Маршо Радион тIаьххьара керланаш (11.02.2020)
Кадыровс даржехь лакхабаьхна гергарнаш, керлачу министро юьйцу дресс-код, коронавирусо бойу нах (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).
Кадыровс даржехь лакхабаьхна гергарнаш, керлачу министро юьйцу дресс-код, коронавирусо бойу нах (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).
150 шо хьалха Цинан династина дуьхьал гIевттинчул тIаьхьа Китайра Юккъерчу Ази дIакхелхира дунганаш. Китайхох билгала бу уьш – динца: бусулба бу дунганаш. ГIиргIазойчохь беха тахана 60 эзар гергга дунганаш, Казахстанехь бу уьш 40 эзар гергга. Шайн ламасташ а, къоман духар а, юург а ларъеш, схьабогIуш бу дунганаш.
ГIуран-баттахь Нохчийчоьнан куьйгалхочун йоьдучу пресс-конференцехь Кадыров Рамзане орца дехнера Шелара а, Веданан кIоштарчу Тевзанара а шина доьзална юкъара луралла дерзадахьара ахь аьлла. Кадыровн тIедилларца мехкан муфтийс Межиев Салахьа шена тIелаьцнера и гIуллакх. БIеннашкахь нах гулбеллера Тевзанахь шинаридийнахь маслаIатна, яздо Грозный Информ агенталло. 25 шарахь чIир лаьттинчу шина цIенна юкъахь барт бина шаьш къинхетаме, бертахь, тарлуш хила баьхначу Делан дуьхьа аьлла, хаамбина муфтиятан векало Хетиев Ансара.
Еаридийнахь Кабулехь Iожалхочо тIеман академина уллохь динчу тIелатарехь мел лахара а 6 стагна чевнаш йина, лазийна 12, шайлахь могIарера бахархой а болуш аьлла, хааме даьккхина ОвхIанистанан чоьхьарчу гIуллакхийн министраллан пресс-секретаро Рахьими Насрата. Цхьана а тобано динчу зуламах жоьпалла тIелаьцна дац. Рахьимис дийцарехь, маршалан Фахьиман цIарахчу тIеман академин КПП олучу постана уллохь ша шен эккхийтина Iожалхочо. Академин дешархой а, белхахой гIишло чу боьлхучу заманчохь, Iуьйранна... Читать дальше...
20 шо хьалха Нохчийчуьрчу Котар-юьртахь бомбанаш еттарх дийцира бакъонашларъяран "Мемориал" центрехь. 2000-чу шарахь Соьлжа-гIалара ара а бевлла, лаьмнашкахьа бирзира нохчийн тIемалой. Оьрсийн буьйранчаша "кхерамзаллан зона" леринчу Котар-юьртахула некъ биллира цара. ТIемалой юьрта чубахначул тIаьхьа бомбанаш етта йолийра оьрсийн авиацино. 25 эзар гергга маьрша бахархой а, бевдда баьхкина мухIажирш а бара цигахь дIатарбелла.
Муфтийс Крганов Альбира куьйгалла дечу Москварчу а, Оьрсийчоьнан Юккъерчу регионан а Динан урхалло "хьалалан" сертификат делла оьрсийн уггар а йоккха лоручу, йий доккхучу "Балтика" компанина. "Балтикан" векало дийцина, "хьалалан" йийна экспорт йийр ю шаьш Гергарчу Малхбале а, Юккъерчу Азе а аьлла. АБН хьостано бина цунах хаам.
Нохчийчохь дешаран а, Iилманан а керла министр Байсултанов Идрис а, цуьнан гIовс Iеламча Хареханов Асвад а дIахIоттийначул тIаьхьа Соьлжа-гIалин школашкарчу хьехархошна тIедиллина, дешархойн хатI лардан деза аьлла, яздо "Кавказский узел" агенталло. "Министраллера комиссеш ю тхуна схьаоьхуьйтуш, классашкара хьал а цхьана толлу цара. Берашка дресс-код ларъяйта аьлла, тIедиллина тхуна. Зудаберийн коьртахь йовлакхаш хила деза боху, йина кIажарш а йолуш. Мегар дац месаш охьахецна лело а. Божаберашна тIехь кIайн кучамаш хила еза. Читать дальше...
Шен администрацин куьйгалхо хIоттийна мехкан куьйгалхочо Кадыров Рамзана Соьлжа-гIалин мэр лаьттина, шен йишин кIант Закриев ИбрахIим. ТАСС агенталло Iорабаьккхина и хаам. ХIинццалц оцу даржехь вара Кадыровн юьртахо Таймасханов Галас. Дийцарехь, кхечу куьйгалле дехьавоккхур волуш ву иза. Закриев мэр волчу заманчохь ненавашас, Кадыров Рамзана, даим а масална тIехветтара иза кхечу хьаькамашна. Карладоккху, Закриев ИбрахIим Кадыров Рамзанан йишин Зулайн воI ву. Москвахь Лаккхара школа чекхъяьккхина, экономикан говзалла караерзийна ву Закриев. Читать дальше...
Китайхь коронавирусах ун даьлла 42 эзар стагана. Могушалла Iалашъяран Къоман комиссин зерашца, таханалерачу Чиллан-беттан 11-чу дийнахь велларг 1016 вахархо ву. Яхначу буса ун даьлла кхин а 2478 стагна, цамгарх кхелхина 108. Китайхь дарба деш ду 37 эзар сов дархочунна, 4 эзар сов ву вирусах хьалхаваьлларг. Китайл а арахьа алсам цомгуш хилларш бу Японехь а, Сингапурехь а, Таиландехь а, Къилба Корейхь а, Австралехь а.
Нохчийчоьнан куьйгалхочун Кадыров Рамзанан вешин кIант Кадыров Хьамзат республикан кхерамзаллан Кхеташонан куьйгалхо хIоттийна. Хьалхо Куьршала кIоштан префект вара иза. Шела кIоштан администрацин куьйгалхочо, Кадыров Рамзанан шичас Ибрагимов Турпал-Iелас бина и хаам, Инстаграмерчу шен пена тIехь. 23 шо долчу Кадыров Хьамзата чекхъяьккхина ЦIонтарара хьафизийн школа а, нохчийн пачхьалкхан университет а. 2018-чу шеран аьхка дуьйна Куьршалан кIоштан урхаллехь вара иза. Куьршала кIоштан администрацин... Читать дальше...