Нохчийчоьнан куьйгалхочо Кадыров Рамзана тIаьххьарчу Iедалан кхеташонехь дийцина шен рогIера гергара стаг Байсултанов Идрис дешаран министран дарже ша хIунда хIоттийна. Цо дийцарехь, бахьана дара цу министраллан болх эвсара ца хилар. Оццу бахьанца цигара хьал шен Iуналле а эцна ша, боху республикан куьйгалхочо. Кадыровс шен ненан вешин кIант Байсултанов дешаран а, Iилманан а министр хIоттийна хиларх лаьцна хиира кху кIиранах.
Виъ стаг лачкъийна Нохчийчохь, Соьлж-ГIалахь Милашинина йиттина, Венехь 2 нохчо чувоьллина (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).
10 шо ду гуьржи Акогнас Тариэла а, цуьнан хIусамнанас Ларисас а Ниццехь (Франци) гуьржийн, нохчийн, гIалгIайн, дагестанхойн берашна кавказхойн хелхарш Iамо долийна. ХIинца Ниццел дуккха а генарчу гIаланашкахь а евза церан PESVEBI – тоба (Орамаш).
Воронов Владимир, Маршо Радио, Оьрсийн сервис Муха кхуллура доцург «Мазалкан фронтерчу» журналисташа Транкаутене Милитин лорах «КIайн колготкех» санна долу «бакъ факташ» шайн кеп йолуш хуьлура: йоккхуш цIе а, юьйцуш меттиг а, далош тоьшаллаш а доцуш. ЦIейоккхуш хилча а, йоккхура йиллина цхьаъ - "Лайма". Ткъа яккха цIе карийча, дийцарна тIаьххье гучуболура боьттина аьшпаш. Масала, 1995 шеран Зазадоккху-баттахь... Читать дальше...
Ха деш шена гIароле хIиттийначу полисхойх ведда волу зударшкара кхерамца ахча даккхагӀиртина Альтемирова Iийса велла схьалоцуш. Низамаш лардечу органаша бинчу хаамца, иза тIекIелдинчу цIийнан пхоьалгIачу тIегIантIера корех чуиккхина ша схьалоцуш. ДIадаханчу кIиранах Несарахь хан туьйхира 47 шо долчу Альтемиров Хьасанна. Шен вешица Iийсаца а, кхечу, талламхоша дийцарехь, муьлш бу ца хуучу нахаца а цхьана ахчанаш дохуш хилла иза меттигерчу зударшкара. Марехь болчу зударшкара цхьаъ доккхий царна шантаж лелош хилла цу наха... Читать дальше...
Венехь, хIоранна а 10 шо хан а тухуш, ши нохчо чувоьллина, герзаца шина полисхочун чевнаш а еш, инкассаторийн машенна тIелатар дарна. Оцу зуламехь дакъалоцуш кхо стаг хилла, амма кхоалгIаниг схьалаца аьтто ца баьлла, хаам бо Кавказ.Реалиин корреспонденто. Ахча дIасалело машенна тIелатар динера зуламхоша Австрин Вельс гIалахь, 2019-чу шарахь.
Виъ жима стаг лачкъийна муьлш бу ца хуучу наха Нохчийчохь. Иза хилла Хьалха-Мартанан кIоштарчу Гихтахь. "Мемориал" бакъонаш ларйон центро бинчу хаамца, цаьрга гIо дехна меттигерчу бахархоша. Цара дийцарехь Чиллан-беттан 5-хь сарахь 10 сахьт долуш лачкъийна Вахаев Мовсар а, Зайраев Iабдул а, Кулаев Зелимха а, Сатаев Ахьмад а. Тешаш чIагIдарехь, тIелатар динчу наха кегийрхой дIабигна шина жимачу машенахь, царахь цхьаъ хилла такси хиларан къастаман билгало йолуш. Тешаш видео яккха кхиийна Зайраев а, Вахаев а лачкъош. Читать дальше...
Оьрсийчоьнан президенто Путин Владимира шен указаца даржера дIаваьккхина виъ инарла. Цу хьокъехь бакъонан хаамийн официалан интернет-порталехь зорбане даьккхинчу документца а догIуш, царна юкъахь ву Оьрсийчоьнан орцанан министраллан Нохчийчуьрчу коьртачу урхаллан куьйгалхо Яхъяев Руслан. Оцу дарже иза хIоттийнера 2009-чу шарахь. 2017-чу шарахь Яхьяевна деллера чоьхьарчу гIуллакхийн инарла-лейтенантан чин.
Журналистана Милашина Еленина а, адвокатана Дубровина Маринина а тIелатар дина Соьлж-ГIалахь. Цунах лаьцна хаам бина "Новая газето". "Континент" хьешан хIусамна хьалха динна тоба тIелетта цу шинна. Милашинас дийцарехь, царна йиттинарш бу коьртачу декъана зударий. Милашина а, Дубровина а Соьлж-ГIала яхана ю, Кадыров а, цуьнан а го а бехачу хIусамаш гойтуш видио яьккхина аьлла, кхеле озийна волчу Нуханов Исламан суьдан кхеташонехь дакъалаца.
