د پاکستان پر وړاندې د افغانستان د کرکټ ملي لوبډلې تر بریا وروسته د افغانستان په بېلابېلو ولایتونو کې د کرکټ مینهوال لارو کوڅو ته راووتل او په نڅاوو، اورلوبو او هوايي ډزو سره یې دا بریا ونمانځله. افغان لوبډلې د کرکټ نړیوال جام روانو سیالیو کې په لومړۍ ځل پاکستان ته ماتې ورکړه. نور په ویډیو کې:
د ژمي له پیلېدو سره سم د وچې مېوې بازار تود شي، خو دا ځل د ژمي په شان دغه بازار هم سوړ دی او د دوکانونو شمېر هم د پخوانیو کلونو په شان نه دی. دا چې بازار ولې سوړ شوی او د دوکانونو د تل لپاره د تړل کېدو لاملونه څه دي؟ تفصيل يې په رپورټ کې وګورئ
د ازادي راډيويي مجلې په دې خپرونه کې اورئ چې لنډه کیسه څرنګه نقد کړو؟ په دې خپرونه کې شعرونه درته وړاندې کېږي او د وزیرستان له یوه هنرمند سره اشنا کېږئ چې نن سبا په متحده عرب اماراتو کې ژوند کوي. د ازادي راډیویي مجلې دا پروګرام چې احمدشيبر چمتو کړی، د لاندې لېنک په کېکاږلو يې اورېدلی شئ:
واشنګټن پوسټ: د امریکا د څار یوه اداره وایي، طالبان د درغلو موسسو په وسیله له نړیوالو مرستو ګټه اخلي، دا د واشنګټن پوسټ ورځپاڼې د یوې مقالې سرلیک دی. مقاله کې د افغانستان د بیا رغونې لپاره د امریکا د ځانګړي سرپلټونکي د ادارې یا سیګار په حواله راغلي چې طالبانو واک ته له رسېدو وروسته پر کورنیو او نړیوالو موسسو کنټرول ډېر کړی دی. مقاله کې وړاندې راغلي چې طالبانو د موسسو ښځینه کارکوونکې له دندو ګوښه کړي او په تعلیمي سکتور کې یې د بهرنیو بنسټونو لاسونه لنډ کړي دي. وړاندې د سیګار په حواله لیکل... Читать дальше...
د پاکستان په وړاندې د افغانستان د کرکټ د ملي لوبډلې بریا ګڼ غبرګونونه پارولي دي. د افغانستان یو شمېر پخوانیو سیاستوالو له هغې ډلې محمد اشرف غني او حامدکرزي د پاکستان پر وړاندې بریا تاریخي بللې او د دغه لوبډلې د راتلونکو لوبو د بریا هیله یې کړې ده. د طالبانو د حکومت مشرتابه هم د ارګ په ایکسپاڼه د مبارکۍ تر څنګ لیکلي چې دې لوبې وښوده افغان ځوانان په هر ډګر کې وړتیاوې لري او بریا خپلولی شي. د کرکټ نړۍ پېژندل شوي پخواني لوبغاړي سچن ټنډولکر لیکلي چې په روان جام کې د افغانستان لوبې فوق العاده دي. Читать дальше...
یونېسف یا د ملګرو ملتونو د ماشومانو وجهي صندوق وايي چې ۸۰ ټنه طبي وسایل او درمل یې ترلاسه کړي او ژر به په هرات کې د وروستیو زلزلو له امله زیانمنو شویو ۴۳ زره کورنیو ته ورسول شي. تر دې وړاندې هم مرستندويه ادارو او څو هېوادونو هرات ته مرستې لېږلې او متحده عربي اماراتو هلته يو ګرځنده روغتون پرانيست. په هرات کې د تېرو دوو اوونيو د زلزلو له امله د ملګرو ملتونو د راپورونو په اساس لږ تر لږه ١٥٠٠ تنه وژل شوي او څه دپاسه دوه زره تنه نور ټپيان شوي دي. بل خوا د خوړو نړیوال پروګرام وايي چې د زلزلې ۹۰ سلنه... Читать дальше...
د روسیې یوې محکمې د ازادې اروپا/ازادي راډيو د خبریالې آلسو کورماشییوا د توقیف موده د ډسمبر تر پنځمې وغځوله. هغه څو اوونۍ مخکې په دې تور نیول شوې وه چې ولې یې د بهرنۍ اجنټې په توګه ځان نه دی راجستر کړی. آلسو کورماشییوا چې په پراګ کې د ازادې اروپا راډیو په مرکزي دفتر کې کار کوي د امریکا پاسپورټ لري او د خپلې کورنۍ د لیدلو لپاره د روسیې تاتارستان ته تللې وه چې په بېرته راستنېدو د جون په دویمه په هوايي ډګر کې نیول شوې وه. د آلسو مدافع وکیل ایدګر متیووسیان ویلي چې قاضي په خپله پرېکړه کې ډېر زیاتی وکړ، خو دی یې په وړاندې د استېناف غوښتنه کوي. Читать дальше...
د ترکیې ولسمشر رجب طیب اردوغان په ناټو کې د سویډن د غړیتوب د منظورۍ پروتوکول د هغه هېواد پارلمان ته وړاندې کړ. دا اقدام په ناټو کې د سویډن د یوځای کېدو په لور یو مهم ګام بلل کېږي. انقرې په دې تړون کې د سویډن د غړیتوب تصویب ځکه ځنډولی چې وايي، سټاکهولم د کرد ملېشو ډلو په اړه چې انقره یې ترهګر ګڼي، ډېر نرم دی. په ناټو کې د سویډن غړیتوب باید د دې اتحاد د ټولو ۳۱ غړو له خوا تصویب شي. ترکیه او هنګري د ناټو یوازېني دوه غړي هېوادونه دي چې تر اوسه یې دا کار نه دی کړی. د دې پروتوکول په اړه د پارلماني رایګیري موده لا نه ده ټاکل شوې.
د افغانستان د بیارغونې لپاره د امریکا د سرمفتش دفتر یا سیګار خبرداری ورکوي چې طالبان د جعلي غیردولتي موسسو له لارې له نړیوالو مرستو ګټه پورته کوي. د افغانستان د بیارغونې لپاره د امریکا د مرستو پر سر د څار ادارې سیګار راپور موندلې چې طالبان د امریکا لخوا پر تمویل شویو روزنیزو پروګرامونو د مالیو په لګولو او له هغه بدتره میتودونو د ځان په ګټه کار اخیستی لکه د جعلي غیردولتي موسسو جوړولو او اخاذۍ یا شوکو له لارې. سیګار په دې ترتیب خبرداری ورکړی چې طالبان له نړیوالو نغدي مرستو ګټه پورته کړې ده. د... Читать дальше...
د غزې چارواکو اعلان کړی چې د اسراییلو په هوایي بریدونو کې د وژل شویو خلکو شمېر له ۵زرو تنو اوښتی دی. د حماس تر کنـټرول لاندې غزې د روغتیا وزارت دوشنبه ناوخته اعلان وکړ چې د اسراییلو او حماس ترمنځ د روانې جګړې له پیل راهیسې د اسراییلو په هوايي بریدونو کې لږ تر لږه ۵۰۸۷ فلسطینیان وژل شوي دي. د دغه راپور له مخې په دغو قربانیانو کې ۲۰۵۵ تنه ماشومان شامل دي او لږ تر لږه ۱۵۳۰۰ تنه کسان ټپیان شوي هم دي. ازادي راډیو په خپلواکه توګه د مرګژوبلو اعلان شوې شمېرې نه شي تاییدولی. د غزې روغتیا وزارت راپور... Читать дальше...
