Новости за 15.03.2018

БархI шарера шийтта шаре кхаччалц бен хенаш яц Лакхарчу Австрерчу Велс гIалахь полицино совцийначу нохчийн берийн. Уьш бехке деш ду, гIаларчу паркехь кхечу берех летарна а, кегийра къоланаш дарна а. Полицино бинчу хаамца, цу берех диаммо даханчу кIирандийнахь урамехь кхозуш йолу газетийн касса лачкъийна хилла. Австрерчу урамашкахь мукъаденошкахь бIогIамех хьалаухкий хуьлу газеташ чохь долу тIоьрмигаш.  Газета эца луучо цуьнан меха  ахча чутосу уллехь кхозучу касси чу. Iедалхоша чIагIдарехь, нохчийн... Читать дальше...

Шира архитектуран гIишлош денъян буьйлабелла Нохчийчоьнан ЧIебарлойн кIоштахь. Ду царлахь маьждиг а, медресе а, тIемалойн бIов а, хIусам а. Културан хIолламаш лерина гIишлош юхаметтахIитто сацам бинера мехкан куьйгалхочо Кадыров Рамзана. Нохчийн энергетикаша жигаралла гойту оцу процессехь. Веданан кIоштан электрикаша  Къоьзан Iомана гена йоццучу Хой олучу эвлахь дIатийса  долийна тоькан серий. Цигахь археологашна керийна 2,5 эзар шераш хьалха хиллачу таллархойн садоIу меттигаш. Къаноша дийцарехь... Читать дальше...

Нохчийчоьнан куьйгалхочун Кадыров Рамзанан векал официалехь Мурманскан кIошта веана. Регионерчу Iедалан официалан пресс-релизехь бинчу хаамна тIе а тевжаш, яздо цунах лаьцна "СеверПост.ru" хьостано. Соьлж-ГIалара бизнесхо Асаев Асланбек хIоттош ву векалтан урхалле. Йохка-эцаран, экономикан, Iилман, гуманитаран, културан а, кхидолчуьнца а юкъаметтигаш кхиорхьама сацам бина Мурманскехь векалт елла. "Сан шеконаш яц, регионехь Нохчийчоьнан куьйгалхочун векалалла схьаелларо шина субъектна юкъахь партнерийн а... Читать дальше...

Нохчийчохь Оьрсийчоьнан президентан харжамийн дийнахь кхаьжнашна тIехь тидам латтор бу 4 эзар гергга юкъараллан тергамчо. ТАСС агенталло бо и хаам, харжамийн комиссин декъашхочун Эльсункаев Солижанан информацех пайда а оьцуш. Цо бахарехь, кандидатийн я уьш хьалхатеттинчу партийн векалш а, дуьненаюкъара тергамчаш а  хир бу харжамашкахь. Харжамийн дийнахь республикехь болх беш хир ю 475 харжамийн куп. Тергамчийн бакъо хир ю харжамаш буьйлабеллачул тIаьхьа, кхаьжнаш дагардина довллалц терго латто. Читать дальше...

Оьрсийчоьнан Инарла прокуратуран Телеграм-каналехь хаамбо, Азербайджанан Iедалша Такаев Сайд-Хьусейнна экстрадици ярх. "Оьрсийчоьнан Инарла прокуратурано схьавоьху Такаев еаридийнахь дIавелла Азербайджано, цунна дуьхьал даьккхинчу бехкзуламан гIуллакх кхи дIа таллархьама. Цунна бехкедуьллу, гIаттамхойн тобанехь латтар а, тIелатарш дар а. Шен даймахка дIакхачийна Такаев гергарчу хенахь кхеле хIоттор ву", - аьлла бу хаам. 2013-чу шеран Iай Шела кIоштан кхело лаца кхайкхийнера Такаев. Чиллан-беттан... Читать дальше...

Путинна критика йина Дагестанера блогер-десантник Алибеков Асхьаб 10 денна дIалаьцна Новороссийскехь. Бахьана: полисхошна дуьхьалояр. Алибековн йоIа дийцарехь, полисхоша шаьш карзаха ваьккхинера иза. Алибеков вевзаш ву шен YouTube-каналехь президентан харжамашна дуьхьала бечу кхайкхамашца.

Карабулакерчу СИЗО-хь латточу оппозиционерна Хазбиев Мохьмадна тIе ца кхачийтина цуьнан адвокат Ибриева Хеда. Ша Iалашван тIелаьцначуьнца цхьанакхета оьшу кехаташ кечдийриг могуш воцуш хилла, цуьнан метта гIуллакхе хьажа стаг вац аьлла, изоляторан белхахоша чу ца йитина иза. Маршо Радионо хаамбира, оршотдийнахь Хазбиев Мохьмада мацалла кхайкхийна хиларх, ша чохь латточу хIусамчохь хьелаш кхачаме цахиларна а, шеца харцо лелорна а дуьхьал протест еш. "Кавказан узел" агенталле адвоката ша дийцарехь... Читать дальше...

Украинан Лакхарчу Радехь теракт дан гIоьртина аьлла, шеконашка эцна  депутат Савченко Надежда. Украинан Инарла прокуроро Луценко Юрийс еаридийнахь дIахьедина, гергарчу хенахь иза депутатийн могIарера а йоккхуш, лаца бакъо йоьхуш, парламенте кехат дохьуьйтур ду аьлла. "Талламан харц хила йиш йоцу тоьшаллаш ду, Савченкос ша кечам а беш, хьехна хиларх, муха теракт дан мегар ду кху хIусам чохь, Лакхарчу Радан бохь минометца муха бохон беза, балаза бисинарш автоматаша етташ, байа безарх а", - дийцина инарла прокуроро. Читать дальше...

Цхьанатоьхначу Паччахьаллин санкцешна дуьхьал Оьрсийчоьно Британин дипломаташ пачхьалкхера арабохур бу. Арахьарчу гIуллакхийн министро Лавров Сергейс дина ишта дIахьедар. Цкъачунна Лавровс билгал ца даьккхина, маса дипломат, маца Оьрсийчуьра дIавохуьйтур ву.

22 шо долу Пономарев Владимир велла Шемахь. Оренбурган Orenday гIирсо дийцина Соль-Илецк гIалахь кху деношкахь цуьнан дIаволларх. Йозуш йоцчу CIT талламчийн тобан зерашца, Шема хьажийна вара Пономарев кадрашха эскаршлахь. Меттигерчу хаамийн гIирсаша дуьйцу, кIоштарчу администрацера лаккхарчу даржашкара хьаькамаш бара цуьнан тезетахь бохуш. Оцу юкъанна тIеман министралло цхьа а коммент ца йина Пономаревн валарх. Orenday-н информацица, Пономарев Владимир валарх дахначу кIиран кхааридийнахь Iорадаьлла. Читать дальше...

Дахначу шарахь вакцинаци йина цахиларна 10 бер делла Нохчийчохь аьлла, журналисташца йоьдучу пресс-конференцехь махкарчу могушаллан министро Сулейманов Элхана. "Мехий тоьхначул тIаьхьа цунах хьовзам хуьлуш меттигаш а нисло, делахь а миллионна юкъахь цхьанна-шинна берана бен ца хуьлу зен, нагахь вакцинаци йинехь. Ткъа дукхахберш берашна вакцинаци ца йойтуш дуьхьал бовларан бахьанашца, цхьана шерачохь вайн 10 бер делла вайн", - дийцина министро. ТIаьххьарчу заманчохь Нохчийчохь а, Оьрсийчохь а дуккхаъчу дайша... Читать дальше...

Нохчийчуьра схьаваьлла, террорхошца зIенашкахь хилла аьлла, Азербайджано 13 шо набахтехь а даккхийтина Такаев Сайд-Хьусейн гергарчу хенахь Оьрсийчоьне дIалур волуш ву аьлла, "Кавказ.Реалиига" хаийтина цуьнан Бакохарчу гергарчу наха. Маршо Радионо хьалхо яздира шен агIонашкахь Такаевн кхолламах. Бакъонашларъярхойн "Мемориал" центран информацица а догIуш, 2001-чу шеран бIаьста Дубин-юьртанна а, Чирийн эвланна а юкъерачу "Южный" олучу постехь чевнаш йинера цунна. Циггара оьрсийн эскархоша дарбан хIусаме а кхачийнера иза. Читать дальше...

ТIедогIучу кIиран суьйранна Оьрсийчоьнан президентан харжамашна лерина Соьлжв-ГIалин юккъехь митинг кечъеш ю Нохчийчурчу Iедалша. Иза хир ю доккхачу декъанна Iедалан белхахойх. ХIинцале хьехархошна а, лоьрашна а, кхечу пачхьалкхан хьукматийн, урхаллийн бахархошна а тIедожийна, шайна гергарчу нахаца цхьана цигахь дакъалацар. ХIоттийначу митингехь вазвийр ву керла хаьржина президент.  Акци дIаяхьа лерина ю 8 сахьт даьлча сарахь, харжамийн юьхьанцара жамIаш къаьстинчул тIаьхьа.

Къилбаседа Кавказан тIеман кхело Ростов гIалахь вехачу Нохчийчуьрчу вахархочунна Хордаев Джаддална социалан машанехь экстремистийн материалаш яржорна аьлла, набахтехь даккха 3 шо хан кхайкхийна. Терроризме а, экстремизме а кхайкхамаш бен видеороликаш а хIиттош, царна комментареш еш хилла цо. "Интерфакс-Юг" агенталле кхелан пресс-секретара Катькало Аленас бина и хаам.

"ВКонтактерчу" шен агIон тIехь Нохчийчоьнан куьйгалхочо Кадыров Рамзана "ГIаш лела" цхьана дийнахь машенчуьра охьа а восий аьлла, акци кхайкхийна, "Сайна тIера волавелла со. Iуьйранна гIаличухула гIаш чекх а ваьлла, балха веара со. Автомобилчуьра охьа а воьсина, гIаш лелар экологина а пайден ду. ЧIогIа самукъа а дели сан, цундела масо а сайгара масал эца кхойкху ас, гIаш дахарх #ГIашлела" аьлла, хештегаш а хIиттош, социалан машанехь зорбане яккха iшайн истори", - доьху Кадыровс.

Iамеркера Оьрсийчу оьхучу туристийн терахь стохка 25 проценте хьаладаьлла аьлла, дIахьедина Оьрсийчоьнан туризман куьйгалхочо Сафонов Олега "Известия" газетанна еллачу интервьюхь. "Iамеркехь оьрсийн туристийн офисаш а йоццушехь, Iаламат эвсара динамика ю гойтург. Дахначу шеран 9 баттахь Оьрсийчоьнан дозанхойн хьесапца, цул хьалха хиллачу шерца дуьстича, 25 проценте кхиина", - аьлла Сафоновс. Ростуризман куьйгалхочо бахарехь, Оьрсийчоьнна дуьхьал ечу пропагандано Iамеркахойн интерес алсамйоккху кху пачхьалкхе. Читать дальше...