Новости за 22.02.2020

Машаран барт бале хьалха 7 денна лерина цу махкахь ницкъбар лахдарехула мур дIаболабелла Афганистанехь шотдийнахь. Американ Пачхьалкхан секретаро Помпео Майка а,Талибано а пIераскан дийнахь дIахьедар дира машаран бертана тIе куьйгаш таIор ду аьлла Чиллан-беттан 29-хь. Цу берто некъ схьабостур бу Америко дакалоцуш хилла, уггар беха тIом дIаберзо. Цунна тIехь кхайкхам бу Америко шен эскарш цу махкара арадохур ду аьлла, нагахь Талибано цу махках терроран тIелетарш даран плацдарм а ца хилийтахь, ткъа... Читать дальше...

27-шо долчу Ханты-Мансийскан автономан гонерчу нохчочо Бельтоев Ислама дIахьедар дина, Украинин кхерамазаллин сервисан белхахошкара Iаткъам ловш ву ша аьлла, хаам бо Кавказ.Реалиино.  Украинехь тховкIело йоьхучу цу жимачу стага дийцарехь, маситтаза шега телефон тоьхча, иза реза хиллера шеца зIене бовла гIертачерах цхьана стагаца цхьаьнакхета. Шен цIе Артем ю бохучу цу стага ша СБУ (Украинин кхерамазаллин сервисан) белхахо ву аьлла.   Киев гIалин юккехь йолчу СБУ-н хIусаме а кхайкхина, тIехула догIа а тоьхна... Читать дальше...

Соьлж-ГIалахь вайна 3 дагестанхо лаьцна хилла Нохчийчуьрчу ницкъаллин структурийн белхахоша, царна йиттина хилла Кадыров Рамзанан резиденцехь, хаам бо "Кавказ.Реалиино, "СКФО Telegraph" телеграм-канална тIе а тевжаш.    Маршо Радионо яздина ма хиллара, Дагестанерчу Дербентера кхо вахархо: 30 шо долу Алиев Ниллан а, 35 шо долу Мустафаев Сеидайдин а, 62 шо долу Аскеров Хьаьким а вайна хиларх лаьцна хаам бинера Алиев Нилланан нанас Наргиза. И кхо стаг Дербентера араваьлла хиллера Чиллан-беттан 9-хь "Лада Калина" машенахь. Читать дальше...

Албанино Оьрсийчоьне дIавелла "Исламан пачхьалкх" тобан декъашхо хиларна лоьхуш хилла нохчо. Иза ву Мислаев Расул. Цунах лаьцна хаам бо ТАСС агенталло. Федералан кхерамазаллин сервисо бинчу хаамца, Мислаев Шема вахана хилла 2013-чу шарахь. Цигахь тIемашкахь дакъалаьцна хилла цо. Мислаев лаьцнера Албанехь Оьрсийчоьно Интерполехула лоьхуш хилар бухе а диллина, билгалдоккху ТАСС агенталло.

Украинин президенто Зеленский Владимира луьра критика йина Полтавана гергахь "коронавирусийн" къепедацарш вовшахтоьхначарна. Китайрчу Уханера кIелхьарбаьхна нах Украинехь тIеэцарна дуьхьалбевлларш "спортан духар доьхна вирусологаш" бара леррина адам дохо арабевлла болу, яздина Шен Facebook-хь мехкан куьйгалхочо. Зеленскийс билгалдаьккхина "иза дан омра делларш а, бехке берш а жоьпе озор" хилар. Коронавирус яьржачу Уханера (Китай) 50 гергга Украинин махкахо а, 30-хь кхечу пачхьалкхийн вахархо а... Читать дальше...

Covid-19 олучу коронавирусах пехийн цамгар кхеттачийн терахь алсамдаьлла Китайхь. Стохка ГIуран-баттахь дуьйна цигахь цомгуш хилла ву 76 эзар 228 стаг, царах 2 эзар 345 стаг велла, хаам бина Китайн могушалехула йолчу Пачхьалкхан комитето. ТIаьхьарчу дийнахь-бусий коронавирусах ун даьлла ву цу махкахь 397 стаг, велла – 109. Цу хеннахь Европехь коронавирус кхеттачех велла шолгIа стаг. Иза хилла Италехь. Цкъачунна цу вирусна дуьхьал дарба карош дац.

Кхо бутт а хилла ГIойтIара 24 шо долу вахархо ХIинжа-ГIалахь машенаш юьлучехь болх беш волу. Клиенташа сих-сиха догIанаш дуьтуш хилла белхахошка, машен боксана чутатта а, чура араяккха а церан аьтто беш. Цунах пайда эцна Нохчийчуьрчу вахархочо Чиллан-беттан 19-хь. Машенаш юьлучу кертахь йитинчу "Хьюндай Сонатан" догIанаш схьа а эцна, цу машенахь Нахчийчу вахана иза. Амма полисхойн аьтто баьлла цуьнан лорах кхиа видеокамерашкахула. Оццу дийнахь ядийна машен гучуяьлла ГIойтIахь. Эвлан юккъехь иза сацо гIортарх гIуллакх а ца хилла... Читать дальше...

Оьрсийчоь гIо дан гIерташ ю хин болчу президентан харжамашкахь сенатор-демократана Сандерс Бернина, хаам бина "Вашингтон пост" газето. "Американ офциалан Iедалхоша" дIахьедар дина, Оьрсийчоьно харжамийн компанина Iаткъам бан гIертар хааделла аьлла, дуйцуш ду оцу хаамехь. Иза хаийтина президентана Трамп Дональдана. "Американ аз" зорбан гIирсо билгалдаккхарехь, газето и хаам баржийна довзуьйтуш доцчу хьасташна тIе а тевжаш. Амма дуьйцуш дац муха еш ю Оьрсийчоьно цунна и гIортор.   Сенаторо Сандерса дина цу хьокъехь леррина дIахьедар. Читать дальше...