Новости за 05.11.2021

د افغانستان په جنوبي ولایت ارزګان کې د (inl) په نوم د یوې غیري دولتي مؤسسي له‌خوا په لومړي ځل د معتادینو لپاره ۲۰ بستریز روغتون جوړ شو. د دې روغتون مشر ډاکتر قدرت‌الله محمدي وايي چې دوی په وړیا ډول د معتادینو درملنه کوي. ډاکتر محمدي زیاتوي: "په دې روغتون کې به یو معتاد ۴۵ ورځې بستري کېږي، له هغه وروسته به يو کال هغه په خپل کور کې زموږ له‌خوا تر څارنې لاندې وي. تر اوسه زموږ روغتون ۲۰ بستريز دی، که مو د درملنې پروسه بریالۍ شوه او د خلکو غوښتنې زياتې وي، په هغه صورت کې به دا روغتون ۰ ۷ بستريز کړو... Читать дальше...

په روسیه کې په کرونا ویروس د مړو شمېر پرون ۱،۱۹۲ ته ورسېد.   په دغه هېواد کې په کرونا ویروس د خلکو د اخته کېدو پېښې خورا زیاتې شوي او له تېرو څو ورځو یې د دغه هېواد ۱۰ ساحو کې وضعیت ډېر ناوړه بلل شوی دی. د کرونا ویروس په وړاندې د حکومت له‌خوا ګمارل شوې ډلې نن راپور ورکړ چې په تېرو ۲۴ ساعتونو کې په کرونا ویروس د خلکو د اخته کېدو ۴۰ زره ۷۳۵ نوې پېښې ثبت شوې دي.  که څه هم په روسیه کې په ملي سطحه کارځایونه تړل شوي، خو دا درېیمه ورځ ده چې په دغه هېواد کې په ورځني ډول په کرونا ویروس د خلکو د اخته کېدو څه باندې ۴۰،۰۰۰ پېښې ثبتېږي. Читать дальше...

د افغانستان د بیارغونې د څار امریکايي بنسټ (سيګار) اداره وايي چې طالبان د کوکنارو د کښت او نشه‌يي موادو د توليد بندولو توان نه‌لري. سيګار د افغانستان د وضعيت په اړه په خپل تازه راپور کې ليکلي چې د روان ميلادي کال د اګسټ مياشتې له ۱۵مې نېټې څخه بيا تر اوسه پورې په افغانستان کې له نشه‌يي موادو سره د مبارزې د وضعيت په اړه هېڅ يوې کورنۍ او بهرنۍ ادارې کوم راپور نه‌دی خپور کړی. سيګار ويلي چې په افغانستان کې له نشه‌يي موادو سره د مبارزې په برخه کې امريکايي ادارو خپل ټول فعاليتونه بند کړي دي. دا اداره... Читать дальше...

په افغانستان کې د ښځو د نه‌فعالیت او د هغوی د هدفي وژنو په اړه اندېښنې مخ په زیاتېدو دي، خو د دې اندېښنو سره سره د ملګرو ملتونو د بشري چارو د همغږۍ دفتر (اوچا) د افغانستان په اکثره ولایتونو کې د بشري مرستو په چارو کې د ښځو د ونډې زیاتولو ته خوشبین ښکاري. دا اداره وايي چې دوی د افغانستان په ۱۴ ولایتونو کې د بشري فعالیتونو په برخه کې د ښځو په پوره ونډه اخیستو بریالي شوي او له سیمه‌ییزو طالب چارواکو سره د هوکړې له مخې د هغو ښځو شمېر زیات شوی چې د بشري مرستو د رسولو په برخه کې کار کوي. د اوچا د راپور... Читать дальше...

په کابل کې د فوټبال «امن جام» سیالۍ نن پیل شوې، د دغو مسابقو په لومړۍ ورځ شاهین اسمايي په درېیو ګولونو سره د اباسین څپې لوبډلې ته ماتې ورکړه.  د دغه فدراسیون مشر یوسف کارګر ازادي راډیو ته وویل چې د ۱۰ ورځو لپاره ۶ لوبډلې سیالي کوي. ښاغلی کارګر زیاتوي: "دغه مسابقې د میوند اتلانو، توفان هریرود، شاهین اسمايي، عقابان هندوکش، سیمرغ البرز او د اباسین څپې لوبډلو ترمنځ کېږي." په بله لوبه کې چې سبا به ترسره کېږي سیمرغ البرز او د میوند اتلان سره مخامخېږي. دا سیالۍ ټولې د فوټبال فدراسیون په لوبغالي کې ترسره کېږي. Читать дальше...

فرانسه وايي که ایران په اټمي موضوعاتو کې همکاري ونه‌کړي، له خپلو شریکانو سره به د تهران په وړاندې ډیپلوماتیک اقدام وکړي. ښکېلو خواوو ویلي چې پر دې موضوع به د روانې میاشتې په وروستیو کې د دوی خبرې دوام کوي. فرانسې پرون وویل، له خپلو شریکانو سره پر دې سلا کوي چې د اټمي انرژۍ له نړیوالې ادارې سره د ایران له‌خوا د نه‌همکارۍ په تړاو څنګه اقدام وکړي. د فرانسې د بهرنیو چارو وزارت ویاندې ان کلر لژاندر خبریالانو ته وویل: "له خپلو شریکانو سره پر دې کار کوو چې ایران د خپلو تعهداتو پر ځای کول یقیني کړي."... Читать дальше...

د اسټرالیا د کرکټ چارواکو نن تأیید کړې تر څو چې په افغانستان کې وضعیت نه‌وي معلوم له افغان لوبډلې سره یوازنۍ پلان شوې ټسټ لوبه ځنډوي. د دې پرېکړې لوی علت په افغانستان کې د طالبانو بیا واکمنېدل او ورسره راغلي تحولات یادېږي. اسټرالیا ویلي چې د یادې لوبې د ځنډېدو بل علت دا دی چې په افغانستان کې د نجونو پر ورزشي فعالیتونو بندیز لګول شوی دی. د اسټرالیا د کرکټ چارواکو دا هم ویلي که په افغانستان کې ښځینه کرکټرانو ته د لوبې او ورزش اجازه ورنه‌کړل شي، دا لوبه به همداسې وځنډوي. د اسټرالیا د کرکټ ادارې په اعلامیه کې راغلي... Читать дальше...

د افغانستان د مېوو د صادراتو فصل او په وړاندي یې د پاکستان ستونزي. باغ لرونکې او سوداګر وايي له دو اوونیو زیات د سپین بولدک- چمن ترمنځ د لاري تړل کېدو د دوی پر انار زیات منفي تاثیر وکړ. نور جزیات په دې راپور کې...

کابل کې د پاسپورټ عمومي ریاست مخ ته هره ورځ پر لیکه زرګونه افغانان ولاړ وي. د دغو خلکو ځینې لیکې منظمې او ځینې غیر منظمې دي. ناروغان، ښځې، ماشومان، سپین ږیري او ځوانان، ټول هڅه کوي چې ژر ننوځي او د پاسپورټ اخیستلو پروسه‌يې پیل شي، خو ښايي دومره ژر ممکن ځکه نه‌وي چې ګڼه ګوڼه خورا زیاته ده. طالب وسله‌وال د خلکو د منظمولو هڅه کوي، خو کله کله‌يې له توانه پورته شي. مسؤلین وايي که د پاسپورټ غوښتونکي د خپل نوبت پر بنسټ مراجعه وکړي ښايي په پروسه کې ستونزې کمې شي. د پاسپورټ سرپرست رئیس عالم ګل حقاني... Читать дальше...

پر افغانستان د طالبانو تر واکمنېدو وروسته د افغان مېرمنو د وروستي وضعیت په اړه د متحده ایالاتو د ښځینه سناتورانو لومړنۍ ډله‌ییزه عدالت غوښتنه. امریکایي ښځینه سناتورانو له ولسمشر جو بایډن غوښتي چې د افغان ښځو د حقونو لپاره دې پر طالبانو فشار راوړي. د امریکا د کانګرس د دواړو ګوندونو شااوخوا ۲۵ ښځینه مطرحو سناتورانو د پنجشنبې په ورځ د یو ګډ لیک په لیکلو له ولسمشر جو بایډن غوښتي چې د افغان ښځو او نجونو د وروستي ناسم وضعیت لپاره دې یو پلان جوړ کړي چې له مخې یې د دغو افغان ښځو ستونزو ته رسېدنه وشي. Читать дальше...

اسټرالیا له افغانستان سره د نومبر په وروستیو کې یوازنۍ ټسټ لوبه وځنډوله.  د اسټرالیا د کرکټ چارواکو نن تأیید کړې تر څو چې په افغانستان کې وضعیت نه‌وي معلوم له افغان لوبډلې سره یوازنۍ پلان شوې ټسټ لوبه ځنډوي.  د دې پرېکړې لوی علت پر افغانستان د طالبانو بیا واکمنېدل او ورسره راغلي تحولات یادېږي.   د اسټرالیا د کرکټ ادارې په اعلامیه کې راغلي چې "په افغانستان او نړۍ کې د ښځینه‌وو او نارینه‌وو د کرکټ د ودې لپاره ژمن یو، خو په افغانستان کې روان ناڅرګند حالت ته په کتو تر هغو چې وضعیت نه‌وي معلوم لوبه ځنډوو". Читать дальше...

د سوډان پوځي مشرانو د ملګرو ملتونو له عمومي منشي سره تر ټیلیفوني خبرو وروسته د هغو څلورو وزیرانو د خوشې کولو امر ورکړ چې تېره اوونۍ نیول شوي وو.  د سوډان پوځي مشر جنرال عبدالفتاح البرهان او د ملګرو ملتونو عمومي منشي انتونیو ګوترش پرون سره غږېدلي.  په دې تړاو په یوې خپرې شوې اعلامیه کې راغلي چې تمه ده د سوډان د مخابراتو، سوداګرۍ، اطلاعاتو او ځوانانو او سپورټ وزیران خوشې کېږي.  په سوډان کې د یوې پوځي کودتا له لارې ملکي رهبري بې‌واکه شوی او چارې د پوځیانو له‌خوا سمبالېږي چې په راس کې یې دفاع وزیر جنرال عبدالفتاح البرهان دی. Читать дальше...

د تېلو لویو تولیدوونکو هېوادونو، اوپک سازمان موافقه کړې چې د ډېر تولید لپاره د واشنګټن له فشار سربېره به لږ تولید ته دوام ورکړي.  واشنګټن په دې سازمان فشار راوړی چې زیات تېل تولید کړي څو بیې یې لوړې لاړې نه‌شي.  د اوپک ۱۳ غړو هېوادونو او ۱۰ شریکانو یې پرون هغه پرېکړه تأیید کړه چې په جولای کې نیول شوې او له مخې یې د تېلو د تولید د تدریجي زیاتوالي په سر سلا شوې وه.  د سعودي عربستان او روسیې په مشرۍ اوپک سازمان ویلي چې په ورځ کې د څلورو لکو بېرلو تېلو تولید ته به دوام ورکوي. دلیل‌یې دا راوړی چې... Читать дальше...

په یو شمېر اروپايي هېوادونو کې د کرونا د مثبتو پېښو بیا زیاتوالي د روغتیا نړیوال سازمان اندېښمن کړی. له څو اوونیو د کرونا یوه بله چټک خپرېدونکې بڼه په ځينو هېوادونو کې کشف شوې چې ورسره د کرونا د مثبتو پېښو ورځنی شمېر زیات شوی. دا خبره د روغتیا نړیوال سازمان د اروپا څانګې مشر هنس کلو (Hans Kluge) پرون یوه مطبوعاتي کنفرانس ته وکړه. ده وویل: "د اروپا د ساحې په ۵۳ هېوادونو کې د کرونا د خپرېدو اوسنی سرعت د زیاتې اندېښنې وړ دی. د «کووېډ-۱۹» پېښې یو وار بیا د ریکارډ تر کچې رسېږي. چټک خپرېدونکې دېلتا... Читать дальше...

په کابل کې یو شمېر ښځینه فعالانو ملګرو ملتونو ته یو لیک استولی او له دوی یې غوښتي چې په افغانستان کې د ښځو او نجونو د حقونو د سرغړونې په اړه چوپه خوله پاتې نه‌شي. یوې فعالې وحیدې امیري ازادي راډیو ته وویل چې دغه لیک د پنجشنبې په ورځ په افغانستان کې د ملګرو ملتونو مرستندویه پلاوي (یوناما) ته سپارل شوی دی. هغې زیاته کړه: "ښځې هم بشر دي او ملګري ملتونه باید د نجونو زده‌کړو ته پام وکړي، دا باید بې‌تفاوته نه‌وي. په هغه لیک کې موږ د افغانستان د ټولو دردونو که هغه سیاسي، اقتصادي او کلتوري وي یادونه... Читать дальше...

فوزیه کوفي د پټ ټېلمن (PAT TILLMAN) بنسټ له‌خوا د اتلولۍ اوارډ ګټلی دی. دغه امریکايي بنسټ په دې تړاو بېګا په خپله اعلامیه کې ویلي چې فوزیه کوفي ته د سولې او د ښځو د حقونو د دفاع په برخه کې د هغې د فعالیتونو لپاره دا جایزه ورکړل شوې ده. فوزیه کوفي د افغانستان د سولې د مرکچي ټيم غړې وه چې څو میاشتې یې د دولت په استازیتوب له طالبانو سره ناستې وکړې. کوفي د طالبانو له راتګ لږ وروسته له افغانستان ووتله. پټ ټېلمن بنسټ چې د امریکا د متقاعدو پوځیانو د درنښت لپاره غونډې نیسي، دا وار یې د پنجشنبې په... Читать дальше...

په بامیان ولایت کې د طالبانو په خپلمنځي نښته کې درې کسان ټپیان شوي دي. سیمه‌ییزو رسنیو راپور ورکړی چې په بامیانو کې د طالبانو د استخباراتو رئیس مولوي مهدي او د دې ولایت لپاره د طالبانو د خاصې قطعې د قوماندان مولوي مقبل کسانو په یو بل ډزې کړي. دا نښته د بامیانو د بازار په سرای پامیر سیمه کې پنجشنبه رامنځته شوې ده. د دې نښتې علت نه‌دی معلوم. د بامیان راډیو تأیید کړې چې په نښتو کې درې کسان ټپيان شوي او د نښتې له امله دکانونه تړل شوي وو. په سیمه کې طالب چارواکو د دې نښتې په تړاو رسماً څه نه‌دي ویلي.

د اسپانیا پولیسو د داسې یوې شبکې مخه نیولې چې سلګونه پاکستانیان‌یې اروپا ته په قاچاقي توګه وړل. د اروپايي ټولنې د پولیسو ادارې د پنجشنبې په ورځ وویل چې قاچاقبرانو اکثره پاکستاني مهاجرین د بوسنیا هرزګوېنا له کمپونو څخه ایټالیا یا اسپانیا ته په لاریو کې قاچاق کول. د دې شبکې یو مشر نیول شوی او اسپانیا ته سپارل شوی دی. د پولیسو د اټکلونو له مخې د انسانانو د قاچاق دې ډلې په وروستیو میاشتو کې اروپا ته د شااوخوا ۴۰۰ کسانو د قاچاق له لارې لږ تر لږه دوه ملیون او درې لکه ډالر ګټلي دي. د اروپايي ټولنې... Читать дальше...

په افغانستان کې سږ ژمی تر نورو هغو سخت اټکل شوی ځکه د راپورونو له مخې ملیونونه کسان له لوږې سره مخ دي. د ملګرو ملتونو یو لوړپوړی چارواکی چې د افغانانو د وضعیت د څارنې لپاره په یوه دوه ورځني سفر کابل ته تللی و وايي چې افغانستان د یوې بشري فاجعې خوا ته روان دی. د کډوالو د نړیوال سازمان (ای او اېم) مشر انتونیو ویتورینو په افغانستان کې په روانو حالاتو سخت اندېښمن دی، وایي راروان ژمی به لا د خلکو ستونزې زیاتې شي، نو په‌کار ده چې له اړمنو سره ژر تر ژره مرستې وشي. د «ای او اېم» د رئیس انتونیو ویتورینو... Читать дальше...