Новости за 03.03.2018

Венерчу полицин урхалло балха кхойкху цу гIалахь дехачу тайп-тайпанчу къаьмнийн диаспорашкара нах. Къаьсттина лаам бу Iедалхойн, нохчийн кегирхой а, мехкарий а полицин балха бахкийта. Статистикан терахьашца, Австрин коьртачу шахьаран хIора а пхоьалгIа вахархо мигрантийн кхоллам болуш я кхечу къомах орамаш долуш ву. Цундела тайп-тайпана меттанаш хууш болу, тайп-тайпанчу къаьмнийн менталитет евзаш болу нах полисхойн могIаршлахь хилар мехала лору Австрин чоьхьарчу гIуллакхийн министраллин куьйгалло. Читать дальше...

Нохчийчуьрчу Шела кIоштахь газ иккхина, лазийначу итт стагах 4 халчу хьолехь хиларна орцан министраллан леринчу кеманца Лахарчу Новогородерчу медицинан талламан центре кхачийна аьлла, хаамбина "Кавказан узел" агенталло. Маршо Радионо яздира, байначу беттан 27-чу дийнахь Шела кIоштарчу Эвтарахь цIа чохь газ а иккхина, оцу цхьана хIусамчуьрчу итт стагна чевнаш йина аьлла. Уьш берриш а Соьлж-ГIалин лоьмар 4 йолчу дарбан цIийне кхачийнера. Орцанхошна хетарехь, газан биргIанаш кхачам боллуш тойина ца хиларна нисбелла и бохам. Читать дальше...

Орцан министраллан пиротехникам ларарца 20 шарахь сов лаьттах Iиллина авиацин ракета яьккхина Веданан кIоштарчу МахкатIехь, яздо "Нохчийчоь Тахана" агенталло. Ракета зен долцуш хьалаяккха кхайкхина бара Ростов гIалара говзанчаш. Леринчу техникана тIехь полигоне  дIа а яьхьна, эккхийтина карийна ракета. Кхерамзаллан барамаш а ларбеш, ракета лаьттара хьалаяьккхира 3 технико а, 8 говзачно а.

ГIиргIазойчуьра а, Казахстанера а схьаваьллачу шина вахархочо Iамеркера Нохчийчу герзан экспорт еш хилла. Маршо Радионо хьалхо бинера цунах хаам. Вирджиния штатан Малхбалерчу кIоштан кхелан кехаташ тIехь вуьйцург ву Казахстанера Резванов Эльдар (Eldar Rezvanov),ГIиргIазойчуьра ши ваша Сыдыков Тенгиз а, Чингиз а (Tengiz, Chingiz Sydykov). Бехкебечаьрга масийттазза 5000 эзар долларшкахь ахчанаш кхаьчнера Нохчийчуьра. Цул тIаьхьа Глок тапчан меженаш оьцуш хилла цара, тIаьхьо вовшахтасархьама. ХIусамашкахь... Читать дальше...

Керлачу ракетанна "Пальмира" цIе тилла еза аьллачу мехкан куьйгалхочунна тIетайна республикерчу парламаентан спикер Даудов Мохьмад. "Сан хьомсарчу вешина, Нохчийчоьнан куьйгалхочунна Кадыров Рамзанна дагаеана ша-башха верси Iаламат дика а ю, йогIуш а ю", - аьлла, яздина Даудовс шен Mylistory-н пена тIехь. Еарийдийнахь президента Путина ша хIора шарахь Федералан кхеташоне ден дIахьедар довзуьйтуш элира, Оьрсийчоьно керла тIомайолу ракета а, хин бухахула лела зарратан кеманийн система а арахецна... Читать дальше...

ПIераскандийнахь Iамеркан Цхьанатоьхначу Штатийн президенто Трамп Доналда кхи а цхьана шарна дIаяхйина Украинерчу конфликтна юкъагIортарна Оьрсийчоьнна тоьхна хилла санкцеш. КIайчу цIийнан пресс-гIуллакххоша билгалдоккху, Оьрсийчоьнан Iедалша дIахьочу политикано йохайо Украинехь демократин процессаш а, институташ а, кхерамаш туьйсу дуьненна а, кхерамзаллана а, суверенитетна а. Дуьйцург ду ГIирмина йина аннекси а, Оьрсийчоьно шайн ницкъаш Украине хьовсор а. Дуьххьара 2014-чу шарахь президент хиллачу... Читать дальше...

Долларшкахь 5 миллион даккха гIортарна бехкевинчу Оьрсийчоьнан вахархочунна Нукаев Лом-Iелина экстрадици йина Германино. Оьрсийчоьнан Инарла прокуратурано бина и хаам. Дийцарехь, 1998-чу шарера 2000-гIа шо тIедаллалц шен декъахошца Оьрсийчоьнан вахархо а лаьцна, иза юьхьанца Азербайджанехь, цул тIаьхьа Къилбаседа Кавказехь йийсарехь латтийна цо. Цул совнах, цунна тIехь ницкъ а бина, кхерамаш а туьйсуш хилла. Лаьцнарг маьршавоккхург цара доьхуш хилла долларшкахь пхи миллион ахча. Оьрсийн ницкъаллийн... Читать дальше...

Австрерчу Корнойбург гIалахь пIераскан дийнахь 1 шой 8 буттий хан кхайкхина 22 шо долчу нохчочунна. Иза бехкевина дахначу шарахь шеца цхьа кхин накъост а волуш, цкъа хьалха Туркойчу, ткъа цигара Шема тIаме ваха гIортарна. 2017 - гIа шо довш ша Iедална тIе а вахана, шен бехкана мукIарло динера цу стаго, шеца Шема ваха гIиртинарг лаца а лаьцна, чувоьллинчул тIаьхьа. Амма кхелехь ша бехке хилар тIе ца дитинера. ХIетте а, цуьнан бехк шеко йоцуш лерира кхело, иза Шема ваха гIерташ хиларна дуккха а тоьшаллаш прокуратурано дахкийначул тIаьхьа. Читать дальше...

Мисарара дуьненаюкъарчу футболан чемпионатехь дакъалаца йогIу футболан тоба дIатаръян къастийна хилла Соьлж-ГIалара итт гIатах лаьтта The Local отел хьеший тIеэца кийча хир ю гергарчу хенахь. Mylistory-н агIонехь мехкан куьйгалхочо Кадыров Рамзана бина и хаам, гIишло ечу майданара юхавирзинчул тIаьхьа. Пхи седа болу хьешан цIа хьаладеш ду Цхьанатоьхначу Iарбойн Эмираташкарчу инвесторша. Отела чохь хир ю ресторан а, 500 машен дIахIотто паркинг а, бассейн а, фитнес-центр а, теннисан корт а, масех конференц-чоь а, йоккха туька а. Читать дальше...

ПIераскандийнахь кхелхина нохчийн бизнесхо, политик, нефтехимик, химин Iилман доктор, РАН-ан академик Хаджиев Саламбек. ЦIе ца йоккху лазар кхетта, тIаьххьарчу хенахь Израилехь дарба лелош вара иза. Советан заманахь дуьххьара министран даржехь хиллачех ву Хаджиев. 1991-чу шарахь химин, мехкадаьттан индустрин урхаллехь вара иза. 750 сов Iилман белхийн автор ву иза, иштта цо язйина 4 монографи а. Оьрсийчоьнан а, кхечу пачхьалкхийн а 220 патентийн авторан тоьшаллаш ду цуьнан. Хаджиев Саламбек вина Шелахь 1941-чу шарахь. Читать дальше...