Новости за 20.11.2021

აშშ-ის თავდაცვის მინისტრმა ლოიდ ოსტინმა განაცხადა, რომ ვაშინგტონი არ დაუშვებს, რომ ირანმა მოიპოვოს ბირთვული იარაღი და წინ აუდგება ახლო აღმოსავლეთში ირანული თვითმკვლელი დრონების „სახიფათო გამოყენების“ მცდელობას. პენტაგონის შეფმა ამის შესახებ განაცხადა 20 ნოემბერს ბაჰრეინში სამუშოა ვიზიტით ყოფნის დროს იმ ფონზე, როდესაც ვაშინგტონი აგრძელებს მუშაობას ბირთვული შეთანხმების შესახებ 2015 წელს ხელწერილი გარიგების ხელახლა ამოქმედების მიზნით. „მაგრამ, თუ ირანს არ შესწევს უნარი სერიოზულად მიხედოს ამ საქმეს... Читать дальше...

ქართველმა კარატისტმა გოგიტა არქანიამ დუბაიში გამართულ მსოფლიოს ჩემპიონატზე ოქროს მედალი მოიპოვა. 37 წლის ქართველი სპორტსმენისთვის ეს მსოფლიოს ჩემპიონის მეორე ტიტულია. პირველად წარმატებას შვიდი წლის წინ მიაღწია. დუბაიში, ფინალის გზაზე არქანიამ მექსიკელი (8:0), მონტენეგროელი (2:0), ესპანელი (8:0), ამერიკელი (3:0) და ხორვატი (3:1) მეტოქეები დაამარცხა. გადამწყვეტ შეხვედრაში კი იტალიელ მოწინააღმდეგეს აჯობა (3:2).

საქართველოს მესამე პრეზიდენტის პირადი ექიმი, რომელიც მასთან გორის სამხედრო ჰოსპიტალში იმყოფებოდა, აცხადებს, რომ, ჯანმრთელობის მრავალმხრივი პრობლემებიდან გამომდინარე, მიხეილ სააკაშვილს თავისუფლად მკურნალობის შესაძლებლობა უნდა მიეცეს. „პრეზიდენტი მადლობას უხდის საავადმყოფოს, ძალიან მოეწონა მისი სტაფი, კომფორტულად გრძნობს თავს; მაგრამ... ჩემი გულწრფელი აზრია, როგორც ექიმის და შეიძლება კოლეგები და საქართველოს მოსახლეობა არ დამეთანხმოს, მაგრამ მე რომ ვწყვეტდე, ასეთ პაციენტს მივცემდი მკურნალობის უფლებას... Читать дальше...

აშშ-ის პრეზიდენტმა ჯო ბაიდენმა მადლიერების ეროვნულ დღესასწაულზე ორი ინდაური, რომელიც „მადლიერების დღის“ კერძისათვის იყო განწირული. რადიოსადგურ "ამერიკის ხმის" ინფორმაციით, ინდაურები სახელად არაქისის კარაქი და კონფიტიური, ვაშინგტონში ინდიანიდან ჩაიყვანეს. დღესასწაულის შემდეგ ინდაურებს დააბრუნებენ ისევ ინდიანაში, სადაც ისინი ერთ-ერთ საშენში მშვიდად გააგრძელებენ ცხოვრებას. მადლიერების დღე შეერთებულ შტატებში ყოველ წელს, ნოემბრის ბოლო ხუთშაბათს აღინიშნება. მისი წარმოშობა უკავშირდება 1621 წელს, როცა ინგლისელ ახალმოსახლეებს პლიმუტში... Читать дальше...

ჯანდაცვის სამინისტროს მიერ შექმნილი კონსილიუმის ექიმები, შესაბამისი მკურნალობის პირობებში, მიხეილ სააკაშვილის სრულ გამოჯანმრთელებას მოელიან. ჰემატოლოგ ნინო შარაშენიძის განცხადებით, ჯანმრთელობასთან დაკავშირებული ჩივილები, რაც პაციენტს აქვს, სრულიად დასაშვებია მკურნალობის ამ ეტაპზე და შესაძლებელია „კლინიკური მაჩვენებლებისა და ლაბორატორიული მდგომარეობის სრულად კორეგირება“. ჰემატოლოგი, კონსილიუმის სხვა ექიმებთან ერთად, 20 ნოემბერს გორის სამხედრო ჰოსპიტალში რამდენიმე საათის განმავლობაში მუშაობდა. ნინო შარაშენიძე  აცხადებს... Читать дальше...

შაბათს ავსტრიის დედაქალაქ ვენაში გაიმართა მასობრივი საპროტესტო აქცია. იგი მიმართული იყო მთავრობის იმ გეგმის წინააღმდეგ, რომელიც 2022 წლის თებერვლიდან ავსტრიაში კორონავირუსის საწინააღმდეგო სავალდებულო ვაქცინაციის შემოღებას აპირებს. „ჩემი სხეული, ჩემი ჯანმრთელობა, ჩემი გადაწყვეტილება“, „თავისუფლება ყველასთვის, ვაქცინაციის იძულების გარეშე“, - ასეთი მოთხოვნები ჰქონდა ვენაში გამართულ მრავალრიცხოვან საპროტესტო აქციას, რომელშიც სააგენტო როიტერის თანახმად რამდენიმე ათასი ადამიანი ღებულობდა მონაწილეობას. Читать дальше...

საქართველოს სარაგბო ნაკრებმა ნოემბრის მეორე ტესტ-მატჩი ფიჯის ნაკრებთან ჩაატარა და ფრედ ითამაშა. ესპანეთის ქალაქ არანხუესში გამართული თამაშის პირველი ტაიმი ლევან მაისაშვილის გაწვრთნილმა გუნდმა 9:5 მოიგო. შესვენების შემდეგ უპირატესობა შვიდ ქულამდეც გაიზარდა, მაგრამ ფიჯელებმა ანგარიში გარდასახული ლელოთი გაათანაბრეს. დღევანდელ შეხვედრამე ერთი კვირით ადრე, ბორჯღალოსნები ბორდოში დაუპირისპირდნენ საფრანგეთის ნაკრებს და დამარცხდნენ, ანგარიშით 15:41.

5 ივლისის ძალადობრივი მოვლენების ორგანიზატორთა ჯგუფის, "ალტ-ინფოს" ბაზაზე შექმნილი ახალი პარტია - "კონსერვატიული მოძრაობა" სამოქმედო გეგმის ქვაკუთხედად რუსეთთან მოკავშირეობასა და მოსკოვის ინტერესებით მოქმედ სისტემებში ინტეგრირებას ასახელებს.

ბულგარეთის პრეზიდენტმა, რუმენ რადევმა, ჟურნალისტის შეკითხვაზე შაბათს კიდევ ერთხელ დააფიქსირა საკუთარი პოზიცია ყირიმის თაობაზე, რამაც პარასკევს უკრაინის ხელისუფლების აღშფოთება გამოიწვია. „არავითარი დრამა არ არის. საკითხი აბსოლუტურად ცხადია. ყირიმის ანექსია საერთაშორისო სამართლის დარღვევას წარმოადგენს, მაგრამ, როგორც გუშინ საღამოს ვთქვი, პოლიტიკაში არსებობს რეალობა და დღესდღეობით ყირიმი რუსეთისაა“, - განაცხადა შაბათს ქალაქ პლოვდივში ყოფნის დროს ბულგარეთის პრეზიდენტმა. ბულგარეთის მოქმედმა პრეზიდენტმა... Читать дальше...

ენმ-ის წარმომადგენელი, გიორგი ჩალაძე, რომელმაც ექსპრეზიდენტი მიხეილ სააკაშვილი გორის ჰოსპიტალში მოინახულა, აცხადებს, რომ ექიმები ამ ეტაპზე „თავდადებით იკვლევენ“ ცალკეული ორგანოების დაზიანების ხარისხს და შემდეგ უკვე დაგეგმავენ თერაპიის სქემას. გიორგი ჩალაძის თქმით, მიხეილ სააკაშვილი ექიმებს ენდობა და სრულად მათი რეკომენდაციების მიხედვით მოქმედებს. „ბატონი სააკაშვილი, როგორც გამოაცხადა, ენდობა ექიმებს, მათთან თანამშრომლობს. არ აცხადებს უარს მკურნალობაზე. მისი პირობები შესრულებულია. მიხეილ სააკაშვილი თავის სიტყვას ყოველთვის ასრულებს. Читать дальше...

სასამართლოში რიტენჰაუსი ამტკიცებდა, რომ თავდაცვის მიზნით მოქმედებდა, ხოლო დანაშაულის ჩადენის მომენტში იგი 17 წლის იყო. შარშანდელი 25 აგვისტოს მოვლენების თაობაზე სასამართლოში ჩვენების მიცემის დროს რიტენჰაუსი ატირდა. პროკურორი მოითხოვდა, რომ რიტენჰაუსის მოქმედება განზრახ ჩადენილ დანაშაულად ყოფილიყო მიჩნეული. სასამართლოს ნაფიცი მსაჯულები საქმეზე გადაწყვეტილებას თითქმის სამი დღის განმავლობაში იღებდნენ და 16 ნოემბრიდან მოყოლებული ყოველდღიურად 9:00-დან 16:00 საათამდე მართავდნენ სხდომებს. ტელეკომპანია სი-ენ-ენის ცნობით... Читать дальше...

აზერბაიჯანმა სომხეთს გადასცა იმ სამი ჯარისკაცის ცხედარი, რომლებიც ორ ქვეყანას შორის მომხდარი ბოლო სასაზღვრო ინციდენტის შედეგად, 16 ნოემბერს დაიღუპნენ. რადიო თავისუფლების სომხური სამსახურის ცნობით, დაღუპულთა ცხედრების გადაცემა რუსეთის სამშვიდობო ძალების შუამავლობით, სომხეთის სიუნიქის რაიონის სოფელ იშხანასართან მოხდა. სომხეთის თავდაცვის სამინისტრო დაღუპულთა ვინაობას მოგვიანებით გაასაჯაროებს. სომხეთი აცხადებს, რომ მისი ექვსი ჯარისკაცი დაიღუპა აზერბაიჯანის საზღვარზე გასული კვირის ბოლოდან განახლებულ შეიარაღებულ შეტაკებაში... Читать дальше...

აზერბაიჯანის პრეზიდენტი ილხამ ალეივი და სომხეთის პრემიერ-მინისტრი ნიკოლ ფაშინიანი დათანხმდნენ, რომ ერთმანეთს დეკემბერში, ბრიუსელში გამართული აღმოსავლეთის პარტნიორობის სამიტის ფარგლებში, შეხვდნენ. ამის შესახებ ცნობა გამოქვეყნებულია ევროპული საბჭოს საიტზე. მანამდე ევროპული საბჭოს პრეზიდენტი, შარლ მიშელი ტელეფონით ესაუბრა აზერბაიჯანისა და სომხეთის ლიდერებს, რომელთან ერთად განიხილა რეგიონში შექმნილი ვითარება და აღმოსავლეთის პარტნიორობის სამიტთან დაკავშირებული საორგანიზაციო საკითხები. ევროპული საბჭოს ცნობით... Читать дальше...

საერთაშორისო პარტნიორები საქართველოს ხელისუფლებას დაჟინებით მოუწოდებენ, რომ საქართველოს მესამე პრეზიდენტს, ნებისმიერი სხვა პატიმრის მსგავსად, საკუთარ სასამართლო პროცესებზე დასწრების უფლება მიეცეს.

ჩეხეთის ლაბორატორიებმა 19 ნოემბერს ქვეყნის მასშტაბით კორონავირუსით დაინფიცირებული 22 936 ადამიანი აღმოაჩინეს, რაც 8700-ით მეტია, ვიდრე იყო ერთი კვირის წინ. ეს არის კორონავირუსით დაინფიცირების ყველაზე მაღალი მაჩვენებელი მთელი პანდემიის განმავლობაში. განვლილი დღე-ღამის განმავლობაში კორონავირუსისგან გარდაიცვალა 100 პაციენტი, რითაც განმეორდა აპრილის თვის სარეკორდო მაჩვენებელი. ჩეხეთის მეზობელ სლოვაკეთში კორონავირუსით დაინფიცირებულთა რაოდენობამ პანდემიის განმავლობაში პირველად გადააჭარბა 9000-ს.... Читать дальше...

საინტერესო რეზონანსი ჰქონდა საფრანგეთისა და საქართველოს რაგბისტთა ნაკრები გუნდების ამასწინანდელ ამხანაგურ მატჩს, რომელსაც მიმოიხილავს საქართველოს დამსახურებული მწვრთნელი თემურ ბენდიაშვილი; ეროვნული ოლიმპიური კომიტეტის პირველი ვიცე-პრეზიდენტი ელგუჯა ბერიშვილი საუბრობს უახლოესი ასპარეზობების და პეკინის ზამთრის ოლიმპიური თამაშებისთვის მზადების შესახებ; ჩვენი ბათუმელი მიმომხილველი გია ცანავა შეფასებას აძლევს ფეხბურთელთა ეროვნული და ახალგაზრდული ნაკრები გუნდების ამასწინანდელ მატჩებს.

ახლო აღმოსავლეთის ქვეყნების წარმომადგენელ მიგრანტთა ჯგუფი 19 ნოემბერს  კვლავ შეეცადა ევროკავშირში გადასვლას პოლონეთ-ბელარუსის საზღვრის გავლით. პოლონეთის სასაზღვრო უწყების ცნობით, მათ პოლიციის მანქანებს ქვები დაუშინეს. პოლიციის ცნობით, მიგრანტთა ყველაზე დიდი ჯგუფი ორასი ადამიანისგან შედგებოდა, დანარჩენებში ათეული ადამიანი იყო. ზოგიერთი მათგანი პეტარდებს და ცრემლსადენ გაზსაც იყენებდა, მაგრამ ვერცერთმა ვერ შეძლო საზღვრის გარღვევა და პოლონეთში გადასვლა. შეხლა-შემოხლის შედეგად პოლონეთის მხრიდან არავინ დაშავებულა. Читать дальше...

ექიმების შეფასებით, ელენე ხოშტარიას ჯანმრთელობის მდგომარეობა სტაბილურია, ხოლო ანალიზების პასუხები - დამაკმაყოფილებელი. 19 ნოემბრიდან პოლიტიკოსი „ნიუ ჰოსპიტალში“ მკურნალობს. ჯერჯერობით ექიმებს უჭირთ პროგნოზირება, თუ რა დრო დასჭირდება პაციენტის სრულ გამოჯანმრთელებას, 17-დღიანი შიმშილობის შემდეგ. „დაეწყო ინტრავენური გადასხმები და დაწყებულია სპეციალიზებული კვება მცირე ულუფებით და პროტოკოლის მიხედვით მოხდება კვების გაზრდა“, - უთხრა ჟურნალისტებს კლინიკის ექიმმა ალექსანდრე მხარგრძელმა. პარტია „დროას“ ლიდერმა... Читать дальше...

ექიმების ჯგუფი დღეს შეადგენს საქართველოს მესამე პრეზიდენტის შიმშილობის შემდგომი მკურნალობის სქემას. 50-დღიანი შიმშილობის შემდეგ გორის სამხედრო ჰოსპიტალში გადაყვანილი ექსპრეზიდენტის ჯანმრთელობის მდგომარეობა „მძიმედ“ და „რთულად“ შეაფასა მისმა პირადმა ექიმმა, ნიკოლოზ ყიფშიძემ. მისი ინფორმაციით, პაციენტი პატიმრის შემდგომი მკურნალობის სქემა 20 ნოემბერს, ერთობლივად განიხილება ჯანდაცვის სამინისტროს მიერ შექმნილი კონსილიუმისა და გორის ჰოსპიტალის მედპერსონალის მიერ. „საკმაოდ ბევრ ექიმს ვიცნობ, რომლებიც აქ [გორის სამხედრო ჰოსპიტალში] მუშაობენ. Читать дальше...

ბოლო 24 საათის განმავლობაში საქართველოში COVID-19-ის 4 318 ახალი შემთხვევა აღირიცხა. ჩატარდა 52 962 ტესტი. გუშინ ეს მაჩვენებელი 4 278  იყო, 51 298 ტესტის ჩატარების ფონზე. Stopcov.ge-ზე გამოქვეყნებული მონაცემების თანახმად, გასულ დღე-ღამეში გარდაიცვალა 70  პაციენტი. გარდაცვლილთა საერთო რაოდენობა 11 422-ს შეადგენს. გასული დღე-ღამის განმავლობაში 2  457 -ით გაიზარდა განკურნებულთა რიცხვი და საერთო მაჩვენებელმა 743 927-ს მიაღწია. ამჟამად კარანტინის რეჟიმში რჩება 48 პირი. სტაციონარში მეთვალყურეობის ქვეშ აგრძელებს მკურნალობას  6  471 პაციენტი... Читать дальше...

აშშ-ის სადაზვერვო სამსახურები აფრთხილებენ ნატოელ მოკავშირეებს, რომ დასავლეთის ქვეყნების დედაქალაქებს სულ ცოტა დრო რჩებათ რუსეთის სამხედრო აგრესიის აღსაკვეთად უკრაინაში. ამის შესახებ New York Times-ი იტყობინება. პრეზიდენტ ბაიდენის ადმინისტრაციაში გარკვეულ წყაროებზე დაყრდნობით, ამერიკული გამოცემა წერს, რომ კრემლში ჯერ არ მიუღიათ რუსეთ-უკრაინის საზღვართან კონცენტრირებული საჯარისო დანაყოფების ამოქმედების გადაწყვეტილება, თუმცა მათი მაღალი რიცხვი და შემადგენლობა სერიოზულ შეშფოთებას იწვევს რუსეთის ხელისუფლების განზრახვებთან დაკავშირებით. Читать дальше...

გორის სამხედრო ჰოსპიტალში მიხეილ სააკაშვილის გადაყვანის შემდეგ, მასთან იმყოფებოდა პირადი ექიმი ნიკოლოზ ყიფშიძე. მისი ინფორმაციით, საქართველოს მესამე პრეზიდენტს დაახლოებით ერთი საათის განმავლობაში ჩაუტარდა რამდენიმე ტესტი. ექიმის თქმით, მისი მდგომარეობა რთულია. „ვფიქრობ, რომ საღამო ჩაივლის ნორმალურად", - შენიშნა ექიმმა. ის სააკაშვილის მდგომარეობას აფასებს სტაბილურად კრიტიკულად. ყიფშიძემ ილაპარაკა სამედიცინო პერსონალის შესახებ. ის ამბობს, რომ პირადად იცნობს გორის ჰოსპიტალში დასაქმებულ ბევრ ექიმს. Читать дальше...

გორის სამხედრო ჰოსპიტალი დატოვეს მიხეილ სააკაშვილის ადვოკატმა ნიკა გვარამიამ და პირადმა ექიმმა ნიკოლოზ ყიფშიძემ. პატიმრობაში მყოფი საქართველოს მესამე პრეზიდენტი ჰოსპიტალში რამდენიმე საათის წინ გადაიყვანეს. გვარამიამ შეაფასა სააკაშვილის გადაყვანის პროცედურა გლდანის #18 სამკურნალო დაწესებულებიდან სამხედრო ჰოსპიტალში. „გადაყვანის პროცედურა სავსებით ნორმალურად შედგა, ყოველგვარი ინციდენტებისა და ექსცესების გარეშე. ჩვენთვის მნიშვნელოვანი იყო სამართლებრივად ამ ყველაფრის დაფიქსირება. კმაყოფილები ვართ იმ პროცედურით... Читать дальше...

"მივესალმები საქართველოს ყოფილი პრეზიდენტის, მიხეილ სააკაშვილის სამხედრო ჰოსპიტალში გადაყვანის შესახებ ცნობების და მისი შიმშილობის დასრულებას", - წერს სენატორი ჯინ შაჰინი „ტვიტერზე" და აქვეყნებს სენატორ რიშთან, სენატორ ჯონსონთან და სენატორ კარდინთან ერთად ხელმოწერილ განცხადების ტექსტს, რომელიც მიხეილ სააკაშვილის გორის ჰოსპიტალში გადაყვანამდე მომზადდა. განცხადებაში ყურადღება გამახვილებულია სასამართლო პროცესებზეც, რომლებზე დასწრების საშუალებასაც მიხეილ სააკაშვილს არ აძლევენ. „ჩვენ ახლოს ვაკვირდებით... Читать дальше...

მიხეილ სააკაშვილის საქმესთან დაკავშირებით დროებითი ღონისძიების გამოყენების ფარგლებში ადამიანის უფლებათა ევროპულმა სასამართლომ საქართველოს სახალხო დამცველს მესამე მხარედ ჩართვაზე უარი უთხრა. როგორც სახალხო დამცველმა ნინო ლომჯარიამ თქვა, „TV პირველის“ ეთერში, აპარატმა წერილი 19 ნოემბერს მიიღო. როგორც ლომჯარიამ განმარტა, მიუხედავად იმისა, რომ სახალხო დამცველის მხრიდან დროებითი ღონისძიების პროცესში მესამე მხარედ ჩართვის პრეცედენტი აქამდე არ არსებობდა, მათ მაინც სცადეს და მიმართეს სტრასბურგის სასამართლოს. Читать дальше...