Новости за 21.07.2023

რუსი ოპოზიციონერი პოლიტიკოსი, ალექსეი ნავალნი, რომელიც კოლონიაში იხდის სასჯელს ვლადიმირის ოლქში, მეჩვიდმეტედ მოათავსეს სადამსჯელო საკანში. ამის შესახებ მისი ადვოკატი, ვადიმ კობზევი იტყობინება. კობზევის თქმით, ნავალნის 13 დღე-ღამით მიესაჯა სადამსჯელო საკანი იმის გამო, რომ მან "არასწორად წარადგინა თავი". ამის გამო პოლიტიკოსი ადრეც იყო გადაყვანილი სადამსჯელო საკანში. სხვა მიზეზები იყო შეხსნილი ღილი და ღობის გაწმენდაზე უარის თქმა. საერთო ჯამში, ნავალნიმ სადამსჯელო საკანში უკვე 180 დღეზე მეტი გაატარა. Читать дальше...

ისრაელის სპეცსამსახურებმა მოთხოვნით მიმართეს რუსეთის სპეცსამსახურებს, შეწყვიტონ ისრაელის საზოგადოების დეზინფორმაციის კამპანია. ამის შესახებ იტყობინება გამოცემა Ynet-ი. მედია ყურადღებას აქცევს იმ ფაქტს, რომ სოციალური ქსელების ისრაელის სეგმენტში პრორუსული პროპაგანდის შემცველი ბევრი ცნობა გაჩნდა ივრითზე. მსგავსი პუბლიკაციები, ჩვეულებრივ, შეიცავენ მოწოდებებს უკრაინისადმი მხარდაჭერის შეწყვეტისკენ. თუმცა, ბოლო ხანს გაჩნდა პროვოკაციული ცნობებიც, რომლებიც ისრაელის შიდა უთანხმოებებს ეხება პოლიტიკური კრიზისისა... Читать дальше...

ამერიკის შეერთებული შტატებიდან საქართველოში Western Union-ის სისტემით ტრანზაქციების შეჩერების შესახებ ცნობას უარყოფს საქართველოს ეროვნული ბანკი. როგორც სებ-ის პრესსამსახურში რადიო თავისუფლებას განუმარტეს, ინდივიდუალურ შემთხვევასთან დაკავშირებით კლიენტმა მომსახურე საფინანსო ორგანიზაციას უნდა მიმართოს.  „ქართული კომერციული ბანკების მეშვეობით Western Union-ის სისტემით შეუფერხებლად ხორციელდება ტრანზაქციები აშშ-დან საქართველოში, ასევე პირიქით - საქართველოდან აშშ-ში. ცალკეული ინდივიდუალური შემთხვევა შესაძლოა უკავშირდებოდეს გზავნილის ლიმიტებს. Читать дальше...

ამერიკის შეერთებული შტატების ელჩმა კელი დეგნანმა უპასუხა ჟურნალისტების შეკითხვას, რომელიც ეხებოდა აშშ-ში ლობისტური კომპანიების გამჭვირვალობას. საქმე ეხება პატიმრობაში მყოფ ექსპრეზიდენტ მიხეილ სააკაშვილის ოჯახის მიერ დაქირავებული ლობისტური კომპანიების საქმიანობასთან დაკავშირებულ დოკუმენტს, რომელიც აშშ-ის იუსტიციის დეპარტამენტის ვებსაიტზე გამოქვეყნდა და 2 თებერვლით არის დათარიღებული. „მე არ მინახავს ეს დოკუმენტები, მაგრამ ვფიქრობ, რომ რუსული სტილის იყო კანონი, რომელზეც საქართველოში მარტში გაიმართა კენჭისყრა... Читать дальше...

საერთაშორისო სავალუტო ფონდი (IMF-ი) აცხადებს, რომ საქართველოს მხარდამჭერი პროგრამის „პროგრესის გაგრძელებისთვის კვლავ არსებითია საქართველოს ეროვნული ბანკის (სებ-ის) დამოუკიდებლობისა და სანდოობის დაცვა“. წინა კვირას საერთაშორისო სავალუტო ფონდმა (IMF-მა) საქართველოს მხარდამჭერი პროგრამის მეორე ტრანშის დირექტორთა საბჭოზე წარდგენა და, შესაბამისად, დამტკიცება „გადადო“. მხარდამჭერ პროგრამაზე (Stand-by Arrangement) საქართველოს ხელისუფლება და სავალუტო ფონდი 2022 წლის აპრილში შეთანხმდნენ. სამწლიანი პროგრამა... Читать дальше...

ბელარუსის უფლებადამცველი ჯგუფი „Vyasna“ (გაზაფხული) გაეროს ადამიანის უფლებათა დაცვის წლევანდელი პრესტიჟული პრიზის ერთ-ერთი ლაურეატია. ლაურეატები გაეროში, ნიუ-იორკში, 20 ივლისს გამოცხადდა. პრიზი "მკაფიო გზავნილია უფლებადამცველების მიმართ მთელ მსოფლიოში იმის შესახებ, რომ საერთაშორისო თანამეგობრობა მადლიერია და მხარს უჭერს მათ ძალისხმევას ადამიანის ყველა უფლებათა დაცვის საქმეში ყველასთვის", განაცხადა გაეროს გენერალური ასამბლეის პრეზიდენტმა, ჩაბა კოროშიმ, ლაურეატების შერჩევის კომიტეტის ხელმძღვანელმა. Читать дальше...

საქართველოს ყოფილი პრემიერ-მინისტრის გიორგი გახარიას პარტია „საქართველოსთვის" აცხადებს, რომ 2024 წლის ოქტომბრის საპარლამენტო არჩევნებში არცერთ პოლიტიკურ პარტიასთან არ გაერთიანდება. „ჩვენი გუნდი 2024 წლის არჩევნებისთვის არცერთ პარტიასთან არ გაერთიანდება. წერტილი!" - ვკითხულობთ პარტია „საქართველოსთვის" „ფეისბუკის" გვერდზე. 20 ივლისს „ერთიანი ნაციონალური მოძრაობისა" და „სტრატეგია აღმაშენებლის" ლიდერებმა ერთიანი პოლიტიკური პლატფორმის შექმნის შესახებ გამოაცხადეს. როგორც ისინი აცხადებენ, ერთიანი მიდგომა ექნებათ „ქართული ოცნების" დასამარცხებლად. Читать дальше...

“არ ვფიქრობ, რომ საქართველო პრო-რუსულია, ვფიქრობ, საქართველო ცდილობს, ისე მოიქცეს, როგორც უფრო სასარგებლოა მისთვის. რა თქმა უნდა, ქართველები შესაძლოა, ვერ თანხმდებოდნენ, მაინც რა არის მათთვის სასარგებლო. მაგრამ მიუხედავად ამისა, არ მგონია, რომ მთავრობის ამ ნაბიჯების დასაბამი რუსეთის მიმართ განსაკუთრებულ ტრფობაში უნდა ვეძიოთ” - საგარეო პოლიტიკის კვლევის ინსტიტუტის (FPRI) ევრაზიისა და ეროვნული უსაფრთხოების პროგრამების უფროსი მკვლევარი, ნიქსონის ცენტრის ჟურნალის National Interest-ის ყოფილი მთავარი რედაქტორი... Читать дальше...

მთავრობის ადმინისტრაციაში 2023 წლის რთველის მოსამზადებელი შეხვედრა გაიმართა, რომელსაც პრემიერ-მინისტრი ირაკლი ღარიბაშვილი ხელმძღვანელობდა. როგორც ოფიციალურ ცნობაში ვკითხულობთ, რთველის ორგანიზებულად ჩასატარებლად კონკრეტული ნაბიჯები დაიგეგმა. პრემიერის განცხადებით, აუცილებელია, რომ მევენახეებმა მოსავლის რეალიზაცია კარგ ფასად შეძლონ. პრესრელიზის თანახმად, შეხვედრაზე  მიიღეს გადაწყვეტილება, რომ რთველის სუბსიდირება 2023 წელსაც გაგრძელდება, სახელმწიფო ყურძენს 20 თეთრით დაასუბსიდირებს და 1 კგ თეთრი ყურძნის ფასი მინიმუმ 90 თეთრი იქნება. Читать дальше...

რუსეთის სამხედრო-საზღვაო ფლოტმა ჩაატარა საბრძოლო ამუნიციის გამოყენებით "წვრთნა" შავი ზღვის ჩრდილო-დასავლეთში, განაცხადა რუსეთის თავდაცვის სამინისტრომ 21 ივლისს, რამდენიმე დღეში მას შემდეგ, რაც კრემლმა განაცხადა, რომ გემებს, რომლებიც უკრაინისკენ ამ საზღვაო გზით მიემართებიან, პოტენციურ სამხედრო სამიზნეებად განიხილავს. შავი ზღვის ფლოტმა "განახორციელა სამხედრო წვრთნა რეალური ცეცხლის, გემსაწინააღმდეგო ფრთოსანი რაკეტების გამოყენებით, რომლის სამიზნე გემი იმყოფებოდა სამხედრო მომზადების პოლიგონზე შავი ზღვის ჩრდილო-დასავლეთ ნაწილში"... Читать дальше...

21 ივლისს, რუსეთის პრეზიდენტმა, ვლადიმირ პუტინმა ნატოს წევრი ქვეყანა - პოლონეთი, დაადანაშაულა იმაში, რომ მას ტერიტორიული პრეტენზიები აქვს ყოფილ საბჭოთა კავშირში და განაცხადა, რომ ნებისმიერი აგრესია რუსეთის მეზობელი და ახლო მოკავშირე ბელარუსის წინააღმდეგ ჩაითვლება რუსეთზე თავდასხმად. მოსკოვი უპასუხებს ნებისმიერ აგრესიას ბელარუსის წინააღმდეგ, რომელიც თავისუფალ "მოკავშირე სახელმწიფოს" ქმნის რუსეთთან, "ჩვენს ხელთ არსებული ყველა საშუალებით", თქვა პუტინმა უშიშროების საბჭოს სხდომაზე სატელევიზიო გამოსვლებში. Читать дальше...

ენების შემსწავლელმა ცნობილმა საერთაშორისო ციფრულმა პლატფორმამ LingQ-მ სასწავლო ენების სიაში ქართული ენა დაამატა. ეს პირველი შემთხვევაა, როდესაც ქართული, რომელზეც მთელ მსოფლიოში, დაახლოებით, 3,7 მილიონზე მეტი ადამიანი საუბრობს, ენის შემსწავლელ ასეთ დიდ პლატფორმაზეც გამოჩნდა.

რუსულ ბანკს „Юнистрим“-ს, რომელიც ამავე სახელწოდების გადახდის სისტემის ოპერატორიცაა, აშშ-ში სანქციები დაუწესდა. კომპანიამ განაცხადა, რომ უკვე შეიმუშავა „ინფრასტრუქტურული გადაწყვეტა“ პარტნიორებთან შეუფერხებლად მუშაობის გასაგრძელებლად. „Юнистрим“-ის,  სისტემა აქტიურად გამოიყენებოდა საქართველოში ფულის გადარიცხვისთვის. „Юнистрим“-ი ქართული ბანკის TBC-ის აპლიკაციაში გადარიცხვების სისტემების სიიდან უკვე გაქრა, გადარიცხვები შეჩერებულია  საქართველოს ბანკშიც იტყობინებიან საკრედიტო ორგანიზაციები. ეს არის საქართველოს ორი უმსხვილესი ბანკი. Читать дальше...

მასწავლებლის ეროვნული ჯილდოს გამარჯვებული 5 ოქტომბრამდე, მასწავლებლის საერთაშორისო დღემდე არ გაირკვევა, თუმცა უკვე ცნობილია 10 საუკეთესო პედაგოგის ვინაობა. კონკურსის საუკეთესო ათეულში 7 მასწავლებელი რეგიონიდან, 3 კი თბილისიდან მოხვდა. მათი ნაწილი საჯარო, ნაწილი კი კერძო სკოლაში ასწავლის. 2023 წლის კონკურსის საუკეთესო ათეული - რას ფიქრობენ ისინი პროფესიაზე, მოსწავლეების საჭიროებებზე, პანდემიით გამოწვეულ სირთულეებსა და კონკურსზე - რადიო თავისუფლება ათეულის კლუბის წევრებს გაგაცნობთ. ქამრან აფანდიევი - 31 წლის... Читать дальше...

თბილისის საქალაქო სასამართლოს მოსამართლემ, ნათია ბუსკაძემ ძალადობად მიიჩნია ბავშვის ვიდეოფრაგმენტის გამოყენება პროპაგანდისტული მიზნებისთვის და დამცავი ორდერი გამოსცა პრორუსული ორგანიზაცია "საქართველო უპირველეს ყოვლისა"-ს წევრ ხატია ჯანაშიას მიმართ, რომელმაც ფეისბუკზე გაავრცელა ჰომოფობიური ვიდეოკოლაჟი არასრულწლოვანი ევგენია კეპულაძის მონაწილეობით. სასამართლო დავა ეხებოდა ივლისის თვეში, "თბილისი პრაიდის" მიერ ლისის ტბაზე დაგეგმილი დახურული ღონისძიების წინ გავრცელებულ ვიდეოს, რომლის მიზანიც ლგბტქ+... Читать дальше...

ნესტან ხორხომელიძე უკვე 14 წელია დუშეთის მუნიციპალიტეტის შუაფხოს საჯარო სკოლაში გეოგრაფიას ასწავლის. ნესტანი მცირეკონტინგენტიან სკოლაში მუშაობს. დღეს შუაფხოს საჯარო სკოლაში სულ 13 მოსწავლე სწავლობს. სკოლაში ნესტანის მოსვლის შემდეგ, ბევრი მოსწავლე სწორედ გეოგრაფიას უკავშირებს მომავალ პროფესიას. ამ ვიდეოში ნესტანი სკოლაზე, პროფესიაზე, მოსწავლეებსა და მასწავლებლის ეროვნული ჯილდოს კონკურსზე ჰყვება. ნესტანი ეროვნული ჯილდოს საუკეთესო ათეულის წევრია. კონკურსის გამარჯვებული 5 ოქტომბერს -მასწავლებლის საერთაშორისო დღეს გამოვლინდება.

რუსეთში სამართალდამცავებმა დააკავეს 2014 წელს დონბასის ომში სეპარატისტების ლიდერი იგორ სტრელკოვი (გირკინი). ამის შესახებ იტყობინება RBC, სამართალდამცავი ორგანოების ორ წყაროზე და სტრელკოვის ადვოკატ ალექსანდრ მოლოხოვზე დაყრდნობით. მოგვიანებით ეს ინფორმაცია TASS-ის წყაროებმა დაადასტურეს. გამოცემის ცნობით, სამართალდამცავებმა სტრელკოვი სახლიდან შუადღისას წაიყვანეს. მის ბინაში მოეწყო ჩხრეკა. წინასწარი მონაცემებით, იგი დააკავეს კერძო სამხედრო კომპანია „ვაგნერის“ ყოფილი თანამშრომლის განცხადების საფუძველზე. Читать дальше...

პრორუსული ტელეკომპანია "ალტ-ინფოს" შემოსავალი გასულ, 2022 წელს თითქმის 1 მილიონი ლარი იყო. ამ თანხის 99,8% კი მფლობელის შემოწირულებაა.

რუსეთის პრეზიდენტ ვლადიმირ პუტინს კერძო სამხედრო კომპანია  „ვაგნერის“ აჯანყებიდან ერთი თვის შემდეგ ჯერ კიდევ არ გადაუწყვეტია, როგორ მოექცეს მის დამფუძნებელ ევგენი პრიგოჟინს. ამის შესახებ თქვა აშშ-ის ცენტრალური სადაზვერვო სამმართველოს, CIA-ს, დირექტორმა უილიამ ბერნსმა „ასპენის“ ინსტიტუტში, უსაფრთხოების ფორუმზე. ბერნსის თანახმად, „ვაგნერი“ კრემლისთვის მნიშვნელოვანი გაერთიანებაა, მათ შორის თავისი დაქირავებული ჯარისკაცების ყოფნის გამო აფრიკასა და ახლო აღმოსავლეთში. CIA-ს დირექტორი ვარაუდობს, რომ პუტინი შურისმაძიებელია... Читать дальше...

21 წლის ლაშა ჟღენტი, რომელიც აცხადებს, რომ მასზე თბილისში, გოგებაშვილის ქუჩაზე, პოლიციამ იძალადა, სპეციალურ საგამოძიებო სამსახურში გამოკითხვაზე მივიდა. უწყებამ, რომელიც სამართალდამცველების მხრიდან უფლებამოსილების გადამეტების ფაქტებს იძიებს, გამოძიება ამ საქმეზე მედიაში ინფორმაციის გავრცელების შემდეგ დაიწყო. ლაშა ჟღენტი ძალადობასა და დამამცირებელ მოპყრობაში ადანაშაულებს იმ პოლიციელებს, რომლებმაც ის გასაჩხრეკად ძმასთან ერთად გააჩერეს სახლის სიახლოვეს. „მოინდომეს ზედაპირული გაჩხრეკა და მაგ დროს „ტრუსიც“ გამოწიეს. Читать дальше...

ამ დღეებში აფხაზეთში საზოგადოების ყურადღება ყოფილი პრეზიდენტების ალექსანდრ ანქვაბისა და რაულ ხაჯიმბას გამოსვლებმა მიიპყრო. ისინი იმ თემას შეეხნენ, რომელიც აფხაზებს ახლა ყველაზე მეტად აწუხებთ - აპარტამენტები და აპარტამენტ-სასტუმროები. ბევრმა მიიჩნია, რომ მათ შორის ერთგვარი პოლემიკაც შედგა.

რუსეთში სკოლის მოსწავლეები 1 სექტემბრიდან, სამხედრო მომზადების გაკვეთილებზე, დრონების გამოყენებას ისწავლიან, ასეთ ინიციატივას მხარი რუსეთის თავდაცვის და განათლების სამინისტროებმა დაუჭირეს, განუცხადა "რია ნოვოსტის" რუსეთის ციფრული ეკონომიკის განვითარების საბჭოს თავმჯდომარის მოადგილემ არტემ შეიკინმა. პროგრამით გათვალისწინებულია დრონების „ტიპების, დანიშნულების, ტაქტიკურ-ტექნოლოგიური მახასიათებლებისა და ზოგადად მოწყობილობის, ტერიტორიის სადაზვერვო და მტრის უპილოტო საფრენ აპარატებთან დაპირისპირების მეთოდების შესწავლა“. Читать дальше...

უკრაინის პრეზიდენტმა ვოლოდიმირ ზელენსკიმ თანამდებობიდან დაითხოვა ბრიტანეთში უკრაინის ელჩინ, ვადიმ პრისტაიკო, რომელმაც ცოტა ხნის წინ "არაჯანსაღი სარკაზმი" უწოდა უკრაინის პრეზიდენტის მიერ  დიდი ბრიტანეთის თავდაცვის მინისტრის მისამართით ნათქვამ სიტყვებს. "ჩვენ შეგვიძლია ყოველ დილას გაღვიძების შემდეგ პირადად გადავუხადოთ მინისტრს მადლობა", - განაცხადა ზელენსკიმ ნატოს ვილიუსის სამიტზე. მანამდე ნატოს სამიტის კულისებში ბრიტანეთის თავდაცვის მინისტრმა უკრაინის ხელისუფლებას მოუწოდა, რომ ახალ-ახალი ტიპის... Читать дальше...

პრაღის სასამართლომ დამნაშავედ ცნო ბოროტმოქმედი, რომელიც ბურღის საშუალებით აზიანებდა უკრაინის სანომრე ნიშნებიანი მანქანების საბურავებს. მსჯავრდადებულს მიყენებული ზიანის ასანაზღაურებლად 100 ათასი ჩეხური კრონის (დაახლოებით 4200 ევროს) გადახდა დაეკისრა. პრაღის საერთაშორისო რადიოს ცნობით, მსჯავრდადებულმა პრაღის ორ რაიონში პარკინგზე მდგარი ოცამდე ავტომობილის 35 ბორბალი გახვრიტა. ჩეხეთის პოლიციამ პრაღის მცხოვრები, რომლის ვინაობაც არ მჟღავნდება, გასული წლის სექტემბერში დააკავა დანაშაულის ჩადენის ფაქტზე, ხოლო ბურღი ამოღებულია, როგორც ნივთმტკიცება. Читать дальше...