Шемахь доьхначу Оьрсийчоьнан Ан-26 тIеман кеманна тIехь хилла 39 стаг аьлла, дIахьедар дина Оьрсийчоьнан тIеман министралло, хаам бо РИА «Новости» агенталло. Кема доьхна Хмеймим аэродромехь охьахууш. Цу тIехь хилла 33 некъахо а, экипажан 6 стаг а велла. Уьш берш эскархой хилла. Оьрсийчоьнан талламан комитетан белхой бу хилларг толлуш.
Брегенц гIалахь оршотан сарахь дIадаьхьначу цхьаьнакхетарехь дийцаре дира нохчашна тховкIело яларца тIаьхьарчу хенахь Австрехь кхоллало хьал. „Хьашт юй нохчашна азюль? Уьш хIинца а кхузахь хIунда бу?“ аьлла цIе тиллинчу дискуссехь дакъалоцуш вара леррина Страсбургера кхайкхина валийна нохчийн адамийн бакъонашларъярхо Ибрагимов Сайд-Эмин. Иштта Венера еанера евзаш йолу меттигера журналист Шолль Сюзанне а. Дуккха а шерашкахь Оьрсийчохь болх бина а, масийттоза Нохчийчохь хилла а ю иза. Цул сов,... Читать дальше...
Кхиъ шина баттахь талламан изоляторехь латтор ву Титиев Оюб. Иштта сацам бина Старопромыслан кIоштан суьдо тахана шен хиллачу кхеташонехь. Суьдхочо Минцаев Вахас кхерам бу аьлла хета шена элира Титиевс ша араваьлча оцу гIуллакхан тешашна а, талламхjшна а Iаткъам барна. Стигалкъекъа-беттан 9 де тIекхаччалц яхйина бакъонашларъярхо чохь йоккхур йолу хан.
Къилбаседа Корейн лидер Ким Чен Ын кийча ву дийцарш дIадоло Iамеркан Цхьаьнатоьхначу Штаташца. Цунах лаьцна хаам бина The New York Times газето, Къилба Корейн Iедалан векалшна тIе а тевжаш. Хьалхо хаам баьржира, ша куьйгалле хIоьттинчул тIаьхьа дуьххьара Ким Чен Ын Къилба Корейн делегацица цхьаьнакхетта хиларх лаьцна. Къилба Корейн официалан векалш Пхеньяне баханера оршотан дийнахь. Reuters агенталло бинчу хаамца, Сеулан Iалашо ю Къилбаседа Корейн а, Цхьаьнатоьхначу Штатийн а юкъаметтигаш тояр.
Кхелан кхеташонехь дакъалоцуш ву леррина Титиевна гIортор ян Соьлж-ГIала веана Оьрсийчоьнан президентан харжамашкахь дакъалоцуш волу Явлинский Григорий. Суьдехь вист хилира вевзаш волу политик. Ша дошлардаран тоьшалла а хилла Титиев Оюб талламан изоляторера араваккхар дийхира цо.
Титиев Аюбан тIехь йоьдучу кхелан рогIера кхеташо дIайирзина Соьлж-ГIалахь. Старопромыслан кIоштан кхело дуьйцуш ду дов луьстучу ханна иза мукъаваккхахьара аьлла адвокаташа дина дехар. Титиев водур ца хиларх жоп ло шаьш аьлла, дIахьедарш динера Оьрсийчоьнан президентан харжамашкахь дакъалоцучу кандидаташа Собчак Ксенияс а, Явлинский Григорийс а. Явлинский ша а веанера цу кхелан кхеташонехь дакъалаца. Суьдехь дош олуш, политико дIахьедар дира, Титиев шена дукха хенахь дуьйна вевзаш стаг хиларх лаьцна а... Читать дальше...
Кху тIаьхьарчу 4 баттахь 26 политикан тутмакх тIекхетта Оьрсийчохь а, цу пачхьалкхо дIалаьцначу ГIирмехь а. Цунах лаьцна хааам бина шинарин дийнахь «Меморал» адамийн бакъонаш ларъечу центро. Карладаьккхинчу цIейозана тIехь ву 143 стаг. Уьш бу коьртачу декъана дин бахьана долуш чубоьхкина ГIезалойчуьра а, ГIирмера а бусалбанаш. "Мемориало" билгалбаьхначу политикан тутмакхашна юкъахь ву иштта оппозицин жигархо Гальперин Марк а, Нохчийчуьрчу «Мемориалан» декъан куьйгалхо Титиев Оюб а, кхин а масийтта стаг а.
Iамеркан администраци дийцаре деш ю Шеман Iедалан ницкъашна тIеман тохарш дарца доьзна хаттар. Иштта жоп дала дагахь ю Вашингтон, Асадан ницкъаша Шемахь дIаьвшен герз лелийна хиларна. Цунах лаьцна хаам бина The Washington Post-о. Цу газето яздарехь, президенто Трамп Доналда дехар дина шен Iедалан векалшка, цу тайпа тохарш дарца доьзна хаттар талла аьлла, Шемахь хлор лелийна хилар гучудалар бахьана долуш.
Оьрсийчоьнан «Мемориалан» Нохчийчуьрчу декъан куьйгалхо Титиев Оюб кхин дIа а талламан изоляторехь латторах лаьцна сацам беш ю Старопромыслан кIоштан кхел. Цу кхелан кхеташонехь дакъалоцуш ву леррина Титиевна гIортор ян Соьлж-ГIала веана Оьрсийчоьнан президентан харжамашкахь дакъалоцуш волу Явлинский Григорий. Суьдехь ша дошлардаран тоьшалла а хилла бакъонашларъярхо Титиев талламан изоляторера араваккхар доьхуш кечдина кехат дIадала дагахь ву иза. Вевзаш волу политик дагахь... Читать дальше...
Оьрсийчоьнан президентан харжамашкахь дакъалоцуш волу Явлинский Григорий кхаьчна Соьлж-ГIала, Старопромыслан кIоштахь Титиев Оюбана тIехь дIайоьдучу суьдехь дакъалаца. Вевзаш волу политик дагахь ву ша, дошлардаран тоьшалла а хилла, бакъонашларъярхо Титиев талламан изоляторера араваккхар доьхуш кечдина кехат дIадала суьдхочуьнга. Цу тайпа дехар ша суьде дина Титиев Оюб шена вевза дуккха а хан хиларна, боху Явлинский Григорийс.
Оьрсийчохь пачхьалкхана ямартло йина аьлла 2006-чу шарахь 13 шо а тоьхна чувоьллина хиллачу Коьрта Талламан Урхаллан (ГРУ) хиллачу эпсарна Скрипаль Сергейна девзаш доцу дIовш малийна хила мега. Цунах лаьцна яздо ББС-но. 66 шо долу Скрипаль кIирандийнахь дIакхачийнера дарбанан цIийне, Солсбери гIалахь махбаран центран уллехь цунна во хиллачул тIаьхьа. Цуьнца цхьаьна клинике охьайиллина 33 шо долу зуда а. Британин Iедалша комментари ца йина хиллачунна. Амма ББС-ин кхерамазаллан хаттаршкахула волчу... Читать дальше...
Оьрсийчоьнан президентан харжамашкахь дакъалоцучу Собчак Ксенияс дехар дина Оьрсийчуьрчу Талламан комитетан Нохчийчуьрчу урхалле а, Старопромыслан кIоштан кхеле а, ша дошлардаран тоьшалла а хилийте, Титиев талламан изоляторера дIахеца аьлла. Цунах лаьцна хаам бина «Эхо Москвы» радион эфирехь. Собчака хьалха а масийттоза дехар динера Титиев дIахеца аьлла.
