Новости за 18.11.2020

(Казан, 18 ноябрь, «Татар-информ», « Актаныш »). 17 ноябрьдә Әлфия Авзалова исемендәге Актаныш район мәдәният йортында математика фәне буенча район олимпиадасына нәтиҗә ясадылар. Олимпиадада 4-11 сыйныфларда белем алучы 222 укучы катнашты. Бу хакта район газетасы яза. Бу чарада район башкарма комитет җитәкчесенең социаль мәсъәләләр буенча урынбасары Ләйсән Нурлыева   катнашты. Ул олимпиадада катнашкан укучыларга рәхмәтен җиткерде һәм дипломнар тапшырды, диелә хәбәрдә.

(Казан, 18 ноябрь, «Татар-информ», « Безнең Чирмешән », Кадыйр Гомәров). Чирмешән мәчетендә балалар үзәге ачылды. Бинадагы бер бүлмәне иганәчеләр ярдәме белән ремонтлап, дәресләр үткәрү өчен уңайлы шартлар булдырганнар. Түбә, стена, электр челтәрләре яңартылган, идәнне җылытыла торган иткәннәр, яңа палас җәйгәннәр. Бу хакта район газетасы хәбәр итә. «Ремонт 160 мең сумга төште, шуның 70 меңен безгә исеме дә билгесез бер игелекле ир-ат бирде, аңа җиһазлар алдык. Гомумән, мәчеткә хәйрия акчалары җибәрүчеләргә... Читать дальше...

(Казан, 18 ноябрь, «Татар-информ»). Татарстан Республикасы Авыл хуҗалыгы һәм азык-төлек министрлыгы «Россия тәмнәре» төбәк брендларының беренче илкүләм конкурсына «Колмаклы Мамадыш икмәге» н тәкъдим итте. «Колмаклы Мамадыш икмәге» төрле яшьтәге кулланучылар өчен туклыклы продукт булып санала, ул кешегә көч-куәт өсти, эчәклекләрне чистарта һәм аларның эшләвен җайга сала. Бу турыда министрлыкның мабугат хезмәте хәбәр итә. «Башка өлкәләрдәге хезмәттәшләремнең колмак әчеткесе куллану тәҗрибәсен өйрәнгәннән соң... Читать дальше...

(Казан, 18 ноябрь, «Татар-информ», «Идел» ). Мин кечкенәдән спортка гашыйк, үземне бик күп спорт төрләрендә сынап карадым. Ләкин иң күңелгә ятканы — хоккей булды, әлеге спорт төре белән бишенче сыйныфтан бирле шөгыльләнәм. Нәкъ менә бозда, кара алка белән уйный торган хоккейга кайдан килеп эләктем соң мин? Сезгә шул хакта күбрәк сөйлисем килә. Безнең белешмә:  Алисә Радик кызы Мәҗитова Саба районы Сәрдә авылында туган. Хәзерге көндә дә шунда яши. 2018 елда Арча педагогия көллиятен тәмамлый, Казанда... Читать дальше...

(Казан, 18 ноябрь, «Татар-информ»). Татарстанда тагын бер кеше коронавирустан үлде. Шулай итеп республикада яңа инфекция корбаннары саны 124 кеше булды. Бу турыда Татарстан Сәламәтлек саклау министрлыгының матбугат хезмәте хәбәр итте. 1961 елда туган ир-атны пневмония һәм Covid-19 диагнозы белән хастаханәгә салганнар. Аның йөрәк-кан тамырлары авырулары да булган. «Үлем сәбәбе патологоанатомик экспертиза белән расланды. Вирус идентификацияләнде», диелә хәбәрдә. Соңгы тәүлектә Татарстанда коронавирусның 62 яңа очрагы теркәлде.

(Казан, 18 ноябрь, «Татар-информ»). 28 ноябрьдә Казанда «Хатын-кызлар аралашу клубы»ның чираттагы очрашуы була. «Игелекле эшләр көне» хәйрия фондында әңгәмә «Үзең өчен вакыт» темасына багышланачак. Бу турыда Казан мэриясенең матбугат хезмәте хәбәр итте. Клубның очрашуларында хатын-кызлар шәхси үсеш, бала тәрбияләү, гаиләдә һәм эштә конфликтларны хәл итү ысулларын өйрәнә, гамәли күнегүләр башкара, арт-терапия белән шөгыльләнә. Клуб белән җитәкчелек итүне һәм очрашуларны оештыруны югары категорияле психолог... Читать дальше...

(Казан, 18 ноябрь, «Татар-информ»). 15 ноябрьдә Тольятти шәһәрендә балалар өчен түбәтәй ясау буенча мастер-класс булган. Түбәтәйне катыргы һәм төсле кәгазьдән ясаганнар. Бу хакта Самара татарлары сайты хәбәр итә. Әлеге чараны Татар мәдәнияте көннәре кысаларында Тольятти шәһәре татарларының милли-мәдәни автономиясе оештырган. Балалар үз куллары белән татар түбәтәйләре ясаган, шулай ук кызыклы дәрескә өлкәннәр дә кушылган, диелә хәбәрдә.

(Казан, 18 ноябрь, «Татар-информ», Полина Шевчук). Татарстанда чит ил машинасы юл читенә очып төшкәннән соң, аның йөртүчесе авария урыныннан качып киткән. Бу хакта «Татар-информ» га юл һәлакәтенең шаһитлары хәбәр итте. Алар сүзләренчә, авария бүген көндезге өченче яртыда Яшел Үзән районында Олы Хуҗаш авылы янында булган. Зур тизлектә килә торган «ДЭУ» җиңел машинасы юл читенә төшкән. Йөртүче машинасын юлга чыгаруны кирәк тапмаган һәм авария урынын ташлап киткән.

(Казан, 18 ноябрь, «Татар-информ», Дарья Сивакова). Иртәгә, 19 ноябрьдә, Татарстанда салкын һава торышы сакланачак. Бу хакта республиканың Гидрометеорология үзәге хәбәр итә. Республиада алмашынучан-болытлы һава торышы була. Төнлә явым-төшемнәрсез, көндез урыны белән кар ява. Төнлә һава температурасы -10.. -15, аязганда -17.. -22 градуска кадәр төшә. Көндез -2, -7 градус салкын булыр дип көтелә. Юлларда урыны белән бозлавык хасил була.

(Казан, 18 ноябрь, «Татар-информ», Надежда Гордеева). Татарстан Дәүләт Советында дәүләт бүләкләре тапшырылган кешеләр иң күп яши торган шәһәрләрне һәм районнарны атадылар. Мәгълүматларны ТР Президенты Аппаратының дәүләт бүләкләре бүлеге мөдире Илсөя Тимергалиева ТР Дәүләт Советының Дәүләт төзелеше һәм җирле үзидарә комитеты утырышында әйтте. «Республика районнарында һәм шәһәрләрендә тулаем алганда узган еллардагы тенденция саклана. Бүләкләнүчеләрнең иң күбе — Казанда (854 кеше), Чаллыда (125 кеше)... Читать дальше...

(Казан, 18 ноябрь, «Татар-информ»). «Литрес» сервисында Фатыйх Зюзин һәм Рәшит Алюшевның «Пенза өлкәсе татарлары тарихы» китабының беренче томы чыкты. Бу хакта Бөтендөнья татар конгрессы сайты хәбәр итә. Пенза татарлары тарихына багышланган бу китап борынгы чорларны һәм бүгенге көнне үз эченә ала. «Бу басмада укучы тарихи вакыйгалар турында бик күп кызыклы фактлар таба, Алтын Урда чорында Кыргый басуда нигез салынганнан бирле Пенза өлкәсенең үсеше белән таныша ала», диелә бу хәбәрдә. Китап 850 биттән һәм 275 рәсемнән тора.

(Казан, 18 ноябрь, «Татар-информ»). Башкортстан Башлыгы хакимияте җитәкчесе Александр Сидякин республиканың Биатлон һәм чаңгы ярышлары федерациясенең попечительләр советы рәисе итеп сайланды. Иҗтимагый оешма җыелышының чираттан тыш утырышы онлайн-форматта узды. Бу хакта «Башинформ» хәбәр итә. «Безгә күп нәрсәләрне эшләргә туры киләчәк, зур максатлар һәм бурычлар куярга кирәк дип саныйм. Без 2022 елда Пекинда узачак Кышкы Олимпия уеннары алдыннан әлеге олимпия спорты төрләрен үстерү буенча төп бурычларны хәл итәргә тиеш. Читать дальше...

(Казан, 18 ноябрь, «Татар-информ», Надежда Гордеева). Татарстан Дәүләт Советының дәүләт төзелеше һәм җирле үзидарә буенча комитеты Татарстанның Сайлау кодексына һәм аерым закон актларына үзгәрешләр кертә торган закон проектын хуплады. Закон проекты сайлауларда һәм референдумнарда тавыш бирүне берничә көн уздыруны (өч көннән дә күбрәк түгел) күздә тота. Татарстан Үзәк сайлау комиссиясе рәисе Андрей Кондратьев сүзләренчә, республика законы федераль законга туры китерү өчен эшләнелгән. Документта Сайлау кодексына яңа маддә өстәү тәкъдим ителә. Читать дальше...

(Казан, 18 ноябрь, «Татар-информ», Эвелина Киселёва). Яңа коронавирус инфекциясен дәвалау схемасындагы барлык препаратларны да (парацетамолдан кала) Татарстан халкына бушлай бирәчәкләр. Бу хакта «Татар-информ» хәбәрчесенә республиканың сәламәтлек саклау министры урынбасары Фәридә Яркәева сөйләде. «Без парацетамол сатып алмадык, ләкин ул схемада бар. Чөнки һәркемнең дә өендә парацетамол бар дияргә була. Һәм бөтен кешедә дә бизгәк булмый, кемдер 38 градуска кадәр температура белән генә авырый, андыйлар бик күп», — диде министр урынбасары. Читать дальше...

(Казан, 18 ноябрь, «Татар-информ»). Мордовия Башлыгы Владимир Волков отставкага китү сәбәпле, Россия Президенты Владимир Путин төбәк җитәкчесе вазифаларын вакытлыча башкаручы итеп Артем Здуновны билгеләде. Бу турыда Кремль сайтында хәбәр ителә. Мордовия Республикасы Башлыгы Владимир Волковның үз теләге белән отставкасын кабул итәргә. Мордовия Республикасы Башлыгына сайланган зат вазифага керешкәнче, Артем Здуновны Мордовия Республикасы Башлыгы вазифаларын вакытлыча башкаручы итеп билгеләргә, диелә хәбәрдә. Читать дальше...

(Казан, 18 ноябрь, «Татар-информ», Наталья Рыбакова). Беренчел мәгълүматлар буенча, быел Казанда кышның икенче яртысы җылы булачак. Бу хакта бүген «Татар-информ» да узган матбугат конференциясендә профессор, география фәннәре докторы, КФУның метеорология, климатология һәм атмосфера экологиясе кафедрасы мөдире Юрий Переведенцев әйтте. «Казанда декабрь аенда температура нормада булыр дип көтелә, ягъни 8-9 градус салкын булачак. Әмма декабрь иң салкын ай булып саналмый һәм Төньяк Атлантика циклоннары... Читать дальше...

(Казан, 18 ноябрь, «Татар-информ»). Бүген Яшел Үзәндә ел әйләнәсе спорт белән шөгыльләнү өчен футбол манежы ачылды. Тантанада Татарстанның спорт министры Владимир Леонов, Татарстанның Футбол федерациясе президенты Александр Гусев, шәһәр предприятиеләре башлыклары катнашты. Яшел Үзән мэры Михаил Афанасьев сәламләү сүзендә яшь футболчыларны, аларның тренерларын һәм барлык шәһәр халкын әлеге истәлекле вакыйга белән котлады һәм монда күренекле футболчылар үсеп чыгар дигән ышаныч белдерде. «Республика җитәкчелегенә... Читать дальше...

(Казан, 18 ноябрь, «Татар-информ»). Татарстанның Санкт-Петербург шәһәре һәм Ленинград өлкәсендәге даими вәкиле Ренат Вәлиуллин Санкт-Петербургның танылган иҗат әһелләре, сынчы Әхнәф Зиякаев һәм төбәк тарихчысы Альмира Таһирҗанова белән очрашты. Алар Төньяк башкалада шагыйрь Габдулла Тукайга һәм фәлсәфәче, дин белгече Муса Бигиевка һәйкәл кую турында фикер алыштылар. Бу хакта вәкиллекнең матбугат хезмәте хәбәр итә.   Очрашуда Әхнәф Зиякаев үзенең яңа эшләре турында сөйләде һәм «Муса Бигиев һәм Тукай»... Читать дальше...

(Казан, 18 ноябрь, «Татар-информ», Рузилә Мөхәммәтова). Кичә Татарстан Язучылар берлеге рәисе Данил Салихов Россия Язучылар берлеге рәисе Николай Иванов белән очрашкан. Россия Язучылар берлеге киләсе елда Татарстан Язучылар берлеге илкүләм язучылар берлеге составына керер дип күзаллый. Бу хакта Россия Язучылар берлегенең рәсми сайтында хәбәр ителә. «Билгеле булганча, федерациянең Татарстаннан кала барлык субъектларында Россия Язучылар берлегенең региональ оешмалары бар. СССР Язучылар берлеге таркалгач... Читать дальше...

(Казан, 18 ноябрь, «Татар-информ», Эвелина Киселева). Татарстанда коронавирус инфекциясеннән амбулатор шартларда дәваланаучы пациентларга билгеләнә торган 12 төрле препарат бушлай биреләчәк. Бу хакта Татарстан сәламәтлек саклау министры урынбасары Фәридә Яркәева сөйләде. «Бүлеп бирелгән 146 миллион сумның 132 миллионына дарулар сатып алынды. Без килешү төзегән 12 төрле даруның унысы кайтарылды», — диде министр урынбасары. Фәридә Яркәева сүзләренчә, якын арада «Интерферон» һәм «Левофлоксацин» даруларына килешү төзеләчәк. Читать дальше...

(Казан, 18 ноябрь, «Татар-информ»). Кичә, 17 ноябрьдә, Казанда танылган этнограф Рәмзия Мөхәммәтова вафат булган. Аңа 97 яшь иде. Бу турыда ТНВ каналы журналист Марат Сәфәровка сылтама белән хәбәр итте. Марат Сәфәров Россиядә этнология фәненең татар тармагына нигез салучы галимә вафаты турында социаль челтәрләрдә язган. «Казаннан күңелсез хәбәр килде. Рәмзия Мөхәммәтова татар халкы этнографиясе буенча хезмәтләр авторы, алар күптән классикага әверелде инде. Мин аның белән таныш идем, аның кунакчыл өендә дә булганым бар. Читать дальше...

(Казан, 18 ноябрь, «Татар-информ»). Татарстан Covid-19 коронавирусы белән авыручылар саны арту түбән булган төбәкләр арасында кала. Бу хакта стопкоронавирус.рф сайты хәбәр итә. «Бер тәүлектә иң түбән үсеш булган субъектлар: Калмыкия Республикасы, Татарстан Республикасы — 0,7 процент», — диелә инфекция белән көрәш буенча федераль оператив штаб хәбәрендә. Авыручылар саны Ханты-Мансийск автоном округында һәм Дагыстанда әкрен үсә — көненә 0,6 процент. Авыру очраклары Мәскәүдә, Ямал-Ненец автоном округында... Читать дальше...

(Казан, 18 ноябрь, «Татар-информ», Эвелина Киселева). Яңа коронавирус инфекциясенә каршы бушлай препаратларны алу схемасында поликлиника, табиб, даруханәләр һәм волонтерлар катнаша. Бу хакта Татарстанның сәламәтлек саклау министры урынбасары Фәридә Яркәева сөйләде. Поликлиникада пациентның мөрәҗәгатен кабул итәләр һәм аны табибка тапшыралар, авыруны регистратурада махсус регистрга кертәләр. Табиб исә, үз чиратында авыруның өенә бара, ул яңа коронавирус инфекциясенә каршы даруларның даруханәләрдә... Читать дальше...

(Казан, 18 ноябрь, «Татар-информ»). Татарстанда балалар бакчаларында һәм мәктәпләрдә Яңа ел бәйрәмнәре уздырылачак. Бу хакта республиканың Мәгариф һәм фән министрлыгы хәбәр итә. Ведомствода әйтүләренчә, балалар бакчаларында һәм мәктәпләрдә массакүләм чаралар тыелган, әмма бу «балаларның көтеп алган чыршы бәйрәмнәре булмаячак дигән сүз түгел». «Бәйрәмнәрне Роспотребнадзор таләпләрен катгый үтәп уздыру планлаштырыла. Чаралар бакчаларда төркемнәр, ә мәктәпләрдә класслар һәм параллельләр буенча үтәчәк», — диделәр министрлыкта. Читать дальше...

(Казан, 18 ноябрь, «Татар-информ» Зилә Мөбәрәкшина). Түбән Новгород өлкәсенең Татар милли-мәдәни автономиясе башкарма комитеты өченче тапкыр «Нигеземә кайтып барам» проектын оештыра. Бәйгедә өлкәдә яшәүче татарлар җыелып яшәгән районнардагы мәктәп укучылары катнаша ала. Бу хакта «Татар-информ» хәбәрчесенә автономиянең офис-менеджеры Динара Хәлилова сөйләде. «Проект Түбән Новгород өлкәсе Хөкүмәте ярдәмендә тормышка ашырыла. Бәйге түбәндәге номинацияләр буенча уздырыла: татар халык әкиятләре, Сабантуй мизгелләре... Читать дальше...