Новости за 30.01.2018

Шинарийндийнахь йоллучу Австрехь иттанаша мукъамийн радиокампанеша дакъалецира нохчийн мухIажаршна депортаци ярна дуьхьало яран акцехь. "Депортацина дуьхьал медиа флешмоб" цIе йолчу акцехь Дечкен-беттан 30-чохь Iуьйранна 10 сахьт даьлча дуьйна делкъал тIаьхьа 3 сахьт даллалц лекхийтира "Битлз" тоба кхоьллиначу Леннон Джона язйин „Imagine“ йиш. Машаре а, адамашна юккъехь солидаралле а кхойкхуш йолу и девзаш долу илли локхуьйтуш акци юккъеяьккхинарш бара меттигера адамийн бакъонашларъярхой а, юкъараллин жигархой а. Читать дальше...

Вашингтоно нахаладаьккхина "Кремлан тептар" – хьогIе акт ду, цо оьрсийн-Iамеркан юкъаметтигаш чолхечу хьоле ерзо тарло, вуьшта а, дуьненаюкъарчу пачхьалкхашца йолчу юкъаметтигашна а зен дан мега аьлла Оьрсийчоьнан президенто Путин Владимира, шен тешамечу нахаца хиллачу цхьанакхетарехь. Шена гина дац ша тептар, амма цу юкъахь шен цIе цахилар новкъадеана шена аьлла Путина кавказхойн акцентехь. Iамеркана жоп дала карарчу хенахь цхьана а кепара Iалашонаш яц шайн боху президенто. Хьекъал доцуш хIума ду Оьрсийчоь ГIажарийчоьнца а... Читать дальше...

Ерриге Оьрсийчохь санна Нохийчохь а болабелла патриоташ кхиоран бутт. Иштта олу 30 дийнахь массо а ишколашкахь а, берийн бошмашкахь а дIахьочу цу хьехамах. Дакъалоцуш хуьлу республикан юкъараллин хIусамера белхахой а, цхьацца тIеман ветеранаш а,махкахь бевза кхиболу нах а болуш. Цара берашка дуьйцу пачхьалкхана гергахь царна тIедужу декхарх. Оршотдийнахь тIекхуьу чкъор кхето-кхиоран тоба яханера ТIехь-Мартан кIоштерчу цхьана ишколе. ОвхIанистанехь а, кхечу тIеман конфликташкахь дакъалаьцначу... Читать дальше...

Нохчийчохь лахарчу сержанто подполконик вийна аьлла хаамбина Life интернетан гIирсо. Болчу хаамашца, Ставрополан кIоштарчу 74814-чу эскаран декъехь гIуллакх кхочушдеш хилла и шиъ. Нохчийчу ханна декхарш кхочушдан хьажийначу цу шиннан юкъахь конфликт иккхина. Бахьанаш луьстуш ду. Life дийцарехь, къаьркъа молуш хилла и шиъ, дов даьлча лахарчу сержанто Калашниковн автомат коьртах тоьхна, вийна подполковник. Талламаш болийна, бехкениг лаьцна Iедало.

Цкъа а ца хиллачу кепара ситуаци ю аьлла Кремло Iамеркан финансийн министралло "Кремлан тептар" зорбане даккхар. "Документ теллинчул тIаьхьа, хетарехь, цхьа жамIаш дан мегар ду, - аьлла Оьрсийчоьнан президентан пресс-секретара Песков Дмитрийс. Цо бахарехь, биэн дац цунна, ша оцу тептаре язвар, амма, Песковна хетарехь, де-факто диллича, тептарера и нах "Iамеркан мостагIий лерина" бу. Оьрсийчоьнан элита меттахъяккха гIертар ду и аьлла Федерацин Кхеташонехь "Кремлан тептарехь" хила хьакъ вара ша... Читать дальше...

Венерчу Майндлинг кIоштахь некъа тIехь къепе ларъечу полисхоша сацийначу машенан шопар а, цуьнца цхьаьна волу кхин а ши стаг а мелла хилар гучудаьллера. Машен юьгуш хиллачунна таллам бича, и 38 шо долу стаг  1, 88 промилле вахаран кеп йолуш хилар гина Iедалхошна. Меттигерчу низамца, 1,11 промилле дегIаца йолчу стаго машен хахкар магийна дац. Цуьнгара эха шарера пхеа шаре кхаччалц бакъонаш дIаяха а, ахчанца гIуда тоха а йиш ю. Шена таллам бар ца тайначу шопаро а, цуьнца машенахь хиллачу гIеметтахIоьттинчу... Читать дальше...

Iамерко арахецначу "Путинан доттагIийн тептарх" комментари йитина Нохчийчоьнан куьйгалхочо Кадыров Рамазана. "Оцу тайпа Iовдал гIулчаш яха мегар дац. Дуьненаюкъара цхьа проблема Оьрсийчоь юкъахь йоцуш листа йиш яц церан. Басталур бу уьш. Амма цул тIаьхьа хиндерг Iамеркана гIенах а ца дайна", - аьлла, Твиттерехь йоза дитина Кадыров Рамзана.

Къилбаседа Кавказан бахархошна, къаьсттина Нохчийчоьнан, баркаллин дешнаш аьлла Оьрсийчоьнан президентан харжамийн кандидато Собчак Ксенияс. Нохчийчуьрчу кегийрхоша маьттаза багалейина ша юхайирзинчул тIаьхьа, дукха кехаташ дахкийтина шега боху цо, бехк цабиллар доьхуш, шаьш оцу кегийрхоша хIоттийначу кепо юьхьIаьржа дина бохуш, хаамбина "Кавказ.Реалиин" портале Собчакан пресс-гIуллакххоша. ТIаьхьо билгалдаьлла, мостагIаллица цунна дуьхьалбевлларш Нохчийчоьнан урхаллера белхахой я церан гергара нах хиллийла. Читать дальше...

Герз лелорна а, Iедалан векал сийсазварна а бехкевина, чохь латто ГIалгIайчуьра оппозиционер Хазбиев Мохьмад ара ца валийтина. ДIасавалар а доьхкуш, иза шен цIахь витар доьхуш чуделлачу кехатна дуьхьало йина кхело, хаамбо "Кавказан узел" агенталло. Хазбиевн могушалла галъяьлла хиларх а, цунна лерина лоьрийн Iуналла оьшуш хиларх а дIахаийтина цуьнан адвокато Ибриева Хедас. Адвокато доьху Хазбиев шен хIусамехь а витина, лоьрашка цуьнан могушаллин таллам байтар. Хазбиевс ша а дийцина, изоляторехь ша цхьаъ латтош хиларх а... Читать дальше...

Нохчийчоьнан суьдхойн пурстоьпийн урхалло бехктакхаман гIуллакх диллина меттигерчу вахархочунна дуьхьал, шен доьзална кхелан сацамца тIедожийна ахча дIа ца кхачадарна. Нажин-Юьртан кхелан сацамца и вахархо декхаре ву шен хиллачу зудчо дIадигинчу шина берана церан 18 шо дуззалц напха латто. Амма цо кхочушбина ца хилла и сацам. Таханалерачу дийнахь цунна тIехь ду 556 эзар сом декхар. Карарчу хенахь оцу гIуллакхана гонах талламаш бу дIахьош.

Бакъо йоцуш герз латторна бехкевинчу ТIехьа-Мартанарчу вахархочун Алгириев Адаман хьокъехь гIуллакх прокуратурано листа хьажийна меттигерчу кхеле.Талламчаша бахарехь, дахначу шеран гурахь кехаташка хьовсуш сацийначу хенахь, цуьнгахь хааелла таллархочун тоьпах юхайина мажар.  Цунна дуьхьалдаьккхинчу гIуллакхца догIуш низамашкахь 5 шо гергга кхаччалц хан йогIу цунна, иштта  200 эзар соьме гергга гIуда а.

Интерполехула лоьхучу Нохчийчуьрчу 24 шо долчу Бельтоев Исламе Киевн кIоштарчу Борисполан кхело 40 де а, буьйса а СИЗО-хь доккхуьйтур ду. КIентан адвокато Ермоленко Александра бина и хаам "Кавказ.Реалиига". И хан чекхъялале Оьрсийчоьно Украинана тоьшаллаш кхачо деза, Бельтоевн экстрадици ян бакъо луш аьлла адвокато. ГIаттамхойн могIаршкахь лаьттина аьлла, бехкево иза Оьрсийчоьно. Бангкокера схьа Истанбулехула кхаьчна Бельтоев Киеве. Украинан дозанхоша сацийнера иза, аэропортехь кехаташка хьожучу... Читать дальше...

REGNUM агенталло бечу хаамца, иттех шерашкахь Шейх Заедан цIарахчу фондо Нохчийчу бизнес кхио хьажор ду  долларшкахь миллионаш. Бизнесхошна гIо латтош, керла инновацеш юкъайохуш агIо лацархьама кхоьллинчу Шейх Заедан фондо  бизнес кхиош гIо деш субъекташна 500 миллион сом кхачо Iалашо лаьцна карарчу шарахь. 100 сов проект кхочушъян лаам бу оцу ахчанах. Стохка бIаьста дуьйнна Нохчийчохь болх беш ю доккхачу декъанна фонд. Цхьанатоьхначу Iарбойн Эмираташкарчу бизнесхойн ахчанаш тIехь кхоьллина организаци... Читать дальше...

Iамеркан Цхьанатоьхначу Штатийн финансийн министралло зорбане даьккхина Оьрсийчоьнан президентан Путин Владимимран гуонерчу нахана санкцеш дуьхьал яха кечбинчийн "Кремлан артикл" аьлла тептар. Оцу документа юкъа вахийтина верриг а 210 стаг. Iедалан урхаллера нах а, Путинан администрацера белхахой а, кхиболу лаккхарчу даржашкара политикан лидерш а, олигархаш а бу оцу тептарехь. Президентан пресс-секретарь Песков Дмитрий а, администрацин куьйгалхо Вайно Андрей а, вице-премьер Медведев Дмитрий а,... Читать дальше...