"Киллер" левийр ву, "нохчийн барзе" жоп доьхур ду, Немцов вийнарг "ВКонтактехь ву", Висмурадовна делла дош (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).
ШолгIа а довхоттур долуш ду Венехь 7 шо долу йоI йийначу Робертан, хаамбина "Кавказ.Реалии" портало. Бехкевечун могушаллин таллам бинчу шина а психиатран жамIаш кеп-кепара хиларца доьзна юха а гIуллакх талла сацамбина кхелахоша. Прокуратурано лаьцна лор Хоффман Петер тешна вара, ша дийриг хууш, кхетамчохь вара иза, 2018-чу шарахь Стигалкъекъа-беттан 18-чохь цкъа садукъийна ен а гIоьртина, юха а урс хьаькхна лулара ворхI шо долу Хадишт юьйчу заманчохь аьлла. Ткъа кхелан тIедилларца могушалла зийначу... Читать дальше...
Шайн солидаралла гойтуш, Оьрсийчуьра бIе сов яздархоша, журналисташа, гочдархоша, публицисташа, кхинболчу културан а, юкъараллан а жигархоша кехат яздина оьрсийн политикан тутмакхашка. Карарчу хенахь "Мемориал" центран бакъонашларъярхоша хIоттийначу тептарехь 64 стаг политикан тутмакх ву. Colta.ru-н сайтехь зорбане даьккхина цара кехат. "ХIора пIераскандийнахь бIеннашкахь пикете бовлий, нах лаьтта Москвахь а, Петербургехь а метрон социйлашкахь, шуьца нийсо лелайе, шу маьрша а даха бохуш. Иштта... Читать дальше...
Оппозиционер Немцов Борис верна, набахтехь таIзар токхучу "Север" батальонан хиллачу хьалханчан Дадаев Зауран мобилан зIе а, интернете волийла а долчух тера ду аьлла, хаамбо "Муниципальный сканнер" хьосто. "ВКонтактерчу" цхьахйолчу аккаунтехь 2018-чу шеран Товбеца-беттан 3-чохь шен суьрташ зорбане даьхна цо. Даарх юьзначу стоьлан гонах ву Дадаев кхечу тутмакхашлахь. "Одноклассники" олучу социалан машанахь тIаьххьара лурчаха Товбеца-беттан 8-чу дийнахь хилла Дадаев. 2020-чу шарахь Чиллан-беттан 12-чохь къаьстина... Читать дальше...
Китайрчу бахархоша социалан машанашкахь #совирусяц аьлла, флешмоб йолийна. Цара юьйцу шайн истореш, масала, Азерчу бахархойн вастехь шаьш хиларе терра, метро чохь нах шайх къехкарх а, супермаркеташкахь сурсаташна тIе ца кхийдийтарх а.
Санкт-Петербурган бахархой шена къинтIера баьхначу "нохчийн барзо" Абдылхасиев Мансура керла видео яржийна интернетехь, яздо "Фонтанкас". ТIетаIIийна "Лада Приора" машен хаьхкина воьдуш ша дIаязйина видео YouTube хIоттийна Абдылхасиевс шинаридийнахь. Финалехь некъан бохамах къаьхкинчу цуьнан машен блоках а тухий, некъахочунна тIекхетачуьра волу иза. ХIара шолгIа инцидент ю Абдылхасиевх Iоттаеллераг. Стохка Лахьан-баттахь социалан машанашка видео хIоттийнера цо, «Лада Приора» машенчуьра, ша гIалин... Читать дальше...
Нохчийчохь кегийчарлахь а, баккхийчарлахь а Iаламат дукха ладогIархой бу гоьваьллачу иллиалархочун, хьехархочун, поэтан Бетельгериев Хьусайнан. Бехк а бац! Даймахках, мискачу къомах, адамех ду цуьнан хIора а илли. Маршо Радион корреспондентца дехха къамелаш хилира иллиалархочун.
41 шо долу нохчийн мухIажир Хангошвили Зеламха Берлинехь вийна аьлла, шеконашца лаьцна Оьрсийчоьнан вахархо юха а лаца ордер елла Германин федералан прокуратурано. Бакъо йоцуш герз лелорна а, стаг верна а бехкево иза. "Стохка Марсхьокху-беттан 24-чохь Берлинерчу Тиргартенан кхело иза лаца елла ордер хьуйцуш ю керла еллачу бакъонца", - аьлла бу хаам. ГIуран-беттан юьххьехь дуьйнна талла долийна федералан прокуратурано Хангошивли вер. Царна бух болуш хета, Оьрсийчоьнан пачхьалкхан органаш оцу зуламна бехке хиларх далийна тоьшаллаш... Читать дальше...
Федералан лехамашкахь хилла Санкт-Петербургера вахархо дIалаьцна, 16 шо хьалха Соьлжа-гIалахь стаг вер толлучу гIуллакхна тIехула. "Мойка78" хьостан хаамашца, 1970-чу шарера волу стаг лаьцна шинаридийнахь Ленинскан проспектерчу лоьмар 100 йолчу цIенна хьалха. Талораш дарна а, стаг вийна аьлла, кхоллаеллачу шеконашца а, йолчу бакъонел тIехваларна а бехкевина, лаца кхайкхийнера иза.
Нохчийчоьнан урхалхочун Кадыров Рамзанан администрацин куьйгалле дехьаваьккхинчу Закриев ИбрехIиман метта шахьаран мэр къастош конкурс дIакхайкхийна шинарин сарахь Соьлжа-гIаларчу думан депутаташа. Цкъачунна мэран декхарш ханна кхочудийр ду мэран гIовс лаьттинчу Хаджимурадов Iийсас. Соьлжа-гIалин думан куьйгалхочо Закриев Заура шен Инстаграмерчу агIон тIехь яздина: "Соьлжа-гIалин мэр хоржуш конкурс кхайкхо лаам хиларца проект тIеэцна оха" аьлла. Кхи совъяьккхина къовсамах лаьцна информаци яц мэрин а, гIалин думан а сайтехь зорбане яьккхина. Читать дальше...
ДIадахначу 2019-чу шарахь, далийначу жамIашца, уггар а дукха дуьненчу бераш девлла Нохчийчохь а, Тывехь а, ГIалгIайчохь а, яздо "Ридус" хьостано. Ишта бераш кIезиг тIекхетта аьлла, билгалъяьккхина Ленинградан кIошт. ШолгIа меттиг дIалаьцна Мордовино, 3-чу могIарехь дIатаръелла Смоленскан а, Тамбовн а, Тулан а кIошташ. Динчу зерашца, 2019-чу шарахь Оьрсийчоьнна йоллу территореш тIехь 1 484 517 бер дуьненчу даьлла. Ткъа шо хьалха ялийначу статистикаца, 120 эзар бер дуьненчу даьккхина хилла.
Кест-кеста маларх кхетий, харцахьа леларца гIараваьллачу Оьрсийчоьнан ММА-н латархочо Емельяненко Александра дош делла шарахь маларх ца кхета. Нагахь санна, шен дош ца лардахь, Нохчийчоьнан куьйгалхочо Кадыров Рамзана шена совгIатна еллачу "Мерседесах" вала дезар ду цуьнан. Цу кепара барт бина цо Нохчийчуьрчу латархойн "Ахмат" клубан куьйгалхочуьнца Висмурадов Абузайдаца "Патриот". Маршо Радионо ма-яздарра, 2019-гIа шо доьрзучу юкъанна Кадыровс шеца лата кхайкхина Емельяненко.
Оьрсийчоьнан премьер-министро Мишустин Михаила оьрсийн спортан министран гIовс хIоттийна Байсултанов Одес, яздо нохчийн хаамийн гIирсаша. Къилбаседа Кавказан гIуллакхашкахула йолчу министраллан хьалхара когаметта вара иза хIинццалц. Дагадоуьйту, Нохчийчоьнан куьйгалхочун Кадыров Рамзанан шича ву Байсултанов Одес.
