ქვეყნის აღმოსავლეთში მძაფრი ბრძოლების ფონზე რუსეთმა დრონებით დარტყმა მიაყენა კიევს და უკრაინის სხვა ქალაქებს
12 ივლისს რუსეთმა დარტყმა მიაყენა კიევს და სხვა ქალაქებს „თვითმკვლელი დრონებით“. ასეთივე იერიშები რუსეთის არმიამ განახორციელა წინა დღესაც. უკრაინის აღმოსავლეთში თავდასხმების შედეგად დაიღუპა და დაშავდნენ მშვიდობიანი მოქალაქეები. ამ დროს რუსეთმა განაცხადა, რომ დაქირავებულ მებრძოლთა კერძო დაჯგუფებამ, „ვაგნერმა“ დაასრულა რუსეთის არმიისთვის თავისი იარაღის გადაცემა. ზაპოროჟიეს ოლქის გუბერნატორის, იური მალაშკოს ცნობით, ზაპოროჟიეს საცხოვრებელ უბანზე თავდასხმისას 18 ადამიანი დაშავდა. ამავე ცნობით, მათ შორის ექვსი ბავშვია. Читать дальше...