтира депортаци еш а, иза ловш а вайнаха хьегнарг.

Оьрсийчуьрчу регионашлахь стохка массарел а дукха некъахьовзамаш хилла мохк бу Нохчийчоь. Ишта ду РИА Новости агенталло бинчу талламан жамI. Аварешкахь лазийначу 1000 стагах 251 стаг велла цигахь юккъарчу барамехь. ШолгIачу меттехь ю некъахьовзамийн дукхаллица ГIалгIайчоь – 160 стаг велла лазийначу эзарнах.  КхидIа ю ГIебарта-Балкхаройчоь а, Дагестан а. Оьрсийчоьнан регионех некъахьовзамашкахь уггаре кIезиг нах лийриг ю Петарбух – авари кIел нисвеллачу 1000 стагах 23 велла цигахь, Москвахь – 40. Читать дальше...

Дукха хан йоццуш ницкъаллин структурашна тIехьожу вице-премьер шех винчу Висмурадов Абузайда а, цо куьйгалла дечу дакъоша а низамехь йоцу криптовалютин ферма Iораяьккхина Соьлжа-ГIалахь. Оцу хьокъехь сюжет гайтина керлачу хаамийн программехь «Грозный» телеканало оьршоьтан сарахь. 1,2 миллион соьмах эцна гIирс хилла долахоша шаьш-шайгара тоькан ситемина тIетесна лелош, билгалдоккху телеканало. Криптовалютин фермина гергахь бехачу наха динчу аьрзнаша кхачийра ша ток лечкъочу зуламхошна тIе, боху Висмурадовс. Читать дальше...

Материалан автор Маазов Билал, "Кавказ.Реалиин" корреспондент Советан пачхьалкх ша кхуллучу муьрехь Ленин Владимира а баьхна, "оьрсех тера леларца оьрсашна а тIехула лоьлхуш хуьлу цхьадолчу къаьмнийн векалш". 21-чу бIешерашкахь изза ду Нохчийчохь а. Кремло дIахIиттийна Iедалхой а хуьлу, Москвара схьа шайна тIехь урхалла дечарел а совбийла гIерташ. 2004-чу шарахь Оьрсийчоьнан президенто Путин Владимира доккха гIалат ду аьллера, нохчашна а, гIалгIашна а депортаци йина 60 шо кхачар цхьана а агIор билгалдаьккхина цахилар. Читать дальше...

Паьнказахь гуьржийн ницкъхоша шен воI вер таллийта гIерташ, протестан барамаш ийбеш схьавогIу Мачаликашвили Малхаз Киевехь цхьаьнакхетта Гуьржийчохь президент лаьттинчу Саакашвили Михаилца, яздо нохчочуьнгара интервью эцначу  "ИнтерпрессНьюс" портало. Мачаликашвилис ша лерина вац боху политик хила, ткъа Саакашвили Михаилца ша дина къамел шен воI верах а, Гуьржийчоьнан юкъарчу дахарх а лаьцна дара, боху цо.   "Киевехь суна Саакашвили гина ца Iа, дуккха а нах гира. Оха Гуьржийчуьрчу хьолах, цигахь сан доьхначу дахарх дийцира... Читать дальше...