დიპლომატები: ნატოს წევრები სტოლტენბერგს კიდევ ერთი წლით დატოვებენ გენერალური მდივნის პოსტზე
ნატოს წევრი ქვეყნები 4 ივლისს შეთანხმდებიან, რომ იენს სტოლტენბერგი კიდევ ერთი წლით უნდა დარჩეს ალიანსის გენერალური მდივნის თანამდებობაზე - ამბობს ოთხი დიპლომატი. ამ გადაწყვეტილების შესახებ ბევრი მინიშნება კეთდებოდა ბოლო კვირებში, თუმცა ნატოში ელჩები სტოლტენბერგისთვის ვადის გახანგრძლივებას ოფიციალურად დაამტკიცებენ 4 ივლისის შეხვედრაზე - ამბობენ დიპლომატები, რომლებმაც ვინაობის ანონიმურად დატოვება ითხოვეს. სტოლტენბერგი ალიანსს 2014 წლიდან, არაერთი კრიზისის განმავლობაში ხელმძღვანელობს.