Оьрсийчоьнан Пачхьалкхан Дума хьалхарчу дешарехь хийцамаш бан реза хилла, кхечу пачхьалкхийн агенташ лоручу зорбанан гIирсехь лаьцначу низамна тIехь. Цу хийцамашца а догIуш, блогер а иноагент лара бакъо хир ю Оьрсийчоьнан территори тIехь, нагахь иза махкал арахьара ахча оьцуш велахь, хаам бо РИА Новости агенталло.
Оьрсийн евзаш йолу журналист, профессор Горюхина Элвира кхелхина Москохахь. Иза оьрсийн публицисташна юкъахь уггаре а евзачарех цхьаъ яра. Новая» газетан лерина корреспондент йолу Горюхина 1992-чу шарахь дуьйна тIемаш а, конфликташ а йолчу меттигашкахь лелаш яра. ШолгIа тIом болабелча дуьйна схьа дуккхаза а Нохчийчохь хилла йолчу Горюхинас, шен артиклашкахь а, очеркашкахь а яздора Бумтахь а, СемаIашкахь а, Соьлж-ГIалахь а оьрсийн эскархоша лелийначу зуламех лаьцна. 2000-чу шарахь араелира Горюхинан «Хьехархо Кавказе яхар» цIе йолу гулар... Читать дальше...
Шемахь президентан Асад Башаран эскарш Идлиб провинцина тIелатаро мухIажирийн керла тулгIе ойур ю аьлла, дIахьедар дина Туркойчоьнан премьер-министро Йилдырим Биналис. Цо кхайкхам бина Оьрсийчоьне а, ГIажарийчоьне а, тIелатар сацаде аьлла. Идлиб тIаьххьара провинци ю Шемахь оппозицин ницкъаша Iуналла деш йолу. Кху тIаьхьарчу кIиранашкахь Асадан эскарша ницкъаца араяьхна цигарчу масийтта эвлара тIеман тобанаш. Карарчу хенахь тIемаш боьлхуш бу Идлиб провинцин малхбалехь йолчу Абу-Духур олучу авиабазина гонаха.
"Мемориалан" Нохчийчуьрчу декъан куьйгалхо Титиев Оюб шина баттана лацар суьдехь леткъина цуьнан адвокташа. Цунах лаьцна хам бина "Интерфаксо", адвоктана Заикин Петрна тIе а тевжаш. Ша Титиевс ПIераскан дийнахь кхелехь дIахьедар дира, наркотикаш шен машенxу кхоьссинарг полисхо ву аьлла. Цо латкъам кечбина меттигерчу Талламан комитете цу полисхочун дуьхьал бехктакхаман гIуллакх доладар доьхуш. Иза Нохчийчуьрчу талламан комитетан куьйгалхочуьнга, я цуьнан когаметте кара дIадала дагахь ву адвокат Заикин.
Ах шо кхоччуш доллу Бакаева Маликин воI Зелим доь доцуш вайна. Дац цуьнгара хезаш кост, ткъа Iедалхоша шаьш лоьхуш ду олу.
Оьрсийчоьнан Талламан комитетан урхаллийн керла куьйгалхой хIиттийна Нохчийчохь а, Къилбаседа ХIирийчохь а. Гергарчу хенахь куьйгалхо хIоттор ву Кхарачой-Чергазийчохь а, хаам бо "Регнум" агенталло. Нохчийчохь Талламан комитетан урхаллан керла куьйгалхо хIоттийна юстицин инарла-лейтенант Волков Виталий. Ткъа ХIирийчохь цу тайппа дарж дIалаьцна Наумов Виктора. Оьрсийчоьнан Талламан комитетан куьйгалхочуьнан когаметто Карнаухов Бориса дийцарехь, Нохчийчу хьажийна волчу Волков Виталийна дика евза Къилбаседа Кавказ. Читать дальше...
Азербайданан Геранбойн кIоштахь карийна йолу 104 шо долу нохчийн йоккха стаг леррина кечйинчу машенахь Соьлж-ГIала дIахьажийна аьлла, хаам бина Бакохарчу "Сестры Матери Терезы" цIе йолчу дан амал доцуш бисина нах тIеоьцучу хIусамера, яздо "Кавказский узело". 1914-чу шарахь йина йолу Алиева Мадина полисхошна карийнера, гIора а йина урамехь. Болчу хаамашца, паспорт тIерачу хенаца иза дуьненчу яьлла 1914-чу шарахь. Оьрсийчоьнан яхархо а ю иза, яхар Нохчийчохь ду, амма маьршша буьйцу цо азербайджанхойн мотт.
Оппозицин политик Немцов Борис вуьйш дакъалацарна хан тоьхна волу Дадаев Заур дIакхачийна ницкъаллин структурийн белхахой хилла зуламхой луьрча хьелашкахь латточу Иркутскерчу колоне. Цунах лаьцна хам бина "Интерфаксо". Дадаевца цхьаьна хан тоьхна волу Бахаев Хьамзат ву Кирово-Чепецк гIаларчу колонехь. Кхин цхьа хилла эскархо Эскерханов Темирлан цкъачунна Москох ву. Ткъа вежарий Шадид а, Анзор а ГубашевгIара мичахь латтош бу цкъачунна билггала хууш дац адвокаташна.
Тбилисехь Гуьржийчоьнан Iедалан гIишлонна хьалха акци дIаяьхьна цхьамогIа Iедалца йоьзна йоцучу юкъараллийн векалша. Цара доьхург ду ПIаьнгазахь полицин операци дIахьош герз тоьхна 18 шо долу меттигера вахархо Мачаликашвили Темирлан вер таллар.
СаIудийн Iаьрбийн пачхьалкхан Iедалша визанаш яла йолор ю, уллехь божарех гергара стаг а воцуш, шайн махка богIучу 25 шаре бевллачу зударшна. Керла кеп болх бан йолалур ю кхушеран хьалхарчу кварталехь дуьйна. Цкъа махка бахка бакъо луш йолу виза хир ю 30 денна лерина. Хьалха зударийн бакъо яцара цу махка бахка, гергара стаг уллехь а воцуш. ХIинца и дехкар дуьсур ду 25 шо кхчанза болчу зударшна а, мехкаршна а. СаIудийн пачхьалкхан туризмехула йолчу комиссино хаам бина, керла кеп юкъайокхуш ю шаьш... Читать дальше...
"Мемориалан" Нохчийчуьрчу декъан куьйгалхочо Титиев Оюба кхелехь дIахьедар дина, наркотикаш шен машенчу кхоьссинарг полисхо ву аьлла. Цунах лаьцна хаам бина адвокато Заикин Петара. Титиевс латкъам кечбина меттигерчу Талламан комитете цу полисхочун дуьхьал бехктакхаман гIуллакх доладар доьхуш. Иза Нохчийчуьрчу талламан комитетан куьйгалхочуьнга, я цуьнан когаметте кара дIадала дагахь ву адвокат Заикин. Селхана, Дечкен-беттан 11-чу дийнахь, Шеларчу гIалан кхело шина баттана лаца сацам бина Титиев. Читать дальше...
"Мемориалан" Нохчийчуьрчу декъан куьйгалхо Титиев Оюб набахте хьажийна кхело 2 баттана. Кхелан кхеташо яхъелира кхаа сохьтехь. Шелан гIалан кхелан суьдхочо Ибрагимов Хьамзата дIакхайкхийра, кхеташо чIаьгIначу рожехь хир ю аьлла. Цул тIаьхьа цу чохь ца битира адвокаташ а, бехкбиллархойн тобан декъашхой а бен.
