Новости за 23.08.2018

АКШнын мамлекеттик катчысы Майк Помпео жана Орусиянын тышкы иштер министри Сергей Лавров телефон аркылуу сүйлөшүүдө орус түрмөсүндө жазасын өтөп жаткан украиналык режиссер Олег Сенцовдун абалын талкуулады. Бул тууралуу Орусиянын Тышкы иштер министрлиги маалымдады. Сүйлөшүү АКШ тараптын демилгеси менен болгон. Лавров сүйлөшүүдө америкалык кызматташына АКШда кармалган Мария Бутинаны бошотуу маселесин койгон. АКШда магистратурада окуп жүргөн орусиялык студент Бутина быйыл июлдун ортосунда кармалган. Читать дальше...

АКШ президентинин улуттук коопсуздук боюнча кеңешчиси Жон Болтон Москванын өкүлүнө алдыдагы шайлоого Орусия тараптан кийлигишүү боло турган болсо, “чыдашпай турганын” эскерткенин шаршембиде журналисттерге билдирди. Ал 23-августта Женевада Орусиянын Коопсуздук кеңешинин катчысы Николай Патрушев менен кездешти.  Швейцариядагы жолугушуу беш саатка созулуп, жабык өттү, журналисттер киргизилген жок. Анда Сириядагы согуш, Ирандын өзөктүк курал маселеси, Украинанын чыгышындагы жаңжал жана АКШнын санкциялары... Читать дальше...

“Баркыт революциясы” менен келген армян өкмөтүнө 100 күн. Никол Пашинян эмнени өзгөртө алды? Коррупция менен күрөш максатына жеттиби? Жаштардын командасы кандай иштеп жатат? Аларга элдин ишеними кандай?

Жети жылдан бери чабандардын балдары үчүн жайлоо бала бакчасы уюштурулуп келатат. Бул жылы бала бакча Нарындын Ак-Сай, Арпа жайлоолоруна көчүп барган. "Азаттыктын" тобу "Роза Отунбаеванын демилгелери" фонду менен чогуу "Жеткинчек" бала бакчасына барып, бул тууралуу даректүү тасма даярдап келген. Бул тасма маркум журналист Уланбек Эгизбаевдин акыркы эмгектерин бири.

Кыргызстандын жана Түркмөнстандын президенттери Сооронбай Жээнбеков менен Гурбангулы Бердымухаммедов бүгүн Ашхабадда өткөн сүйлөшүүлөрдөн кийин билдирүү жасашты. «Бүгүн биз стратегиялык өнөктөштүк тууралуу Декларацияга кол койдук. Бул эки тараптуу мамилелердеги тарыхый окуя болуп калат жана Кыргызстан менен Түркмөнстан достугунун жана кызматташтыгынын тарыхынын жаңы барагын ачат», - деп белгиледи кыргыз президенти. Ошону менен катар Жээнбеков "бүгүнкү сүйлөшүүлөр кыргыз-түркмөн байланыштары бекемделсе... Читать дальше...

АКШ президенти Дональд Трамп эгер ага импичмент жарыялана турган болсо, базар "астын-үстүн" болот деп эскертти. Бул тууралуу ал бейшемби күнү "Fox & Friends" телепрограммасында билдирди. Америка лидери: "Президенттик кызматта эң жакшы иштеп жаткан адамга кантип импичмент жарыялоого болсун?" деди. Трамп эгер ал келерки шайлоодо кайра шайланбай кала турган болсо, "АКШнын экономикасы начарлайт" деген божомолун да айтты. Өзүнүн президенттик кызматын экономикалык жактан ийгиликтүү деп атаган мамлекет башчынын көз карашында... Читать дальше...

АКШнын президенти Дональд Трамптын шайлоо штабынын мурдагы башчысы Пол Манафорттун Кыргызстандагы изи тууралуу маалымат талкууга түштү. Буга чейин "Проект" басылмасы Манафорт 2005-жылдан соң Бишкекке келип, мурдагы президент Курманбек Бакиевге АКШнын авиабазасын чыгаруу боюнча кеңеш бергенин жазып чыккан. Ошол кезде Бакиевге жакын адамдар жана бийликте тургандар мындай маалымат тууралуу кабары болбогонун айтышууда.

Кофи Аннан БУУнун баш катчыларынын арасынан эң бир көрүнүктүү, жөнөкөй болсо да күчтүүсү болду. Мындай пикирин «Азаттык» радиосу менен болгон маегинде Кыргызстандын экс-президенти Роза Отунбаева билдирди. Аннан 18-августта 80 жашында оорудан улам көз жумду.

“Коопсуз шаар” долбоорун ишке ашырууга кызыккан компаниялардын онлайн сынагы үзгүлтүккө учурады. Маалымат технологиялары жана байланыш боюнча мамлекеттик комитет муну техникалык себептер менен түшүндүрүп, "бир-эки күндүн ичинде жыйынтыгы жарыяланат" деп убада берди.

23-августтагы расмий курс боюнча бир АКШ доллары 68,52 рублди түздү, башкача айтканда, доллар кечээкиге караганда бир рублга өскөн. Бул - эки жыл аралыгындагы доллардын рублга карата эң жогорку кымбаттоосу. Орус акчасынын куну еврого карата да бир рублга төмөндөгөн. Рублдин курсу август айынын башында АКШ Орусияга жаңы санкцияларды салаары тууралуу маалыматтар чыкканда төмөндөй баштаган. Британияда мурдагы орус тыңчысы Сергей Скрипаль менен анын кызы Юлиянын ууландырылышына байланыштуу АКШнын Орусияга... Читать дальше...

Мамлекеттик экологиялык жана техникалык коопсуздук боюнча инспекциянын басма сөз катчысы Анара Мамбеталиева кызматташтарын коррупциясыз иштөөгө чакырганы үчүн иштен мыйзамсыз алынганын айтып даттанып чыкты. Ал буга чейин мекеменин имаратынын ичинде плакат кармап пикет өткөргөн. Мекеменин жетекчилиги Мамбеталиева комиссиянын жыйынтыгы менен мыйзамдуу түрдө иштен алынганын айтып жатышат.

Украинанын чыгышындагы Крым айылынын аймагындагы 23-августтун таңыда башталган украин жоокерлери менен жикчилдердин ортосундагы кармаштар басаңдап калды. Бул тууралуу Украинанын Коргоо министрлигинин өкүлү Дмитрий Гуцуляк билдирди. Анын айтымында, таң эрте аскерлерге кол салган куралдуу жикчилдер Бахмут жолундагы кароол бекеттерди ээлеп алууга аракеттенген. Кармаш учурунда беш жоокер каза тапкан. БУУнун билдирүүсүндө, Украинанын чыгышында чатак башталган 2014-жылдан бери 10 250 киши өлүп, 24 600 адам жарадар болгон. Читать дальше...

Индонезияда өтүп жаткан Азия оюндарында өзбекстандык 43 жаштагы Оксана Чусовитина спорттук гимнастиканын кол тиреп секирүү түрү (vault) боюнча күмүш медал алды. Алтынды Түштүк Кореянын 16 жаштагы спортчусу Се Жинг Е илип кетти.  Өзбекстанда туулган Оксана Чусовитина 1992-жылдагы Барселона Олимпиадасынын чемпиону, 1991-жылы дүйнө чемпиону болгон. 2002-2006-жылдары Германиянын атынан мелдештерге катышса, 2007-жылы Өзбекстанга кайра кайтып келген. 18-августта башталган XVIII Жайкы Азия оюндары 2-сентябрга чейин уланат. Читать дальше...

АКШ менен Кытай бири-биринин дагы 16 миллиард доллардык товарларына кошумча бажы салыгын киргизишти. Москва сентябрь айында Ооганстан боюнча тынчтык сүйлөшүүлөрүн өткөргөнү турат. Бирок Кабул менен Вашингтон бул жыйынга эмне үчүн катышпайт? Өзбекстанда негизги телеканалдарга мурдагы президент, маркум Ислам Каримовдун атын эфирде атоого тыюу салынганы белгилүү болду.

Ош шаарында көп кабаттуу үйлөрдүн сырткы дубалдары ар кандай түстөргө боёлуп, кооздоло баштады. Бул тууралуу “Азаттыкка” мэриянын басма сөз катчысы Азамат Абсаттаров билдирди. Анын айтымында, биринчилерден болуп шаардын Төрөбай Кулатов кичирайонундагы №6 жана №8 көп кабаттуу имараттары сырдалды. Мындан сырткары, үйлөрдүн алдындагы мыйзамсыз курулган гараждар, соода жайлары, күркөлөр, тосмолор сүрдүрүлүп, жолдору кеңейтилди. Андан кийин көп кабаттуу үйлөрдүн алдына балдар аянтчаларын куруу, жашылдандыруу иштери жүргүзүлө баштайт. Читать дальше...

“Азаттыктын” журналисти, маркум Уланбек Эгизбаевдин “Көрүстөндөгү коррупция” аттуу иликтөөсүндө айтылган фактыларга байланыштуу “Бишкектин аза кызматтар агенттиги” (“Бишкекское агентство ритуальных услуг”) муниципалдык ишканасынын жооптуу кызматкерлерине кылмыш иши козголду. Бул тууралуу “Азаттыкка” Башкы прокуратура кабарлады.  Ишти Бишкек шаардык прокуратурасы козгоп, Экономикалык кылмыштарга каршы күрөш боюнча мамлекеттик кызматтын (Финполиция) Бишкек шаардык башкармалыгына өткөрүп берди. Учурда тергөө уланууда. Читать дальше...

24-августта түнкүсүн жаан-чачын болбойт. Күндүз Ысык-Көл, Нарын облустарында жана Чүй, Талас, Ош, Жалал-Абад, Баткен облустарынын тоолуу райондорунда өткүн өтөт, өрөөндөрүндө жаан-чачын жаабайт. Батыштан соккон шамалдын ылдамдыгы секундасына 4-9 метрден, күндүз 15-20 метрге чейин жетет.  Абанын температурасы: Чүй өрөөнүндө түнкүсүн 12...17, күндүз 24...29, Талас жергесинде түнкүсүн 7...12, күндүз 24...29, Ош, Баткен, Жалал-Абад облустарында түнкүсүн 14...19, күндүз 24...29, Ысык-Көл дубанында түнкүсүн 8...13... Читать дальше...

Кыргызстандын белгилүү окумуштуусу Үмүт Култаева “Кытай адабиятын жайылтууга кошкон салымы үчүн” деген сыйлыкка татыды. Кытай өкмөтүнүн бул эл аралык сыйлыгын тапшыруу салтанаты Бээжин шаарында өттү. Филология илимдеринин доктору, профессор Култаева мындай премияга татыган алгачкы кыргыз илимпозу болуп калды. Кытай өкмөтү бул сыйлыкты 2005-жылы негиздеген. Аны менен кытай адабиятын жайылтууга жана эл аралык маданий кызматташтыкты өнүктүрүүгө салым кошо алган белгилүү котормочулар, жазуучулар жана окумуштуулар сыйланат. Читать дальше...

АКШ менен Кытайдын соода тиреши күчөдү. Ушул бейшембиден тартып эки тарап тең бири-биринин дагы 16 миллиард доллардык товарларына кошумча бажы салыгын киргизишти. Жалпысынан дүйнөнүн эң ири эки экономикасы быйыл июль айынын башынан тартып кошумча тариф койгон өндүрүмдүн акчалай наркы 100 миллиард долларга жетип калды. "Соода согушу эми глобалдык экономикалык өсүшкө терс таасир этеби?" деп кооптонгондор да бар.

Италия Жер ортолук деңизинде бир жума мурда куткарылган 177 мигранттын басымдуу бөлүгүн өлкөгө киргизбей жатат. Үч күндөн бери Катания портунда токтоп турган "Дициотти" кемесинен 22-августта гана жашы жете электерге жээкке чыгууга уруксат берилди.  Италиянын ички иштер министри Маттео Сальвини Евробиримдиктеги башка өлкөлөр качкындарды кабыл алууга макул болсо гана алар өлкө аймагына киргизилерин билдирди. Кемедеги мигранттардын көбү Африкадагы Сомали, Эритрея мамлекеттеринин жарандары.  Италия... Читать дальше...

"Коопсуз шаар" долбоорун ишке ашырыш үчүн сынакка катышкан компанияларды тандоо боюнча Мамлекеттик сатып алуу порталынын онлайн системасы бузулуп, аукцион үзгүлтүккө учурады. Журналисттердин көз алдында өтүп жаткан сынакта система алгач аукциондун жыйынтыгын чыгарып, анда "Мега-Лайн" жоопкерчилиги чектелген коомун жеңүүчү деп таап, ал 50,5 млрд. сом сунуш кылганын көрсөттү. Бирок комитеттин IT адистери мындай сан жаңылыш болушу ыктымал экенин айтып, системаны оңдоого аракет кылып жатышат. Анткени долбоорду ишке ашырууга 2,5 млрд. Читать дальше...

Франциянын Парижден алыс эмес Трап шаарында 23-август күнү эртең менен бычак көтөргөн адам кишилерге кол салды. Мындан эки аял өлүп, дагы бирөө оор жаракат алды. Бул тууралуу күч органдары кабарлады.  Франциянын Ички иштер министрлигиндеги булактардын билдиришинче, өлгөн эки аял кылмышка шектүүнүн апасы жана карындашы болгон. Кол салууга эмне себеп болгону белгисиз. BFM TV телеканалынын маалыматы боюнча жаңжалга турмуштук чыр-чатак себеп болгон. Маалыматтарга караганда, кол салган адам 1982-жылы... Читать дальше...

Өзбекстандын Улуттук телерадиокомпаниясынын курамына кирген бардык телеканалдардын редакторлоруна эфирде өлкөнү 27 жыл башкарган биринчи президент, маркум Ислам Каримовдун атын атоого тыюу салынды. Мындай буйрукту президент Шавкат Мирзиёевдин мамлекеттик кеңешчиси Хайриддин Султанов бергенин “Азаттыктын” өзбек кызматы өз булактарына таянып кабарлады. Бир телеканалдын башкы редакторунун айтымында, мындай тыюу бир ай мурун салынган.  "Интеллигенциянын эски мууну дайыма Каримовду эскере жүрөт. Андыктан... Читать дальше...

“Ата Мекен” партиясынын камактагы лидери, мурдагы депутат Өмүрбек Текебаевдин мындан аркы дарылануусун аныкташ үчүн 23-августта өтө турган дарыгерлердин консилиуму болбой калды. Бул тууралуу анын адвокаты Таалайгүл Токтакунова билдирди. Анын айтымында, Улуттук кардиология борборунун кызматкерлери кеңешмени эки күндөн кийин, 25-августта өткөрө турган болушту. Ошондо бейтаптын абалы талданып, мындан аркы дарылануусу каралат.   Текебаев №47 абактан Бишкектеги Мирсаид Миррахимов атындагы Улуттук... Читать дальше...

Жалал-Абадда быйыл мистенин түшүмү жакшы болуп, баасы да жылдагыдан жогору болуп жатат. Облустагы токой чарбалары быйыл жалпысынан 7 тоннадан ашык мисте жыйноонун камын көрүүдө. Ал арада токойлордон өз алдынча мисте терүү өнөктүгү да күч алды.