Новости за 18.11.2021

საოკუპაციო ძალების მიერ დაკავებულ საქართველოს კიდევ ერთ მოქალაქეს დე ფაქტო ცხინვალის სასამართლომ ერთწლიანი პატიმრობა მიუსაჯეს. - ამის შესახებ 19 ნოემბერს ერგნეთში გამართულ ინციდენტების პრევენციის და მათზე რეაგირების სამუშაო ჯგუფის შეხვედრაზე გახდა ცნობილი. მიმდინარე წლის აგვისტოში საოკუპაციო ძალების წარმომადგენლებმა დააკავეს კასპის მუნიციპალიტეტის მცხოვრები გელა გოჭოშვილი. რომელსაც ე.წ საზღვრის დარღვევის ბრალდება წაუყენეს. აგვისტოში გოჭოშვილის დაკავების შესახებ ინფორმაცია, ქართულ მხარეს ერთთვიანი დაგვიანებით მიაწოდეს. Читать дальше...

ოთხი ადამიანი, მათ შორის ერთი ქალი, დაიღუპა და კიდევ ოთხი დაიჭრა რუმინეთის სამხრეთში ქვეითსაწინააღმდეგო ჭურვების დამამზადებელ საბრძოლო მასალების ქარხანაში მომხდარი აფეთქების შედეგად. ადგილობრივი ჯანმრთელობის განყოფილების წარმომადგენლების ცნობით, ნაღმი იმ დროს აფეთქდა, როდესაც ქარხნის რამდენიმე თანამშრომელი მის გაუვნებელყოფას ცდილობდა. ოთხი დაჭრილის მდგომარეობას ექიმები სტაბილურის უწოდებენ. ინციდენტის გამო დაწყებულია გამოძიება. ბაბენეში მდებარე Energotech Group-ის ქარხნის საიტზე გამოქვეყნებულ ცნობაში ნათქვამია... Читать дальше...

საერთაშორისო უფლებადამცველი ორგანიზაცია ამნესტი ინტერნეიშენალი „ტვიტერზე" გამოეხმაურა საქართველოს სახალხო დამცველის მიმართ გაკეთებულ განცხადებებს. „დაუშვებელია თავდასხმა საქართველოს სახალხო დამცველზე, რომელიც უფლებადაცვით საქმიანობას ეწევა. მთავრობამ პატივი უნდა სცეს, არ შეაფერხოს უფლებადამცველი ინსტიტუტების მუშაობა და შეასრულოს მათი რეკომენდაციები, რათა პრიორიტეტული იყოს ადამიანის სიცოცხლისა და ჯანმრთელობის დაცვა", - წერს ორგანიზაცია.   მმართველი პარტიის თავმჯდომარემ ირაკლი კობახიძემ სახალხო... Читать дальше...

მე-18 პენიტენციურ დაწესებულებაში  მიხეილ სააკაშვილის მონახულების შემდეგ მისი თანაგუნდელი, ხატია დეკანოიძე ამბობს, რომ ძალიან ცოტა დრო რჩება იმისათვის, რომ გადარჩეს ყოფილი პრეზიდენტის სიცოცხლე. დეკანოიძის თქმით, ის სააკაშვილს მხოლოდ რამდენიმე წუთის განმავლობაში ელაპარაკა ციხის საავადმყოფოს რეანიმაციულ ბლოკში.  "მითხრა, რომ პირველად ცხოვრებაში დაკარგა გონება და რაც მითხრა ექიმმა, ეს გონების დაკარგვა გაგრძელდა საკმაოდ დიდხანს. მეორედ თუ კოლაფსში კიდე ჩავარდა, დაემართება ინსულტი.  ძალიან მძიმე სურათია. Читать дальше...

თურქეთის ულტრამემარჯვენე ნაციონალური მოძრაობის პარტიის (MHP) ლიდერმა, დევლეთ ბახჩელიმ, თურქეთის პრეზიდენტ რეჯეპ ტაიპ ერდოანს საჩუქარდ გადასცა „თურქული სამყაროს“ რუკა, რომელზეც დატანილი აღმოჩნდა რუსეთის დაახლოებით 20 რეგიონი და ჩინეთის ნაწილი. რუკის მიხედვით, თურქულ სამყაროში მოხვდა ჩრდილოეთ კავკასიის რესპუბლიკები: ჩეჩნეთი, ინგუშეთი, დაღესტანი, ყაბარდო-ბალყარეთი, ყარაჩაი-ჩერქეზეთი და ადიღე, ასევე კრასნოდარის მხარე, როსტოვის ოლქის ნაწილი, ვოლგისპირეთის, აღმოსავლეთ ციმბირისა და იაკუტიის ტერიტორიები. Читать дальше...

რეანიმატოლოგმა გულიკო ქილიფთარმა, რომელიც გლდანის მე-18 პენიტენციურ დაწესებულებაში მიხეილ სააკაშვილთან იმყოფება, რამდენიმე წუთით დატოვა ციხის ტერიტორია და მედიას ყოფილი პრეზიდენტის ჯანმრთელობის მდგომარეობა გააცნო. „რეანიმაციულ განყოფილებაში წევს. კონტაქტურია. ცნობიერება აქვს ადეკვატური. არტერიული წნევა, ჰემოდინამიკა, ოქსიგენაციის მონაცემები, ვენტილაციური პარამეტრები, ეს ყველაფერი არის გამოსწორებული“, - თქვა ექიმმა. მდგომარეობის დამძიმების მიზეზების შესახებ ექიმმა თქვა, რომ შიმშილობა იწვევს უამრავ ცვლილებას ორგანიზმში. Читать дальше...

"ეკატერინე ტიკარაძის პოზიცია არის ისეთივე პოზიცია, როგორც ნებისმიერი ექიმის. ამ შემთხვევაში ის იქცეოდა, როგორც ექიმი და არა როგორც პოლიტიკური მოღვაწე და ის დაეთანხმა ყველა არგუმენტს, რომ იმ დაწესებულებაში ასეთი მძიმე ავადმყოფის მკურნალობა არ არის მიზანშეწონილი და უკეთესია, გადაყვანილი იქნეს მრავალპროფილურ კლინიკაში" - თქვა ანესთეზიოლოგ-რეანიმატოლოგმა გიორგი გრიგოლიამ ჯანდაცვის სამინისტროში გამართული შეხვედრის დასრულების შემდეგ. ის ერთ-ერთია იმ ჯგუფის ექიმებს შორის, რომელიც ომბუდსმენის ინიციატივით... Читать дальше...

ოპერატიული შტაბის თანახმად, 18 ნოემბრის დილით რუსეთში კორონავირუსის ინფექციის შედეგად გარდაიცვალა 1251 ადამიანი, რაც პანდემიის განმავლობაში დღიური გარდაცვალების მორიგ მაქსიმუმს წარმოადგენს. წინა დღით ინფექციამ 1247 ადამიანი იმსხვერპლა. ოფიციალური ცნობით, ნოემბრის თვეში გარდაცვლილთა ანტირეკორდი 7-ჯერ განახლდა, ასევე მატულობს COVID-19-ით ინფიცირებულთა რაოდენობა. განვლილი დღე-ღამის განმავლობაში მთელ რუსეთში კორონავირუსით დაინფიცირდა 37 374 ადამიანი. პანდემიის განმავლობაში რუსეთში COVID-19-ით დაავადდა 9 მილიონზე მეტი ადამიანი. Читать дальше...

პატიმრობაში მყოფი საქართველოს მესამე პრეზიდენტის მიხეილ სააკაშვილის ჯანმრთელობის მდგომარეობის გაუარესების შესახებ ინფორმაციის გავრცელების შემდეგ, ოპოზიციურმა პარტიებმა მოქმედების გეგმა შეცვალეს. „ერთიანი ნაციონალური მოძრაობის“ თავმჯდომარემ ნიკა მელიამ პარტნიორ პარტიებთან კონსულტაციების შემდეგ მიღებული გადაწყვეტილება გამოაცხადა. მისი თქმით, აქცია გაიმარტება 19 ნოემბერს, 15:00 საათზე, პირველი რესპუბლიკის მოედანზე, „ოპოზიცია აუქმებს 19 ნოემბრისთვის სამ ადგილზე დაგეგმილ მანიფესტაცია-მსვლელობას, -... Читать дальше...

"სააკაშვილი ახლა კარგად არის, მის სიცოცხლეს საფრთხე არ ემუქრება. მეც ვიყავი პალატაში და თვალს ვადევნებდი. იყოჩაღეს ექიმებმა, პირველ რიგში უნდა ვახსენო, გაგიკვირდებათ და ქალბატონი დემურიშვილი [თამთა დემურიშვილი, პენიტენციური სისტემის სამედიცინო დეპარტამენტის უფროსი]. ამ ექიმებსაც რატომ ზაფრავენ და მუდმივი სტრესის ქვეშ ამყოფებენ, ექიმებს ვგულისხმობ, ჩემთვის გაუგებარია", - თქვა მიხეილ სააკაშვილის ადვოკატმა, მთავარი არხის დირექტორმა ნიკა გვარამიამ გლდანის მე-18 პენიტენციურ დაწესებულებასთან. ის იმყოფებოდა საქართველოს ყოფილ პრეზიდენტთან... Читать дальше...

ბელარუსის ლიდერის პრესმდივანი, ნატალია ეისმონტი აცხადებს, რომ ბელარუსში დღეისათვის ახლო აღმოსავლეთიდან ჩასული დაახლოებით 7 000 მიგრანტი იმყოფება. ეისმონტის თქმით, ბელარუსი მზადაა, რომ სამშობლოში გააბრუნოს 5 000 ადამიანი, დანარჩენი 2000 მიგრანტი კი ევროკავშირმა უნდა მიიღოს. სწორედ ასეთი სქემა შესთავაზა გერმანიის კანცლერ ანგელა მერკელს ლუკაშენკამ ამასწინანდელ სატელეფონო საუბარში. ვინაიდან მიგრანტები გერმანიაში წასვლას ესწრაფვიან, ლუკაშენკა გამოვიდა წინადადებით, რომ მათთვის შეიქმნას „ჰუმანიტარული დერეფანი“ პოლონეთის გავლით. Читать дальше...

გლდანის მე-18 სამკურნალო დაწესებულებაში მყოფმა რეანიმატოლოგმა გულიკო ქილიფთარმა მედიასთან ილაპარაკა საქართველოს მესამე პრეზიდენტის მიხეილს სააკაშვილის ჯანმრთელობის მდგომარეობის შესახებ. ექიმი ამბობს, რომ სააკაშვილი შეუძლოდ იმ დროს გახდა, როდესაც ის ციხეში პაციენტის სანახავად იყო მისული.   „პაციენტი არის აბსოლუტურად სტაბილურ მდგომარეობაში. ჰემოდინამიკა, ოქსიგენაციის მაჩვენებლები, სუნთქვის პარამეტრები არის ნორმის ფარგლებში. იყო სინკოპეს ეპიზოდი. დღეს მოვედი იმიტომ, რომ მენახა პაციენტი. ასეთი რამ მოხდა შემთხვევით. Читать дальше...

გლდანის მე-18 სამკურნალო დაწესებულებაში ადეკვატურად არ ფასდება პატიმარი პაციენტის საჭიროებები; არ ხდება მდგომარეობის მუდმივი მონიტორინგი, სწრაფი რეაგირება და მოშიმშილე პაციენტს არ ეძლევა აუცილებელი რჩევები - ასეთია ექიმი ნევროლოგის, კლინიკა „კურაციოს“ კლინიკური დირექტორის, თენგიზ წულაძის დაკვირვება.

სახალხო დამცველი ავრცელებს განცხადებას, რომლის თანახმადაც ომბუდსმენის ოფისის წარმომადგენლები აპირებენ შევიდნენ გლდანის მე-18 პენიტენციურ დაწესებულებაში, რომელშიც იმყოფება ყოფილი პრეზიდენტი, მიხეილ სააკაშვილი. განცხადებას წინ უსწრებდა ინფორმაცია იმის შესახებ, რომ მიხეილ სააკაშვილმა ადვოკატებთან შეხვედრის დასრულებისას გონება დაკარგა. გონების დაკარგვის ფაქტს ადასტურებს პენიტენციური სისტემის ექიმიც, რომელმაც მოკლე კომენტარი გააკეთა მედიასთან და თქვა, რომ "აბსოლუტურად სტაბილურია პაციენტ სააკაშვილის მდგომარეობა". Читать дальше...

მელქო, იგივე დავით მანჩხაშვილი, ნიკო და ანნა განიხილავენ დუდუკებს, ფრანგულ მუსიკას, გენიალურ სიმღერებს და არტისტების ბედს საქართველოში

პატიმრობაში მყოფი საქართველოს მესამე პრეზიდენტის მიხეილ სააკაშვილის ჯანმრთელობის მდგომარეობას გამოეხმაურა ფრაქცია „ქართული ოცნების" წევრი ბექა დავითულიანი. „პენიტენციურ სისტემას აქვს შესაბამისი სამედიცინო დაწესებულება, რა თქმა უნდა, იქ აღმოჩენილი იქნება შესაბამისი დახმარება, გაეწევა მკურნალობა. [სააკაშვილს] ვუსურვებ ჯანმრთელობას და მალე მოსვლას გონებაზე, თუ დაკარგა. პასუხისმგებლობა არის ორი მიმართულებით: ერთი - პენიტენციური სისტემა, რომელიც პასუხს აგებს პატიმრის ჯანმრთელობაზე, მეორე არის თავად პატიმარი... Читать дальше...

პენიტენციური სამსახური იუწყება, რომ გლდანის მე-18 პენიტენციურ დაწესებულებაში მყოფი საქართველოს მესამე პრეზიდენტის, მიხეილ სააკაშვილის მდგომარეობა სტაბილურია. ეს არის უწყების მიერ გავრცელებული პირველი ინფორმაცია მას შემდეგ, რაც ყოფილი პრეზიდენტის ადვოკატმა ბექა ბასილაიამ თქვა, რომ სააკაშვილი "მოსხლეტით წაიქცა". "მიხეილ სააკაშვილის ჯანმრთელობის მდგომარეობა სტაბილურია. ცოტა ხანში ექიმი რეანიმატოლოგი გააკეთებს კომენტარს მედიისთვის", - აცხადებენ პენიტენციურ სამსახურში. ამ საკითხზე მედიისთვის დამატებითი... Читать дальше...

რუსეთის ქალაქ პერმში 18 ნოემბერს ხუთი ადამიანი დაიღუპა სავარაუდოდ ალკოჰოლის მიღების შემდეგ. ამის შესახებ იუწყება რუსეთის საგამოძიებო კომიტეტის რეგიონული განყოფილება. გარდაცვლილები არიან ცოლ-ქმარი და მათი ქალიშვილი და ასევე ორი მეზობელი. ჯერჯერობით უცნობია, თუ რა ტიპის ალკოჰოლი გახდა მათი გარდაცვალების მიზეზი. ცნობილია, რომ წინა დღით პერმის მახლობლად მდებარე ქალაქ ყაზანში პოლიციამ დააკავა 4 კაცი, რომლებიც ეჭვმიტანილი არიან მეთანის წარმოებასა და მეთანის შემცველი ალკოჰოლის გაყიდვაში, რომელიც მომწამვლელი ალკოჰოლის სახელითაა ცნობილი. Читать дальше...

ბათუმის 79-ე საარჩევნო ოლქთან ოპოზიციური პარტიების წარმომადგენლებმა ბრიფინგი გამართეს და ბათუმის ახალი მოწვევის საკრებულოს პირველი სხდომის სასწრაფოდ დანიშვნა მოითხოვეს. მათ ცენტრალურ საარჩევნო კომისიას მიმართეს და შეახსენეს, რომ კენჭისყრის დღიდან უკვე თვეზე მეტი გავიდა, ბათუმის თვითმმართველობაში კი ისევ ძველი მოწვევის საკრებულოს წევრები მართავენ სხდომებს და ხმას აძლევენ ქალაქისთვის მნიშვნელოვან გადაწყვეტილებებს: „2017 წლიდან 2021 წლამდე ლეგიტიმაციის საკრებულო იღებს გადაწყვეტილებას 2022 წლის ბიუჯეტზე... Читать дальше...

მას შემდეგ, რაც სახალხო დამცველის მიერ შექმნილმა, ექიმთა კონსილიუმის წევრებმა თქვეს, რომ ციხის საავადმყოფოში, გუნდური მუშაობის მიღწევა ჯერჯერობით რთული იქნება, რადგან კლინიკა ახლა იმართება, ისევ აქტუალური გახდა შეკითხვა - ვინ უვლის საქართველოს მესამე პრეზიდენტ მიხეილ სააკაშვილს მე-18 სამკურნალო დაწესებულებაში, სადაც ის 8 ნოემბრის შემდეგ იმყოფება? ვის ხელშია დღეს მისი ჯანმრთელობა, რომელიც ამავე კონსილიუმის მიერ შეფასდა როგორც „კრიტიკული“. 16 ნოემბერს, მიხეილ სააკაშვილის პირველად მონახულების შემდეგ... Читать дальше...

გლდანის მე-18 სამკურნალო დაწესებულებიდან გამოსულმა მიხეილ სააკაშვილის ადვოკატმა ბექა ბასილაიამ თქვა, რომ მიხეილ სააკაშვილი შეხვედრის შემდეგ წაიქცა. „მიშა გამოდიოდა ადვოკატებთან შეხვედრიდან, უნდა ასულიყო ზემოთ, როდესაც გამოდიოდა ოთახში, მოსხლეტით წაიქცა. ჩამოიტანეს რამდენიმე წუთში საკაცე. წაქცევის შემდეგ მე ერთი სიტყვა არ გამიგია მისგან. ცდილობდნენ თვალების გახელას. გადააწვინეს საკაცეზე, აიყვანეს“, - თქვა ბექა ბასილაიამ. ადვოკატმა დაწესებულება რამდენიმე წუთის წინ დატოვა. მისი თქმით, შენობაში დარჩა სააკაშვილის უფლებების კიდევ ერთი დამცველი... Читать дальше...

ლიტერატურულმა „წახნაგებმა“ რუბრიკით „იუბილე“ დაიწყო გადაცემათა ციკლი ფიოდორ დოსტოევსკიზე, მსოფლიო ლიტერატურის სიამაყეზე, რომელსაც 11 ნოემბერს ორასი წელი შეუსრულდა. ამჟამად საუბარი გვაქვს მწერლის უკანასკნელ რომანზე, „ძმებ კარამაზოვებზე“. „ეშმაკნის“ მსგავსად, ამ რომანსაც უცნაური მთხრობელი ჰყავს, რომელმაც არ იცის, რას ფიქრობენ გმირები. რომანი იქმნება ცალკეული პერსონაჟების მიერ შექმნილი სამყაროების ჯამით, რის გამოც მან დაიმსახურა შეფასება „პოლიფონიური“. ესაა ათასხმიანი წიგნი, მასში ისმის როგორც ივან კარამაზოვის ეჭვიანი ხმა... Читать дальше...

საქართველოს სახალხო დამცველის აპარატი მმართველი პარტიის, "ქართული ოცნების", თავმჯდომარის ირაკლი კობახიძის იმ განცხადებას, რომელშიც ის ომბუდსმენის შესაძლო სამომავლო პასუხისმგებლობის საკითხზე საუბრობდა, ზეწოლის მცდელობად აფასებს. სახალხო დამცველი ამ ფაქტის შესასწავლად საერთაშორისო ორგანიზაციებს მიმართავს. "აღნიშნული წარმოადგენს საქართველოს სახალხო დამცველის წარმომადგენლებზე/ექსპერტებზე ზეწოლის მცდელობას მათი პროფესიული ნიშნით გამოთქმული მოსაზრებების გამო, რომელიც ეწინააღმდეგება როგორც საქართველოს კონსტიტუციას, ისე საერთაშორისო პრინციპებს. Читать дальше...

2020-21 წლებში, საქართველოს ოკუპირებული რეგიონების - აფხაზეთისა და სამხრეთ ოსეთის - 2000-ზე მეტმა მცხოვრებმა ისარგებლა ქართულ კლინიკებში უფასო სამედიცინო მომსახურებით. ამის შესახებ პარლამენტში, მინისტრის საათის ფორმატში გამოსვლისას განაცხადა თეა ახვლედიანმა, სახელმწიფო მინისტრმა შერიგებისა და სამოქალაქო თანასწორობის საკითხებში. მინისტრის ინფორმაციით, ჯანდაცვაზე დახარჯული თანხა, ჯამში, 5 მილიონ ლარს აჭარბებს. მისივე თქმით, ოფიციალურ თბილისს არ შეუჩერებია აფხაზეთის რეგიონის რეგულარული მომარაგება... Читать дальше...

დიდმა ბრიტანეთმა განაცხადა, რომ საჯარო გამოძიებას ჩაატარებს ქალის გარდაცვალებაზე, რომლის სიკვდილი სავარაუდოდ ირიბ კავშირში იყო 2018 წელს რუსეთის ორმაგ აგენტზე თავდასხმასთან. დოუნ სტარჯესის სიკვდილის გამოძიება საჯარო გამოძიებად შეიძლება გადაკეთდეს, - დაწერა 18 ნოემბერს ბრიტანეთის შინაგან საქმეთა მინისტრმა პრიტი პატელმა. საჯარო გამოძიება არის მსხვილი საგამოძიებო კამპანია და მას ატარებს მთავრობის კაბინეტის წევრი, რომელსაც საგანგებო უფლებამოსილებები შეიძლება მიენიჭოს ძალდატანებით ჩვენებების მისაღებად სხვა მტკიცებულებების მოსაპოვებლად. Читать дальше...