Соьлж-ГIалахь тIекъалдинчу цIанан тховх цIе ялар бахьана долуш вийна а, лазийна а стаг вац, хаам бо Кавказ.Реалиино, меттигерчу цIеяйархошна тIе а тевжаш. Сарахь 7 сахьт 47 минот яьлча цIе дIаяйина. Болчу хаамца, яьгна техникан хьашташ кхочуш дон чоьнаш а, тхов а. Адамийн петаршна тIе ца кхаьчна цIе. Карарчу хенахь бохам хилла меттиг гоне лаьцна ю. Цигахь болх беш бу цIеяйархой а, орцанхой а. Циггахь лаьтташ ю лоьрийн масийтта машен а.
Соьлж-ГIалахь 12-зза тIекъалдинчу цIанан тховх цIе ялар бахьана долуш вийна а, лазийна а стаг вац, боху Iедалан векалша. Нехан петарш дийна йисина, цIаро ягийна техникан чоьнаш а, тхов а.
Соьлж-ГIалахь догуш ду 12 гIат йолу цIа. Чуьра бахархой арабаьхна. ЦIеяйархой бу болх беш. Адамашна юккъахь дараш ду дац цкъачунна хууш дац. Догуш долу цIа ду Нохчийчохь уггаре а йоккхачу Гранд-парк олучу самукъадаккхаран центрана 20 метр уллохь.
Цхьаьнатоьхначу Штаташа сацам бина Оьрсийчоьнан 60 дипломат араваккха а, Сиэттлера Оьрсийчоьнан инарлин консулство дIакъовла а. Иштта жоп делла Вашингтоно, Оьрсийчоьнан Коьртачу Талламан урхаллан (ГРУ) эпсар хиллачу Скрипаль Сергейна Британехь дIаьвшен тIелатар дарна. Хьалхо хаам бинера Германера арвоккхуш хиларх альцна Оьрсийчоьнан 4 дипломат. И нах юкъахьакхабелла хила мега Скрипаль Сергейна дIаьвшен тIелатар дарна аьлла шеко ю немцойн Iедалан.
Германера арвоккхуш ву Оьрсийчоьнан 4 дипломат. И нах юкъахьакхабелла хила мега Англехь Оьрсийчоьнан ГРУ-н эпсар шиллачу Скрипаль Сергейна дIаьвшен тIелатар дарна аьлла, шеко ю немцойн Iедалан. Цунах лаьцна хаам бина оршотан дийнахь Зюйд Дойче Цайтунг (Sueddeutsche Zeitung) газето. ТIаьхьо Германин арахьарчу гIуллакхийн министралло тIечIагIбина и хаам.
Полшин чоьхьарчу кхерамазаллин агенталло шайн махкахо шпион лаьцна Оьрсийчоьнна болх беш хилла. Цунах лаьцна хаам бина лерринчу сервисийн балхана урхалла дечу министран зорбанан секретаро Жарын Станислава. Цо дийцарехь, Марек В. цIарца вуьйцуш волу и стаг хилла энергетикан проекташ жоьпаллехь латточу даржехь. Оьрсийчоьнна информаци дIаелла цо "Северный поток 2" газан биргIа ца яьйта Варшаво йохур йолчу гIулчашца йоьзна йолу. Полша дуьхьал ю, Украина а, Полша а юьтуш, хIорда бухула Оьрсийчуьра Германе йоьду и биргIа тасарна. Читать дальше...
ШолгIа дуьненаюкъара шашлыкан фестивал хир ю Соьлж-ГIалахь Стигалкъекъа-беттан 5-чу дийнахь. Хууш ма хиллара, цуьнан цIе ю "Шашлык-Машлык" олу дуьненаюкъара туризман а, жигара садаIаран а фестивал. КIегаш тIехь жижиг даттарал сов «Грозный-ситехь» Зезагийн паркехь хир йолчу фестивалехь кхача кечбаран говзалла гойтур ю кхачанчаша, иштта уьш къовсалур бу цхьацца даарш деш а. Хьалхара «Шашлык-Машлык» фестивал хилира Соьлж-ГIалахь стохка Оханан- беттан 22-чу дийнахь. Цигахь дакъалоцуш бара Нохчийчура а... Читать дальше...
Москох Боткинан цIарахчу дарбанан цIийнехь велла «МММ» финансийн пирамида кхоьллина Мавроди Сергей. Цуьнан дара 62 шо. «МК» газето яздарехь, кIирандийнахь автобус социйлера кхачийнера иза дарбанан цIийне. Дог лазадаьлла ше, бохуш хиллера иза. Лоьраш кхайкхинера ларамаза тIехволучу стага. Мавродина дарба дан аьтто ца баьлла лоьрийн. Оршотан дийнахь иза велла. 90-чу шерашкахь Мавродис кхоьллинера 10-15 миллион Iехавелла йолу «МММ» олу финансийн пирамида. Цу кепара бозбунчалла лелорна и стаг чувоьллира, 4 шо ах шо хан а тоьхна. Читать дальше...
Соьлж-ГIаларчу «Лента» супермаркетана хьалха юха а дIахIиттина полисхой. Уьш къелхевшина бу цу туькана малар эца богIучу нохчийн къомаъх болчу нахана. Корта бахо малар а эцна арабевллачаьргара иза циггахь дIадоккху. Кхерамаш а туьйсу полисхоша эцархошна, баттахь орчохь валлор ву бохуш. Цхьа бутт хьалха полицин белхахоша «Лентана» бина го баьстинера, федералан кхерамазаллин сервисан (ФСБ) белхахоша шайца буй-тIарий динчул тIаьха. Хаамийн гIирсашкахь цунах лаьцна хаамаш баьржинчул тIаьхьа юха а дIахIиттина полисхой.
ЧIир кхобуш хиллачу шина тайпана маслаIат карийна ГIалгIайчохь. Церан луралла дахделлера 8 шарахь, хаам бо Интерфаксо. ЧIирхой куьйгабахийтарехь дакъалоцуш вара ГIалгIайчоьнан куьйгалхо Евкуров Юнус-Бек а, диндай а, ткъа иштта 300 сов стаг а. 2009-чу шарахь дов даьлчул тIаьхьа цу шина агIора вийнера 5 стаг.
Оьрсийчоьнан эскаран коьртачу штабан Коьртачу Талламан Урхаллан (ГРУ) эпсар хиллачу Скрипаль Сергейс а, цуьнан йоIа Юлияс а GPS дIяйина хилла 4 сохьтана шайн мобилан телефонашна тIехь, кхетамчуьра даьлла Британерчу Солсбери гIалин юккъехь гIанта тIехь и шиъ кароле хьалха. Цунах лаьцна хаам бина The Times газето, шен хьастана тIе а тевжаш. Газето дуьйцу, цу гIуллакхо аьтто бина хила мега Скрипалан а, цуьнан йоIан а къайлаха цхьаьнакхетар дIадахьа. Иза хIун меттиг хилла цкъачунна хууш дац. Скотланд-Ярдана комментари ян ца лиина цу хьокъехь... Читать дальше...
Кемеровохь "Зимняя вишня" махбаран а, садаIаран комплексехь цIе ялар бахьана долуш велла 53 стаг. Царна юкъахь бераш ду. 11 стаг карош вац. Цунах лаьцна хааам бина ТАСС агенталло. ЦIе дIаяйина. Иза яларан бахьана цкъачунна хууш дац. Талламхоша лаьцна 4 стаг, шайна юкъахь цу центран долахо Судденок Надежда а йолуш. Тешаш дийцарехь, цIе яларан сигнало болх ца бина.
Исторехь дуьххьара Австралера Британерчу Лондонан ХIитроу аэропорте, охьа а ца хууш, рейс йина кемано. Qantas Airlines компанин лайнеро бина 14 500 километр некъ 17 сохьтехь. И рейс йина Boeing 787-9 Dreamliner кемано. Цо нисса ах кIезиг мехкадаьтта дойу Boeing 747 дойучулла а. Boeing 787-9 Dreamliner кема новкъа далале вистхуьлуш Qantas Airlines авиакомпанин куьйгалхочо Джойс Алана дIахьедар дина, керла рейс керла хьал кхуллуш ю аьлла. Цо дагадаийтина и компани кхуллуш Австралера кеманахь Британе кхача 4 де оьшуш хилла хилар а... Читать дальше...
Iамеркехь велла Маршо Радио, Маьрша Европа радиостанцин куьйгалхойх хилла волу Гелисханов Руслан. Иза Маршо Радио корпорацехь болх беш вара 1974-чу шарахь дуьйна, цкъа дуьххьара Мюнхенехь, цул тIаьхьа ПрахIехь. Дуккха а шерашкахь Гелисханов Руслан вара Маршо Радион Оьрсийн сервисан продюссер а, 2012-чу шарахь цхьана юькъана цу сервисан директоран декхарш кхочуш дирийг а. Гелисханов Руслан вара Маршо Радио радиокорпораци кхоьллинчхьана цигахь болх беш хиллачу ветеранан Гелисханов ИбраьхIиман кIант в. Читать дальше...
