Саццаза тIаьхьарчу хенахь оьхучу догIанаша Парижера Сена хи дестийна 6 метр гергга хьаладоккхуш. Болх беш яц метрон цхьайолу социйлаш. Совцийна ду Сена тIехула лела хин-кеманаш. Лувр музейн цхьайолу экспонаташ кIелхьарайохуш дIаяьхьна. Цхьайолчу хьукматашна а, нехан хIусамашна а, зенаш дина тIедаьллачу хино. Адамаш кIелхьарадохуш, белхаш а бу дIахьош.
Даханчу шарахь шена Iедало делла сийдолу совгIат юхаделла евзаш йолчу Австрерчу адамийн бакъонашларъярхочо Крайниг Улрикес. Иза цо даран бахьана ду ша дуккхаъчу шерашкахь Iуналла деш хилла нохчийн доьзал австрихойн Iедалша махкара арабаккхар. Даханчу кIиранахь чартеран кеманца Москох дIахьажийначу 31 нохчашна юккъехь бара 8 стагах лаьтташ болу ЯсаковгIеран доьзал а. ТIаьхьарчу деа шарахь Крайниг Улрикес немцойн мотт Iаморехь а, Австрехь интеграци ярехь а гIодеш бара и доьзал. Хьалхо Маршо Радионо дийцина ма-хиллара... Читать дальше...
2000-чу шарахь Нохчийчохь Псковн десантхошна тIелатар дина аьлла бехкевинчу Валиев Арсланна а, Амангазиев Фаизбекна а 15 шой ах шой, 16 шой хенаш тоьхна аьлла, хаамбина Талламан комитето. Талламчаша чIагIдарехь, Нохчийчохь тIеман баьччийн Басаевн а, Хаттабан а куьйга кIел тIемаш бина цара 2000-чу шеран Iай федералашна дуьхьал. 84 эскархо а вуьйш, Шуьйтан кIоштарчу Улус-Кертна гергахь Псковра десантан рота йохош дакъалаьцна цара. Хьалхо кхи а оцу тIелатарна бехкевинчу 9 тобанхочунна тIехь кхел а йина... Читать дальше...
Соьлж-ГIалара йохка-эцаран "Грозный Молл" центр яр дIахьош, белхаш карлабаьхна пIераскандийнахь аьлла, хаам бина "Нохчийчоь Тахана" агенталло. Колоннаш а, пенаш а хьаладоьттина девлла 53 процентна. Кхерамзаллан техника а ларъеш, тIечIагIйинчу графикца беш бу белхаш. Оьрсийчоьнан къилбехь уггар а йоккха хир йолу "Грозный Молл" цIе йолу йохк-эцаран центр яр дIадолош церемони хилла Соьлж-ГIалахь аьлла, хааме даьккхинера Маршо Радионо стохка аьхка, Грозный-информ агенталлана тIе а тевжаш. И гIишло еш йойур ю 46 000 м3 бетон. Читать дальше...
Къилба Корейхь дIахьочу 2018-чу шеран Iаьнан ловзаршка битина Оьрсийчоьнан паралимпийцаш. Пхенчханехь нейтралан байракха бухахь гойтур ду цара шайн хьуьнарш аьлла, хаам бина шен сайтехь Дуьненаюкъарчу паралимпикан комитето. "Нейтралан атлеташ-паралимпийцаш" аьлла, билгал а баьхна, спортан кхаа кепехь дакъалаца аьтто хир бу церан. 2016-чу шеран аьхка Дуьненаюкъарчу паралимпикан комитето Оьрсийчоьнан вовшахтоьхначу тобанна дихкинера Бразилерчу Паралимпиадехь дакъалаца. Дуьненаюкъарчу антидопинган... Читать дальше...
Собчак Ксенияс Соьлж-ГIалахь пикет дIаяьхьначул тIаьхьа Нохчийчуьра дIагIо аьлла, цунна протест кхайкхийначу кегийрхоша нохчийн хьаша тIеэцаран гIиллакхаш дохийна аьлла хета "Кавказан узел" агенталло къамел динчу бахархошна. Яржийначу видео тIехь гуш ду, арарчу кофейнехь мала кофе оьцучу Собчаке тIебаьхкинчу кегийрхоша маьттаза багалееш. "Тхуна ца лаьа Оьрсийчоьнах "Дом-2" ахь дан, - луьйш ву царех цхьаъ, - кхузахь хир дац "Дом-2" я тхуна оьшуш а дац", - бохуш. И кегийнах шайн лаамца лелаш... Читать дальше...
Герз лардина аьлла, лаьцна латтош хилла ГIалгIайчоьнан 38 шо долу вахархо Акиев Руслан Киеверчу апелляцин кхело маьршаваьккхина, яздо "Кавказ.Реалиис". "Украинан халкъан депутато Линько Дмитрийс ша юкъархо а хилла, хийцина кхелан сацам", - аьлла бу хаам. Ша вехачу кIоштара аравалар дихкина Акиевна, иштта декхаре ву кхайкхича Iедална тIе ваха а, шен луьстучу гIуллакхан тешашца зIе ца латто а. Киевн Днепрскан кIоштан кхело стохка гурахь дуьйнна лаьцна вара Акиев Руслан, бакъо а йоцуш герз лелийна аьлла, бехке а вина. Читать дальше...
Шемаца лаьтта Туркойчоьнан дозанаш террористех дIацIандан чIагIо йина пачхьалкхан президенто ЭрдогIан Реджепа. Шеман къилберчу Афринехь операци йолийна шолгIа кIира доладеллачу кIирандийнахь дина и дIахьедар куьйгалхочо. Ша куьйгалла дечу партин съездехь вистхуьлуш, ЭрдогIана дIахьедина, Туркойчоьно терго латториг хиларх дозанаш цIандийна ма девлли Шеман мухIажарш шайн махка берза аьтто барна тIехь. Iамерко агIо латтош, курдийн дакъоша дIалаьцначу Афринан кIошташкахь тIемаш дIахьош ю Туркойчоь. Читать дальше...
Оьрсийчу йохьучу хIуманна тIера ял йоккхучу хьукмато тергоне эца йолийна кхечу пачхьалкхашкахь эцна бахархоша чукхоьхьурш. "Ведомости" газетано бина и хаам. ТIейогIучу хенахь арахьара Оьрсийчу хьош йолу хIума тIера ял ца луш дехьа яккхалур яц. Цундела 10 эзар евронел а сов мах беллачу хIуманна тIера пачхьалкхо ял оьцур ю. Беллачу механ 30 процент охьайилла декхаре беш бу бахархой. Нагахь низам дохадахь, гIуда тухур ду я конфискаци йина схьайоккхур ю йохьург, иштта бехкзуламан гIуллакх дуьхьал даккха а тарло.
Нохчийчуьрчу зорбан министро Умаров Джамбулата а комментари йитина журналистан, президенатн харжамийн кандидат Собчак Ксения Нохчийчу ярах. Ша харжамийн кандидат а, Оьрсийчоьнан яхархо а хиларе терра, Собчакан бакъо ю шена луъучу яха аьлла Умаровс. "Официалехь цхьаммо а кхайкхина еана яцара иза. Амма цуьнан бакъо ю пачхьалкхан мьулххачу а регионе яха, ша Оьрсийчоьнан президентан харжамийн кандидат хиларе терра а, пачхьалкхан яхархочун статусехь а хиларна. Пикетан хьесапехь цо йиначу дефилена нагахь меттигерчу бахархошлахь резабоцурш хиллехь... Читать дальше...
Оьрсийчоьнан президентан харжамийн кандидат Собчак Ксения Соьлж-ГIала ярах вистхилла Нохчийчоьнан куьйгалхочун пресс-секретарь Каримов Iалви. Республикан коьртачу шахьарахь ша цхьаъ дIахIоьттина пикет дIаяьхьна Собчака журналистийн скверехь "Мемориалан" куьйгалхо Титиев Аюб дIахецар доьхуш. Youtube агIоне йиллина гIали юккъехула федералан хааминй гIирсашца йолаелла лелачу Собчаках видео. Ша Кадыровца къамел дан лууш яра, амма цо дуьхьало йира шена боху Собчака. "Нохчийчоь Тахана" агенталле Каримов Iалвис аьлла... Читать дальше...
